Հայկական ֆուտբոլային թիմերը վերսկսել են մարզումները

10/01/2017 schedule17:12

Հայկական ֆուտբոլային թիմերը նախապատրաստվում են 2016-2017 մրցաշրջանի գարնանային հատվածին: Հունվարի 2-րդ շաբաթվանից ոչ մի թիմ արդեն արձակուրդում չէ: Գյումրիի «Շիրակը», որը 34 միավորով գլխավորում է Բարձրագույն խմբի առաջնության մրցաշարային աղյուսակը, մարզումները վերսկսել է հունվարի 7-ից: Թիմը 1 արտասահմանյան հավաք է անցկացնելու: Փետրվարի 9-23-ը գյումրեցիները մարզվելու են Թուրքիայում՝ Անթալիայում: Armtimes.com-ի հետ զրույցում ակումբի մամուլի քարտուղար Աննա Թադեւոսյանը նշեց, որ ընկերական խաղերի մասին ակումբը դեռ վերջնական ծրագիր չի կազմել:

Գործող չեմպիոն «Ալաշկերտը», որն ընթացիկ մրցաշրջանում 30 միավորով 2-րդն է, արձակուրդից վերադառնում է այսօր: Բոլոր ֆուտբոլիստները՝ ինչպես տեղացիները, այնպես էլ լեգեոներներն արդեն Երեւանում են: Ինչպես ավելի վաղ armtimes.com-ի հետ զրույցում հայտնել էր, թիմի նոր գլխավոր մարզիչ Արամ Ոսկանյանը, չեմպիոնները Երեւանում կմարզվեն մինչեւ հունվարի 30-ը: Հետո կմեկնեն Անթալիա: Այնտեղ հավաք կանցկացնեն հունվարի 31-ից փետրվարի 13-ը: Թուրքիայում նախատեսում են ընկերական 4 հանդիպում: Փետրվարի 13-ին «Ալաշկերտը» կվերադառնա Երեւան, 3 օր հետո կմեկնի ԱՄՆ, որտեղ 2 ընկերական խաղ կանցկացնի: Դրանցից մեկի դեպքում մրցակիցը կլինի ՀՀ հավաքականի նախկին հարձակվող Յուրա Մովսիսյանի «Ռեալ Սոլթ Լեյքը»: Այդ հանդիպումը տեղի կունենա փետրվարի 24-ին Լոս Անջելեսում:

27 միավորով 3-րդ հորիզոնականը զբաղեցնող «Փյունիկը» ձմեռային դադարից հետո առաջին մարզումն անցկացրել է երեկ՝ հունվարի 9-ին: Առաջնության գարնանային հատվածի նախապատրաստության շրջանակներում Արտակ Օսեյանի սաները 2 ուսումնամարզական հավաք կանցկացնեն: Ինչպես տեղեկացնում է ակումբի մամուլի ծառայությունը, առաջին հավաքը կմեկնարկի Ավանի ֆուտբոլի ակադեմիայում հունվարի 22-ին: Այդ ընթացքում թիմն ընկերական 2 հանդիպում կանցկացնի: 2-րդ հավաքը նախատեսվում է արտասահմանում: 2-րդ հավաքի մասին մանրամասներ ակումբը դեռ չի հայտնում:

«Գանձասար-Կապանը» (27 միավոր), որն անձնական ցուցանիշներով «Փյունիկին» զիջելու հետեւանքով 4-րդն է, մրցաշրջանի 2-րդ հատվածի նախապատրաստությունը նույնպես սկսել է երեկ: Ինչպես ավելի վաղ գլխավոր մարզիչ Աշոտ Բարսեղյանը տեղեկացրել էր, որոշ ժամանակ Երեւանում՝ «Միկա» մարզահամալիրում, մարզվելուց հետո թիմը հավաք է անցկացնելու Կապանում: Դրանից հետո 1 շաբաթ կրկին ֆուտբոլիստները մարզվելու են Երեւանում եւ 2-րդ հավաքն անցկացնելու են Անթալիայում:

Բոլորից վաղ մրցաշրջանի գարնանային հատվածին սկսել է նախապատրաստվել «Բանանցը»: Թիմը մարզվում է հունվարի 4-ից, սակայն ոչ ամբողջական կազմով: Ինչպես հաղորդում է ակումբի պաշտոնական կայքը, հունվարի 7-ից բոլոր ֆուտբոլիստներն արդեն գլխավոր մարզիչ Արթուր Ոսկանյանի տրամադրության տակ են: 1-ին ուսումնամարզական հավաքը թիմը կանցկացնի հունվարի 27-ից փետրվարի 5-ը Կրասնոդարի երկրամասում, 2-րդը՝ փետրվարին՝ Անթալիայում: 1-ին հավաքի ընթացքում, որն ավելի շատ ֆիզիկական բնույթ է կրելու, «Բանանցը» նախատեսում է անցկացնել 2, իսկ 2-րդ հավաքի ընթացքում՝ 5 ընկերական հանդիպում: Ընթացիկ առաջնությունում Ոսկանյանի սաները 16 միավորով ընթանում են նախավերջին՝ 5-րդ, տեղում:

Առաջնության ետնապահ «Արարատը», որը 6 միավորով 6-րդ տեղում է, Արկադի Անդրեասյանի գլխավորությամբ մարզումները վերսկսել է այսօր: Թիմ մարզվում է Ձորաղբյուրի մարզաբազայում: Armtimes.com-ի հետ զրույցում ակումբի մամուլի ծառայությունից ասացին, որ հավաքների ծրագիրը կազմելու ուղղությամբ դեռ աշխատանքներ են տարվում, սակայն մի բան հստակ է, որ ի տարբերություն առաջնության մի քանի այլ թիմերի՝ «Արարատն» Անթալիայում չի մարզվի: Հայկական թիմերը հաճախ են հավաքներ անցկացնում Թուրքիայում, սակայն «Արարատը» երբեք հարեւան այդ երկիր չի մեկնում:

Այս տարի մի շարք հայկական թիմեր նախապատրաստական շրջանը նախատեսել են անցկացնել Թուրքիայում, որպեսզի իրենց կազմում հանդես եկող հայ ֆուտբոլիստները կարողանան մասնակցել ՀՀ հավաքականի ընկերական հանդիպմանը: Փետրվարի 12-ին մեր ընտրանին ուժերը չափելու է Ուզբեկստանի հետ:

Հայաստանի բարձրագույն խմբի առաջնության գարնանային հատվածը վերսկսելու է մարտի 4-ին: 18-րդ տուրի շրջանակներում տեղի են ունենալու «Բանանց»-«Ալաշկերտ», «Գանձասար-Կապան»-«Փյունիկ» , «Արարատ»-«Շիրակ» հանդիպումները:

Տպել
792 դիտում

Իսպանիայի հավաքականը ԱԱ 2018-ում հազիվ փրկվեց խայտառակությունից

ՍԱՊԾ աշխատակիցները դժգոհ են ղեկավարի ընտրության կարգի կազմակերպումից, դիմում են վարչապետին

Հորդառատ անձրևի պատճառով մարվել է Մեծ Եղեռնի հուշահամալիրի Հավերժական կրակը

Թող իմ անվան տակ հավայի չքցեն, որ իմ տնից զենք են հանել. Նորատուսցի Արա

ՀԱԱ տնօրեն Ամատունի Վիրաբյանին պարտադրված հրաժարականի պահանջին դեմ են արխիվի աշխատակիցները

Արցախի կառավարությունը որևէ մեքենա չի հատկացրել ԵԿՄ-ին. պարզաբանումներ՝ Ա. Հարությունյանից

Բնավ զարմացած չեմ, սահմռկեցուցիչ բաներ եմ լսել Մանվել Գրիգորյանի մասին. Սեդա Մելքոնյան

Պետավտոտեսուչին իբրեւ կաշառելու համար քաղաքացուց 3000 դոլար է հափշտակվել. 3 մեղադրյալ կա

Հայաստան-ԵՄ համագործակցությամբ կարագացվի վիզաների ազատականացման, ազատ տեղաշարժի գործընթացը

Զինծառայողների իրավունքների եւ հաշմանդամության կարգի հետ կապված բողոքներ Գեղարքունիքում

Չեխովի անվան դպրոցը չունի տարրական կրթության լիցենզիա. ազդեցիկ կապերն այլեւս չեն գործելու

Զորամասի հրամանատար գնդապետը և 3 անձ մեղադրվում են բենզին հափշտակելու, անգործության համար

Որոշ դպրոցներ չունեն կրթություն տրամադրելու իրավունք. ԿԳՆ-ն շրջաբերական է ուղարկել

Քրեական հետապնդում է հարուցվել 23 գյուղապետի նկատմամբ. 25.5 մլն դրամի վնաս փոխհատուցվել է

Նախարարը պահանջել է Արխիվի տնօրենի հրաժարականը, դիմել գլխավոր դատախազին. քրգործ կհարուցվի՞

Էլեկտրաէներգիայի սակագինը մասնակի կփոխհատուցվի. «Տաշիր» խմբի հայտարարությունը

Ի պատասխան Կինոլոգիական միության նախագահի բաց նամակի ՊԵԿ-ը հայտարարությամբ է հանդես եկել

Մանվել Գրիգորյանի պատժամիջոցները. ո՞վ է համացանցում հայտնված սկանդալային լուսանկարի մարդը

Սեյրան Օհանյանը որպես վկա հարցաքննվել է՝ ՊՆ-ում չարաշահումների գործով

Խուզարկվել են մի քանի տասնյակ օրենքով գողերի, քրեական հեղինակությունների տներ (տեսանյութ)