Գյումրու Իտալիայի հյուպատոսարանի աշխատողին հեռացրել են և հիմնավորել՝ հյուպատոսարան չի եղել

Կինոռեժիսոր Արման Մազմանյանն անհիմն ազատվել է Գյումրիում գործող Իտալիայի պատվո հյուպատոսարանում զբաղեցրած իր պաշտոնից եւ չի ստացել 2015 թվականի սեպտեմբերի աշխատավարձը:

Այս մասին Armtimes.com-ի հետ զրույցում տեղեկացրեց կինոռեժիսորը, ով 2006 թվականից զբաղեցրել է հյուպատոսարանի ծրագրերի համակարգողի պաշտոնը. «Առանց որեւէ հիմնավորման ասել են՝ աշխատանքից ազատված ես»:

«Գրավոր դիմել եմ հյուպատոսին, խնդրել եմ, որ հիմնավորի, թե՝ ինչու է ինձ աշխատանքից ազատում, բայց նա ինձ այդպես էլ չպատասխանեց»- ասում է Մազմանյանը:

Գյումրիում Իտալիայի պատվո հյուպատոս Անտոնիո Մոնտալոյի պատասխանին բավական երկար ժամանակ սպասելուց հետո կինոռեժիսորը դիմել է ՀՀ-ում Իտալիայի արտակարգ եւ լիազոր դեսպան Ջիովաննի Ռիչուլլիին: 

«Դեսպանը ինձ պատասխանեց, քանի որ ես եղել եմ հյուպատոսարանի աշխատող, պետք է պարզաբանումներ հյուպատոսից ստանամ»,- armtimes.com-ի հետ զրույցում ասաց Մազմանյանը՝ տեղեկացնելով, որ խնդրի մասին գրավոր տեղեկացրել է նաեւ Իտալիայի հանրապետության նախագահին եւ արտաքին գործերի նախարար Պաուլո Ջենտիլոնին: «Նրանք հեռախոսազանգով կապվեցին ինձ հետ եւ ասացին, որ պարոն հյուպատոսը կտրամադրի իմ պահանջած փաստաթղթերը»,-ասում է նա:

Պատվավոր հյուպատոս Մոնտալոն Արման Մազմանյանին պատասխանել է միայն այն ժամանակ, երբ ռեժիսորը դիմել է Շիրակի մարզի դատախազ Կարեն Գաբրիելյանին՝ նույն պահանջով:

Հյուպատոսը գրություն է ուղարկել եւ տեղեկացրել, որ Արման Մազմանյանի աշխատանքային գրքույկում նրան աշխատանքի ընդունելու մասին հրամանի տակ դրված ստորագրությունը իրենը չէ:

«Ստորագրության կողքին եղել է նաեւ հյուպատոսարանի կնիքը, բայց հյուպատոսը իր գրության մեջ նշել է, որ Գյումրիում Իտալիայի հյուպատոսարան գոյություն չունի: Հունվարի 25-ին տեղի է ունենալու դատական նիստ, որի ժամանակ ես ներկայացնելու եմ ապացույցներ, որ հյուպատոսարան գոյություն է ունեցել եւ կա»,-ասում է Մազմանյանը:

Կինոռեժիսորը armtimes.com-ին ներկայացրեց մի քանի փաստաթղթեր, որտեղ առկա է հյուպատոս Մոնտալոյի ստորագրությունը եւ պատվո հյուպատոսարանի կնիքը:

Մազմանյամը մանրամասնեց, որ 10 տարի շարունակ աշխատանքի է գնացել հյուպատոսարան, որը գտնվում է Գյումրու Գորկու անվան փողոցի 3-րդ նրբանցքի 36-րդ տանը եւ ստացել է աշխատավարձը 250 հազար դրամի չափով: «Այդ շենքի մոտ եղել է Իտալիայի դրոշը, զինանշանը, գրված է եղել Իտալիայի պատվո հյուպատոսարան, բայց վերանորգման աշխատանքների պատճառով հանվել է»:

Արման Մազմանյանը վստահեցնում է, որ Իտալիայի ԱԳ նախարարության պաշտոնական կայքում, որտեղ առկա են տեղեկություններ Իտալիայի դիվանագիտական ներկայացուցչությունների մասին, առկա է նաեւ Գյումրու պատվո հյուպատոսարանը:

Armtimes.com-ը պարզաբանումներ ստանալու նպատակով փորձեց կապվել Գյումրիում Իտալիայի պատվավոր հյուպատոս Անտոնիո Մոնտալոյի հետ, բայց նրա հայաստանյան հեռախոսահամարն անհասանելի էր:

Կողպված էին նաեւ Գյումրու Գորկու անվան փողոցի 3-րդ նրբանցքի 36-րդ տան դռները:

Հյուպատոսի հետ հանդիպելու նպատակով այցելեցինք նաեւ Գյումրիում գործող «Վիլլա Կարս» հյուրանոցառեստորանային համալիր, որը Մոնտալոյի սեփականությունն է, ի դեպ հյուպատոսը նման երկու շքեղ համալիրներ ունի նաեւ մայրաքաղաքում:

«Վիլլա Կարս» հյուրանոցառեստորանային համալիրի մենեջերը armtimes.com-ին տեղեկացրեց, որ հյուպատոսը գտնվում է Ֆրանսիայում եւ Գյումրի կվերադառնա միայն հունվարի վերջին:

Armtimes.com-ը հյուպատոս Մոնտալոյի պարզաբանումները թեմայի վերաբերյալ կներկայացնի առաջիկայում:

Տեղեկացնենք, որ ՀՀ արտաքին գործերի նախարարության պաշտոնական կայքի դիվանագիտական ներկայացուցիչները Հայաստանում բաժնի հյուպատոսություններ ենթաբաժնում հրապարակված են տեղեկություններ Գյումրիում Իտալիայի հանրապետության պատվավոր հյուպատոսի գրասենյակի գտնվելու վայրի մասին՝ Գորկու փողոցի, 3-րդ նրբանցք 36 տուն:

ԱԳՆ մամուլի խոսնակ Տիգրան Բալայանը armtimes.com-ի հետ զրույցում եւս տեղեկացրեց, որ Գյումրիում չկա Իտալիայի հյուպատոսարան, այլ՝ պատվավոր հյուպատոս կա: «Իտալիան Գյումրիում ունի հավատարմագրված հյուպատոս, ով Գյումրիում պատվավոր ներկայացնում է Իտալիան: Դա դիվանագիտական պաշտոն չէ»,- պարզաբանեց ՀՀ ԱԳՆ մամուլի խոսնակը:

Տպել
1237 դիտում

Արսեն Ջուլֆալակյանը կրկին պարտվեց Կարապետ Չալյանին. այս անգամ միջազգային ասպարեզում

Արթուր Ալեքսանյանը՝ Կիեւի մրցաշարի հաղթող

Լեպսի հիանալի համերգը Երեւանում

Ծառուկյան դաշինքը կողմ կքվեարկի ՀՀԿ-ի թեկնածու Արմեն Սարգսյանին.ԲՀԿ-ում այսօր ժողով է եղել

Տրանշ 4, 5-ն ավարտին հասցնելու համար սեփական միջոցները ներգրավվող ընկերություն է պետք. ՀՅԴ

ՀՀ ծանրամարտի առաջնությունում նախատեսված էր 94 ծանրորդ, մասնակցեց 160-ը. Փաշիկ Ալավերդյան

Օլիմպիական փոխչեմպիոն Գոռ Մինասյանը՝ ծանրամարտի ՀՀ չեմպիոն

Խոջալու. ինչպես է դա եղել. ադրբեջանցիները տղամարդավարի պարտվել չգիտեն

Կոալիցիայի ընթացքը. ամեն ինչ էլ հնարավոր է

Ասողին լսող չկա. գրում են ընթերցողները

ԵԼՔ-ն անցկացրեց պատմական լսումներ, որի մասին ԱԺ միջանցքներում միայն շշուկներով էին խոսում

«Գյումրի» բժշկական կենտրոնի բժիշկների ծեծկռտուքի գործով քրեական գործ է հարուցվել

Դանդաղ գործողության իշխանություն. Լիլիթ Ավագյանի հոդվածը

Երեւանը գրավելը զառանցանք չէր. քաղաքագետը՝ Սարգսյանի մյունխենյան բացթողումների մասին

Զինծառայող Ստեփան Ստեփանյանի մահվան նախնական պատճառը թունավորումն է

Սերժ Սարգսյանը չի կարող այս հարցին լուծում տալ․ Արագած Ախոյան

Կրթության տեսչության 12 աշխատակից ահազանգում է գործազուրկ դառնալու մասին

Ողբերգական դեպք Լոռիում. ձորն ընկած մեքենայի մոտ հայտնաբերվել է դի (լուսանկարներ)

Արտավազդ Փելեշյանը 80 տարեկան է. հոբելյանական երեկոյին ներկա է Ս. Սարգսյանը (լուսանկարներ)

«Աէրոֆլոտ օփեն»-ում Տիգրան Պետրոսյանը հարյուր տոկոսանոց արդյունք ունի