Կառավարությունում քննարկվել է ՀՀ-Իրան-Թուրքմենստան եռակողմ տնտեսական փոխգործակցությունը

09/01/2017 schedule13:00

Վարչապետ Կարեն Կարապետյանն այսօր ընդունել է Հայաստանի Հանրապետությունում Իրանի Իսլամական Հանրապետության արտակարգ եւ լիազոր դեսպան Սեյեդ Քազեմ Սաջադիին ու Թուրքմենստանի արտակարգ եւ լիազոր դեսպան Մուհամմետնիյազ Բադիի Մաշալովին: 

Կառավարության մամլո ծառայության փոխանցմամբ, վարչապետը ողջունելով հյուրերին, նշել է, որ Իրանի եւ Թուրքմենստանի հետ Հայաստանի քաղաքական հարաբերությունների բարձր մակարդակը հնարավորություն է տալիս առավել սերտացնել երկկողմ տնտեսական կապերը, ինչպես նաեւ ծավալել եռակողմ ձեւաչափով տնտեսական գործակցություն: 

«Մենք շահագրգռված ենք զարգացնելու Հայաստան-Իրան-Թուրքմենստան եռակողմ տնտեսական փոխգործակցությունը: Հնարավորություն ունենք ավելացնելու մեր երկրների միջեւ ապրանքաշրջանառության ծավալի աճը, եւ 2017 թ. աշխատանքային առաջին օրվա այս հանդիպումը վկայում է մեր համագործակցությանը տրվող կարեւորության մասին»,- նշել է կառավարության ղեկավարը:

Իրանի ու Թուրքմենստանի դեսպանները շնորհավորել են ՀՀ վարչապետին եւ հայ ժողովրդին Նոր տարվա առթիվ՝ նշելով, որ իրենց երկրների կառավարությունները կարեւորում են Հայաստանի հետ հարաբերությունների ընդլայնումը եւ պատրաստ են քննարկել այդ ուղղությամբ հետագա քայլերը: 

Հանդիպմանը քննարկվել են, մասնավորապես, էներգետիկայի ոլորտում եռակողմ գործակցության զարգացման հնարավորություններն ու հեռանկարները: Արծարծվել են էներգառեսուրսների մատակարարմանը եւ համատեղ նախագծերին վերաբերող հարցեր: Մտքերի փոխանակության արդյունքում կողմերը պայմանավորվածություն են ձեռք բերել՝ համատեղ աշխատանքային խումբ ձեւավորելու եւ կոնկրետ ծրագրերն առարկայական քննարկելու վերաբերյալ:

Շնորհակալություն հայտնելով դեսպաններին իրենց դիրքորոշումների համար՝ Կարեն Կարապետյանը նաեւ կարեւորել է միջկառավարական հանձնաժողովների ակտիվ աշխատանքը, որոնք արդյունավետ հարթակ են փոխադարձ հետաքրքրություն ներկայացնող հարցերն ու նախաձեռնությունները կյանքի կոչելու համար: 

Վարչապետ Կարեն Կարապետյանը ցավակցել է ՀՀ-ում ԻԻՀ արտակարգ եւ լիազոր դեսպանին` Իրանի նախկին նախագահ Ալի Աքբար Հաշեմի Ռաֆսանջանիի մահվան կապակցությամբ:

Տպել
1175 դիտում

Ռուսական МС-21 նոր քաղաքացիական օդանավը կատարել է առաջին թռիչքը

Երևան-Արտաշատ ավտոճանապարհին վթար է տեղի ունեցել, կան տուժածներ

Էրդողանի Հնդկաստան այցից առաջ Հնդկաստանի փոխնախագահը Երևանում էր. Yeni Şafak

Թբիլիսիում ՆԱՏՕ-ի ԽՎ-ի ժամանակ Բաքվի ներկայացուցիչը բարձրացրել է ԼՂ հիմնախնդիրը

Թուրքիայի առաջին պրոֆեսիոնալ բռնցքամարտիկը հայ Կարպիս Զաքարյանն է

Պաշտպանության բանակի որոշումը հակասական կարծիքների տեղիք է տվել

ՆԱՏՕ-ին անդամակցելու Վրաստանի ձգտումներն ուղղված չեն ՌԴ-ի դեմ. նախարար

Սարգսյանն ընդունել է Մադրիդյան ակումբի և «Ավրորա»-ի ընտրող հանձնաժողովի ներկայացուցիչներին

Սիրիական կառավարական բանակն ազատագրել է Հալեպ նահանգի 12 բնակավայրեր

Ինչպիսի՞ եղանակ է սպասվում առաջիկա օրերին

ԱՄՆ-ի և ՌԴ-ի միջև գաղտնի կապը՝ սովորական երեւույթ է. Թրամփի օգնական

Գազալցակայանները ստուգելու աշխատանքները նախապատրաստական փուլում են․ Դավիթ Տոնոյան

ՀՀ մատակարարվող գազի համար Իրանը Թուրքմենստանի դեմ դատական գործ կսկսի. Financial Tribune

«Ավրորա»-ի շնորհիվ Հայաստանը դառնալու է մարդասիրական ամենախոշոր կենտրոններից մեկը․վարչապետ

Հեծանվորդ Էդգար Ստեփանյանը 13-րդն է օմնիումում

Թրամփի վարչակազմը մտադիր է վաճառել ԱՄՆ նավթային ռազմավարական պաշարի կեսը. CNN

ԱԺ-ում որեւիցե կադրային ջարդ չկա. Արա Բաբլոյան

AP: Թրամփի փեսան ՌԴ դեսպանին առաջարկել է Սիրիայի հարցով «գաղտնի կապ» ստեղծել

Վոլոդյա Ավետիսյանն այսօր ժամանակավորապես կդադարեցնի նստացույցը

Պեկինը պահանջել է ԱՄՆ-ից դադարեցնել Չինաստանի սահմանների մոտ ռազմական մանյովրները