Մարմնամարզուհի Հուրի Գեբեշյանը՝ կարիերան ավարտելու, անձնական կյանքի եւ ծրագրերի մասին

10/01/2017 schedule14:44

Մարմնամարզուհի Հուրի Գեբեշյանի համար 2016 թվականը նշանավորվել է մարզական կարեւոր հաջողությամբ: Նա դարձել է առաջին կին մարմնամարզիկը, որը երբեւէ Հայաստանը ներկայացրել է Օլիմպիական խաղերում: Թեպետ եզրափակիչ դուրս չի եկել, սակայն ներկայացրել է իր հորինած էլեմենտը, որը ստացել է «Գեբեշյան» անվանումը: Անցած տարում կարեւոր իրադարձություն է տեղի ունեցել նաեւ նրա անձնական կյանքում. մարզուհին նշանադրվել է իր սիրելիի՝ Դուեյնի հետ եւ պատրաստվում է ամուսնանալ: Օլիմպիական խաղերից հետո նա ավարտել է մարզական կարիերան, սկսել է զբաղվել մարզչությամբ, ինչպես նաեւ շարունակում է աշխատել հիվանդանոցում որպես վիրաբույժի օգնական: Armtimes.com-ի հետ զրույցում Հուրին պատմել է՝ ինչով է զբաղվել Ռիո 2016-ից հետո եւ ինչ ապագա ծրագրեր ունի:

- Հուրի, կառանձնացնեք 2016 թվականի Ձեր կարեւորագույն ձեռքբերումները:

- Անցած տարվա իմ կարեւորագույն ձեռքբերումն Օլիմպիական խաղերին մասնակցելն էր: Դա իմ կյանքի ամենահիշարժան իրադարձություններից էր: Իմ ողջ կյանքում կհիշեմ Օլիմպիական խաղերը: Մեծ պատիվ էր իմ երկիրը ներկայացնելն ու բարձր մակարդակով հանդես գալը: Մյուս մեծ իրադարձությունն իմ նշանադրությունն էր փեսացուիս՝ Դուեյնի հետ: Պատրաստվում ենք ամուսնանալ 2017 թվականի վերջին: Ինչ վերաբերում է մարզական կարիերայիս, այն ավարտված է: Ռիո 2016-ն իմ կարիերայի վերջն էր, եւ իմ սիրելի մարզաձեւին հրաժեշտ տալու ավելի լավ եղանակի մասին չէի էլ կարող երազել:

- Ինչո՞վ եք զբաղվել Օլիմպիական խաղերից հետո:

- Շարունակել եմ աշխատանքս հիվանդանոցում: Աշխատում եմ որպես մանկաբարձական վիրահատություններ կատարող վիրաբույժի օգնական: Նաեւ սկսել եմ մարզչությամբ զբաղվել: Զուգահեռաբար շարունակում եմ քարոզել Հայաստանում կանանց մարմնամարզության մասսայականացման կարեւորությունը: Հույս ունեմ նպաստել կանանց թիմերի աճին ու զարգացմանը: Փորձում եմ գտնել ամերիկահայերի, որոնք մրցումների կմասնակցեն Հայաստանի դրոշի ներքո, ինչպես ես արեցի: Նաեւ դրամահավաք եմ կազմակերպել, որպեսզի ծախսերի հարցում օգնեմ Հայաստանի մարմնամարզուհիների: Բացի այդ, այցելել եմ Միացյալ Նահանգների մի շարք հայկական համայնքներ, հանդիպել բնակիչների հետ: Հույս ունեմ՝ կայցելեմ նաեւ Հայաստան:

- Օլիմպիական խաղերից հետո ինչպե՞ս են Ձեզ ընդունել Ձեր կոլեգիաները հիվանդանոցում եւ ի՞նչ արձագանքներ եք ստացել հայկական համայնքներից:

- Ռիո 2016-ից հետո ուշադրության կենտրոնում եմ եղել եւ դրական արձագանքներ եմ լսել: Օլիմպիական խաղերի ընթացքում ես արել էի այն, ինչը շատ եմ սիրում, եւ կարծում եմ՝ դա զգացվել է: Մարդիկ զգացին իմ սերը սպորտի նկատմամբ, եւ դրա շնորհիվ «ճանաչում» ձեռք բերեցի: Օլիմպիական խաղերի էությունը հենց սպորտի նկատմամբ սերն է, այլ ոչ թե հաղթելը կամ պարտվելը: Այնքան ուրախ եմ, որ իմ հետքը թողեցի Օլիմպիական խաղերում՝ լավ մասնակցելով ու իմ հորինած էլեմենտը՝ «Գեբեշյանը» ներկայացնելով: Սակայն ամենակարեւորն այն է, որ ես դա արեցի հայկական դրոշի ներքո: Ինձ, իմ ընտանիքի եւ հայ համայնքի համար շատ կարեւոր է, որ ես կարողացա օգնել Հայաստանին ստանալ այն ճանաչումը, որին մենք արժանի ենք: Մենք ուժեղ եւ տաղանդավոր ազգ են, եւ այն, ինչ աշխարհը հիմա տեսնում է, միայն սկիզբն է այն ամենի, ինչ մենք կարող ենք անել:

- Ռուսաստանում անցկացվող Վորոնինի գավաթի խաղարկությունում այս տարի աղջիկների պայքարում Հայաստանը ներկայացրեց 12-ամյա Աննա Գրիգորյանը: ՀՀ մարմնամարզության հավաքականի գլխավոր մարզիչ Հակոբ Սերոբյանը մրցաշարից առաջ նշել էր, որ այդ հարցում Ձեր դերը մեծ է. Ձեր շնորհիվ՝ ՀՀ-ում կանանց մարմնամարզության հանդեպ ուշադրությունը մեծացել է:

- Ինձ շատ է ոգեւորում հանգամանքը, որ միջազգային մրցաշարի կանանց պայքարում ներկայացուցիչ ենք ունեցել: Իմ գլխավոր նպատակը Հայաստանում կանանց մարմնամարզության մասսայականացմանն ու առաջխաղացմանը նպաստելն է: Ես հույս ունեմ, որ իմ հաջողությունը ճանապարհ կհարթի Հայաստանի մարմնամարզուհիների համար: Իրոք, հիանալի է տեսնել, որ Հայաստանի մարմնամարզության ֆեդերացիան հնարավորություններ է տալիս մարմնամարզուհիներին: Կշարունակեմ քարոզել կանանց մարմնամարզությունը Հայաստանում, եւ հույս ունեմ՝ ավելի ու ավելի շատ կին ներկայացուցիչներ կտեսնեմ միջազգային մրցաշարերում:   

Տպել
632 դիտում

Չքաղաքականացվածը. Ռալֆ Յիրիկյանը՝ ՀՀ նախագա՞հ. Ժամանակ

Նախարարի ընտանիքը նախարարության առաջին հարկում սրճարան է աշխատեցնում. Ժողովուրդ

Վարչապետի ընդունելության վայրը փոխվել է. «Ֆլորենս»-ը փոխարինվել է «Չինար»-ով. Հրապարակ

Հայտնի է ԵԽԽՎ ձմեռային նստաշրջանում Սերժ Սարգսյանի ելույթի օրը

Բոլոր մարզերում, բացի Լոռիից ու Սյունիքից, տեղումներ են սպասվում

Գիշերը մեկնարկել է Էդվարդ Նալբանդյանի հանդիպումը ԵԱՀԿ Մինսկի խմբի համանախագահների հետ

Մխիթարյանը 4 տարվա պայմանագիր կկնքի. «Արսենալն» ու «Յունայթեդը» համաձայնության են եկել

Առողջապահության նախարարությունը հիվանդապահությամբ է զբաղվում, ինչու այն չփակել. բժիշկ

Այսուհետ ովքեր կարող են տարկետում ստանալ. հրապարակվել է որպես զիջման քայլ մշակված նախագիծը

Մահացել է գործարար Ռուբեն Վարդանյանի հայրը՝ Երեւանի կրկեսի վերականգնման ծրագրի հեղինակը

Ուկրաինայի նախկին նախագահ Վիկտոր Յանուկովիչը մտադիր է վերադառնալ հայրենիք

ԶՈՒ շահագործումից հանված մեքենաները վաճառվում են աճուրդով՝ սկսած 150 հազար դրամից

Թան, քյուֆթա, թել պանիր, թթի օղի. մի քանի ազգեր փորձում են հայկական խոհանոցը (տեսանյութ)

Գարունը չի կողմնորոշվում կամ շտապում է. ի՞նչ է լինելու գյուղատնտեսության եւ բերքի հետ

Մեծ Բրիտանիայում նոր պաշտոն կա. առաջին անգամ նշանակվել է միայնության հարցերով նախարար

Սլավիկ Հայրապետյանը գեղասահքի Եվրոպայի առաջնության եզրափակչում է

Լեւոն Ալթունյանը վարչապետին զեկուցել է 2017-ի աշխատանքների ու այս տարվա անելիքների մասին

Գազալցակայանները խիստ տուգանքի կենթարկվեն, եթե չգրանցված գազաբալոն լիցքավորեն. նոր նախագիծ

Սուր շնչառական վարակների թիվը նվազում է, կազմակերպվել է «համաճարակաբանական ֆիլտր». ԱՆ

Երեւանում նախորդ տարի հանցագործությունների ընդհանուր թվաքանակի աճ է գրանցվել (տեսանյութ)