«Ուրարտուն» ՀՀ-ում բասկետբոլային միջազգային ընկերական մրցաշար կանցկացնի

11/01/2017 schedule20:54

«Ուրարտու» բասկետբոլային ակումբի ղեկավարությունը պատրաստվում է միջազգային ընկերական մրցաշար կազմակերպել Երեւանում: Այս մասին armtimes.com-ի հետ զրույցում տեղեկացրեց ակումբի նախագահ, Հայաստանի բասկետբոլի ֆեդերացիայի փոխնախագահ Արա Պողոսյանը: Նա նշեց, որ մի քանի թիմերի արդեն հրավիրել են եւ սպասում են պատասխանի:

«Մի թիմ Ղազախստանից արդեն համաձայնվել է գալ: «Կասպի» թիմն է, որն այս պահին Ղազախստանի առաջնությունում 3-րդ տեղում է, բայց երբ այստեղ գա, հնարավոր է՝ ավելի բարձր դիրքում լինի: 2 թիմ Բելառուսից ենք հրավիրել, եւ 1 քանի թիմ Ռուսաստանի «Սուպերլիգայից», որտեղ հանդես էինք գալիս: Սպասում ենք պատասխանի»,- ասաց նա՝ ավելացնելով, որ մասնակիցների անունները կհայտարարվեն, երբ արդեն հստակ կլինի, թե որ թիմերն են մասնակցելու:

Մրցաշարը նախատեսված է այս տարվա ապրիլի 2-րդ կեսին: «Ուրարտուն», որը 2016 թվականի դեկտեմբերին ֆինանսական խնդիրների պատճառով դադարեցրեց ելույթները Ռուսաստանի առաջնությունում՝ «Սուպերլիգա 1»-ում, նույնպես մասնակցելու է մրցաշարին:

«Այն խաղացողներին, որոնք թիմեր չեն գտնի այս ընթացքում, կհրավիրենք, որ պատրաստվեն ու մասնակցեն այդ մրցաշարին: Նաեւ նոր խաղացողներ կբերենք, նոր հայ տղաներ կհրավիրենք»,- ասաց Արա Պողոսյանը:

«Ուրարտուի» մի քանի խաղացողներ արդեն պայմանագրեր են կնքել արտասահմանյան ակումբների հետ: Թոդ Օ’Բրայանը տեղափոխվել է «Սաժես» (Լիբանան), Թերի Սմիթը գնացել է «Խուվենտուդ» (Իսպանիա), իսկ Արիզոնա Ռեյդը՝ «Լե Պորտե» (Ֆրանսիա): Մյուս խաղացողները դեռ փնտրտուքների մեջ են: Հայկական ակումբն ամեն կերպ փորձում է օգնել նրանց:

«Քանի որ հայկական քաղաքացիություն ունեն, դժվար է Ռուսաստանում թիմ գտնել, որովհետեւ լեգեոներ են համարվում: Ըստ երեւույթին, այս ամսվա վերջում Ամիրա Ամիրխանովը պայմանագիր կկնքի: Փորձում ենք օգնել, որ թիմ գտնի: Միրզոյանցը փորձում է Սանկտ Պետերբուրգի «Սպարտակում» խաղալ: Քանի որ Սանկտ Պետերբուրգից է, կամ պետք է «Սպարտակում» խաղա, կամ էլ «Զենիթում»: Նա նույնպես խնդիրներ ունի անձնագրի հետ կապված»,- ասաց Պողոսյանը:

Մյուս տարի «Ուրարտուն» կրկին որեւէ մրցաշարում հանդես գալու փորձ կանի: Այդ ուղղությամբ աշխատանքներ են տարվում: Թե ինչ որոշում կկայացվի, պարզ կլինի այս տարվա ամառվանից ոչ շուտ:

«Գուցե կրկին խաղանք Ռուսաստանում, բայց այս անգամ ВТБ լիգայում: Հնարավոր է՝ խաղանք նաեւ բալթյան լիգայում, որտեղ հանդես են գալիս մերձբալթյան թիմերը, ինչպես նաեւ 1 թիմ Բելառուսից ու 1 թիմ Ղազախստանից: Կա նաեւ բալկանյան լիգայում խաղալու տարբերակը»,- ասաց Արա Պողոսյանը:

«Ուրարտուն» կազմավորվել էր 2016 թ. ամռանը: Սա Հայաստանի բասկետբոլի ֆեդերացիայի պրոեկտն էր, որն ուղղված էր Հայաստանի հավաքականի համար ամուր կորիզ ունենալուն: Գլխավոր մարզիչ Տիգրան Գյոկչյանի գլխավորությամբ թիմը 9 հանդիպում անցկացրեց Ռուսաստանի «Սուպերլիգա 1»-ում: Բոլոր 9 խաղերում էլ «Ուրարտուն» պարտվեց, թեեւ որոշ դեպքերում, օրինակ, առաջին տուրի «Ռյազանի» դեմ խաղում մոտ էր հաջողությանը:

Տպել
821 դիտում

Սակագների չնչին նվազեցումները չպետք է շեղեն կառավարության ուշադրությունը

Կարևորվել են պաշտպանական բնագավառում հայ-ճապոնական շփումների հեռանկարները

Կասկածներ կան «Գեներալ Մանվել Գրիգորյան» հիմնադրամի դրամական մուտքեր ու ելքերի մասին. ՀՔԾ

Ֆրանսիացի գործարարները ցանկանում են ՀՀ-ում ներդրուրմներ կատարել. հանդիպում գործադիրում

Կինոլոգիական միության նախագահ Վիոլետա Գաբրիելյանի բաց նամակը ՀՀ վարչապետ Նիկոլ Փաշինյանին

«Բելաջիո»-ի կառուցած կոյուղահորը կարող է վարակիչ հիվանդությունների պատճառ հանդիսանալ

Արցախի ժողովուրդն է որոշելու իր ապագան եւ Թուրքիան անելիք չունի. Շարմազանով

Խուզարկություն Վստրեչի Ապերի տանը. նրա նկատմամբ միջազգային հետախուզում է հայտարարվել

Համայնքապետերը պետությանը 74 մլն դրամ վնաս են պատճառել. հարուցվել է 71 քրգործ

Անհրաժեշտ է գիտակցել ինքնորոշման իրավունքի իրացման կարեւորությունը. Էդուարդ Շարմազանով

Ուժեղ կարկուտ է տեղացել Արմավիրի մարզում. վնասվել են նաեւ տանիքները

ԱԺ խմբակցությունները պատրաստակամ են քննարկել Ընտրական օրենսգրքի փոփոխությունները

Մայորն անփութություն է դրսեւորել, ինչը հանգեցրել է զինծառայողի մահվան

Պատկերացնո՞ւմ եք. հեղափոխության մեխանիկա

Ընտրական բարեփոխումները պետք է իրականացվեն քաղաքական համաձայնությամբ. Արմեն Աշոտյան

Խուզարկություններ՝ Զապի, Կանեւսկոյի, Օշականցի Գեւորիկը, Նորատուսցի Արայի եւ մյուսների տանը

Ինչպե՞ս են զորացրվածները վերաբերվում զինվորական ծառայությանը. հանդիպում ՊՆ-ում

Ի՞նչ անել. փակուղի ընդդիմության համար

Մանրամասներ. «Արմավիայի» միակ բաժնետերը

Ռուսական կործանիչների ձեռքբերումը կուժեղացնի տարածաշրջանում ուժերի հավասարակշռությունը