Նորայր Գյոզալյան. «Բանանց» վերադառնալը ետ քայլ չէ

11/01/2017 schedule17:08

Արդեն 1 շաբաթ է, ինչ հարձակվող Նորայր Գյոզալյանը մարզվում է իր հին ու նոր ակումբի՝ «Բանանցի» կազմում: Ֆուտբոլիստը երեւանյան թիմից հեռացել էր 2011 թ.: Նա տեղափոխվել էր «Իմպուլս», որի կազմում 2012-13 մրցաշրջանում դարձել է ՀՀ առաջնության լավագույն ռմբարկու (22 գոլով): Այնուհետեւ կարճ ժամանակ խաղացել է բելառուսական «Տորպեդո Բելազում» եւ 2013-14 մրցաշրջանում վերադարձել Հայաստան՝ «Ալաշկերտ»: Նախորդ մրցաշրջանում «Ալաշկերտի» կազմում նա դարձավ երկրի չեմպիոն, այնուհետեւ նվաճեց երկրի սուպերգավաթը: Armtimes.com-ի հետ զրույցում նա նշեց, որ «Բանանց» տեղափոխվելով նոր էջ է սկսում իր կարիերայում:

«Իմ կարծիքով՝ եկել էր պահը, որ ինչ-որ բան փոխեի իմ կարիերայում, եւ որոշեցի հեռանալ «Ալաշկերտից»: Խոսեցի «Բանացի տնօրենի (խմբ. Հրաչ Աղաբեկյան) եւ գլխավոր մարզչի (խմբ. Արթուր Ոսկանյան) հետ: Պարզվեց, որ երեքս էլ նույն բանն էինք ցանկանում, եւ այդպես ստացվեց իմ տեղափոխությունը «Բանանց»»,- ասաց նա:

Ընթացիկ մրցաշրջանում հարձակվողի արդեն նախկին թիմը՝ «Ալաշկերտը», 30 միավորով 2-րդն է մրցաշարային աղյուսակում: Արամ Ոսկանյանի սաները 4 միավորով են զիջում առաջատար «Շիրակին» եւ պայքարում են չեմպիոնական տիտղոսը պահպանելու համար: «Բանանցը» 16 միավորով նախավերջին՝ 5-րդ, հորիզոնականում է: Չեմպիոնության համար պայքարել գործնականում անհնար է: Բարդ կլինի նաեւ եվրագավաթների ուղեգիր նվաճել, քանի որ համապատասխանաբար 3-րդ եւ 4-րդ տեղերը զբաղեցնող «Փյունիկն» ու «Գանձասար-Կապանը» 11 միավորով գերազանցում են «Բանանցին»: Ամեն դեպքում, Գյոզալյանը «Բանանց» տեղափոխվելը ետ քայլ չի համարում:

«Իմ կարծիքով՝ Հայաստանում բոլոր թիմերը գրեթե նույն մակարդակի են, եւ տվյալ առաջնությունում որ թիմը կարողանում է լավ պատրաստվել ու կայուն հանդես գալ, այդ թիմն էլ հասնում է հաջողությունների: Այս մրցաշրջանում «Բանանցի» գործերն այդքան էլ լավ չեն դասավորվել առաջնությունում, սակայն Գավաթի խաղարկությունում դուրս ենք եկել կիսաեզրափակիչ, եւ գավաթը նվաճելու շանսեր կան: Այդ պատճառով էլ չեմ կարծում, թե ետ քայլ է»,- ասաց նա:

2016-17 մրցաշրջանի սկզբում Գյոզալյանն «Ալաշկերտի» կազմում հազվադեպ էր խաղադաշտ դուրս գալիս: Այնուհետեւ վնասվածք ստացավ եւ 2 ամիս բացակայեց: Արդյունքում ՀՀ բարձրագույն խմբի առաջնության աշնանային հատվածն ավարտեց ընդամենը 1 գոլով, մինչդեռ լավագույն ռմբարկուի կոչման համար պայքարող Միհրան Մանասյանը (Ալաշկերտ), Վիուլեն Այվազյանը (Շիրակ) եւ Գեղամ Հարությունյանը (Գանձասար-Կապան) 7-ական գնդակ են խփել: Գյոզալյանը նշում է, որ կենտրոնանալու է ոչ թե ռմբարկուների պայքարին միջամտելու, այլ թիմային հաջողությունների վրա:

«Նպատակներս շատ են, բայց կարեւորը իմ խաղով ու իմ գոլերով կարողանամ օգնել թիմիս մրցանակներ նվաճել: Եթե անկեղծ, լավագույն ռմբարկուի կոչման համար պայքարի մասին չեմ մտածում. գլխավորը թիմային հաջողությունն է, իսկ եթե դրա հետ մեկտեղ կարողանամ այնքան գոլեր խփել, որ միջամտեմ ռմբարկուական պայքարին, ուրախ կլինեմ»,- ասաց նա:

Ֆուտբոլիստը դժվարացավ ասել, թե ինչ արդյունքի «Բանանցը» կարող է հասնել ՀՀ առաջնությունում: Առաջին 3 հորիզոնականների համար պայքարող թիմերը կայուն խաղ են ցուցադրում եւ միավորների մեծ պաշար ունեն:

«Այնպես է ստացվել, որ հիմա ամեն ինչ չէ, որ մեզանից է կախված, քանի որ նախ մենք պետք է լավ անցկացնենք գարնանային շրջանը, եւ դրա հետ մեկտեղ մյուս թիմերը, որոնք պայքարում են եռյակի համար, պետք է շատ միավորներ կորցնեն: Այդ պատճառով շատ դժվար է ինչ-որ բան ասել»,- ասաց նա:

«Բանանցն» առաջնության գարնանային հատվածի իր առաջին հանդիպումն անցկացնելու է մարտի 5-ին: Բարձրագույն խմբի առաջնության 18-րդ տուրի շրջանակներում թիմը մրցելու է «Ալաշկերտի» դեմ: Այս օրերին «Բանանցը» մարզվում է Երեւանում: Հունվարի 27-ից հավաքը շարունակվելու է Կրասնոդարի երկրամասում:

Տպել
1159 դիտում

Այս հաղթանակը քո ձեռքից ոչ ոք չի կարող խլել. Նիկոլ Փաշինյան

Վանաձորը ցնծության մեջ է

Գյումրին ցնծում է.

ՀՀ-ում իշխանափոխության ֆոնին ԱԳՆ-ն կոչ է անում ԵԱՀԿ ՄԽ-ին զսպել Բաքվին առաջանագծում

Ոստիկանությանը հավաքի մասնակիցներին զսպվածության կոչ է անում

Սերժ Սարգսյանը հրաժարական տվեց. պաշտոնական

Ավանդական ջահերով երթն այսօր չի լինելու. «Երկիր Մեդիա»

ԲՀԿ-ն միանում է ՀՀ-ում ծավալված համաժողովրդական շարժմանը. քաղխորհուրդ

Հրամանատարը կոչ էր անում թողնել երթը, եւ վերադառնալ զորամաս

18:30-ին հաղթական հանրահավաք Հանրապետության հրապարակում. Նիկոլ Փաշինյան:

Սոցցանցերում չեն նվազում ատելության քարոզն ու բռնության կոչերը. ՄԻՊ-ը մտահոգված է

Գյումրի. ազատ արձակվեց նաեւ գյումրեցի դասախոս, քայլերթի մասնակից Կարեն Պետրոսյանը

Գյումրեցի Արամին բերման են ենթարկել ցուցապաստառի համար

Կրեմլում գտնում են, որ Հայաստանում զարգացումները ՀՀ-ի ներքին գործն են. Պեսկով

Զինվորները երթից առանձնացան. նրանց տանելու են զորամասեր  

Գյումրի. երթին միացել են բուհերը, դպրոցները, Լենտեքսը, Տրիկոտաժի ֆաբրիկան

ՀՐԱՏԱՊ. Քիչ առաջ ազատ արձակվեցին Նիկոլ Փաշինյանը, Սասուն Միքայելյանը եւ Արարատ Միրզոյանը

Արցախի ՊԲ-ն հակառակորդի ուժերի կուտակումների նոր տեսագրություն է հարապարակել

Աջակցեք ցույցերին, կանխեք բռնությունը․ հրատապ դիմում բոլոր սփյուռքահայերին եւ ընկերներին

Ցանկացած հայի կյանքը ինձ համար ամեն ինչից թանկ է. Հենրիխ Մխիթարյան