Բոսնիա Հերցեգովինայի սերբերը ցանկանում են անկախանալ եւ պատրաստվում են հանրաքվեի

10/01/2017 schedule15:30

Բոսնիա Հերցոգովինայի մաս կազմող Սերբական Հանրապետությունը, որին 1995 թվականին կնքված հայտնի Դեյթոնյան համաձայնագրով պարտադրվել է դաշնային պետություն ստեղծել բոսնիացի մահմեդականների ու խորվաթների հետ, ցանկանում է անկախանալ կամ վերամիավորվել Սերբիայի հետ: Հունվարի 9-ին Սերբական Հանրապետության մայրաքաղաք Բանյա Լուկայում մեծ շուքով նշվել է 1992 թվականին ընդունված անկախության հռչակագրի ընդունման 25-րդ տարեդարձը, որին մասնակցել է նաեւ Համայն Սերբիայի պատրիարք Իրինեյն ու Սերբիայի նախագահ Տոմիսլավ Նիկոլիչը: Մայրաքաղաքի փողոցներով շքերթով անցել են բոսնիական պատերազմի վետերանները:

Սակայն միջոցառման սենսացիան եղել է Սերբական Հանրապետության նախագահ Միլորադ Դոդիկի ելույթը, որի ժամանակ նա առաջին անգամ հրապարակայնորեն հայտարարել է Բոսնիա Հերցեգովինայի կազմից դուրս գալու եւ անկախ պետություն ստեղծելու կամ Սերբիայի հետ միավորվելու մասին: «Մենք այստեղ հավաքվել ենք, որպեսզի բոլորին ցույց տանք, որ մենք միասնական ենք: Մեզ միավորում է Սերբական Հանրապետություն կոչվող գաղափարը: Այս տարածքում բնակվող սերբերը գիտեն, որ իրենք ազատություն չեն ունենա, եթե չունենան սեփական պետություն: Առանց մեր ազատության այս տարածաշրջանում երբեք խաղաղություն չի լինի: Բոսնիա Հերցեգովինան որպես պետություն ապագա չունի եւ  դրա մեջ մտնող կազմավորումները՝ Սերբական Հանրապետությունն ու Խորվաթա-մահմեդական դաշնությունը ավելի լավ է սիրով բաժանվեն միմյանցից»,- ասել է Դոդիկը:

Վերջինս հայտարարել է, որ մտադիր է մինչեւ այս տարվա կեսը Սերբական Հանրապետության տարածքում Բոսնիա Հերցեգովինայի կազմից դուրս գալու եւ անկախ պետություն հռչակելու շուրջ հանրաքվե անցկացնել: «Հանրաքվեն սերբերի անօտարելի իրավունքն է»,- հայտարարել է Դոդիկը՝ խոստանալով նախապատրաստական աշխատանքներ սկսել դրա անցկացման համար: Նա գտնում է, որ Սերբական Հանրապետությունը, Կոսովոյի սերբաբնակ հյուսիսային տարածքները եւ Չեռնոգորիան ապագայում պետք է վերամիավորվեն Սերբիայի հետ:

Բոսնիա Հերցեգովինայի մոտ 3.5 միլիոն բնակչության մոտ 31 տոկոսը սերբեր են, որոնք միավորումը զբաղեցնում է երկրի տարածքի գրեթե կեսը: Սերբերը տեղի բնիկներն են, սակայն դարավոր թուրքական գերիշխանության ընթացքում նրանց թիվն աստիճանաբար նվազել է եւ տարածաշրջան են ներթափանցել մահմեդականները՝ դառնալով մեծամասնություն: Ներկայումս Բոսնիա Հերցեգովինայի 50 տոկոսը կազմում են բոսնիացի մահմեդականները, 15.2 տոկոսը խորվաթներ են:

Բոսնիացի մահմեդականների առաջնորդ Բաքիր Իզեթբեգովիչը կարգադրել է հետաքննություն սկսել, իր իսկ բնորոշմամբ, հակասահմանադրական միջոցառման եւ բոսնիական պատերազմի վետերանների շքերթի փաստի առթիվ: Իր հերթին, Բոսնիա Հերցեգովինայի Սահմանադրական դատարանը նման շքերթի անցկացումն անօրինական է ճանաչել: Բոսնիացի մահմեդականներն ու խորվաթները Դոդիկին արդեն մեղադրում են միջէթնիկական նոր բախում հրահրելու եւ դաշնային պետությունը քայքայելու փորձերի մեջ եւ խոսում են Հյուսիսատլանտյան դաշինքի միջամտության անհրաժեշտության մասին: Հենց վերջինիս միջամտությունն էր, որ բոսնիացի սերբերին ստիպեց հրաժարվել դաշնային պետություն ստեղծել մահմեդականների ու խորվաթների հետ:

Տպել
1930 դիտում

ՌԴ-ում կատակում են, թե հայերն են առաջ տանում հոկեյի Մ20 տարեկանների հավաքականը. Փոլոդյան

Ֆրանսիական հեռուստաալիքը ցուցադրել է «Հայաստան. Նոյի խաղողի այգիները» փաստագրականը

Ամերիկյան հայտնի հագուստի բրենդը նոր հուդիներ է թողարկել` Արցախի դրոշով

ՀՎԿ-ն ու ՀՀԿ-ն հուշագիր ստորագրեցին`Վանաձորի միասնական կառավարման մասին. Փելեշյանը`տեղակալ

Ադրբեջանցի 20 դիպուկահար մարզվում է Թուրքիայի ոստիկանությունում (տեսանյութ)

Էրդողանը քիչ է համարում Նորվեգիայի ՊՆ-ի ներողությունը`իրեն եւ Աթաթուրքին վիրավորելու համար

ՌԴ-ն Սիրիայում հրադադարի ռեժիմի խախտման հինգ դեպք է արձանագրել, Թուրքիան՝ չորս

Այսօր «Միսս աշխարհ»-2017-ի եզրափակիչ փուլն է. Լիլի Սարգսյանը չի հասել եզրափակչին

Ջորջ Քլունին սերիալ է նկարահանում ԱՄՆ օդուժի հայ զինծառայողի մասին

Սանկտ Պետերբուգում առյուծին սովորեցրել են հայերեն հասկանալ. Տեսանյութ

Դեռ ամեն ինչ կորած չէ. ՀՀ-ն ռիսկային է, բայց՝ ոչ այնքան

ԱՄՆ-ը և Ռուսաստանը տապալել են Սիրիայի հարցով մեկը մյուսի ներկայացրած բանաձևերը

Մալադե՛ց. հաղթական բանակի գեներալը

Բարձր հովանու ներքո. համ հաճույք ստացավ, համ կույս մնաց

ԵԱՏՄ անդամ Հայաստանը ԵՄ-ի հետ ավելի մտերմանալու 2-րդ փորձն է անում. New Europe

ԱՄՆ-ն մտադիր է կայունացնել իրավիճակը Լիբանանում եւ ուժեղացնել Սաուդյան Արաբիայի ՀՀՊ-ն

«Շանթ» հ/ը հաղորդումներն առանց թույտվության ցուցադրելու փաստով առաջադրվել է մեղադրանք

Շփման գծում հարաբերական հանգիստ օպերատիվ իրադրությունը մնացել է անփոփոխ. ՊԲ

ՀՀ երկու քաղաքացիներ փորձել են ապօրինի մեծ քանակությամբ ծխախոտ տեղափոխել Վրաստան

ԱՄՆ-Թուրքիա՝ վտանգավոր փակուղի. Էրդողանը մեղադրել է Վաշինգտոնին Դաեշ-ին աջակցելու մեջ