«Նաիրիտի» գույքը վաճառքի կհանվի

11/01/2017 schedule15:45

«Նաիրիտ» գործարանի գույքը վաճառքի հանելու վերաբերյալ լուրերը համառորեն շարունակում են շրջանառության մեջ մնալ: Ներկա եւ նախկին աշխատակիցները թեեւ այս մասին հստակ տեղեկությունների չեն տիրապետում, սակայն հիմնավոր կասկածներ ունեն, որ շատ շուտով գույքի վաճառքի գործընթաց կմեկնարկի: Լրատվամիջոցների հետ զրույցներում այս մասին ասել է «Նաիրիտ»-ի արհմիության նախագահ Հրաչ Թադեւոսյանը:

Արդյոք գույքը վաճառքի հանելու մասին լուրերը համապատասխանո՞ւմ են իրականությանը: Armtimes.com-ը զրուցեց «Նաիրիտ» գործարանի տնօրեն Ռուբիկ Սաղաթելյանի հետ:

- Պարոն Սաղաթելյան, ճի՞շտ է, որ «Նաիրիտի» գույքը հանվում է վաճառքի:

- Եթե սնանկության գործընթաց է գնում, իհարկե, հետագա շահագործման համար ոչ պիտանի որոշակի գույք պետք է վաճառքի հանվի: Դրանք նախկինում դուրս գրված սարքավորումներ են:

- Ի՞նչ երաշխիքներ, որ անպիտանների հետ միաժամանակ չեն վաճառվի նաեւ պիտանի սարքավորումներ ու հաստոցներ:

- Բոլոր ստորաբաժանումներում ստեղծվում են գործարանի աշխատակիցներից կազմված մասնագիտական հանձնաժողովներ, որոնք էլ կազմում են օտարման ենթակա գույքի անվանացանկը:

- Ե՞րբ է մեկնարկելու գույքի վաճառքի գործընթացը:

- Դեռ չգիտենք, տեսնենք:

- Պարոն Սաղաթելյան, ովքե՞ր են գույքի պոտենցիալ գնորդները, արտերկրի՞ց են, թե՞ Հայաստանից:

- Դեռ կոնկրետ բան ասել չեմ կարող: Իհարկե, մարդիկ կան, որ հետաքրքրված են: Իմ իմանալով՝ ոնց որ թե Հայաստանից են, ավելի հստակ կիմանա սնանկության կառավարիչը:

- Իսկ ինչպե՞ս եք վերաբերում կառավարության կողմից ներդրողների համար հայտարարված տենդերին:

- Դե, սա էլ երեւի կարելի է առողջացման ծրագրի բաղկացուցիչ համարել: Տենդերի պայմանները հայտնի են, տեսնենք, թե ում հետ հնարավոր կլինի հետագայում աշխատել:

- Հայտնի է, որ նաիրիտցիները 4 ամսվա չվճարված աշխատավարձերը ստանալու պահանջով դիմել են դատարան: Ե՞րբ եք պատրաստվում մարել կուտակված պարտքերը:

- Այո, բոլոր պարտքատերերը հաշվառված են դատարանում: Երբ բոլոր պարտքատերերը կկազմավորվեն, ըստ «Սնանկության մասին» օրենքի՝ նրանց պարտքերը կմարվեն: Սնանկության կառավարիչը պետք է այդ ուղղությամբ համապատասխան գործողություններ կատարի: Մինչեւ դա՝ ավանսային կարգով մարել ենք 2016-ի դեկտեմբերի աշխատավարձի 80 տոկոսը:

Հիշեցնենք, որ գործարանը սնանկ էր ճանաչվել 2016 թվականի նոյեմբերի  28-ին տեղի ունեցած արագացված դատական նիստի ժամանակ: Չնայած նրան, որ «Նաիրիտ» գործարանին սնանկ ճանաչելու պահանջով հերթական դատական նիստը Շենգավիթ վարչական շրջանի ընդհանուր իրավասության դատարանում նշանակված էր 2017 թվականի հունվարի 25-ին, սակայն գրեթե գաղտնի պայմաններում այն տեղի էր ունեցել մոտ 2 ամիս շուտ:

Ըստ դատական ակտի՝ որոշվել էր «Նաիրիտ գործարան» ՓԲԸ-ից՝ հօգուտ «Հայաստանի էլեկտրական ցանցեր» ՓԲԸ-ի բռնագանձել 500.000 ՀՀ դրամ՝ որպես դիմողի կողմից նախապես վճարված պետական տուրքի գումար։

Տպել
1777 դիտում

ՀՀԿ-ական պատգամավորները նախարարից ու 12 մլն. եվրոյից են բամբասում, քննադատում նախագիծը

ՍԱՊԾ-ը կասեցրել է հացի արտադրամասի գործունեությունը

ՀՀ արտգործնախարարը կայցելի Բրյուսել

Անդրիաս Ղուկասյանի գործով տեսանկարահանումը կարգելվի՞. միջնորդել է դատախազը

«911»-ը ուժգին քամու հետ կապված ահազանգեր է գրանցել Իջեւանից, Դիլիջանից, Ստեփանավանից

Եվրոպական կուսակցությունների խորհրդարանական ընտրությունների ընտրարշավը թեժ է լինելու

ԱԻ նախարարը մասնակցել է ՀԱՊԿ պետությունների արտակարգ իրավիճակները համակարգող խորհրդի նիստի

Ապրիլին ադրբեջանցիները գրավեցին հայկական դիրքերը, բայց չկարողացան մոտենալ դրանց. Իվանով

Մադրիդի ավիաբազայում ընկել է F-18 ավիակործանիչը, զոհվել է օդաչուն

Վարչապետ Կարապետյանն աշխատանքից ազատել է իր օգնական Նարեկ Ադոնցին. վերջինս նրա սանիկն է

Արցախի ճակատագիրը չի կարող որոշվել առանց նրա. Սահակյանը՝ Սարգսյան-Ալիեւ հանդիպման մասին

Ղազախստանի հետ կոնֆլիկտը շարունակվում է. ԵՏՀ-ից հետո Ղրղզստանը դիմել է ԱՀԿ

Չսահմանված վայրում աղբ թափելու դեպքում պատասխանատվության են ենթարկվելու. Տարոն Մարգարյան

Ադրբեջանում ավելի քան 160 քաղբանտարկյալ կա, այդ թվում՝ 20 լրագրող եւ բլոգեր

Այս տարի կշրջանառվի գրիպի AH1 ենթատեսակը կամ, որ նույնն է, «խոզագրիպը»

Եղանակը Հայաստանում. ջերմաստիճանը կնվազի, իսկ հետո աստիճանաբար կբարձրանա

Կառավարությունը «Ելք»-ի պատգամավորներին առաջարկում է խաղատների մասին օրենքը չփոխել

Սերժ Թանկյանը մասնակցեց իր սիմֆոնիայի փորձին

Կպարզվի, որ իմ պաշտպանյալը կաշառք չի վերցրել. «Վանաձոր» ՔԿՀ-ի պետը չի ընդունում մեղադրանքը

Շուրջ 50 ծրագիր. կառավարությունում քննարկվել են համայնքային զարգացմանն ուղղված քայլերը