ԲՀԿ-ն եւ ՀՎԿ-ն միանում են «Լուսավոր Հայաստանի» պահանջին. վաղը 3-ով կդիմեն Կառավարությանը

Վանաձորի քաղաքապետ Մամիկոն Ասլանյանին եւ Վանաձորում հոկտեմբերի 2-ին կայացած վիճելի ընտրություններում հաստատված ՀՀԿ-ական իշխանությանը պաշտոնից զրկելու եւ Վանաձորում ավագանու նոր ընտրություններ նշանակելու հարցով Կառավարությանը հասցեագրված դիմումը «Լուսավոր Հայաստան» կուսակցությունն այսօր ուղարկել է «Բարգավաճ Հայաստան»-ին եւ «Հայկական վերածնունդ»-ին:

«Լուսավոր Հայաստանն» այս կուսակցություններից ակնկալում է ստորագրությամբ միանալ Կառավարությանն ուղղվելիք դիմումին եւ հաստատել, որ իրենք եւս պահանջում են Վանաձորում ավագանու նոր ընտրությունների նշանակում: Մեզ հետ զրույցում այդ մասին տեղեկացրեց ԼՀ ղեկավար Էդմոն Մարուքյանը:

Մեր հարցին ի պատասխան նա տեղեկացրեց, որ կուսակցություններից դեռ պատասխան չի ստացել, իսկ ստանալուն պես դիմումը կհրապարակվի եւ թեկուզ վաղն եւեթ կուղարկվի Կառավարություն:

«Հայկական վերածնունդ» կուսակցության լրատվական քարոզչական մասի ղեկավար Էդգար Առաքելյանը մեզ հետ զրույցում ասաց, որ իրենք կողմ են «Լուսավոր Հայաստան» կուսակցության դիրքորոշմանը:

«Խնդիրը նաև կառավարության որոշման տիրույթում է՝ օրենքի շրջանակներում: «Լուսավոր Հայաստան»-ը դիմում է կառավարությանը, եթե կլինի նոր ընտրություններ անցկացնելու որոշում, ապա մենք միայն կողջունենք այն: «Հայկական վերածնունդ» կուսակցությունը, ինչպես նախկինում, այնպես էլ հիմա, շարունակում է Վանաձորի ավագանու նիստերի բոյկոտը, և հավաստիացնում եմ ձեզ, որ առաջիկայում ևս այն կշարունակվի»,- մեր զրույցում ասաց Առաքելյանը:

«Բարգավաճ Հայաստանը» եւս քննարկել է այս հարցը. «Մենք միանում ենք այդ դիմումին»,- մեր զրույցում քիչ առաջ հայտնեց ԲՀԿ խմբակցության պատգամավոր Վահե Էնֆիաջյանը՝ ընդգծելով. «Այնտեղ որոշակի բովանդակային հարցեր կան, բայց, ընդհանուր առմամբ, մեր որոշումն այն է, որ մենք միանում ենք դիմումին»:

Հիշեցնենք, որ «Լուսավոր Հայաստան» կուսակցության նախագահ Էդմոն Մարուքյանը մեզ հայտնել էր, որ Կառավարությանն ուղղված գրություն են պատրաստում, որով պահանջում են կրճատել Վանաձորի ավագանու գործունեության ժամկետը եւ նոր ընտրություններ նշանակել:

Որպես այսպիսի գրության հիմք Մարուքյանը նշում էր հետեւյալը. եթե հերթական նստաշրջանի ժամանակ ավագանու նիստերը 3 ամսից ավելի չեն գումարվում, քաղաքի բյուջեի վերաբերյալ որոշում չի կայացվում, ավագանու լիազորությունները Կառավարության որոշմամբ կարող են կրճատվել: Հոկտեմբերի 10-ից հետո Վանաձորի ավագանու նիստ չի անցկացվել՝ քվորումի բացակայության պատճառով:

Հոկտեմբերի 2-ին կայացած ընտրությունների արդյունքներով «Լուսավոր Հայաստան»-ը ստացավ 10 մանդատ, ԲՀԿ-ն՝ 3, «Հայկական վերածնունդը»՝ 5, իսկ ՀՅԴ-ն՝ 2: «Լուսավոր Հայաստան», «Բարգավաճ Հայաստան» եւ «Հայկական վերածնունդ» կուսակցությունների միջեւ կնքված համաձայնագրով՝ այս ուժերը քաղաքապետի ընտրության ժամանակ պետք է իրենց ձայնը տային «Լուսավոր Հայաստան» կուսակցության ցուցակը գլխավորող Քրիստ Մարուքյանին՝ այդպիսով ՀՀԿ-ին Վանաձորում դարձնելով ընդդիմություն:

Ու չնայած նրան, որ ՀՀԿ-ն ու նրանց կոալիցիոն գործընկեր ՀՅԴ-ն միասին ընտրությունների արդյունքում ընդամենը 15 մանդատ էին ստացել Վանաձորում, Մամիկոն Ասլանյանը փակ քվեարկության արդյունքում 19 ձայնով քաղաքապետ ընտրվեց: 

Տպել
8081 դիտում

ՊԵԿ օպերատիվ հետախուզության վարչությունը ապօրինի գործող գիշերային ակումբներ է հայտնաբերել

Ովքեր են Երեւանի ավագանու կազմ անցած «Լույս» դաշինքի 3 անդամները

Արդարադատության նախարարության Պրոբացիայի ծառայությունը աշխատանք է առաջարկում

Երեւանցիները քվեարկեցին՝ անսալով վարչապետի կոչին. «Երկիր Ծիրանի»-ի հայտարարությունը

Ովքեր են Երեւանի ավագանու կազմ անցած ԲՀԿ-ի 5 անդամները

Հայաստանի ու Կանադայի վարչապետներն անսպասելի հանդիպել են ԱՄՆ-ում

Աննա Հակոբյանը Կանանց եվրասիական համաժողովի մասնակիցներին կոչ արեց միանալ խաղաղության իր արշավին

Մեկնարկել է ՄԱԿ Գլխավոր ասամբլեայի 73-րդ նստաշրջանը. նոր ծանոթությունների ժամանակը

Ովքեր են Երեւանի ավագանու կազմ անցած «Իմ քայլը» դաշինքի 57 անդամները

Պուտինը հայտնել է Ասադին С-300 համակարգերի մատակարարման մասին

Արցախն անկախության նույնքան իրավունք ունի, որքան ՀՀ-ն, Բելառուսը եւ Ադրբեջանը. Շարմազանով

Տոնոյանը Մուրացանի հոսպիտալում այցելել է վիրավորված զինծառայող Արթուր Գեւորգյանին

«Մանկական եվրատեսիլում» ՀՀ-ն կներկայացնի 12-ամյա L.E.V.O.N-ը

Իգոր Դոդոնը ժամանակավորապես հեռացվել է նախագահի պաշտոնից

Հարվածել են լրագրողի ձեռքին, օպերատորի ուսից քաշել․ Երեւանի ընտրություններում խախտվել են լրագրողների իրավունքները

Երթեւեկության փոփոխություն Կիեւյան և Սեբաստիայի փողոցների չկարգավորվող հետիոտնային անցումներ հատվածներում

Երեւանի ընտրություններին ցածր մասնակցության մասին փաստարկները, մեղծ ասած, ծիծաղելի են. վարչապետ (տեսանյութ)

ՕԵԿ-ը շնորհավորել է «Իմ քայլը» դաշինքին Երեւանի ընտրություններում հաղթանակի կապակցությամբ

Երեւանի ավագանու արտահերթ ընտրություններն ընդհանուր առմամբ անցել են լավ կազմակերպված. Բաբլոյան

Մենք հիմքեր չենք տեսնում նոր խորհրդարանական ընտրությունների. ՀՀԿ խմբակցության ղեկավար