Փաստաբանների պալատում կրքերը չեն հանդարտվում. ինչ է բարձրաձայնում հայտնի փաստաբանը

Փաստաբանների պալատում կրքերը ոչ մի կերպ չեն հանդարտվում: Ստեղծված լարված իրավիճակը ստիպում է, որ բացի Լուսինե Սահակյանից եւ Երվանդ Վարոսյանից, այլ փաստաբաններ եւս բարձրաձայնեն խնդիրներն ու փորձեն գոնե այդ կերպ լուծումներ տալ դրանց: Խոսքը հայտնի փաստաբան Տիգրան Աթանեսյանի մասին է:

Վերջինս նախատոնական օրերին ֆեյսբուքյան իր էջում հետեւյալ գրառումն էր կատարել. «Երբ իմ շատ հարգելի գործընկերներ Լուսինե Սահակյանի, Երվանդ Վարոսյանի՝ մի կողմից եւ Պալատի նախագահ Արա Զոհրաբյանի միջեւ առաջացավ բոլորին հայտնի կոնֆլիկտը, ճիշտն ասած, ինձ թվում էր, թե դա ինչ-որ անձնական հարցեր են, ուստի շատերի նման պահպանում էի չեզոքություն եւ զերծ էի մնում հստակ գնահատականներից: Հիմա, սակայն պետք է ներողություն խնդրեմ Երվանդից ու Լուսինեից, որ հենց ամենասկզբից չեմ կանգնել իրենց կողքին, քանի որ կյանքը ցույց տվեց, որ իրենց «հնազանդեցնելու» փորձը ընդամենը սկիզբ էր մի գործի, որի իրական անունն է Փաստաբանների պալատը վերածել հայտնի հիմնարկին կից փաստաբանական վարչության, որի միակ գործառույթն իրականում լինելու է անկախ փաստաբանության ոչնչացումը: Խոսք եմ տալիս, որ ամեն ինչ անելու եմ՝ այդ կործանարար ծրագիրը խափանելու համար»:

Երեկ Տիգրան Աթանեսյանից հետաքրքրվեցինք, թե ի վերջո ի՞նչ է տեղի ունեցել եւ ինչը ստիպեց նրան խախտել չեզոքությունը: Փաստաբանը մեր զրույցում նշեց, որ այն, ինչ հիմա կատարվում է Փաստաբանների պալատում, որեւէ տրամաբանության մեջ չի տեղավորվում: Աթանեսյանը հիշեցրեց, որ Արա Զոհրաբյանը ՓՊ նախագահի ընտրություններում հաղթել է հսկայական առավելությամբ, այսինքն՝ ստացել է լեգիտիմության մեծ քվե: «Ընտրություններից հետո իմ կողմից պալատի հասցեին քննադատություն չի եղել: Բայց ես ինքս ինձ եմ արդեն քննադատում, երեւի թե պետք է ժամանակին արձագանքեի այն թերություններին, որոնք սկսել էի տեսնել»,- ասաց փաստաբանը:

- Ի՞նչ թերությունների մասին է խոսքը:

- Բավական խնդիրներ են կուտակվել, պալատի գործունեությունը դարձել է անհասկանալի, եւ դրա պատճառն այն է, որ նախագահը չունի հակակշիռ պալատում: Խորհուրդն ամբողջությամբ վերահսկում է պալատի նախագահը, խորհրդի 9 անդամն անում են այն՝ ինչ ասում է պալատի նախագահը, խորհուրդն ինքնին ավելի հզոր մարմին է, քան պալատի նախագահը, իսկ այս վիճակում այն, կարելի է ասել, գոյություն չունի, ստացվում է մենաշնորհային վիճակ, որը բերում է հսկայական թերությունների:

- Մասնավորապե՞ս:

- Հիմա չեմ ցանկանա շատ անդրադառնալ, բայց պալատը, չգիտես ինչու, ունի վարկային պարտավորություններ, որոնք արտացոլված չեն հաշվետվություններում, Հանրային պաշտպանի գրասենյակում որպես օժանդակ անձ գրանցված են 26 հոգի, որոնք երբեք այդ գրասենյակում չեն երեւում, բայց աշխատավարձ են ստանում, Պալատի նախագահն աշխատանքի է ընդունել իր բարեկամներին, եւ ես կասկածում եմ, որ այդ տեղերի համար մրցույթ եղած լինի: Ամեն դեպքում, գտնում եմ, որ նա իր բարեկամներին չպետք է ընդուներ աշխատանքի: Կամ 30 հոգի աշխատակազմում ինչո՞վ են զբաղվում:

Այսինքն՝ ինքը ՓՊ-ն դարձրել է հարմար գրասենյակ: Լավ, էլի ոչինչ, բայց երբ բանը հասավ նրան, որ փաստաբաններն են խոցելի դարձել պալատի համար, արդեն ստիպված պետք է մտորենք՝ ինչ է եղել: Հասկացա, որ պալատն իրականում ոչնչով չի զբաղվում: Տեսեք՝ Վճռաբեկ դատարանի նախագահը կոռուպցիայի մեջ մեղադրեց փաստաբանների, որոնք խաբում են իրենց վստահորդներին: Պալատը՝ նախագահի գլխավորությամբ լուռ եղավ, արձագանք չեղավ: Ծեծի ենթարկվեց փաստաբանը, հաղորդում ներկայացրեց ՀՔԾ, պալատի նախագահը լուռ է մնացել, 1 շաբաթ հետո հայտարարություն է տարածել հանձնաժողովը, որը մնաց անհետեւանք:

Մենք ունենք փաստաբանների ներկայացրած 40 հայց՝ ընդդեմ պալատի, որոնք ավարտվել են փաստաբանների պարտությամբ: Հարց է առաջանում՝ արդյո՞ք մեր փաստաբաններն այդքան վատ հայցեր են գրում, թե՞ կա մի ուրիշ վիճակ, թե՞ կա այդ ուրվագծվող անհասկանալի կապը դատական իշխանության հետ: Ի վերջո, պալատը նրա համար չի, որ սպասարկի Վճռաբեկի շահերը, իսկ այդպիսին դարձել է: Որպես կանոն այն փաստաբաններն են թիրախում, որոնք դժգոհություն են արտահայտել պալատի հասցեին: Միանգամից ասեմ՝ ես էլ եմ դարձել կարգապահական վարույթի հարուցման թիրախ: Եթե ինձ են  թիրախավորել... այսինքն՝ կա՛մ վտանգ է զգում եւ ուզում է հնազանդեցնել, կա՛մ այդ մարդը խնդիրներ ունի: Ի վերջո, ինչ եղավ, որ այդ մարդուն շատերը սիրում էին, ընտրեցին եւ հիմա ընկել է փաստաբանների ետեւից, իմ կարծիքով հակակշռի բացակայությունն է...:

Եթե մի քննադատական բառ ես հնչեցնում պալատի կամ նախագահի հասցեին, կա մարդկանց խումբ որպես կանոն պալատի աշխատողներ, որոնք սկսում են զբաղվել տրոլինգով եւ հարձակում են գործում, ընդ որում այնպիսի մարդիկ են խոսում փաստաբանական վեհ գաղափարի մասին, որոնք  դեռեւս չեն վաստակել հանրորեն փաստաբանության մասին խոսելու իրավունքը: Նրանց ես անվանում եմ պալատի զոնդերկամանդ:

- Ստեղծված իրավիճակում ի՞նչ ելք եք տեսնում:

- Փետրվարի 11-ին սպասվում են ՓՊ խորհրդի ընտրություններ, ես եւ մի քանի համախոհ կոլեգաներ առաջադրելու ենք մեր թեկնածությունները, կփորձենք հաղթել, ստեղծել անկախ փաստաբանների կայուն մեծամասնություն: Եթե դա չհաջողվեց, եթե պալատի նկատմամբ փաստաբանների մեջ ձեւավորվել է լոյալ մեծամասնություն, ապա փաստաբանությունը մեր երկրում լրջագույն վտանգի առջեւ է կանգնած, ունենալու ենք խայտառակ վիճակ: Կամ պետք է ստեղծել առանձին միություն, այսինքն՝ չպետք է լինի միասնական փաստաբանական մարմին:

- Այսինքն՝ օրենքի փոփոխության մասի՞ն է խոսքը:

- Օրենքի փոփոխություն անհրաժեշտ կլինի, որովհետեւ ազատ, անկախ փաստաբան բառը հասկացող, գնահատող մարդիկ նման պալատում ապագա չունեն: Պետք է աշխատել այդ ուղղությամբ, փաստաբանը չպետք է կախված լինի նախագահի  քմահաճույքներից: Եթե խորհրդի ընտրությունները ցույց տվեցին այն, ինչ կա, ապա սեպտեմբերին պալատի նախագահի ընտրություններ են, կունենանք նույն նախագահը, կամ այնպիսի նախագահ, որի օրոք բան չի փոխվելու:

- Դուք կրկին մասնակցելո՞ւ եք նախագահի ընտրություններին:

- Ոչ:

Տպել
5596 դիտում

Աշխարհի ամենախոշոր կրուիզային ընկերություններից մեկն իր երթուղուց հանել է Թուրքիան

Երեխա էր ուզում. Արմեն Ջիգարխանյանը նոր բացահայտումներ է արել կնոջ հետ կոնֆլիկտի մասին

Իսպանիայի իշխանությունները չեն պատրաստվում ձերբակալել Կատալոնիայի առաջնորդին

Հայտնի է, թե ով կլինի հայաշատ Ախալցխայի քաղաքապետը

Ընտրությունները Ջավախքում. հաղթել են դատախազության աշխատակիցն ու վրացերենի ուսուցչուհին

Պակիստանը ցանկանում է միանալ Ադրբեջան-Իրան-Ռուսաստան եկաթուղային միջանցքին

Քրդերը վերահսկողության տակ են վերցրել Սիրիայում խոշորագույն նավթահանքերից մեկը

Մադագասկարում ժանտախտից արդեն 100 մարդ է մահացել

Մադրիդը կոչ է արել կատալոնացիներին ենթարկվել կենտրոնական իշխանությունների հրահանգներին

Արցախում մահացած զինծառայողների գործերով ձերբակալվածներ կան

Հայաստանն ավելացնում է պարտքային բեռը. մինչեւ տարեվերջ` 6,7 մլրդ դոլար

Ռուսաստանում ամենահարուստ հայերից մեկը 1 օրում 600 միլիոն դոլար է կորցրել

Կրասնոդարում 2 հայեր կրակել են երիտասարդների ուղղությամբ. Կա 2 զոհ

Մյունխենում ձերբակալել են հեծանիվով և դանակով անցորդների վրա հարձակման կասկածյալին

ՏԻՄ ընտրությունները Վրաստանում. Թբիլիսում հաղթում է իշխանական թեկնածուն

ՏԻՄ ընտրություններ Ախալքալաքում. Բախումներ, ընտրախախտումներ և 6 հայ թեկնածու

Ռուսաստանում արգելել են Հայաստանի մասին ադրբեջանական ֆիլմի ցուցադրությունը

Սիմոն Մարտիրոսյանը, Գոռ Մինասյանը եւ Արփինե Դալալյանը՝ երիտասարդական ԵԱ չեմպիոններ

Թեհրանում բացվել է Հայաստանի պատմության եւ Իրանի ազգային թանգարանների համատեղ ցուցահանդեսը

Հայկական ընկերությունը ստեղծել է աշխարհում առաջին «ճախրող» տեսախցիկը