Ազգային ժողով

Համենայնդեպս, ԱԺ նախորդ քառօրյայում այդպիսի պայմանավորվածություն էր ձեռք բերվել ՀՀԿ-ի եւ ՀԱԿ-ի միջեւ: Անցած երկու շաբաթների ընթացքում խորհրդարանական այս երկու ուժերը պետք է փորձեին ընդհանուր համաձայնության գալ ՀԱԿ-ի հեղինակած նախագծի 3-րդ հոդվածի «գ» կետի շուրջ: Հիշեցնենք, ՀՀԿ-ն առաջարկել էր նախագծում ավելացնել, որ քրեական գործի վարույթին մասնակցած կամ մասնակցող քննիչները, հետաքննիչները ժամանակավոր հանձնաժողովին կարող են պարզաբանումներ տալ միայն սեփական նախաձեռնությամբ: ՀԱԿ պատգամավոր Գագիկ Ջհանգիրյանը, սակայն, հայտարարել էր, որ դա բոլորովին ընդունելի չէ իրենց համար: Երբ ԱԺ պետաիրավական հանձնաժողովի նախագահ Դավիթ Հարությունյանին հարցրեցինք, թե այս օրերին կողմերին ինչ համաձայնության է հաջողվել գալ, նա պատասխանեց. «Չգիտեմ, զանգեք ֆրակցիայի ղեկավարին»: ՀՀԿ խմբակցության ղեկավար Գալուստ Սահակյանը մեզ հայտնեց, որ առայժմ չի հաջողվել որեւէ համաձայնության գալ: «Երեկ էլ եմ խոսել Ջհանգիրյանի հետ, այսօր էլ, ինքն էլ է ընդունում, որ կարող ես հրավիրել, բայց հրավիրվողն էլ օրենսդրորեն իր իրավունքներն ունի, կարող է հրավերքը չընդունել: Այսինքն, հրավիրելու իրավունք ունի ԱԺ ցանկացած հանձնաժողով, բայց նաեւ կարող են հրավերքը չընդունել: Այսինքն, այդ կետը մեզ մոտ դիտարկվում է որպես ավելորդ շոուի տեսարան:

ԱԺ նախագահ Հովիկ Աբրահամյանը երեկ կատարել է նախօրեին տված իր խոստումը: Նրա հրահանգով խորհրդարանի պաշտոնական կայքում հրապարակվել են ԱԺ նիստերից բացակայող պատգամավորների անունները: Հիշեցնենք, Աբրահամյանը լրագրողների հետ զրույցում ասել էր, որ նիստերից բացակայել շարունակող պատգամավորների հանդեպ այլ պատժամիջոցներ եւս կկիրառվեն:

Խորհրդարանում երեկ կադրային փոփոխություններ են տեղի ունեցել: ԱԺ հասարակայնության եւ տեղեկատվության միջոցների հետ կապերի վարչության պետ Հրայր Զորյանն ազատվել է աշխատանքից եւ նշանակվել ԱԺ նախագահի խորհրդական: Նրա փոխարեն այդ պաշտոնում նշանակվել է ԱԺ նախագահի մամուլի խոսնակ Գոհար Պողոսյանը, ով նախկինում եւս եղել է սույն վարչության ղեկավարը:

Երեկ «Հայացք» ակումբում լրագրողների հետ հանդիպման ժամանակ «Բարգավաճ Հայաստան» կուսակցության մամլո խոսնակ, պատգամավոր Տիգրան Ուրիխանյանը Գագիկ Ծառուկյանի եւ Գուրգեն Արսենյանի` ԱԺ նիստերից բացակայություններն արդարացնելու նպատակով հայտարարել է, որ պատգամավոր աշխատել, չի նշանակում` նիստին ներկա լինել: Լրագրողներից մեկը Տիգրան Ուրիխանյանին հիշեցնելով, որ ԲՀԿ խմբակցության ղեկավար Գ. Ծառուկյանը գրեթե չի մասնակցում ԱԺ նիստերին, շատ բացականեր ունի նաեւ Գ. Արսենյանը, հարցրել է, թե հիմա ընտրողն իր վստահության քվեն ինչպե՞ս է տալու ԲՀԿ-ին: «Առաջնորդ Ծառուկյանը 24-ժամյա ռեժիմով համակարգում, ղեկավարում, կոորդինացնում է, իրականացնում է ԱԺ-ում «Բարգավաճ Հայաստան» խմբակցության աշխատանքը: Բացառապես Գ. Ծառուկյանը: Դա է խորհրդարանական աշխատանքը: Այն օրենսդրական նախաձեռնությունները, որոնք ԲՀԿ-ն իրականացնում է, ներկայացվում են միանշանակ առաջնորդի առնվազն հավանությամբ: Չի կարող էդտեղ ինչ որ բան տեղի ունենալ` առանց իր գիտության:

Բացակայող պատգամավորները նաեւ գործուղումների չեն ուղարկվի: Հարցին՝ արդյո՞ք Գագիկ Ծառուկյանը եւս կզրկվի աշխատավարձից, Հովիկ Աբրահամյանը պատասխանել է. «Անկախ անունից ու ազգանունից, ով չմասնակցի` չի ստանալու»: ԱԺ նիստի ժամանակ նա նկատողություն էր արել պատգամավորներին՝ հորդորելով՝ չբացակայել նիստերից, նիստերի ժամին միջանցքներում չքայլել եւ քարտուղարությանը հանձնարարել էր՝ ԱԺ կայքում տեղադրել բացականների անունները, իսկ ԶԼՄ-ներին խնդրել էր՝ տարածել նրանց անունները: Աբրահամյանը երեկ հարցազրույց է տվել «ՀԺ»-ին եւ խոսել իր անվան շուրջ պտտվող ուշագրավ լուրերի մասին:

տես էջ 3

ԱԺ ՀՅԴ խմբակցության պատգամավոր Վահան Հովհաննիսյանը երեկ խորհրդարանական հայտարարությունների ժամին անդրադարձավ Գյումրիում հնչած կրակոցներին: Հիշեցնելով, որ ՀՀ ոստիկանապետը հայտարարել էր, թե որոշ պատգամավորներ զանգահարել են եւ խնդրել՝ ցուցմունք չվերցնել կրակոցների հետ առնչություն ունեցած անձանցից, Հովհաննիսյանը հայտարարեց, որ նման միջնորդություններով ոստիկանություն դիմած պատգամավորների հարցը պետք է քննարկվի ԱԺ էթիկայի հանձնաժողովում: «Ոստիկանապետը հայտարարեց, որ ԱԺ որոշ պատգամավորներ զանգել են իրեն, փորձել են ճնշման կամ խնդրանքի մեխանիզմներ օգտագործելով, քաղաքը տասնամյակներով տեռորի ենթարկած կլանների ներկայացուցիչներին ազատել ցուցմունք տալուց, որովհետեւ գողական հասկացողությամբ՝ չի կարելի ցուցմունք տալ: Դիմենք ոստիկանապետին, ստանանք այն պատգամավորների անունները, ովքեր դիմել են նման այլանդակ խնդրանքով եւ նրանց հարցաքննենք: Ես ուզում եմ իմանալ՝ էս դահլիճի խառոշիներն ովքեր են, որ կարող են ինձ պարտադրել՝ ցուցմունք տալ կամ չտալ: Էդ ովքե՞ր կարող են խոսել այն ինստիտուտի անունից, որում ես էլ եմ ներկայացված, ովքեր կարող են դիմել ոստիկանապետին՝ ասելով, որ՝ թող մեր ախպերները ցուցմունք չտան, որովհետեւ ամոթ է»,- ասաց Հովհաննիսյանը:

Այդ արշավը դրսեւորվել եւ դրսեւորվում է տարբեր ԶԼՄ-ներում հրապարակվող անհեթեթ ու թունոտ նյութերով, պատերի տակ արվող «մուտիլովկաներով», սոցցանցերում թողնվող նույնաբովանդակ ճղճիմ գրառումներով եւ այլն: Մեկ տարի շարունակվող սույն արշավը երեկ նոր դրսեւորում ստացավ: ԱԺ ավանդական հայտարարությունների ժամին, երբ լրագրողները սպասում էին, որ մայիսի 5-ին տեղի ունենալիք Երեւանի ավագանու ընտրություններից առաջ, վերջին անգամ օգտագործելով ԱԺ ամբիոնը, ՀՀԿ-ն եւ նրա կոալիցիոն նախկին գործընկեր ԲՀԿ-ն, որն իրեն համառորեն փորձում է տեղավորել ընդդիմադիր դաշտում, հերթական կոնտրգրոհը կկազմակերպեին, տեղի ունեցավ այլ բան: Դահլիճում կային ԲՀԿ-ական երկու պատգամավորներ, որոնցից միայն մեկը ելույթ ունեցավ եւ այն էլ` բոլորովին այլ թեմայով, որից հետո երկուսն էլ արագ հեռացան: Փոխարենը, ՀՀԿ-ն չափի մեջ «կծմծեց» ԲՀԿ-ին, իսկ երիտասարդ ՀՀԿ-ական Կարեն Ավագյանի ելույթից լրագրողները հարցական հայացքներով իրար դեմքի նայեցին:

ԱԺ ՀՀԿ խմբակցության ղեկավար Գալուստ Սահակյանը, սակայն, առաջարկեց քվեարկությունը հետաձգել մինչեւ հաջորդ քառօրյա: ՀՀԿ-ն 7 նոր առաջարկություններ էր ներկայացրել, որոնք, ինչպես ԱԺ ամբիոնից ասաց Գալուստ Սահակյանը, նախօրեին քննարկել են նաեւ հարցով հիմնական զեկուցող Գագիկ Ջհանգիրյանի հետ: «Կարծում եմ, որ այն թյուր կարծիքը, որ այս ընթացքում անընդհատ խոսակցություններ էին գնում, թե Հանրապետականը չի ուզում, որ նախագիծը անցնի, դա թվացյալ է: Հանրապետականը ոչինչ չունի թաքցնելու, եւ բնականաբար, քննարկումներն էլ հենց դրանից են բխում, բազմաթիվ անգամներ քննարկել ենք Ազգային ժողովի նախագահի մոտ, եւ կարծում ենք, դեռ քննարկման խնդիրներ ունենք, մինչեւ օրինագիծը բոլոր կողմերից ընդունելի դառնա»,- ասաց Գալուստ Սահակյանը: Հիմնական զեկուցող Գագիկ Ջհանգիրյանը, անդրադառնալով ՀՀԿ-ի ներկայացրած առաջարկներին, հայտարարեց, որ դրանք բոլորն ընդունելի են, բացառությամբ մի կետի: Բանն այն է, որ ՀՀԿ-ն առաջարկում է նախագծում ավելացնել, որ քրեական գործի վարույթին մասնակցած կամ մասնակցող քննիչները, հետաքննիչները ժամանակավոր հանձնաժողովին կարող են պարզաբանումներ տալ միայն սեփական նախաձեռնությամբ: «Սա արդեն բոլորովին ընդունելի չէ, որովհետեւ դուք շատ լավ հասկանում եք, որ այդ բոլոր քննիչները եւ հատկապես հետաքննիչները, օպերատիվ աշխատողները եւ այլն, բոլորը միասնական ենթակայության տակ գտնվող ծառայության մեջ են, կամ ոստիկաններ են, կամ ՀՔԾ-ի քննիչներ են, կամ՝ անվտանգության եւ այլն:

Ապրիլի 11-ին խորհրդարանում «Մարտի 1»-ի դեպքերն ուսումնասիրող ժամանակավոր հանձնաժողով ստեղծելու նախագծի քննարկման ժամանակ Հանրապետական խմբակցության անդամ որոշ պատգամավորներ հանդես եկան նախագծին բացահայտ դեմ քվեարկելու հայտարարությամբ: Սա տեղիք է տալիս մտածելու, որ հնարավոր է` իշխող կուսակցությունը դրժում է ընդդիմադիր ՀԱԿ խմբակցության հետ ունեցած պայմանավորվածությունը: Խոսքն այն մասին է, որ ՀՀԿ-ն դեռեւս ամիսներ առաջ ԱԺ պետաիրավական հանձնաժողովի նիստում նախագծի կոնգրեսական իր գործընկերներին փոխանցեց իր պատրաստակամությունը` «մարտի 1»-ի բացահայտմանը նպաստող հանձնաժողովի ստեղծման առումով, սակայն պայման դրեց` այն ստեղծել փետրվարի 18-ի նախագահական ընտրություններից հետո:

Հարցի քննարկման ժամանակ, սակայն, 131 պատգամավոր ունեցող խորհրդարանում ներկա գտնվողների թիվը չէր գերազանցում 25-ը: Հիշեցնենք, որ նախագծի հեղինակները ՀԱԿ խմբակցության պատգամավորներն են: Նախագծին ԱԺ պետաիրավական հարցերի հանձնաժողովը դրական եզրակացություն է տվել:

Նախագծի հիմնական զեկուցողը նախկին զինդատախազ Գագիկ Ջհանգիրյանն էր: Նա իր գործընկերներին հորդորեց դուրս չգալ հարցի բովանդակային շրջանակից եւ քննարկման ժամանակ չքաղաքականացնել մարտի 1-ի ցավոտ հարցը, որն առանց այդ էլ քաղաքական հարց է: Ջհանգիրյանը զեկույցում նշեց, որ թեեւ մարտյան դեպքերի շրջանակներում 83-ից ավելի մարդ է դատապարտվել, սակայն նրանցից որեւէ մեկի նկատմամբ սպանության կամ հրազենի կիրառման վերաբերյալ որեւէ մեղադրանք չի եղել: Սա թույլ է տալիս հետեւություն անել, որ այդ օրվա իրադարձությունների հետ կապված ոչինչ բացահայտված չէ, եւ հարյուրավոր հանցագործներ ազատության մեջ են: Իսկ գործի չբացահայտման պատճառը, ըստ Ջհանգիրյանի, այն է, որ ակտիվ նախաձեռնողական քննություն չի իրականացվել:

Մարդու իրավունքների պաշտպանի 2012թ. տարեկան զեկույցի վերաբերյալ ելույթները ԱԺ դահլիճում, ըստ պատգամավորներից մեկի, մտրակի եւ բլիթի սկզբունքով էին: Պատգամավորներից ոմանք նշեցին ՄԻՊ գրասենյակի կողմից կատարված աշխատանքի որակական փոփոխությունները, եւ քննադատեցին բացթողումների համար, հանդես գալով նաեւ համագործակցության առաջարկներով:

ՀԱԿ խմբակցության պատգամավոր Ստեփան Դեմիրճյանը նկատեց, որ, այնուամենայնիվ, մարդու իրավունքների պաշտպանության բնագավառում առաջընթաց արձանագրել չենք կարող: Ըստ Գելլափի վերջին հարցումների, Հայաստանի բնակչության 40 տոկոսից ավելին ցանկանում է հեռանալ երկրից, այդ ցուցանիշով ՀՀ-ն առաջին տեղն է զբաղեցնում հետխորհրդային 12 հանրապետությունների մեջ: Եվ պատգամավորի համար ակնհայտ է, որ մարդիկ լքում են իրենց երկիրը ոչ միայն ապրուստի միջոց, աշխատանք չունենալու, այլեւ՝ երկրում տիրող ամենաթողության, անարդարությունների եւ անօրինականությունների պատճառով: «Մարդիկ հեռանում են, որովհետեւ իրենց պաշտպանված չեն զգում սեփական երկրում, չեն տեսնում որեւէ հեռանկար եւ չեն հավատում երկրի ապագային»,-ասաց ՀԺԿ առաջնորդը:

«Տիկնայք եւ պարոնայք. Մարդու իրավունքների հարցը քաղաքական հարց է, եւ մարդու իրավունքների վիճակը պատկերացում է տալիս նաեւ երկրում առկա քաղաքական վիճակի մասին: Արտահայտու՞մ է արդյոք այս իրողությունը ՀՀ Մարդու իրավունքների պաշտպանի տարեկան զեկույցը: Անկեղծ ասած՝ դա կախված է ընթերցողի ուշադրությունից: Եթե ընթերցողը ուշադիր լինի, կարող է գտնել այս իրողության արտահայտություններ, եթե ուշադիր չլինի, կարող է ընդհանրապես չնկատել այդ իրողությունը: Եվ այս առումով ՄԻՊ զեկույցը ինչ որ առումով գոլ է ստացվել, երբեմն նույնիսկ վախվորած: Դա երեւաց նաեւ քննարկումների ժամանակ: Զեկույցում մի այսպիսի միտք կա.

«Մտահոգիչ են բազմաթիվ դեպքեր, երբ հարկային կամ մաքսային մարմինների պաշտոնատար անձինք միաժամանակ զբաղվում են նաեւ ձեռնարկատիրական գործունեությամբ: Առավել մտահոգիչ է այն հանգամանքը, որ առանձին դեպքերում ՊԵԿ պաշտոնատար անձը (կամ նրա հետ սերտորեն փոխկապակցված անձը) օգտագործել է պաշտոնական դիրքը, եւ իր հետ առնչվող ընկերությունը մրցակցային առավելություններ է ստացել միեւնույն շուկայում գործող այլ տնտեսվարողի նկատմամբ»:

Սա շատ կարեւոր շեշտադրում է: Բայց քննարկումների ընթացքում պատգամավորներից մի քանիսը դիմում էին Մարդու իրավունքների պաշտպան Կարեն Անդրեասյանին` դե կոնկրետ անուն ասա, դե անուն ասա, ՄԻՊ-ն էլ ասում էր` չեմ ասի, չեմ ասի անունը:

Երեկ հրաժարական տված կառավարության անդամներն ԱԺ էին եկել ժամանակավոր պաշտոնակատարի կարգավիճակով: ԱԺ խոսնակ Հովիկ Աբրահամյանը նույնիսկ կեսկատակ հարցրեց` չե՞ն վիրավորվում կառավարության անդամները, որ իրենց դիմում է «ժամանակավոր պաշտոնակատար»-ով: «Ամենեւին, դա սահմանադրորեն է»,-խոսնակին սփոփեց Հրանուշ Հակոբյանը:

ԱԺ-կառավարություն բանավոր հարցուպատասխանի ժամանակ ՀԱԿ խմբակցության պատգամավոր Արամ Մանուկյանն անդրադարձավ Շիրակի մարզում տեղակայված ռուսական ռազմաբազայի վերահսկողության տակ գտնվող տարածքում տեղի ունեցած դժբախտ պատահարին: Հիշեցնենք, որ ականի պայթյունից երկու երեխա էր մահացել: Նշելով, որ վերջին օրերի քաղաքական աղմուկի մեջ այս ողբերգությունը մի տեսակ ստվերվեց, պատգամավորը կառավարությանը հարցրեց, թե գոնե նախատեսվու՞մ է հետագա դեպքերը կանխարգելել, հայտնելով, որ այդ տարածքում նման դեպքեր լինում են հաճախ: Հարցին պատասխանեց Սեյրան Օհանյանը: Ըստ նրա՝ ՌԴ 102 ռազմական բազան պայմանագրերի համապատասխան օգտագործում է ՀՀ-ի համապատասխան միջոցները` հողերը եւ այլ շինությունները:

Նախօրեին ԱԺ կենտրոնական մասնաշենքի նկուղից ծուխ էր բարձրացել: Երեկ ԱԻՆ-ը հաղորդագրություն տարածեց, ըստ որի ՀՀ ԱԻՆ հրդեհային եւ տեխնիկական անվտանգության տեսչության եւ ՀՀ պետական պահպանության ծառայության հետ համատեղ անցկացված հետաքննության արդյունքում պարզվել է, որ մարտի 27-ին, ժամը 19.40-ի սահմաններում ՀՀ ԱԺ աշխատակից (բանվոր), 59-ամյա Աշոտ Ղազանչյանը, ով պատասխանատու էր տվյալ տարածքի պահպանության համար, գնացել է շենքի նկուղ, ստուգել` արդյոք ամեն ինչ կարգին է, լույսն անջատել, այնուհետեւ` սիգարետի ծխացող մնացորդը նետել գետնին` նկուղի կողմը, դուռը կողպել եւ հեռացել։ Ծխախոտի մնացորդն ընկել է գետնին կուտակված թղթի մնացորդների վրա ու ծխացել։ Դրա հետեւանքով նկուղում առաջացել է ծխապատ գոտի։ Նյութական վնաս չի պատճառվել: Այս մասին տեղեկանում ենք ԱԻՆ լրատվական կայքից:

Երեկ Ազգային Ժողովի վարչական շենքում հրդեհ է բռնկվել: Ըստ Արտակարգ իրավիճակների նախարարության տարածած հաղորդագրության, ժամը 20.51-ին ահազանգ է ստացվել, որ Երեւանի Բաղրամյան 19 հասցեում` Ազգային ժողովի վարչական շենքի նկուղային հարկից ծուխ է նկատվում: Դեպքի վայր են մեկնել ՃԿԿ ԱԻ արձագանքման խումբը, երեք մարտական հաշվարկ եւ մեկ ավտոսանդուղք: Հրդեհը մարվել է ժամը 21.05-ին: 1 քմ տարածքում այրվել են ստվարաթղթի մնացորդներ: Կատարվածի վերաբերյալ մի քանի հարց ուղղեցինք ԱԺ աշխատակազմի ղեկավար Գուրգեն Դումանյանին:

- Պարոն Դումանյան, ի՞նչ է եղել իրականում:
- Թեթեւ տեխնիկական խնդիր է եղել, արտառոց ոչինչ չկա: