Հայ-թուրքական սահմանի երկայնքով պատ կառուցելը շանտաժ է ԵՄ-ին. ի՞նչ վախեր ունի Թուրքիան

Թուրքական ԶԼՄ-ներն արդեն գրել են, որ Թուրքիայի իշխանությունները պատրաստվում են հայ-թուրքական եւ թուրք-իրանական սահմանի ողջ երկայնքով պատ կառուցել, որպեսզի ահաբեկիչների հոսքն իրենց երկիր կանխեն: Ներկայումս նմանատիպ պատ կառուցվում է թուրք-սիրիական սահմանին: Թուրքական «T24» լրատվական կայքի տեղեկացմամբ՝ երկրի քաղաքական կուլիսներում տարվող քննարկումների համաձայն, Թուրքիայի պաշտպանության եւ ֆինանսների նախարարությունների համատեղ նախաձեռնությամբ, հայ-թուրքական սահմանը կպարսպապատվի Արդահան, Կարս եւ Իգդիր քաղաքների կողմից։

«Միջազգային եւ անվտանգության հարցերի հայկական ինստիտուտի» հիմնադիր նախագահ, քաղաքական վերլուծաբան Ստյոպա Սաֆարյանը Armtimes.com-ի հետ զրույցում կարծիք հայտնեց, որ նախ հարցը պետք է լուրջ վերլուծությունների արժանանա, ապա նշեց, որ հնարավոր պատը շատ քիչ է կապված ահաբեկչության դեմ պայքարին կամ ահաբեկիչների ներթափանցումը կանխելուն:

«Հայ-թուրքական արձանագրությունների տարիներին էլ Թուրքիան չէր խուսափում այլ վախեր նույնպես ցուցադրել, հատկապես՝ հայ-թուրքական սահմանի վերաբերյալ: Դա Կարսի, Մոսկվայի պայմանագրերի վավերացումն է, ճանաչումն է: Միայն ասել, թե զուտ ահաբեկչության դեմ պայքարի հարցն է, որ Թուրքիային ստիպում է պատ կառուցել, չեմ կարծում, որ ճիշտ կլինի»,- ասաց քաղաքագետն ու նկատելով, որ եթե անգամ թուրքական իշխանության մեջ կան տրամադրություններ, որոնք կողմ են պատի կառուցմանը, չպետք է առանձնացնել Թուրքիայի հին վախերը Մոսկվայի եւ Կարսի պայմանագրի հետ կապված:

«Թուրքիան, ըստ էության, ուզում է ավելի ամրապնդել չբացված սահմանը: Մյուս կողմից՝ սա կարող ենք շանտաժ համարել Թուրքիայի կողմից արեւմուտքին, որը շահագրգռված է հայ-թուրքական սահմանի բացման հարցում եւ կարծեք թե, Թուրքիան ուզում է ասել, որ այդ սահմանը երբեւիցե ինքը չի բացի: Մյուս կողմից, պատկերացնում եք, թե այդ պատի կառուցումն ինչպես կողջունվի Ադրբեջանի կողմից, որ իր ավագ եղբայրը եւս մեկ նշան է տալիս, թե Հայաստանի շրջափակումը չի վերացվի, սահմանը փակ կմնա»,- նկատեց քաղաքագետը:

Նշենք, որ սիրիական հակամարտության սկզբնավորումից հետո Թուրքիան Սիրիայի սահմանին 3 մետր բարձրությամբ պատ կառուցեց, որը ներկայացնում ենք լուսանկարներում:

Տպել
64371 դիտում

ՀՀ ֆուտբոլի հավաքականի խաղերի ամենաէժան տոմսերը կլինեն 1000 դրամ

Վանեցյանը անձնական միջոցներ չունի, որ ներդնի ֆուտբոլում, բայց կարծում է՝ կարիքը չի էլ լինի

Հայրապետյանը չէր եկել ժողովին, որում Վանեցյանը ընտրվեց ՀՖՖ նախագահ

Նիկողոսյանը եւ Մելիքբեկյանը՝ ՀՖՖ փոխնախագահներ

Ընտրվեց ՀՖՖ գործկոմի նոր կազմը

Արթուր Վանեցյանը ընտրվեց ՀՖՖ նախագահ

Արարատ Միրզոյանը Գյումրու թիվ 40 դպրոցի տնօրեն է նշանակել Մարմաշենի դպրոցի ուսուցչին

12-րդ դասարանում կենտրոնացված ավարտական քննություն կլինի միայն հայոց լեզու առարկայից

Վարդան Մինասյանը հեռացել է ՀՀ ֆուտբոլի հավաքականից

Անկախության տոնին պարգեւատրումներ, ցուցահանդեսներ, «Սուտլիկ որսկան» ու տոնական համերգ Գյումրիում

Սեւ մածուն. մոնստր է, մոնստր

ՀՀՇ-ով մեզ թող չվախեցնեն. ասում է Հովհաննես Հովհաննիսյանը

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել