Ներսես Պողոսյանի մայրը դիմել է ԿԽՄԿ. որդին պատրաստվում է ջրադուլ հայտարարել

Ժիրայր Սեֆիլյանի հետ համագործակցության, ինչպես նաեւ ապօրինի զենք, զինամթերք պահելու մեջ մեղադրվող Ներսես Պողոսյանի մայրն այսօր՝ հունվարի 11-ին, դիմել է Կարմիր խաչի միջազգային կոմիտեի երեւանյան գրասենյակ՝ ուշադրություն հրավիրելու որդու առողջական ծանր վիճակի վրա: Ամիսներ շարունակ կալանքի տակ գտնվող Պողոսյանը, ըստ պաշտպան Արայիկ Պապիկյանի, անասելի հյուծված է, գունատ եւ հազիվ է կարողանում ոտքի վրա կանգնել:

«Վերջին անգամ Ներսեսին տեսել եմ երեկ: Թեեւ ինձ ասաց, որ բողոք չունի, իրեն լավ է զգում, բայց ես տեսա, թե որքան թույլ է նա: Արդեն 27-րդ օրն է՝ իմ պաշտպանյալը հացադուլի մեջ է, ահավոր նիհարել է, նույնիսկ երբեմն չի կարողանում խոսել: Այնքան, որ վերջին 2 այցերիս ընթացքում գործի մասին քննարկում չենք ունեցել: Նա ուղղակի ի վիճակի չէ այդքան կարեւոր խոսակցության»,- պատմեց փաստաբանը:

Արայիկ Պապիկյանը տեղեկացրեց նաեւ, որ Ներսես Պողոսյանը մտադիր չէ դադարեցնել հացադուլը, ավելին՝ սպառնում է անգամ ջրադուլ սկսել:

Ներսես Պողոսյանի մայրը՝ Սաթենիկ Պողոսյանն էլ մեզ հետ զրույցում նշեց, որ Կարմիր խաչի միջազգային կոմիտեում բավական լավ են ընդունել իրեն, լսել իր բողոքը, պատմությունը, թե ինչպես է որդին անազատության մեջ հայտնվել, ինչպես են անհիմն ամեն անգամ նրա կալանքի ժամկետը երկարաձգում եւ այլն:

Տիկին Պողոսյանին հավաստիացրել են, որ դիմումի պատասխանը կլինի արդեն վաղը: Դրանից հետո կալանավոր Ներսես Պողոսյանի մայրը գնացել է նաեւ ՀՀ գլխավոր դատախազություն՝ գլխավոր դատախազին հանդիպելու հույսով: Սակայն ասել են, որ վերջինս տեղում չէ, եւ հանդիպումն այդպես էլ չի կայացել: Տիկին Պողոսյանը նամակ-դիմումը թողել է գերատեսչության նամակների ընդունման բաժնում եւ վերադարձել:

Սաթենիկ Պողոսյանը շեշտեց, որ իր որդու գլխին գործ են սարքել, եւ նա անազատության մեջ գտնվում է ապօրինի կերպով:

Հիշեցնենք, որ Ներսես Պողոսյանը կալանավորվել է 2016 թվականի մայիսի 31-ին: Նրան մեղադրում են ՀՀ Քրեական օրենսգրքի 235 հոդվածի 2-րդ մասով` Ժիրայր Սեֆիլյանի հետ համագործակցության արդյունքում ապօրինի զենք եւ զինամթերք պահելու մեջ: Այս քրեական գործով նախաքննություն ավարտվել է, գործն ուղարկվել է դատարան:

Ներսես Պողոսյանը բողոքում է իր քրեական գործի դեմ եւ պահանջում է իրեն ազատ արձակել:

Վերջինս ամուսնացած է, 3 անչափահաս երեխա ունի:

Տպել
2834 դիտում

Սակագների չնչին նվազեցումները չպետք է շեղեն կառավարության ուշադրությունը

Կարևորվել են պաշտպանական բնագավառում հայ-ճապոնական շփումների հեռանկարները

Կասկածներ կան «Գեներալ Մանվել Գրիգորյան» հիմնադրամի դրամական մուտքեր ու ելքերի մասին. ՀՔԾ

Ֆրանսիացի գործարարները ցանկանում են ՀՀ-ում ներդրուրմներ կատարել. հանդիպում գործադիրում

Կինոլոգիական միության նախագահ Վիոլետա Գաբրիելյանի բաց նամակը ՀՀ վարչապետ Նիկոլ Փաշինյանին

«Բելաջիո»-ի կառուցած կոյուղահորը կարող է վարակիչ հիվանդությունների պատճառ հանդիսանալ

Արցախի ժողովուրդն է որոշելու իր ապագան եւ Թուրքիան անելիք չունի. Շարմազանով

Խուզարկություն Վստրեչի Ապերի տանը. նրա նկատմամբ միջազգային հետախուզում է հայտարարվել

Համայնքապետերը պետությանը 74 մլն դրամ վնաս են պատճառել. հարուցվել է 71 քրգործ

Անհրաժեշտ է գիտակցել ինքնորոշման իրավունքի իրացման կարեւորությունը. Էդուարդ Շարմազանով

Ուժեղ կարկուտ է տեղացել Արմավիրի մարզում. վնասվել են նաեւ տանիքները

ԱԺ խմբակցությունները պատրաստակամ են քննարկել Ընտրական օրենսգրքի փոփոխությունները

Մայորն անփութություն է դրսեւորել, ինչը հանգեցրել է զինծառայողի մահվան

Պատկերացնո՞ւմ եք. հեղափոխության մեխանիկա

Ընտրական բարեփոխումները պետք է իրականացվեն քաղաքական համաձայնությամբ. Արմեն Աշոտյան

Խուզարկություններ՝ Զապի, Կանեւսկոյի, Օշականցի Գեւորիկը, Նորատուսցի Արայի եւ մյուսների տանը

Ինչպե՞ս են զորացրվածները վերաբերվում զինվորական ծառայությանը. հանդիպում ՊՆ-ում

Ի՞նչ անել. փակուղի ընդդիմության համար

Մանրամասներ. «Արմավիայի» միակ բաժնետերը

Ռուսական կործանիչների ձեռքբերումը կուժեղացնի տարածաշրջանում ուժերի հավասարակշռությունը