«Պետք լինի դատի կտամ». Աշոտ Ավանեսյանը՝ ադրբեջանական APA-ի սկանդալային հարցազրույցի մասին

Ինչպես տեղեկացրել ենք՝ «Ուկրաինայի հայերի ազգային կոնգրես» ՀԿ-ի նախագահ Աշոտ Ավանեսյանը կեղծիք եւ սադրանք է որակել ադրբեջանական գործակալություններից մեկում հրապարակված եւ իրեն վերագրվող աղմկահարույց հարցազրույցը, որում խոսք է գնում Ղարաբաղի տարածքների վերադարձի մասին:

Ավանեսյանը պատասխանել է մեր հարցերին.

- Պարոն Ավանեսյան, դուք հարցազրույց չե՞ք տվել, որում հայտարարել եք, թե ՀՀ խորհրդարանում արդեն խոսում են Ղարաբաղի «օկուպացված» տարածքներն Ադրբեջանին վերադարձնելու մասին:

- Ո՛չ, ո՛չ, ո՛չ: Դա ադրբեջանցիների կեղտոտություններն են, միշտ էլ եղել են ու կլինեն: Ընդհանրապես ոչ մի լրագրող ինձ չի զանգել-ասել, որ այսինչ կազմակերպությունն եմ ներկայացնում, այս հարցերիս կարո՞ղ եք պատասխանել: Նման խոսակցություն չի եղել, նման լրագրող ինձ չի դիմել:

- Գործակալությունն աուդիոձայնագրություն է տեղադրել, որի 1:50-րդ րոպեին լսվում է այդ հայտարարությունը:

- Դե ամեն ինչ էլ հնարավոր է: Տեղեկատվական տեխնոլոգիաներն այսօր այնպիսի բարձր մակարդակ ունեն, որ նույնիսկ նախագահներին հնարավոր է...ճիշտն ասած ես դրանց վրա ուշադրություն չեմ էլ դարձնում:

- Հնարավո՞ր է՝ հարցազրույց չեք տվել, բայց որեւէ մեկի հետ զրուցել եք այդ մասին:

- Չգիտեմ, ես Ուկրաինայի ազգային փոքրամասնությունների ռադայի նախագահն եմ եւ մեր ռադայում տարբեր ազգերի ներկայացուցիչիներ կան, այդ թվում՝ ադրբեջանցիներ: Մենք տարբեր արարողություններ ենք անցկացնում, տարբեր հանդիպումներ ունենում, ես չգիտեմ:

- Իսկ այդ արարողությունների ժամանակ նման հայտարարություն արե՞լ եք Հայաստանի, Ղարաբաղի մասին:

- Ես ի՞նչ իրավունք ունեմ նման հայտարարություն անել, որ Ղարաբաղը...դա ինքնորոշված պետություն է, իրենք պետք է կողմնորոշվեն: Ես այդտեղ ոչ մի բան: Մենք ինքներս նույնպես ամեն ինչ անում ենք մեր պատմական հայրենիքի համար, բայց այդպիսի բան ես չէի կարող ասել:

- Վերջին անգամ ե՞րբ եք եղել Հայաստանում:

- Վերջին անգամ Հայաստանում եղել եմ 2012-ին:

- Խորհրդարանում որեւէ մեկի հետ հանդիպում եւ զրույց ունեցե՞լ եք տարածքների մասին:

- Ամեն մի մարդու մասին էլ կարող են գրել, ես ոչ մեկի հետ ո՛չ հանդիպել եմ, ո՛չ տեսել եմ, ո՛չ նման տիպի խոսակցություն է եղել:

- Ինչպե՞ս կարող էիք տեղյակ լինել, որ Հայաստանի խորհրդարանում խոսում են այդ մասին:

- Չկա նման բան: Դրանք կեղծ խոսակցություններ են: Ես ոչ մեկի հետ ո՛չ հանդիպում եմ ունեցել, ո՛չ էլ նման բան ենք խոսել: Մենք բոլորս հայ ենք, մտածում ենք մեր հայրենիք մասին, մեր ազգի մասին:

- Այդ հարցազրույցում նշում եք, որ Ադրբեջանն է ձեր առաջին հայրենիքը:

- Դե ես այնտեղ եմ ծնվել, մեծացել: Դա սովետական Ադրբեջանն է եղել, հիմա ուրիշ պետություն է, այս պետությունը որ կա, ի՞նչ կապ ունի սովետական Ադրբեջանի հետ:

- Պարոն Ավանեսյան, ենթադրենք, որ այդպիսի հարցազրույց չի եղել: Ձեր կարծիքը ո՞րն է. տարածքները պե՞տք է վերադարձվեն Ադրբեջանին, թե՞ ոչ:

- Այդ հարցը որոշում է Հայաստանի ու Ադրբեջանի միջազգային քաղաքականությունը վարողը: Այդ հարցը Ղարաբաղում ապրող ժողովրդի որոշելիքն է: Ինչպես կորոշեն, այնպես էլ կլինի: Այնտեղ ահագին արյուն է թափվել, այնպես չէ, որ մեկ օրում պետք է այդ ամբողջ պրոցեսը կատարվի: Նման տիպի հարցերին չեմ կարող գնահատական տալ: Իմ ցանկությունն այն է, որ լինի խաղաղություն ոչ միայն Հայաստանում ու Ադրբեջանում, այլ բոլոր երկրներում: Թե այդ խաղաղությունը ինչ համաձայնության դիմաց կլինի ՝ չգիտեմ:

- Խաղաղություն, թեկուզ տարածքների դիմա՞ց:

- Դա իմ որոշելիքը չի, մի մարդու ասելով չի, նույնիսկ նախագահի, դա շատ լուրջ հարց է, ժողովրդի որոշելիքն է: Դա քաղաքականություն է, քաղաքական գործիչները պետք է որոշեն:

- Իսկ ի՞նչ եք կարծում, ո՞րն է նման կեղծ հարցազրույցի հրապարակման նպատակը:

- Դա իրենց համայնքի լոբբինգի մի մաս է, ցույց են տալիս, թե լոբբինգը լավ է աշխատում: Ես նաեւ Ուկրաինայում ազգային փոքրամասնությունների ռադայի նախագահ եմ, ինձնից առաջ հրեա է եղել: Հնարավոր է՝ ուզում են ռադայի նախագահն ադրբեջանցի լինի, մտածում են՝ ինչո՞ւ պիտի հայ լինի:

- «ԱՊԱ» գործակալությունից կպահանջե՞ք հերքել հարցազրույցը:

- Եթե պետք լինի՝ ես պատրաստ եմ, բայց ես երբեք ուշադրություն չեմ դարձրել նրանց հրապարակումներին: Եթե անհրաժեշտ լինի՝ կդիմեմ գործակալությանն էլ, դատարան էլ:

Հիշեցնենք. նախօրեին ադրբեջանական ԱՊԱ գործակալությունը հարցազրույց էր հրապարակել հայ-ադրբեջանական հարաբերությունների եւ արցախյան հակամարտության մասին:

Հարցազրույցի բանախոսը, որ ըստ ԱՊԱ-ի Ուկրաինայի հայերի ազգային կոնգրեսի նախագահ Աշոտ Ավանեսյանն է, աուդիոձայնագրության 1:50-րդ րոպեին ասում է. «Ըստ իս` կողմերին կհաջողվի համաձայնության գալ: ՀՀ խորհրդարանում արդեն խոսում են տարածքները վերադարձնելու մասին:

Կարծում եմ` հենց այդպես էլ կլինի, օկուպացված տարածքները կվերադարձվեն Ադրբեջանին: Ի վերջո, կյանքը շարունակվում է, եւ այս երկու ժողովուրդները միշտ էլ ջերմ հարաբերություններ են ունեցել»: 

Տպել
5126 դիտում

Մեդվեդևը Հայաստանում կմասնակցի ԵԱՏՄ–ի կառավարությունների ղեկավարների հանդիպմանը

Տեղի է ունեցել «Երգում ենք Կոմիտաս» համահայկական փառատոնի բացումը

Իրաքյան Քուրդիստանի անկախության հանրաքվեին մասնակցել է ընտրողների 76 տոկոսը

Կրակոցներ Մամիկոնյանց փողոցում. միջադեպի մասնակիցների ինքնությունը պարզվում է

Ի՞նչ կապ ունի գործարանի պայթյունը Շշի Մելոյին առնչվող միջադեպի հետ

Հրդեհ Սարչապետ գյուղում

Արցախի Ճարտար և Ֆրանսիայի Դեսին-Շարպիո քաղաքների միջև ստորագրվել է Բարեկամության հռչակագիր

Թուրքիայում դադարեցվել է քրդական Rudaw ալիքի հեռարձակումը

Ռեկտորը դասախոսին ազատել է առանց իրավական հիմքերի. ՇՊՀ-ում ուսանողները դասադուլ են սկսում

Թուրք հաքերները կոտրել են Ֆրանսիայում Հայաստանի զբոսաշրջության գրասենյակի կայքէջը

Բաքվի 26 կոմիսարների փողոցը վերանվանել են Ապրիլի 2-ի փողոց. ո՞րն է պատճառը (ֆոտո)

Եվս 2 մեդալ՝ բանակայինների Աշխարհի առաջնությունից

Քննարկվում է ուսուցչի նվազագույն աշխատավարձը 110 հազար դրամ դարձնելու հնարավորությունը

Chessify ստարտափը կներկայացնի Հայաստանը Seedstars World-ում

«Արտյոմս» ընկերությունից թագը «Միսս Արմենիա 2017»-ից վերցնելու փաստը չեն մեկնաբանում

Սերժ Սարգսյանն ընդունել է ՌԴ կրթության և գիտության նախարարին

Փոխմարզպետի որդու սպանության գործը՝ դռնփակ. հարազատները ոտքերով հարվածել են ապակիներին

Տեղական ինքնակառավարման մարմինները կմնան ՀՀԿ-ի տիրապետության տա՞կ. մյուսները քննարկում են

Դաժան հաշվեհարդար. ռեկտորն աշխատանքից ազատել է նախագահին նամակ գրած ամբիոնի վարիչին. ՖՈՏՈ

Ինձ համար հիմա կարեւորը լավ թիմ գտնելն է, ինչն օգտակար կլինի նաեւ հավաքականին. Այվազով