Միհրան Հարությունյանը հստակ չգիտի՝ երբ կվերադառնա մարզումներին. վերականգնումը երկար կտեւի

09/01/2017 schedule18:45

Ռիո 2016-ում արծաթե մեդալ ստացած 66 կգ քաշային հունահռոմեական ոճի ըմբիշ Միհրան Հարությունյանը շարունակում է վերականգնվել վնասվածքից: Ինչպես հայտնի է նա ուսի վիրահատության է ենթարկվել 2016 թ. հոկտեմբերին: Armtimes.com-ի հետ զրույցում մարզիկը նշեց, որ վերականգնողական փուլը դեռ երկար կտեւի:

«Վնասվածքիս հետ կապված իրավիճակը շատ բարդ է, շատ ավելի բարդ, քան պատկերացնում էի: Դեռ մոտ 7 ամիս կշարունակեմ վերականգնվել, որից հետո կսկսեմ մարզվել: Չեմ շտապելու, քանի որ շատ բարդ վնասվածք էր, որն ինձ շատ է տանջում, վերականգնողական փուլը շատ բարդ է: Պետք է համբերել, ուժ հավաքել, անցնել այս ճանապարհը եւ առաջ շարժվել. վերադառնալ մարզումներին, լավ մարզավիճակ հավաքել: Եթե որոշեմ մրցումների մասնակցել, ապա պետք է ավելի ուժեղ լինեմ, քան հիմա, քանի որ ես ինքս ինձ էլ հետաքրքիր չեմ լինի, եթե մնամ նույնը, ինչ հիմա եմ»,- ասաց նա:

Այս շրջանում Հարությունյանը թեթեւ ֆիզիկական վարժություններ է կատարում, որոնք ցուցված են բժշկի կողմից եւ վերականգնողական փուլի մաս են կազմում: Մինչեւ ամառային 31-րդ Օլիմպիական խաղերը, նա 2 տարուց ավելի մարզվել ու մրցել է այս վնասվածքով, վիրահատության չի գնացել, քանի որ գիտեր, որ վերականգնումը երկար ժամանակ է խլելու, եւ գուցե չհասցնի մասնակցել Ռիո 2016-ին: Այժմ գիտակցում է, որ չպետք է շտապի, պետք է համբերությամբ զինվի, քանի որ ցանկացած պատահականություն կարող է ավելի լուրջ հետեւանքների հանգեցնել:

«Մրցումների մասնակցե՞մ 2017-ին: Ամեն ինչ հնարավոր է, չգիտեմ: Առաջին հերթին պետք է ճիշտ վերականգնվեմ, որովհետեւ շտապելու դեպքում հնարավոր է՝ վնասվածքն ավելի բարդանա»,- ասաց նա:

Միաժամանակ մարզիկը փորձում է առաջ տանել Արցախում հունահռոմեական ոճի ըմբշամարտի դպրոց բացելու գաղափարը: Նա նշում է, որ լուրջ է տրամադրված եւ ուրախ կլինի այդ հարցում աջակցություն ստանալ:

«Ինչպես ասել եմ, պատրաստվում եմ դպրոց բացել: Ուրախությամբ կընդունեմ ցանկացած օգնություն: Կլինի mihran.com կայքը, որից կարելի է տեղեկանալ աշխատանքների մասին: Նաեւ առցանց խանութ կլինի, որից կարելի է «Maestro Mihran» գրությամբ իրեր գնել, եւ այդ ողջ գումարը կուղղվի դպրոցի կառուցմանը»,- ասաց նա:

Վերջերս Ըմբշամարտի համաշխարհային միությունը հրապարակել է հունահռոմեական ոճի ըմբիշների թարմացված վարկանիշային աղյուսակը, որում Միհրան Հարությունյանն իր քաշային կարգում 2-րդն է: Նա 1-ին հորիզոնականը զիջում է սերբ Դավոր Շտեֆանեկին, որինեւ Օլիմպիական խաղերի եզրափակչում պարտվեց կողմնակալ մրցավարության արդյունքում: Օլիմպիական խաղերի չեմպիոն Արթուր Ալեքսանյանը գլխավորում է 98 կգ քաշայինների աղյուսակը:

Տպել
613 դիտում

Հայաստանը ներկայացնող ֆիլմը չի ընդգրկվել «Օսկար»-ի հավակնորդների ցանկում

ՌԴ-ի եւ Բելառուսն ընդունել են Դաշնային պետության 2018 թ-ի բյուջեն

Սերժ Սարգսյանը ստորագրել է ռուսական զենքի գնման համար արտահանման վարկ ստանալու օրենքը

Երուսաղեմը կորցնելու դեպքում մահմեդականները կկորցնեն Մեքքան ու Մեդինան. Էրդողան

Գերմանիան եւ Ֆրանսիան պայմանավորվել են փոխել Եվրամիությունը

Անկարան պատրաստ չէ կարգավորել հայ-թուրքական հարաբերությունները. ԱԳՆ-ի հայտարարությունը

«Գրին քարտ»-ով ԱՄՆ են ժամանում իրենց հասարակություններում «վատագույնները». Թրամփ

Նյու Յորքի նախկին քրիստոնեական եկեղեցում ծաղկում է Իսլամը

Վրաստանում վարորդական իրավունքի գործնական քննությունը տեղափոխվում է փողոց

Սահակաշվիլին հայտարարել է, որ պատրաստ է պայմանավորվել Պորոշենկոյի հետ

Արեւմուտքն օգնում է բռնապետերին թալանել իրենց երկրները. քննարկում ԱՄՆ-ի Սենատում

Թրամփի վարչակազմը կարող է խափանել Boeing ու Airbus օդանավերի վաճառքն Իրանին. WSJ

Հրազդան գետի հունը պատվել է սառույցով.լուսանկարներ

Միջպետական ճանապարհի մերկասառույցը մեկ շաբաթ է չի մաքրվում. լուսանկարներ

Վերջին 10 տարում ԱՄՆ քաղաքացի է դարձել 27.000 հայ

Սպանվել է 4 պաղեստինցի. իսրայելա-պաղեստինյան ամենաթեժ բախումները գրանցվել են այսօր. ֆոտո

Վարդենյաց լեռնանցքում, Հրազդան քաղաքում, Սոթք-Քարվաճառ ավտոճանապարհին մերկասառույց է

Հայաստանը ստանձնեց Սևծովյան տնտեսական համագործակցության կազմակերպության նախագահությունը

Արքայազն Հարրին ու դերասանուհի Մարքլը կամուսնանան մայիսի 19-ին` հարսնացուի կնքվելուց հետո

ԿԺԴՀ-ն մտադիր է դառնալ աշխարհի ամենահզոր ու մեծ ռազմական կապիտալով տերությունը