«Ինգո Արմենիան» ամրապնդել է առաջատարի դիրքը ապահովագրական ոլորտի ուղղություններից շատերում

28/12/2016 schedule19:12

«Ինգո Արմենիա» ապահովագրական ընկերությունը սպասարկում է ավելի քան 200,000 ֆիզիկական անձ հաճախորդների եւ 1,300 կազմակերպությունների: 

«Ինգո Արմենիա»-ի համար 2016-ը նշանավոր տարի էր: Ֆինանսական տեսանկյունից ընկերությունն իր առաջ դրել էր բավականին հավակնոտ ծրագրեր և տարվա փակման նախնական արդյունքներն արդեն փաստում են, որ ընկերությունը հաջողել է իր ծրագրերում: 

Նախորդ ամիսների նախնական արդյունքներով ընկերությունը`
- տնօրինում է շուրջ 11 մլրդ դրամ ակտիվներ,
- ունի շուրջ 7 մլրդ դրամ պարտավորություններ,         
- սեփական կապիտալի մեծությունը 3,9 մլրդ դրամ է,
- հավաքագրել է 8.4 մլրդ դրամ ապահովագրավճար՝ կատարելով շուրջ 3.4 մլրդ դրամ հատուցում,
- զուտ շահույթը կկազմի ավելի քան 900 մլն դրամ,
- շահութաբերությունն՝ ըստ կապիտալի (ROE) - 25%,
- շահութաբերությունն՝ ըստ ակտիվների (ROA) – 10%,
- վճարած հարկերի ծավալը՝ ավելի քան 400 մլն դրամ,
- ընկերությունում ներկայումս աշխատողների թիվը 267 է, նախորդ տարվա համեմատ աճը՝ 14%:

Շարունակական զարգացման ուղին ընտրած ընկերությունում մշտական ուշադրության կենտրոնում է ֆինանսական կայունության ապահովումը: Դա արտացոլող 2 հիմնական ցուցանիշներն են՝ վճարունակությունը, որով «Ինգո Արմենիան» 50%-ով գերազանցում է ՀՀ կենտրոնական բանկի կողմից սահմանված պահանջները, և ընկերության իրացվելիության ցուցանիշը, որը գրեթե 2 անգամ գերազանցում է նորմատիվային մեծությունը: Արձանագրած ցուցանիշները թույլ են տալիս վստահաբար ասել, որ ընկերությունն ունի ամրության մեծ պաշար իր ստանձնած բոլոր պարտավորություններն ամբողջ ծավալով և ժամանակին կատարելու համար։

2016-ին ընկերությունն ամրապնդել է նաև առաջատարի իր դիրքերն ապահովագրական գործունեության ուղղություններից շատերում:

Հավաքագրած ապահովագրավճարների ծավալով առաջատարն է ապահովագրական շուկայում մատուցվող 10 ապահովագրության տեսակներից 7-ով, որոնք են.

1. Կասկո ապահովագրությունը
2. Գույքի ապահովագրությունը
3. Առողջության ապահովագրությունը
4. Տուրիստական պահովագրությունը
5. Դժբախտ պատահարներից ապահովագրությունը
6. Ընդհանուր պատասխանատվության ապահովագրությունը
7. Օդանավերի ապահովագրությունը:

Հատուցումների մասին

Անդրադառնանք հանրության համար թերևս առավել հետաքրքիր մասերից մեկին՝ վճարված ապահովագրական հատուցումներին: Ավարտվող տարում կատարված հատուցումների հիմնական ուղղություններն են եղել ԱՊՊԱ-ն, ԿԱՍԿՈ-ն և առողջության ապահովագրությունը:  

- ԱՊՊԱ և ԿԱՍԿՈ ապահովագրատեսակներով հատուցման դիմումների քանակը կազմել է 9,808, որոնցից մերժվել է 165-ը (1.6%), իսկ բավարարված դիմումների քանակը կազմել է 10,211, որոնց գծով «Ինգո Արմենիան» վճարել է շուրջ 1,9 մլրդ ՀՀ դրամ հատուցում:
- Առողջության ապահովագրության գծով ստացվել է 46,361 դիմում, որոնցից բավարարվել է 45,882-ը (99%):
- Վճարված հատուցումների գումարը կազմել է ավելի քան 1 մլրդ ՀՀ դրամ:

«Ինգո Արմենիան»` լավագույն դուստր ընկերություն

Վերջերս Մոսկվայում ԻՆԳՈ խմբի տարեկան միջոցառման ժամանակ «Ինգո Արմենիան» արժանացավ մրցանակի և ճանաչվեց լավագույն դուստր ընկերություն «Ինգոսստրախ» ապահովագրական ընկերության՝ ԱՊՀ երկրներում և առավելապես ՌԴ-ում գործող 17 դուստր կազմակերպությունների շարքում:

2017թ.՝ հոբելյանական տարի

2017-ին լրանում է «Ինգո Արմենիա»-ի հիմնադրման 20-ամյակը, և գալիք տարվա համար ընկերությունը պլանավորել է զարգացման 3 հիմնական ուղղություն՝ թվայնացում, սպասարկման որակի բարելավում և ֆիզիկական անձանց համար նախատեսված ծառայությունների ցանկի ընդլայնում:

Թվայնացում

20-ամյակը նշանավորվելու է թվայնացում խորագրի ներքո:

Ուսումնասիրությունների համաձայն՝ Հայաստանի շուրջ 400 հազար բնակիչներ ակտիվ օգտվում են ապրանքների ձեռք բերման և վճարման էլեկտրոնային համակարգերից: Էլեկտրոնային ուղիներով ապահովագրական ծառայությունների մատուցումն արդեն հասունացած և պահանջված ծառայություն է, որը կոչված է թեթևացնելու ընկերության  հաճախորդների հետ փոխհարաբերությունները:

 Նոր համակարգ` ԱՊՊԱ օնլայն

«Ինգո Արմենիա»-ի կողմից ներդրված այս բացառիկ համակարգի շնորհիվ քաղաքացիները կարող են աշխարհի ցանկացած կետից ինքնուրույն կնքել ապահովագրության պայմանագիր և կատարել վճարում՝ չհեռանալով համակարգչից:

 Հաճախորդների սպասարկման որակի բարելավում

- Պլանավորվում է հատուցման նիստերը հաճախորդների համար դարձնել ավելի թափանցիկ և հանրային: Նիստին ապահովագրված անձանց շահերը կներկայացվեն հենց հաճախորդների կողմից:
- Ապրիլից պլանավորվում է անցում ԱՊՊԱ հատուցումների ուղիղ վճարման համակարգին: Նոր համակարգով ապահովադիրները հատուցում ստանալու են անմիջապես այն ապահովագրական ընկերությունից, որտեղ ապահովագրված է իրենց մեքենան: Ընկերությունում հավատացած են, որ սպասարկման որակի բարելավման շնորհիվ գալիք տարում ԻՆԳՈ ԱՐՄԵՆԻԱ-ի հաճախորդների բանակը էլ ավելի կշատանա. ուղղակի հատուցման համակարգի պայմաններում հաճախորդների համար ապահովագրական ընկերություն ընտրելու հարցում որոշիչ գործոն լինելու է սպասարկման որակը:

Ֆիզիկական անձանց համար նախատեսված պրոդուկտների ավելացում

Արդեն մշակվել է և 2017թ-ին ներկայացվելու է ֆիզիկական անձանց կամավոր առողջության ապահովագրության պրոդուկտը: Այսուհետ ֆիզիկական անձինք նույնպես կարող են ունենալ առողջության անհատական ապահովագրություն:

«Ինգո Արմենիան»՝ հայկական բանակի կողքին

Ընկերության ղեկավարության և աշխատակիցների համատեղ որոշման համաձայն՝ ընկերությունը 2016-ի ամանորյա կորպորատիվ միջոցառում չի անցկացնելու: Միջոցառման համար նախատեսված ամբողջ գումարը «Ինգո Արմենիան» ուղղելու է զինծառայողների կյանքին և առողջությանը պատճառված վնասների հատուցման հիմնադրամին:

Մեր բանակին աջակցելու ծրագրերը շարունակվելու են նաև 2017թ.:

Ընկերությունն արդեն պաշտոնապես հայտարարել է, որ փոխհատուցելու է նաև զինծառայողների կյանքին կամ առողջությանը պատճառված վնասների հատուցման հիմնադրամին Ընկերության աշխատակիցների աշխատավարձի հաշվին ուղղվող վճարները, որոնք ուժի մեջ մտնողն նոր օրենքով պարտադիր են բոլոր աշխատող քաղաքացիների համար:

Տպել
2804 դիտում

Ադրբեջանի ԱԳՆ-ն կոչ է անում ՅՈՒՆԵՍԿՕ-ին միանալ Ղարաբաղում անցկացվելիք մոնիթորինգին

Ֆրանկոֆոնիայի Բուխարեստի գրասենյակում քննարկվել է ՀՀ-ում անցկացվելիք գագաթնաժողովի ընթացքը

ՀՀ-ն ընգրկվել Է ՄԱԿ-ի Պատվո ցանկում՝ մոտ 146 000 դոլար անդամավճարը պարտաճանաչ տալու համար

Մոսկվայի քաղաքապետը պարգեւատրել է լրագրողներին, պարգեւ է ստացել նաեւ Արթուր Գասպարյանը

Երեւանցի 19-ամյա աղջիկն արդեն 21 օր է՝ համարվում է անհետ կորած

Ծնվել է Քարդաշյան-Ուեսթ զույգի երրորդ երեխան

Հայաստանի մի մասում ձյուն է տեղում, որոշ ճանապարհների առկա է մառախուղ ու մերկասառույց

Ապագա նախագահը քաղաքականության մեջ երբեւէ չեղած անկուսակցական պետք է լինի. Սերժ Սարգսյան

Ավտովթար Լոռիում. վիրավորներից 2-ը երեխաներ են (լուսանկարներ)

Անհատ ձեռներեցները տաքսու լիցենզիա այլեւս չեն ստանա. նոր նախագիծ է մշակվում

Փաստաբանի ահազանգից հետո Հովհաննես Հարությունյանը ենթարկվել է վնասվածքաբանի հետազոտության

Վրաստանում հարձակման ենթարկված հայաստանցի գործարարը դուրս է գրվել, գտնվում է տանը

Սերժ Սարգսյանը Հովհաննես Չեքիջյանին հանձնել է Հայրենիքի շքանշանը (լուսանկարներ)

Հարկերի հավաքագրումը հնարավոր է նաեւ առանց հարկային բեռի մեծացման

Սերժ Սարգսյանին զեկուցելուց հետո դատախազությունը զեկուցում է հասարակությանը

Շամիրամ գյուղի սգո սրահում անցյալ տարվա օգոստոսին կատարված սպանդի քննությունն ավարտվել է

Այս գիշեր Արցախում մահացած զինծառայողը ընտանեկան խնդիրների պատճառո՞վ է ինքնասպան եղել

Վստա՞հ եք, որ ինքն է գրել, ես Վիգեն Սարգսյանի ձեռագիրը լավ գիտեմ. Շ. Պետրոսյան (տեսանյութ)

Սրտանոթային հիվանդները լավ կանեն պաշտպանվեն սուր շնչառական վարակներից. ՀՀ գլխավոր սրտաբան

Թանկացումներ Հայաստանում. օլիգարխիան կարող է ընդվզել իշխանության դեմ