Վարդան Բիչախչյան. ֆուտբոլիստների մոտիվացիան բարձր պահելն ստացվում է

11/01/2017 schedule19:45

Գյումրիի «Շիրակի» գլխավոր մարզիչ Վարդան Բիչախչյանն ընդգծում է, որ իր ֆուտբոլիստները ջանասիրաբար մարզվում են եւ չեն թուլացնում զգոնությունը: ՀՀ Բարձրագույն խմբի առաջնության աշնանային հատվածում նրանք կատարել են իրենց առջեւ դրված հիմնական առաջադրանքը. կայուն խաղ են ցուցադրել, ինչի արդյունքում հավաքել են բոլորից շատ՝ 34, միավոր, միանձնյա գլխավորում են մրցաշարային աղյուսակը՝ գործող չեմպիոն «Ալաշկերտին» գերազանցելով 4 միավորով: Armtimes.com-ի հետ զրույցում մասնագետը նշեց, որ այժմ սկսվում է ամենապատասխանատու փուլը:

«Ամեն ինչ դեռ առջեւում է: Առաջնության ամենակարեւոր մասը սկսվելու է գարնանը: Ամենայն լրջությամբ նախապատրաստվում ենք: Ինչ վերաբերում է աշնանային հատվածին, թիմն աչքի ընկավ կայուն ելույթներով: Առաջին խնդիրը հենց դա էր: Մենք երկարաժամկետ պլաններ չենք կազմում, չենք մտածում մի քանի խաղերի մասին, այլ պատրաստվում ենք յուրաքանչյուր հերթական խաղին: Շատ շարժառիթներ կան, որպեսզի կարողանանք ֆուտբոլիստների մոտ մոտիվացիան պահել գագաթնակետին: Իմ կարծիքով՝ ստացվում է: Ֆուտբոլիստները գիտակցում են, որ պետք է կարողանան յուրաքանչյուր խաղին նվիրվել 100%-ով»,- ասաց նա:

Գյումրեցիները մարզումները վերսկսել են հունվարի 7-ից: Թիմին միացել է 5 նոր խաղացող, եւս 3-4 հոգի կմիանա մոտակա 1 շաբաթվա ընթացքում: Փորձաշրջանից հետո Վարդան Բիչախչյանը կորոշի, թե նրանցից ովքեր պայմանագիր կկնքեն ակումբի հետ:

«Կան խաղային դիրքեր, որոնք ուժեղացնելու կարիք կա: Մեր խնդիրն այսօր կիսապաշտպանության եզրերն են ու հարձակման գիծը, բայց այս պահի դրությամբ ունենք նաեւ 2 հենակետային կիսապաշտպան, որոնք փորձաշրջանում են, ու եթե աչքի ընկնեն բարձր որակներով, կընդգրկենք թիմի կազմում»,- ասաց Բիչախչյանը:

Փորձաշրջան անցնող բոլոր ֆուտբոլիստներն աֆրիկյան երկրներից են՝ Գամբիայից, Կոդ դ՛Իվուարից, Նիգերիայից, Գանայից: Բիչախչյանը նշում է, որ Հայաստանում կան լավ խաղացողներ, սակայն նրանք պայմանագրեր ունեն:

«Այն խաղացողները, որոնք մեզ հետաքրքրում են, բոլորը պայմանագրերով կապված են ակումբների հետ, ու նրանց հրավիրելը, պայմանագիր կնքելը չի ստացվի»,- ասաց նա:

«Շիրակը» մինչեւ փետրվարի 9 մարզվելու է Գյումրիում: Այդ ժամանակահատվածում պլանավորված է 3 ստուգողական հանդիպում՝ հունվարի 21-ին, 28-ին ու փետրվարի 4-ին: Փետրվարի 9-23-ը հավաք է անցկացնելու Անթալիայում, ու այդ ընթացքում ունենալու է 4 ընկերական հանդիպում: Կվերադառնա 23-ին ու Գյումրիում կպատրաստվի մարտի 4-ին կայանալիք «Արարատի» դեմ արտագնա խաղին:

Տպել
978 դիտում

Պաշտպանության նախարարը հանդիպել է «Դիտակետ» ծրագրի աշխատանքներում ներգրավված անձնակազմին

Դասադուլ՝ Աշտարակում. ծնողների վճռականությունը դպրոց էր բերել պաշտոնյաներին ու մարզպետին

Երեկ Երեւանում տեղի ունեցած միջադեպի գործով երեք անձ է բերման ենթարկվել

Երրորդմասցի Լյովիկի եւ նրա երկու ընկերների սպանության գործով ընթերական անհետացել է

ՀՀ զինուժը զորավարժություններ է անցկացրել «Սմերչ» համակարգերի մարտական կրակով

Արցախի նախագահ Բակո Սահակյանը ներկայացրել է գերատեսչությունների նորանշանակ ղեկավարներին

Թույլ գնաճային ազդեցություններ. ԿԲ-ն վերաֆինանսավորման տոկոսադրույքը թողել է անփոփոխ՝ 6%

Լոնդոնի մետրոյում տեղի է ունեցել փոքր հզորության պայթյուն

Կիպրոսում վստահեցնում են՝ հայերենը Կիպրոսի պատմության եւ մշակույթի անբաժանելի մասն է

Էրդողանը սպառնում է քրդերին. «Մենք կարող ենք գալ հանկարծակի՝ գիշերը»

Բանակից խուսափած եւ արտերկիր մեկնածները կարող են վճարել 1.8 մլն դրամ եւ վերցնել զինգրքույկ

Արտաշատում ՀՀԿ-ի թեկնածուն կլինի Կարեն Բենիամինյանը

«Կամրջելով պատմությունները». հայ եւ թուրք երիտասարդ լուսանկարիչների նոր համատեղ աշխատանքը

«Հայաստան- Իրաք հարաբերությունների դաշտը խիստ փոխշահավետ է». Դավիթ Լոքյան

«Մի գնա»-ից հետո շքեղ առանձնատուն ու ամենագնաց նվեր չեմ ստացել.համաշխարհային հիթի հեղինակ

Թագը վերադարձրել են Միսս Արմենիայի կազմակերպիչները.«Արտյոմսը» հակարդաձում է հասարակությանը

1.62 միլիարդ դրամով վերակառուցված Մեղրու բժշկական կենտրոնի ինֆեկցիոն բաժինը փակվե՞լ է

Փայլանն աջակցություն է հայտնել «Ջումհուրիյեթ»-ի դատավարությունով անցնող թուրք լրագրողներին

Մենք շահագրգռված ենք ներմուծել հայկական մրցունակ ապրանքներ. Իրանի գյուղնախարար

Շարմազանովը Սերգեեւի հետ քննարկել է ԱՊՀ տարածաշրջանում ինտեգրացիոն գործընթացները