Աղիքային ցուպիկի մանրէներ են հայտնաբերվել կաթնամթերք արտադրող հայտնի ապրանքանիշներում

2017 թվականի սկզբին «Իրազեկ եւ պաշտպանված սպառող» հասարակական կազմակերպությունն ուսումնասիրություն է կատարել կաթնամթերքի շուկայում եւ այսօր հրապարակել է արդյունքները: Իրացման ցանցից նմուշառվել եւ փորձաքննության են հանձնվել կաթնամթերքի սպառման հիմնական շուկան ապահովող արտադրողների` «Աշտարակ կաթ» ՓԲԸ, «Արզնի կաթ» ՍՊԸ, «Բիոկաթ» ՍՊԸ, «Բոնիլատ» ՍՊԸ, «Դուստր Մարիաննա» ՍՊԸ, «Թամարա եւ Անի» ՍՊԸ, «Մարիլա» ՍՊԸ եւ «Չանախ» ՍՊԸ-ների որոշ արտադրատեսակներ:

Ուսումնասիրության վերաբերյալ հկ-ն ամփոփ տեղեկանք է ներկայացրել, որից պարզ է դառնում, որ մի շարք ապրանքատեսականներում լուրջ խախտումներ են արձանագրվել:

Մինչ խախտումները ներկայացնելը ՀՀ գյուղատնտեսության նախարարության սննդամթերքի անվտանգության պետական ծառայությունից հետաքրքրվեցինք՝ կաթնամթերքի արտադրության ոլորտում խոշոր ընկերությունները ստուգվե՞լ են վերջին ամիսներին:

ՍԱՊԾ մամուլի խոսնակ Նվարդ Առաքելյանն Armtimes.com-ի հետ զրույցում ասաց. «Ծառայությունը լայնածավալ ուսումնասիրություններ է սկսել կաթնամթերքի շուկայում, որոշ արդյունքներ կան, որոշ հանձնարարականներ դեռ ընթացքի մեջ են: Այդուհանդերձ ծառայությունը ողջունում է, որ հասարակական կազմակերպությունը նույնպես ակտիվ է կամ շահագրգռված է խնդիրները բարձրաձայնելու հարցում նա մանավանդ, որ դրանք նաեւ մեր օրակարգում առաջնահերթ լուծում պահանջող խնդիրներ են»: Նվարդ Առաքելյանի խոսքով՝ մատնանշված ընկերությունները ներառված են ՍԱՊԾ-ի 2017 թվականի ստուգումների ծրագրում, իսկ «Իրազեկ եւ պաշտպանված սպառող» հասարակական կազմակերպությունը հրավիրում են համագործակցության:

Նշենք, որ ՍԱՊԾ-ի ծրագրից տեղեկանում ենք, որ «Աշտարակ կաթ»-ում վերջին անգամ ստուգում է իրականացվել 2014 թվականին, «Բիոկաթ»-ում՝ 2013 թվականին, «Բոնիլատ»-ում՝ 2014 թվականին, «Դուստր Մարիաննա»-ում՝ 2014-ին, «Մարիլա»-ում՝ 2013-ին, «Չանախ»-ում՝ 2014-ին, իսկ մյուս խոշոր արտադրողների մոտ, որոնք վերը նշված են, ստուգումների մասին ՍԱՊԾ-ի ծրագրում որեւէ բան ասված չէ:

Ստորեւ ներկայացնում ենք «Իրազեկ եւ պաշտպանված սպառող» ՀԿ-ի կողմից արձանագրված խախտումները:

«Աշտարակ կաթ» ՓԲԸ: Կաթնաշոռ դասական «Աշտարակ կաթ» 180գ արտադրված 09.12.2016 թ.: Չի համապատասխանում ԱՑԽՄ եւ խմորասնկերի ցուցանիշներով:
Թթվասեր դասական «Աշտարակ կաթ» 18% յուղ, 400գ արտադրված 09.12.2016 թ.:
Չի համապատասխանում խմորասնկերի ցուցանիշով:

«Արզնի կաթ» ՍՊԸ: Կաթ պաստերացված «Արզնի կաթ» – 3,2% յուղ, 1լ արտադրված 09.12.16 թ.: Չի համապատասխանում ԱՑԽՄ և ՄԱՖԱՄ ցուցանիշներով:
Կաթնաշոռ «Արզնի կաթ» 9% յուղ, 180գ արտադրված 09.12.2016 թ.:
Չի համապատասխանում ԱՑԽՄ, խմորասնկերի եւ բորբոսասնկերի ցուցանիշներով:
Սերով թթվասեր «Արզնի կաթ» 20% յուղ, 400գ արտադրված 08.12.16 թ.:
Չի համապատասխանում ԱՑԽՄ և խմորասնկերի ցուցանիշներով:

«Բիոկաթ» ՍՊԸ: Կաթ պաստերացված ֆիրմային «Բիոկաթ» – 3,5% յուղ, 1լ արտադրված 09.12.16 թ.: Չի համապատասխանում ԱՑԽՄ և ՄԱՖԱՄ ցուցանիշներով:
Կաթնաշոռ «Բիոկաթ» 15% յուղ, 150գ արտադրված 10.12.2016 թ.:
Չի համապատասխանում ԱՑԽՄ և խմորասնկերի ցուցանիշներով:
Թթվասեր «Բիոկաթ» 20% յուղ, 400գ արտադրված 10.12.16 թ.:
Չի համապատասխանում ԱՑԽՄ և խմորասնկերի ցուցանիշներով:

«Բոնիլատ» ՍՊԸ: Կաթ պաստերացված «Bonilat»- 3,6% յուղ, 1լ արտադրված 10.12.2016 թ.: Չի համապատասխանում ՄԱՖԱՄ ցուցանիշով:
Կաթնաշոռ «Բոնիլատ» 12% յուղ, 150գ արտադրված 10.12.2016թ.:
Չի համապատասխանում ԱՑԽՄ և խմորասնկերի ցուցանիշներով:
Թթվասեր «Բոնիլատ» 20% յուղ, 400գ արտադրված 10.12.16թ.:
Չի համապատասխանում ԱՑԽՄ ցուցանիշով:

«Դուստր Մարիաննա» ՍՊԸ: Կաթնաշոռ «Մարիաննա» 9% յուղ, 180գ արտադրված 10.12.2016թ.: Չի համապատասխանում կաթնաթթվային մանրէների եւ խմորասնկերի ցուցանիշներով:
«Թամարա և Անի» ՍՊԸ: Կաթնաշոռ «Ani Product» 9% յուղ, 200գ արտադրված 09.12.2016թ.: Չի համապատասխանում ԱՑԽՄ եւ խմորասնկերի ցուցանիշներով:

«Մարիլա» ՍՊԸ: Կաթնաշոռ «Մարիլա» 9% յուղ, 200գ արտադրված 10.12.2016թ.:
Չի համապատասխանում կաթնաթթվային մանրէների եւ խմորասնկերի ցուցանիշներով:

«Չանախ» ՍՊԸ: Կաթ պաստերացված «Չանախ»- 3,2% յուղ, 1լ արտադրված 10.12.2016 թ.: Չի համապատասխանում ՄԱՖԱՄ եւ ԱՑԽՄ ցուցանիշներով:
Հատիկային կաթնաշոռ «Չանախ» 4% յուղ, 180գ արտադրված 10.12.2016թ.:
Չի համապատասխանում ԱՑԽՄ, խմորասնկերի եւ բորբոսասնկերի ցուցանիշներով:
Թթվասեր «Չանախ» 20% յուղ, 400գ արտադրված 10.12.2016թ.:
Չի համապատասխանում ԱՑԽՄ և խմորասնկերի ցուցանիշներով:

Պարզաբանում: ԱՑԽՄ՝ աղիքային ցուպիկի խմբի մանրէներ, որոնք 37 ° C խմորում են լակտոզան առաջացնելով գազ եւ թթու եւ համարվում են թարմ կղանքային՝ ֆեկալ ախտոտվածության ցուցիչներ: Սննդամթերքի անվտանգության մանրէաբանական ցուցանիշների հիգիենիկ նորմատիվներն ընդգրկում են միկրոօրգանիզմների խմբեր՝ սանիտարացուցադրական, որոնց շարքին են դասվում նաեւ աղիքային ցուպիկի խմբի մանրէներ՝ կոլիձեւեր(ԱՑԽՄ)։

Տպել
18398 դիտում

Փաշինյանը իրականացրել է նախընտրական քարոզչություն` աշխատանքային ժամին. ՀՀԿ շտաբ

Վթար Կիևյան և Մոնթե Մելքոնյան փողոցների խաչմերուկում, բախվել է 5 մեքենա. կան տուժածներ

ԼՂ հակամարտությունում մարդկանց իրավունքներն ու անվտանգությունը առաջնահերթություններ են. ԱԳ նախարար

Դավիթ Տոնոյանը ժամանել է Քեմփ Մարմալ ռազմաբազա, որտեղ ծառայում են հայ խաղաղապահները

Պեկինում տեղի է ունեցել «Նոր Հայաստանը եւ նրա տարածաշրջանային կարեւորությունը» թեմայով գիտաժողով

Եռագույն փողկապն աղքատությունն ու արտագաղթը չի վերացնում, գնաճը շարունակվում է. Շարմազանովը՝ վարչապետին

Նոյեմբերի 20-ի դրությամբ համաներմամբ ազատ է արձակվել 501 դատապարտյալ

Եւ մի տանիր զմեզ ի փորձություն ...

Տեղի կունենա մոմավառություն՝ ի հիշատակ բալետի արտիստ Վահագն Մարգարյանի

Քրտնաջան և թափանցիկ աշխատանքի ակնկալիքով. քաղաքապետը ներկայացրել է Քանաքեռ-Զեյթունի նոր ղեկավարին

էրեբունու զանգվածային անկարգությունների գործով ինքնակամ ներկայացած անձը Մասիսի սպորտդպրոցի տնօրենն է

Ոստիկանները Շենգենյան վիզայի կեղծման դեպք են բացահայտել. վիզան 6500 եվրո է արժեցել (տեսանյութ)

Ժողովուրդ ջան, հավատացե՛ք Նիկոլ Փաշինյանին, քանի դեռ ինքը հակառակը չի ապացուցել. Արփինե Հովհաննիսյան

Երևանի քաղաքապետը խոստացել է օգնել նախադպրոցական կրթության մոդելի կիրառման հարցում

Երևանի հ. 48 մանկապարտեզի տնօրենը կարգապահական տույժի է ենթարկվել (լուսանկար)

Վերսկսվել է «Բերդ» բնակելի շենքի կառուցապատումը

Ողբերգական վթարից մահացած Հրանտ Գասպարյանի ծնողները խնդրում են կրտսեր որդուն վաղաժամկետ զորացրել

Մոլորված ու Ադրբեջանում հայտնված Կ. Ղազարյանին դատարանում ահաբեկիչ են որակել (լուսանկարներ)

ՎՏԲ-Հայաստան Բանկը և «ՌԵՍՈ» ընկերությունը առաջարկում են իրենց հաճախորդներին «Ապահով հանգիստ» ապահովագրական փաթեթը

Մեղադրանքները Կ. Հարությունյանի հիվանդ երեւակայության արդյունքն են. ԱԺ-ն պատասխանում է աշխատակցի բողոքին