Դա կեղծ հարցազրույց է. Աշոտ Ավանեսյանը հերքում է Ղարաբաղի մասին աղմկահարույց հարցազրույցը

Ուկրաինայի հայերի ազգային կոնգրեսի նախագահ Աշոտ Ավանեսյանը ադրբեջական լրատվամիջոցներում հրապարակված աղմկահարույց հարցազրույցը հերքել է՝ այն ամբողջությամբ կեղծիք անվանելով:

«Այսօր՝ հունվարի 9-ին, ադրբեջանական լրատվամիջոցներում հրապարակվել է իբր ինձ հետ արված հարցազրույց, որտեղ նշվել են բացարձակ կեղծ դրույթներ: Ամենայն պատասխանատվությամբ հայտարարում եմ, որ դա կեղծ հարցազրույց է, կեղտոտ սադրանք: Լեռնային Ղարաբաղի Հանրապետության եւ Հայաստանի Հանրապետության անկախությունն ու անվտանգությունը ցանկացած հայի համար եղել է, կա եւ կլինի բարձրագույն արժեք՝ անկախ նրա ծննդավայրից կամ բնակավայրից: Միայն նշված պայմանների ապահովման դեպքում է հնարավոր հակառակորդ կողմի հետ հետագա փոխզիջումների մասին խոսել: Շատ կուզենայի հասկանալ՝ ինչու եւ ում է անհրաժեշտ այդ կեղծ լրատվությունը, որի մասին ամենեւին տեղյակ չեմ»,- ֆեյսբուքյան իր էջում գրել է Աշոտ Ավանեսյանը:

Իր հերթին ֆեյսբուքում թեմային անդրադարձել է ՀՀ-ում Ուկրաինայի դեսպան Անդրանիկ Մանուկյանը. «Ընկերներ, սա արդեն ծիծաղելի է: Ադրբեջանական պրոպագանդայի հերթական տապալումը...Իմ կողմից ուզում եմ հավելել, որ ադրբեջանական պրոպագանդայի ցանկացած փորձ՝ սեպ խրել Ուկրաինայի հայերի մեջ, միշտ անհաջողությամբ են ավարտվելու: Իսկ վերջում հավելեմ. ոչ հարգելի ադրբեջանցի սադրիչներ, ուզում եք գլխով խփեք պատին՝ ձեզ մոտ ոչինչ չի ստացվի»,- Ավանեսյանի գրառումն իր էջում տեղադրելով գրել է Մանուկյանը:

Ի դեպ, քիչ առաջ մեզ հաջողվեց զրուցել Աշոտ Ավանեսյանի հետ: Մենք հետաքրքրվեցինք, թե ի՞նչ կասի «ԱՊԱ» գործակալության կողմից հրապարակված աուդիոձայնագրության մասին, որտեղ հստակ լսվում է Ղարաբաղի տարածքների հանձնման վերաբերյալ հայտարարությունը: Նա ասաց, որ համակարգչային տեխնոլոգիաներն այնքան են զարգացել, որ ինչ ցանկանաս՝ հնարավոր է սարքել: Ավանեսյանը չբացառեց, որ դատի կտա կամ հերքում կպահանջի գործակալությունից: Մեր զրույցի մանրամասները՝ քիչ ուշ:

Հիշեցնենք. նախօրեին ադրբեջանական ԱՊԱ գործակալությունը հարցազրույց էր հրապարակել հայ-ադրբեջանական հարաբերությունների եւ արցախյան հակամարտության մասին:

Հարցազրույցի բանախոսը, որ ըստ ԱՊԱ-ի Ուկրաինայի հայերի ազգային կոնգրեսի նախագահ Աշոտ Ավանեսյանն է, աուդիոձայնագրության 1:50-րդ րոպեին ասում է. «Ըստ իս` կողմերին կհաջողվի համաձայնության գալ: ՀՀ խորհրդարանում արդեն խոսում են տարածքները վերադարձնելու մասին:

Կարծում եմ` հենց այդպես էլ կլինի, օկուպացված տարածքները կվերադարձվեն Ադրբեջանին: Ի վերջո, կյանքը շարունակվում է, եւ այս երկու ժողովուրդները միշտ էլ ջերմ հարաբերություններ են ունեցել»: 

Տպել
4521 դիտում

ԱՄՆ-ում հայերը ցույց են կազմակերպել ՄԱԿ-ի գրասենյակի առաջ

Դոն Պիպոյի սպանության նախապատրաստման գործով մեղադրյալների կալանքը երկարաձգվել է

Սեպտեմբերի 22-ին վթարային ջրանջատում կլինի Վայոց ձորում

Մեքսիկայում տեղի ունեցած երկրաշարժից նախնական տվյալներով հայեր չեն տուժել. ՀՀ ԱԳՆ

Պետությանը պատճառվել է առանձնապես խոշոր չափերի՝ 9.571.850 դրամի նյութական վնաս

Հայաստան-Սփյուռք համաժողովի անցկացման համար ծախսվել է մոտ 85 միլիոն դրամ. Tert.am

«Չեմպիոնների լիգայի» 2019 թ. եզրափակիչը կընդունի Մադրիդը, իսկ «Եվրոպա լիգայինը»՝ Բաքուն

Գյումրու թատրոնում ներկայացումների եւ հանդիսատեսի թիվն աճել է շեշտակի՝ 100 եւ ավելի %-ով

Լեյլա Ալիեւան սելֆիներ էր անում ՄԱԿ-ի Գլխավոր ասամբեայում իր հոր ելույթի ժամանակ

Գորիսում 1-4-րդ դասարանի բազմաթիվ աշակերտներ վարակվել են դիզենտերիայով. պատճառը սնունդն է 

Գերմանիան Թուրքիային շուրջ 80 միլիոն եվրո կվճարի

Երեւանի երկու հոգեբուժարաններ կմիաձուլվեն. գույքի օտարումից հնարավոր է ստանալ 530 մլն դրամ

ՖԻՖԱ-ն հրապարակել է տարվա խորհրդանշական հավաքականի հավակնորդների անունները

Սերժ Սարգսյանը ցավակցական հեռագիր է հղել Մեքսիկայի նախագահին

Արկադի Անդրեասյանին որակազրկել են 2 տարով

Հայտնի է, թե Արմեն Աշոտյանն ու Մանե Թանդիլյանն ինչ երթուղիով են Բաքու հասնելու

16 ֆուտբոլիստ հրավիրվել է ազգային հավաքական

Առաջին անգամ եմ հայրենիքում, սիրահարվեցի Հայաստանին. հոլիվուդյան դերասան Մարկո Խան

Պատանդառուի վնասազերծման դեպքի առթիվ հարուցված քրեական գործն ընդունվել է քննչական վարույթ

Արամ Ա-ն, Գարեգին Բ-ն եւ Կարեն Կարապետյանը՝ Դոն Պիպոյի կազմակերպած համեգին