Ֆուտբոլի Աշխարհի առաջնության մասնակիցների թվի ավելացումը քննարկումների առիթ է դարձել

Ֆուտբոլի միջազգային ֆեդերացիայի՝ ՖԻՖԱ-ի նախագահ Ջանի Ինֆանտինոյի առաջարկով ընդլայնվել է Աշխարհի առաջնությունների մասնակիցների թիվը. ՖԻՖԱ-ն երեկ պաշտոնապես հայտարարել է, որ 2026 թվականի Աշխարհի առաջնությանը մասնակցելու են 48 թիմ՝ նախկին 32-ի փոխարեն: Համաձայն տարածված հայտարարության, խմբային փուլում թիմերը բաժանվելու են 16 խմբի՝ յուրաքանչյուրում 3-ական թիմ եւ խմբերում 1-2 տեղեր գրավածները պայքարը շարունակելու են 1/16 եզրափակչում: 16 թիմեր, որոնք խմբային փուլում կզբաղեցնեն վերջին՝ 3-րդ տեղը, անցկացնելով 2-ական հանդիպում կլքեն պայքարը խմբային փուլի ավարտից հետո, 3-ական հանդիպում անցկացնելուց հետո պայքարը կլքեն եւս 16 թիմ (որոնք կպարտվեն 1/16 եզրափակչում):

Ընդհանուր առմամբ, մրցաշարը տեւելու է 32 օր, կայանալու են 80 հանդիպում, իսկ ՖԻՖԱ-ի եկամուտները ավելանալու են 640 միլիոն ԱՄՆ դոլարով: Առայժմ հաստատված չէ 2026 թվականի Աշխարհի առաջնության անցկացման վայրը, բայց խոսակցություններ կան, որ այն անցկացվելու է միանգամից 3 երկրում՝ ԱՄՆ-ում, Կանադայում եւ Մեքսիկայում: Աշխարհի առաջնության մասնակիցների թվի ընդլայնումը բուռն քննարկումների առիթ է հանդիսացել: ՖԻՖԱ-ի որոշմանը դեմ է արտահայտվել Աշխարհի գործող չեմպիոն Գերմանիայի գլխավոր մարզիչ Յոախիմ Լյովը:

«Հասկանում եմ, որ փոքր երկրների համար սա հրաշալի հնարավորություն է հանդես գալու մեծ մրցաշարերում, բայց պետք է մտածել որակի մասին: Աշխարհի առաջնության մասնակիցների քանակի մեծացումը բերելու է որակի անկման», - հայտարարել է Լյովը: ՖԻՖԱ-ի որոշմանը դեմ է արտահայտվել նաեւ անգլիական «Արսենալի» գլխավոր մարզիչ Արսեն Վենգերը, նշելով, թե չի կարծում, որ նման ձեւով հնարավոր է հասնել ֆուտբոլի մասսայականության մեծացմանը: Իսկ ահա «Մանչեսթեր Յունայթեդի» գլխավոր մարզիչ Ժոզե Մոուրինյոն կողմ է արտահայտվել ՖԻՖԱ-ի որոշմանը, տալով մանրամասն բացատրություն:

«Ամբողջապես կողմ եմ ՖԻՖԱ-ի որոշմանը: Մասնակիցների թվի ընդլայնումը չի նշանակում խաղերի քանակի ավելացում՝ ֆուտբոլիստները, ակումբներն այս մասով պաշտպանված են: Խմբային փուլը՝ 3-ական թիմով, շատ ճիշտ որոշում է: 2 խաղ եւ դու կամ փլեյ-օֆում ես, կամ տուն ես գնում: Խմբային փուլի բոլոր խաղերն այս դեպքում դառնում են կարեւոր եւ չեն լինելու անցողիկ խաղեր: Փոքր պոտենցիալ ունեցող թիմերը կխաղան 2 խաղ եւ տուն կգնան: Բայց նրանք մեծ փորձ ձեռք կբերեն: Չմոռանանք ֆինանսական բաղադրիչի մասին. շատ ավելի երկրներ գումարներ կվաստակեն եւ այն կներդնեն ֆուտբոլային ենթակառուցվածքներում: Աշխարհի առաջնության մասնակիցների թվի մեծացումը էլ ավելի կկարեւորի ֆուտբոլը որպես սոցիալական երեւույթ»,- հայտարարել է Մոուրինյոն:

Երեկ արդեն հայտարարությամբ է հանդես եկել եվրոպական ֆուտբոլում բավական մեծ կշիռ ունեցող Եվրոպական թիմերի ասոցիացիան (ECA): «Ցավում ենք, որ ՖԻՖԱ-ն հապշտապ որոշում կայացրեց, առանց լրջագույն քննարկումների: Աշխարհի առաջնության մասնակիցների թվի մեծացումն ավելի շատ քաղաքական որոշում է եւ կապ չունի ֆուտբոլի մասսայականության մեծացման հետ: Մենք մանրամասն ուսումնասիրում ենք այս որոշման հնարավոր հետեւանքները»,- մասնավորապես, նշված է ECA-ի տարածած հայտարարության մեջ:

Տպել
1195 դիտում

Մոսկվայում շինարարության աշխղեկ հայն ընկել է 3 մետր բարձրությունից և մահացել հիվանդանոցում

Ուզում էր գնալ ընտանիքի մոտ. «Շերեմետևոյում» մահացած հայի ազգականը պատմել է նրա մասին

Զոհրաբ Մնացականյանը հանդիպել է Ստրասբուրգի Հայ համայնքի և ԵԽ հայազգի պաշտոնյաների հետ

Նիկոլ Փաշինյանն այցելել է PicsArt ընկերության հայաստանյան գրասենյակ (լուսանկարներ)

Ուզում ենք անել անհնարինը, որովհետև անհնարինն է մեզ համար հնարավոր դառնալու. Փաշինյանը՝ Աշտարակում և Ապարանում

Ֆինանսատնտեսական և բյուջետային հարցերի հանձնաժողովի նախագահ է վերընտրվել Վազգեն Սաֆարյանը

ԱԺ ԲՀԿ-ական պատգամավորը Արամ Ասատրյանի երգացանկից երգ է կատարում (տեսանյութ)

Զոհրաբ Մնացականյանը մասնակցել է Եվրոպայի խորհրդի նախարարների կոմիտեի հանդիպմանը

Շաբաթ օրը՝ նոյեմբերի 24-ին, ժամը 10:00-ից մեկնարկելու է մեծ երթ Երեւանի փողոցներով. Ն. Փաշինյան

«Քո արվեստը դպրոցում» ծրագիրը՝ դեկտեմբերից. հայտնի են մրցույթում հաղթողների անունները

Դեռ 2015-ին 13% եկամտահարկ սահմանվեց դրսում աշխատողների համար, կողմ էր նաև Ա. Հովհաննիսյանը. Լ. Նազարյան

Սամվել Բաբայանի եւ մյուսների վերաբերյալ գործը վարույթ է ընդունվել. նիստի օրը հայտնի է

Լարսի խցանումները կապված էին ցորենի ներկրման շրջանի եւ եղանակային վատ պայմանների հետ․ Փամբուխչյան

Մեր երկրում տեղի է ունենում տնտեսության տրանսֆորմացիայի գործընթաց. հանդիպում Արագածոտնում

«Մենք» դաշինքի ռեյտինգային թեկնածուների ցանկը

Դպրոցի տնօրենի քվեարկությունը կլինի բաց, ծնողների եւ մանկավարժների ձայնը՝ կարեւոր. նախագիծ

Երևանի դատախազը ոստիկանությանը պատվիրել է ստուգել Աշոտյանի հայտարարությունը սպառնալիքի մասին

Քաղաքապետն ընդունել է ԵԱՀԿ դիտորդական առաքելության անդամներին, ներկայացրել նախընտրական ընթացքը

Ն. Փաշինյանը սխալ է անում՝ ենթարկվելով իր որոշ վայ-թիմակիցների հետևողական բաց շանտաժին. Ֆարմանյան

Դավիթ Տոնոյանն այցելել է Աֆղանստանում ծառայություն իրականացնող հայ խաղաղապահներին (լուսանկարներ)