Ժիրայր Դադասյանը դեռ չի տեսել Արմեն Ամիրյանի խոստացած՝ Մնջախաղի թատրոնի տարածքը

11/01/2017 schedule18:54

Մնջախաղի պետական թատրոնի գեղարվեստական ղեկավար Ժիրայր Դադասյանը դեռեւս չի տեսել ՀՀ մշակույթի նախարար Արմեն Ամիրյանի խոստացած տարածքը: Մի քանի շաբաթ առաջ նախարարը հայտարարել էր, որ այդ հարցը լուծված է, եւ շուտով անձնակազմն արդեն ստիպված չի լինի իր գործունեությունը ծավալել Երեւանի Պատանի հանդիսատեսի թատրոնում, սակայն մինչեւ այսօր Դադասյանը մանրամասների չի տիրապետում: Armtimes.com-ի հետ զրույցում նա նշեց, որ սպասում է նախարարի հրամանին:

«Ճիշտն ասած, ո՛չ (խմբ. տարածքը դեռ չեմ տեսել): Միայն գիտեմ այն, ինչ նախարարն է ասել: Նա հավաստիացրեց, որ հարցը լուծված է, ու այս ամսվա կեսերին մենք արդեն հստակ կիմանանք: Այս պահին դեռ ոչինչ ասել չեմ կարող»,- ասաց նա:

Ժիրայր Դադասյանը տեղյակ չէ նաեւ, թե որտեղ է գտնվում այդ տարածքը եւ ինչ վիճակում է, սակայն Արմեն Ամիրյանը նրան վստահեցրել է, որ պայմանները հարմար կլինեն, որպեսզի թատրոնը բնականոն շարունակի իր գործունեությունը:

«Ես գիտեմ, որ պայմանները բավարար են լինելու, որպեսզի թատրոնն այնտեղ նորմալ տեղավորվի ու գոյատեւի: Նախարարին մի քանի անգամ հարցրեցի, ասաց, որ տարածքը բավարարելու է լիարժեք պրոցես իրականացնելու համար: Քանի որ այդքան սպասել ենք, իհարկե անհամբեր ենք, բայց ոչինչ 1 շաբաթ էլ կսպասենք կամ մի 10 օր, մինչեւ տեսնենք՝ ինչ է լինում»,- ասաց նա:

Ժիրայր Դադասյանն ընդգծում է, որ անկախ նրանից, թե ինչ պայմաններ կունենա տարածքը՝ իրենք չեն բողոքելու: Տրամադրման հրամանից անմիջապես հետո հնարավորության դեպքում տեղափոխվելու են եւ շարունակեն աշխատել:

«Հենց հրամանը լինի, արդեն տեղափոխված կլինենք նույն օրը, ես այդպես եմ մտածում, ես այդպես եմ ցանկանում, որպեսզի մենք այլեւս ունենանք մեր տեղը: Նորոգված կլինի, նորոգված չի լինի, արդեն ինձ քիչ է հետաքրքրում: Մենք չենք ասելու. «Մինչեւ մեզ համար Սունդուկյանի նման թատրոն չսարքեք, չհագեցնեք տեխնիկայով, մենք այդտեղ չենք մտնելու: Մենք պատրաստ ենք տրամադրվելու հենց նույն օրը, նույն վայրկյանին մտնել այդ տարածք եւ այնտեղ շարունակել աշխատանքները, որովհետեւ... գիտեք հիմա ես Ձեզ հետ խոսում եմ իմ աշխատասենյակից, որը որ Պատանի հանդիսատեսի ֆոյեն է, փառատոնի ժամանակ մարդիկ են գալիս, տեղ չկա, աղմուկ... իսկ այնտեղ գոնե այդ պայմանները կլինեն»,- ասաց նա:

Նոր տարածքում դահլիճ չի լինելու, եւ Մնջախաղի պետական թատրոնը շարունակելու է իր ներկայացումները խաղալ Երեւանի Պատանի հանդիսատեսի թատրոնում:

Տպել
907 դիտում

Տեսախցիկով օդապարիկը հեռակառավարվող խաղալիք է, որը կարելի է գնել խանութներում. ԱԱԾ

Էլթոն Ջոնն ու նախագահը մասնակցել են առողջական խնդիրներով երեխաների միջոցառմանը (լուսանկար)

Երեւանում բախվել են միանգամից 5 մեքենաներ, 3 մարդ տեղափոխվել է հիվանդանոց

ՀՀԿ-ի էլիտան այս տարի անտեսել է Սոգյութլուի հերոսամարտի 100-ամյա տարեդարձը

Վերեւի հարկից ջրալցվել է Երևանի Քաջազնունու փողոցի անձնագրային բաժանմունքը

Թուրքիան էլեկտրամագնիսական հրանոթներ արտադրող սակավաթիվ երկրներից է

Հայոց եկեղեցին եւ հոգեւորականը պետք է լինի հայրենյաց պաշտպանների կողքին. Գարեգին Բ

Մշակույթի նախարար Լիլիթ Մակունցը նոր ֆլեշմոբի շրջանակներում օնլայն հեքիաթ է կարդում

Թուրքիայից Հայաստան է անցել տեսախցիկներով սարքավորված օդապարիկ, ընկել Նոր Ամասիա գյուղում

Էլթոն Ջոնը այսօր Երեւանում մասնակցելու է Starkey ընկերության բարեգործական միջոցառմանը

Հույս ունեմ կարմիր լույսի տակ չկանգնող պաշտոնյաների մոտ ընդամենը թյուրըմբռնում է. վարչապետ

Ունեցանք հեղափոխություն՝ հայկական ձեւով. Ա. Սարգսյանը հանդիպել է վիրահայոց համայնքի հետ

Փակ է Գյումրի-Երեւան ճանապարհը. պահանջը՝ վերադարձնել «Շիրակ» ֆուտբոլային թիմի 12 միավորը

Երեւանում կրակոցներ են հնչել, այնուհետ դանակահարված 3 երիտասարդ հայտնվել է հիվանդանոցում

«UWC Դիլիջան» միջազգային դպրոցը կարող է լինել ոգեշնչանքի, լավատեսության կենտրոն. Փաշինյան

Ամենայն Հայոց Կաթողիկոսն ընդունեց Արգենտինայից ժամանած ուխտավորների

Լոռու մարզի դատախազները բացատրական աշխատանք են տանում դպրոցներում, անչափահասների շրջանում

Վթարվել են Տաշիրի ոստիկանության ծառայողները. ջոկի հրամանատարը մահացել է, 3 վիրավոր կա

Զորամասի ննջարանում հայտնաբերվել է կապիտանի դին՝ կրծքավանդակի շրջանում ստացած վիրավորումով

Հայաստանին կմոտենա նոր ակտիվ ցիկլոն, 3 օր շարունակ մարզերում անձրեւ ու կարկուտ է սպասվում