Երեւանի պետական համալսարանն ապահովագրել է աշխատակիցների առողջությունը

12/01/2017 schedule13:00

Երեւանի պետական համալսարանն ապահովագրել է իր աշխատակիցների առողջությունը, եւ այս տարվանից սկսած` նրանք հնարավորություն ունեն բժշկական ծառայություններ ստանալ` առանց դրանց դիմաց անձամբ վճարելու:

Առողջության ապահովագրությունից կարող են օգտվել բուհի միայն հիմնական աշխատակիցները: Արտաքին համատեղությամբ կամ ժամավճարով աշխատողներին այն չի վերաբերում: Վճարումների պարտականությունը ստանձնել է համալսարանը` իր բյուջեից: Թվով 22 հազար 44 անձի համար տարեկան վճարելու է 52 հազարական դրամ: Ապահովագրական ծախսերը, համաձայն պաշտոնական տվյալների, ընդհանուր առմամբ, կազմում են շուրջ 119 միլիոն դրամ:

Երեւանի պետական համալսարանում ձեւավորված համապատասխան հանձնաժողովը նախ ուսումնասիրել է գոյություն ունեցող սոցիալական ապահովագրության փաթեթները, ծանոթացել առաջարկվող ծառայություններին ու կազմել ապահովագրական փաթեթի իրենց ակնկալած տարբերակի տեխնիկական բնութագիրը, ապա, ըստ այդմ, հայտարարել մրցույթ` համապատասխան կազմակերպությանն ընտրելու նպատակով: Արձագանքել են երեքը, հաղթող է ճանաչվել «Ռոսգոսստրախ Արմենիան»: 

«Այդ ապահովագրական ընկերություններն էին «Նաիրի  ինշուրանսը», «Սիլ ինշուրանսը» եւ «Ռոսգոսստրախ Արմենիան»: Ամենացածր գինն առաջարկել է «Ռոսգոսստրախ Արմենիան»` 119 միլիոն դրամ, իսկ ամենաբարձրը` «Նաիրի ինշուրանսը»`  248 միլիոն դրամ: «Սիլ ինշուրանսը» պատրաստակամություն էր հայտնել ԵՊՀ աշխատակիցների առողջությունն ապահովագրել 149 միլիոն 500 հազար դրամով»,- երեկ մեր զրույցում ասաց Երեւանի պետական համալսարանի արհեստակցական կազմակերպության նախագահ Արմեն Ավետիսյանը` հավելելով, որ բուհի աշխատակիցների առողջությունն ապահովագրելու նախաձեռնությունն այս կազմակերպությանն է:

Նշենք, որ արդեն մի քանի տարի է, ինչ պետությունն ապահովագրում է պետական մի շարք ոլորտներում աշխատողների առողջությունը, այդ թվում` քաղաքացիական ծառայողների, ուսուցիչների եւ այլն: Այս դեպքում եւս վճարվող գումարը կազմում է տարեկան 52 հազար դրամ: ԵՊՀ-ում, տեսնելով, որ բուհական համակարգի աշխատակիցները նույնպես չեն ստանում այդ հնարավորությունը, որոշել են խնդիրը լուծել ինքնուրույն:

«Պետական տարբեր հիմնարկություններ, ինչպես նաեւ Գիտությունների ազգային ակադեմիան սոցիալական փաթեթներ ունեին, իսկ բուհական համակարգը դուրս էր մնացել: Եվ այդ իսկ պատճառով, քանի որ տեսանք, որ պետության կողմից սոցփաթեթներ չեն տրամադրվում բուհական համակարգին, Երեւանի պետական համալսարանի արհեստակցական կազմակերպությունը համապատասխան առաջարկով դիմեց ԵՊՀ ռեկտորին եւ, հուրախություն մեզ, ռեկտորը, դրսեւորելով սոցիալական գործընկերության բարձր մակարդակ, ընդառաջ գնաց մեր առաջարկությանը, հանձնաժողով ձեւավորվեց, եւ այս ամենը կատարվում է ԵՊՀ բյուջեի հաշվին»,- ասաց Արմեն Ավետիսյանը:

Ապահովագրական ծածկույթը կազմելու է 6 միլիոն դրամ: Այսինքն` ԵՊՀ աշխատակիցը կարող է ստանալ մինչեւ 6 միլիոն դրամ արժողությամբ առողջապահական ծառայություններ: Կան, սակայն որոշակի սահմանափակումներ:

«Ընդհանուր բացառություններից են, ենթադրենք ՄԻԱՎ-ՁԻԱՀ-ը եւ աջակցող իմունային անբավարարությամբ պայմանավորված հիվանդությունները, վիրուսային հեպատիտ B, C, D-ն, լյարդի ցեռոզը, առավելապես սեռական ճանապարհով փոխանցվող վարակները, մաշկի եւ եղունգների սնկային հիվանդությունները, շաքարային դիաբետը, հենաշարժիչ համակարգի դիստրոֆիկ եւ դեգեներատիվ ախտահարումները եւ այլն»,- մանրամասնեց մեր զրուցակիցը: Հարցին, թե ինչ սկզբունքով է կազմվել բացառությունների շարքը, նա պատասխանեց, որ դա համապատասխանում է ապահովագրական ընկերությունների կողմից առաջարկվող ապահովագրական փաթեթների մոտեցումներին, ինչն էլ իրենք ուսումնասիրել են:

«Մենք ուզում էինք նվազագույն գնով ստանալ առավելագույն ծառայություններ: Սա ոսկե միջինն էր, որ կարողացանք ընտրել: Եթե այդ բացառություններն էլ ներառեինք, ապահովագրական գումարի չափն աստղաբաշխական թվերի կհասներ: Բայց նաեւ հնարավոր չէ ձեռք բերել առողջության ապահովագրության այնպիսի ծառայություն, որտեղ այս հիվանդությունները ներառված լինեն: Մեր առողջապահական փաթեթը, եթե ոչ լավագույնը, լավագույններից մեկն է, որովհետեւ դրա մեջ ընդգրկված են նաեւ ատամնաբուժությունն ու ակնաբուժությունը»,- հավելեց ԵՊՀ արհեստակցական կազմակերպության նախագահը:

Բուհի աշխատակիցների առողջության ապահովագրումն, ըստ նրա, շարունակական է լինելու. «Իհարկե, տվյալ ապահովագրական կազմակերպությունը մրցույթը շահում է մեկ տարով եւ նրա հետ մեկ տարով է պայմանագիր կնքվում: Միգուցե մյուս տարի հաղթող ճանաչվի այլ ընկերություն, բայց ապահովագրությունը լինելու է պարտադիր»:

Հ.Գ. Առողջությունը վերականգնելը թանկ արժե, իսկ ապահովագրությունը համարվում է անմատչելի: Բայց փորձը, փաստորեն, ցույց է տալիս, որ տարեկան ընդամենը 52 հազար դրամով հնարավոր է լինում լուծել այդ խնդիրը: Իսկ հետաքրքիր է, այս կարգի գումարով, ինչը ամսական 5 հազար դրամ էլ չի կազմում, կարո՞ղ են նաեւ առանձին անհատներն ապահովագրել իրենց առողջությունը: Օրինակ` վերոնշյալ ապահովագրական ընկերություններից երկուսից` «Սիլ ինշուրանսից» եւ «Ռոսգոսստրախ Արմենիայից» պատասխանեցին, որ անհատական փաթեթներ չունեն, իսկ կորպորատիվ փաթեթները նախատեսված են առնվազն տասն անդամից կազմված կոլեկտիվների համար: «Նաիրի ինշուրանսից» էլ ասացին, որ առողջության ապահովագրության անհատական փաթեթների արժեքը տարեկան 20-70 հազար դրամի սահմաններում է: Դրանց մեջ, սակայն ներառված են միայն կանխարգելիչ հետազոտություններ եւ ամբուլատոր ծառայություններ: Վիրահատություններ ներառող փաթեթներ առայժմ մշակված չեն:

Տպել
7579 դիտում

Թթուջուր-Նավուր ավտոճանապարհը փակ է բոլոր տրանսպորտային միջոցների համար

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Մի քանի ժամով կհոսանքազրկվեն Երևանի և 2 մարզի որոշ հասցեներ

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի