Նաիրիտցիները վայր չեն դնում զենքերը. պայքարը կշարունակվի նաեւ գալիք տարում

26/12/2016 schedule21:15

«Նաիրիտ» գործարանի նախկին աշխատակիցների պայքարը թեեւ այս տարի ցանկալի արդյունք չտվեց, սակայն դա նրանց ամենեւին թեւաթափ չի անում: Քիմիական հսկայի նախկին անդամները հաստատակամ են իրենց պայքարը շարունակել նաեւ եկող տարվա ընթացքում՝ ունենալով գերագույն մեկ նպատակ՝ «Նաիրիտի» վերագործարկում:

Ինչպես armtimes.com-ի թղթակցի հետ զրույցում տեղեկացրեց գործարանի համակարգող խմբի անդամներից Կարինե Շահվերդյանը, 2017-ի բողոքի առաջին ակցիան նախատեսված է անցկացնել հունվարի 12-ին՝ Կառավարության շենքի առջեւ:

«Նաիրիտի» նախկին աշխատակիցները հույս ունեն, որ մինչ այդ Հայաստան կժամանի նաեւ EU-ASIA Business Finance Centre հոլդինգի նախագահ Աշոտ Գրիգորյանը, ով մտադրություն ունի մասնակցել ՀՀ կառավարության՝ ներդրողների համար հայտարարված տենդերին:

«Նա այս մի քանի օրվա ընթացքում պետք է մասնակցության հայտ ուղարկեր: Հայտը պետք է տեղ հասներ ավելի վաղ, սակայն գործընթացը հետաձգվեց, քանի որ անգլիական 2 հզոր կազմակերպություն դիմել են Աշոտ Գրիգորյանին՝ անդամակցելու հոլդինգին: Խոսքը քիմիական ձեռնարկությունների մասին է, որոնք խիստ հետաքրքրված են «Նաիրիտով»: Անդամակցությունն արդեն իսկ կայացել է»,- տեղեկացրեց մեր զրուցակիցը՝ հավելելով, որ EU-ASIA Business Finance Centre հոլդինգի անդամ են հանդիսանում իրանական, ռուսական, գերմանական, բուլղարական մի շարք կազմակերպություններ:

Կարինե Շահվերդյանը մեկ անգամ եւս շեշտեց, որ նաիրիտցիները, չնայելով ձյունառատ եղանակին, պատրաստ են հենց այսօր դուրս գալ փողոց, ավելին՝ նստացույց անել: Նրանք պատրաստ են ամեն ինչի՝ հարազատ գործարանը փրկելու ոչնչացումից: Ինչ վերաբերում է «Տաշիր» ընկերությունների խմբի ղեկավար Սամվել Կարապետյանի դիրքորոշմանը, ապա վերջինս այդպես էլ չի արձագանքել նաիրիտցիների երկրորդ բաց նամակին:

«Չնայած այս ամենին՝ մենք մեր ամենօրյա աշխատանքը շարունակում ենք: Վաղը կրկին հավաքվելու ենք՝ նախաձեռնող խմբի անդամներով քննարկելու պայքարի հետագա քայլերը: Մենք կառավարության հետ հույսեր չենք կապում: Տարիները ցույց տվեցին, որ գործադիր մարմնից լավ բան չի կարելի սպասել: Կառավարությունն իսկապես կործանման է տանում Նաիրիտը, ինչին մենք չենք համաձայնում: Եթե մեր պայքարը չլիներ, գործարանը հաստատ կործանված կլիներ»,- ամփոփեց Կարիենե Շահվերդյանը:

Հիշեցնենք, որ այս ամսվա սկզբին «Նաիրիտ» գործարանի աշխատակիցները բաց նամակով դիմել էին ՀԷՑ» ղեկավարությանը՝ խնդրելով կասեցնել «Նաիրիտի» սնանկության գործընթացը՝ մինչեւ գործարանի ներդրողների մրցույթի արդյունքների հրապարակումը եւ պոտենցիալ ներդրողի հետ բանակցությունների ավարտը: 

Նաիրիտցիները նամակը գրել էին այն ժամանակ, երբ ՀԷՑ-ի հայցի հիման վրա Շենգավիթ վարչական շրջանի ընդհանուր իրավասության դատարանը գործարանը սնանկ էր ճանաչել: ՀԷՑ սեփականատերը հանդիսացող «Տաշիր» ընկերությունների խմբի ղեկավար Սամվել Կարապետյանին ուղղված նամակով գործարանի աշխատակիցներն իրենց մտավախությունն էին արտահայտել, որ «Նաիրիտի» սնանկ ճանաչվելուց հետո գործարարները չեն ցանկանա ներդրումներ անել եւ վերագործարկել այն:

Նաիրիտցիներին ուղղված իր պատասխանում ՀԷՑ-ի սեփականատերը հանդիսացող «Տաշիր» ընկերությունների ցանցի բաժնետեր Սամվել Կարապետյանը ոչինչ չէր նշել այն մասին, որ կասեցնում է«Նաիրիտի» սնանկության գործընթացը: Նա ընդգծել էր, որ «Նաիրիտ» ՓԲ ընկերության կողմից տարիներ շարունակ էլեկտրաէներգիայի դիմաց վճարումների չկատարման արդյունքում ձեւավորվել է խոշոր պարտք, ուստի «Հայաստանի էլեկտրական ցանցեր» ընկերությունն իր շահերի պաշտպանության նպատակով 2015 թվականի ապրիլի 7-ին (մինչեւ «Տաշիր» ընկերությունների ցանցի կողմից «ՀԷՑ-ի ձեռքբերումը) դիմել է դատարան՝ «Նաիրիտ գործարանը» սնանկ ճանաչելու պահանջով:

Տպել
2939 դիտում

Հարցազրույց. բանակցել են չեն բանակցել

Հանուն ազգի. «միասնության շուրջպարը» ապօրինի՞ է

Բարբարոսություն.  մի ոչնչացրեք Մթնաձորը

«Ավելի վատ. սրանք քաղաքի լավագույն մարդիկ են» Լիլիթ Ավագյանի հոդվածը

Արմեն Սարգսյանն առանձնազրույց է ունեցել Վրաստանի վարչապետ Գեորգի Կվիրիկաշվիլիի հետ

Սա նոր Հայաստանն է, որը ես շատ սիրում եմ. զվարթ շրջանավարտները՝ կառավարական ամառանոցում

Սահմանամերձ համայնքների շրջանավարտների տոնը կառավարական առանձնատանը՝ լուսանկարներով

Նախագահ Արմեն Սարգսյանը տիկնոջ հետ ժամանել է Թբիլիսի

ՊԵԿ նախագահի 2 տեղակալներին հարցաքննել են, ձերբակալվեց 4 հոգի. ԱԱԾ-ի աղմկոտ բացահայտումը

Էրեբունու բանդայի անդամները թաղապետարանի աշխատակիցներ են (լուսանկարներ, տեսանյութ)

Վարչապետը միացավ շրջանավարտների տոնախմբությանը (տեսանյութ, լուսանկար)

Էրեբունիում զանգվածային անկարգությունների գործով կասկածվողը Արտաշես Չիչոյանի հայրն է

ԵԽԽՎ համազեկուցողները բարձր են գնահատել հավաքների ժամանակ Պաշտպանի աշխատանքը

Ֆրանսիայում ՀՀ դեսպանի հանդիպումը ԱԺ Ֆրանսիա-Հայաստան բարեկամության խմբի հետ

Իրանի Իսլամական հանրապետության քաղաքացու դի է հայտնաբերվել

Վարչապետն ընդունել է Ֆրանկոֆոնիայի ՄԿ քարտուղարության պատվիրակությունը

Կիսադատարկ նիստեր. նախանձելի աշխատավարձ ստացող պատգամավորներն աշխատանքի չեն գալիս

Նիկոլ Փաշինյանին շնորհավորական ուղերձ է հղել Միացյալ Թագավորության վարչապետ Թերեզա Մեյը

Վերջին անգամ «Ռեալը» հենց «Լիվերպուլին» է պարտվել Չեմպիոնների լիգայի եզրափակչում

Հստակեցվում է Էրեբունիում անկարգությունների մասնակցած անձանց շրջանակը (տեսանյութ)