Ադրբեջանին արտահանձնել ռուս բլոգերին, կնշանակի նրան ուղարկել մահվան. Դավիթ Բաբայան

09/01/2017 schedule18:50

Եթե Բելառուսն Արցախ այցելած ռուս բլոգերին արտահանձնի Ադրբեջանին, դա կլինի ոչ այլ ինչ, քան՝ խայտառակություն: Դա կլինի մարդու իրավունքների եւ բարոյական նորմերի կոպտագույն խախտում: Ավելին, եթե Բելառուսը նման քայլի դիմի, կնշանակի՝ այդ երկիրն ուղղակի շարունակում է ֆաշիստական ավանդույթները՝ մոռանալով ֆաշիզմի տարիներին իր կրած զրկանքները: armtimes.com-ի թղթակցի հետ զրույցում նման դիրքորոշում հայտնեց ԼՂՀ նախագահի մամուլի խոսնակ Դավիթ Բաբայանը՝ անդրադառնալով այն տեղեկությանը, որ Բելառուսն Արցախ այցելած ռուս բլոգեր Ալեքսանդր Լապշինին Ադրբեջանին արտահանձնելու որոշում է կայացրել:

«Սա դեգրադացիայի մարմնավորում կլինի, սակայն առավել քան համոզված եմ, որ բելառուս ժողովուրդը նման բան թույլ չի տա: Նա պետք է այնպես անի, որ իշխանությունները չգնան այդպիսի ստոր եւ սխալ քայլի: Ամեն դեպքում, եթե ռուս բլոգերն արտահանձնվի Ադրբեջանին, ամբողջ աշխարհը պետք է բողոքի ձայն բարձրացնի նման ապօրինության դեմ: Արտահանձնել Լապշինին, կնշանակի նրան ուղարկել տանջանքների, բռնության եւ մահվան: Բայց ինչո՞ւ. խավիարի եւ նավթադոլարների համա՞ր»,- հռետորական հարց հնչեցրեց Դավիթ Բաբայանը:

ԼՂՀ նախագահի մամուլի խոսնակից հետաքրքրվեցինք՝ ինչ վտանգներով է հղի այս նախադեպը, եթե պաշտոնապես իրականություն դառնա: Ի պատասխան՝ մեր զրուցակիցն ընդգծեց, որ դա ոչ թե լրացուցիչ լծակներ կտա հակառակորդ երկրին, այլեւ մեկ անգամ եւս կհաստատի կոռուպցիայի եւ անսկզբունքայնության դրսեւորումները: «Ադրբեջանը Բելառուսի վրա ազդելու որեւէ լծակ չունի, լծակը կարող է լինել միայն առանձին անձերի նյութական շահագրգռվածությունը»,- ամփոփեց Դավիթ Բաբայանը:

Հիշեցնենք, որ Արցախ այցելելու համար 2016 թվականի դեկտեմբերի 15-ին Մինսկում ձերբակալված հայտնի ռուս բլոգեր Ալեքսանդր Լապշինինին Ադրբեջանին արտահանձնելու մասին որոշում է կայացվել: Այդ մասին Լապշինի հիմնադրած հայտնի զբոսաշրջային «Живой журнал» կայքում գրառում է արել նրա ընկերուհին՝ որպես Եկատերինա ներկայացած մի կին՝ վկայակոչելով բլոգերից ստացած տեղեկատվությունը: «Ալեքսանդրը հայտնել է, որ մի քանի օր առաջ մեկուսարանում  ուժային կառույցների ներկայացուցիչներն իրեն իրազեկել են, որ արտահանձնման մասին որոշումն արդեն կայացված է: Որոշում է կայացվել, որ նրան Բաքու հասցնելուց հետո ուղարկելու են Իսրայել»,- գրել է Եկատերինան:

Սա առաջին դեպքն է, որ Ադրբեջանը փորձում է այլ երկրի քաղաքացի հանդիսացող անձի քրեական պատասխանատվության ենթարկել Արցախ այցելելու եւ հայկական երկրորդ պետության վերաբերյալ իր կարծիքը հայտնելու համար: Դատելով ադրբեջանական լրատվամիջոցների հրապարակումներից՝ Լապշինի նկատմամբ քրեական հետապնդման նպատակն է՝ կանխել օտարերկրացիների այցերն Արցախ: Ըստ այդ հրապարակումների՝ Լապշինի հետապնդումը պետք է դաս լինի մյուսների համար:

Տպել
6169 դիտում

ԱՄՆ-ից հանգանակած 51.000 դոլարի մթերքների մի մասը եւս հայտնվել է Մ. Գրիգորյանի առանձնատանը

Սակագների չնչին նվազեցումները չպետք է շեղեն կառավարության ուշադրությունը

Կարեւորվել են պաշտպանական բնագավառում հայ-ճապոնական շփումների հեռանկարները

Կասկածներ կան «Գեներալ Մանվել Գրիգորյան» հիմնադրամի դրամական մուտքեր ու ելքերի մասին. ՀՔԾ

Ֆրանսիացի գործարարները ցանկանում են ՀՀ-ում ներդրուրմներ կատարել. հանդիպում գործադիրում

Կինոլոգիական միության նախագահ Վիոլետա Գաբրիելյանի բաց նամակը ՀՀ վարչապետ Նիկոլ Փաշինյանին

«Բելաջիո»-ի կառուցած կոյուղահորը կարող է վարակիչ հիվանդությունների պատճառ հանդիսանալ

Արցախի ժողովուրդն է որոշելու իր ապագան եւ Թուրքիան անելիք չունի. Շարմազանով

Խուզարկություն Վստրեչի Ապերի տանը. նրա նկատմամբ միջազգային հետախուզում է հայտարարվել

Համայնքապետերը պետությանը 74 մլն դրամ վնաս են պատճառել. հարուցվել է 71 քրգործ

Անհրաժեշտ է գիտակցել ինքնորոշման իրավունքի իրացման կարեւորությունը. Էդուարդ Շարմազանով

Ուժեղ կարկուտ է տեղացել Արմավիրի մարզում. վնասվել են նաեւ տանիքները

ԱԺ խմբակցությունները պատրաստակամ են քննարկել Ընտրական օրենսգրքի փոփոխությունները

Մայորն անփութություն է դրսեւորել, ինչը հանգեցրել է զինծառայողի մահվան

Պատկերացնո՞ւմ եք. հեղափոխության մեխանիկա

Ընտրական բարեփոխումները պետք է իրականացվեն քաղաքական համաձայնությամբ. Արմեն Աշոտյան

Խուզարկություններ՝ Զապի, Կանեւսկոյի, Օշականցի Գեւորիկը, Նորատուսցի Արայի եւ մյուսների տանը

Ինչպե՞ս են զորացրվածները վերաբերվում զինվորական ծառայությանը. հանդիպում ՊՆ-ում

Ի՞նչ անել. փակուղի ընդդիմության համար

Մանրամասներ. «Արմավիայի» միակ բաժնետերը