Լապշինի քրեական հետապնդումը Արցախի վերաբերյալ ազատ խոսքը լռեցնելու փորձ է. Արցախի ՄԻՊ

ԼՂՀ Մարդու իրավունքների պաշտպանի գրասենյակը ռուս բլոգեր Ալեքսանդր Լապշինին Ադրբեջանին արտահանձնելու գործընթացին հետեւում է դեռ նախորդ տարվա վերջից: Ուսումնասիրելով նրան առաջադրված մեղադրանքները՝ ՄԻՊ գրասենյակը եկել է այն եզրահանգման, որ խոսքը վերաբերում է ոչ այնքան Արցախ այցելելուն, որքան Լապշինի՝ Արցախի վերաբերյալ ազատ խոսքը լռեցնելու փորձ:

«Սա խիստ  անհանգստացնող եւ մտահոգիչ է: Համադրելով առկա բոլոր փաստերը՝ մենք եկել ենք այն խորը համոզման, որ գործ ունենք մարդու իրավունքների ոտնահարման հետ: Այս միջադեպն անհանգստացնող պետք է լինի ոչ միայն մեզ, այլ նաեւ միջազգային իրավապաշտպան հանրության համար, որովհետեւ խոսքի ազատությունը մարդու իրավունքների գաղափարախոսության մեջ առանցքային նշանակություն ունի:

Այստեղ գրեթե անթաքույց խոսվում է այն մասին, որ Արցախի մասին տեղեկություններ տարածելու, անձնական կարծիք հայտնելու համար անձը կարող է քրեական հետապնդման ենթարկվել»,- Armtimes.com-ի հետ զրույցում ասաց Արցախի ՄԻՊ Ռուբեն Մելիքյանը:

ԼՂՀ օմբուդսմենի խոսքով՝ իրավապաշտպան կառույցներն ու անհատ իրավապաշտպանները պետք է գիտակցեն, որ Ադրբեջանի պահվածքն առաջին հերթին մարտահրավեր է իրենց: Նրանք պետք է մտածեն, թե որտեղ է թաքնված ռուս բլոգերին հետապնդումների ենթարկելու բուն պատճառը:

«Ես այն համոզմանն եմ, որ միջազգային իրավապաշտպան հանրությունն Արցախում ավելի մեծ ներկայացվածություն պետք է ունենա: Մենք այս ուղղությամբ աշխատել եւ աշխատում ենք: Այս սկզբունքը մեր գործունեության մեջ անցնում է կարմիր թելով:

ԼՂՀ-ում բնակվում են մարդիկ, այստեղ առկա է պետական համակարգ, եւ արցախցու մարդու իրավունքները ոչ մի բանով չպետք է տարբերվեն մյուս պետություններում ապրող մարդկանց իրավունքներից: Խտրականությունն ուղղակի անընդունելի է, եւ այս խնդիրն առաջնահերթ կերպով պետք է ընկալվի միջազգային իրավապաշտպան կազմակերպությունների կողմից»,- նկատեց Ռուբեն Մելիքյանը:

Ամփոփելով՝ ԼՂՀ օմբուդսմենը շեշտեց, որ Լապշինի նկատմամբ քրեական հետապնդում իրականացնելով՝ Ադրբեջանը նպատակ ունի վախի մթնոլորտ ստեղծել, մինչդեռ հայկական կողմը, բարձրաձայնելով վերոնշյալ խնդրի մասին, պետք է օտարերկրացիների մոտ Արցախ այցելելու ավելի մեծ մոտիվացիա առաջացնի: Սա, Ռուբեն Մելիքյանի խոսքով, զուտ գաղափարական պայքար է, սեւի ու սպիտակի պայքար:

Հիշեցնենք, որ Բելառուսի Հանրապետության գլխավոր դատախազի տեղակալը որոշում է կայացրել բավարարել Ադրբեջանի գլխավոր դատախազության խնդրանքը՝ Ռուսաստանի եւ Իսրայելի քաղաքացի, բլոգեր Ալեքսանդր Լապշինին Ադրբեջանին արտահանձնելու վերաբերյալ:

Որոշում է կայացվել Ադրբեջանի քրեական օրենսգրքի 281.2 (պետությունների դեմ հրապարակային կոչեր) եւ 318.2 (Ադրբեջանի Հանրապետության պետական սահմանի անօրինական հատում) հոդվածներով քրեական պատասխանատվության ենթարկել բլոգերին:

Տպել
5424 դիտում

Մահացել է Սարդ-մարդու, Երկաթե մարդու, Հալքի, Ֆանտաստիկ քառյակի, Իքս մարդկանց «հայրը»

Նիկոլ Փաշինյան, Լենա Նազարյան, Արարատ Միրզոյան. հայտնի է «Իմ քայլը» դաշինքի առաջին տասնյակը

ԿԸՀ-ի որոշմամբ, ավագանու անդամ Արամ Մանուկյանի լիազորությունները դադարեցված են, նրան կփոխարինի Միքայել Թումանյանը

Դաշնակցության անունից առաջադրվելու եմ պատգամավորի թեկնածու, պատվի հարց է. Գեղամ Մանուկյան

Պաշտպանն ուշադրության կենտրոնում է պահում խաղաղ հավաքների ժամանակ մարդկանց իրավունքների երաշխավորման հարցը

Կոռուպցիայի դեմ պայքարն ու բարեփոխումներն առաջնահերթություն են. Փաշինյանը՝ ԵՄ դեսպաններին

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը

«Ղեկը աջ» նախաձեռնությունը վաղը Կառավարության մոտ մեծ բողոքի ակցիա կիրականացնի

Կան պաշտոնյաներ, որոնք ստանում են 1 մլն դրամից ավելի թոշակ. Թանդիլյանն առաջարկում է չափ սահմանել

20-ամյա կնոջը դաժան ծեծի ենթարկած 30-ամյա տղամարդը նախկինում երեք անգամ դատապարտված է եղել

Արցախի ԱԳՆ ղեկավարն ընդունել է ԵԱՀԿ գործող նախագահի անձնական ներկայացուցչին

ՊԲ հրամանատարն ու Անջեյ Կասպրշիկը քննարկել են շփման գոտում տիրող իրավիճակը

Մինչեւ վերասարքավորում կատարելը իրենք չեն կարող այդ մեքենան շահագործել. Արմեն Փամբուխչյան

1988 թ. երկրաշարժի զոհերի հարգանքի տուրքի բոլոր միջոցառումները կկազմակերպվեն բարձր մակարդակով. Ցոլակյան

Ոստիկանին փորձում են անհիմն ազատել աշխատանքից. նա դիմում է ՀՀ ոստիկանապետին

Վերաքննիչը բեկանեց Շահեն Հարությունյանին տուգանելու մասին Վարչական դատարանի որոշումը

Իմ երեխան, իմանալով, որ մեքենան անսարք է, ասել է՝ ես չեմ վարի. զինծառայողի ծնողները մանրամասներ են պատմում

Ախալցխայում հայկական դպրոցի աղջիկներին մի քանի օր հետևել է Պակիստանի քաղաքացի. նրան ձերբակալել են

Քառօրյա պատերազմի ժամանակ մարտական հերթապահություն իրականացրած ՀՊՏՀ ուսանողների բաց նամակը վարչապետին, ԿԳ նախարարին