Հայոց լեզվի ինչպիսի առաջադրանքներ են կատարելու պատգամավորության թեկնածուները. օրինակներ

ՀՀ Ազգային ժողովի ապագա պատգամավորներին առաջարկվելիք հայոց լեզվի հարցաշարը գրեթե պատրաստ է հրապարակման: Մեզ հաջողվեց ձեռք բերել դրանում տեղ գտած առաջադրանքների որոշ օրինակներ:

Այն, որ պատգամավորության թեկնածու գրանցվելու համար այսուհետ պետք է պարտադիր պայման լինի հայերենին տիրապետելը, սահմանված է ՀՀ Ընտրական նոր օրենսգրքով: Իսկ որպեսզի պարզ դառնա, թե առաջադրվել ցանկացող թեկնածուները որքանով են տիրապետում հայոց լեզվին, նրանք պետք է քննություն հանձնեն` թեստային տարբերակով: Այս պահանջը չի վերաբերում այն անձանց, որոնց ուսումնական հաստատության ավարտական վկայականում, ատեստատում կամ դիպլոմում փաստվում է հայերենին տիրապետելու հանգամանքը: Թեստ կհանձնեն, օրինակ, պատգամավորության այն հնարավոր թեկնածուները, որոնք, ասենք, կրթություն են ստացել արտերկրում, եւ նրանց ավարտական փաստաթղթում նշում կամ գնահատական չկա հայոց լեզու առարկայի վերաբերյալ:

Այս պահանջը քաղաքական դաշտում հայտնի գործիչներից առաջին հայացքից կարող է վերաբերել ՀՀ արտաքին գործերի նախկին նախարար, «Համախմբում» կուսակցության նախագահ Վարդան Օսկանյանին եւ ՀՀ արտաքին գործերի նախկին նախարար, «Ժառանգություն» կուսակցության առաջնորդ Րաֆֆի Հովհաննիսյանին, եթե, իհարկե, նրանք առաջադրվելու լինեն որպես պատգամավորության թեկնածու: Օսկանյանի կենսագրության մեջ, սակայն, կարդում ենք, որ նա, չնայած ծնվել է Սիրիայի Հալեպ քաղաքում, արտասահմանյան տարբեր բուհերում սովորելուց առաջ ուսանել է Երեւանի պոլիտեխնիկական ինստիտուտում: Հետեւաբար` ավարտական փաստաթղթում պետք է առկա լինի հայերենի իմացության հավաստումը:

Ինչ վերաբերում է Րաֆֆի Հովհաննիսյանին, ապա ԱՄՆ-ի Ֆրեզնո քաղաքում ծնված գործչի կենսագրական տվյալներում նշվող բոլոր ուսումնական հաստատությունները, որտեղ նա սովորել է, հայաստանյան չեն: Ասել է թե` պատգամավորության թեկնածու առաջադրվելիս՝  Հովհաննիսյանն իսկապես կարող է օրենքի պահանջով քննություն հանձնել հայոց լեզու առարկայից: Երեկ մենք փորձեցինք պարզել, թե «Ժառանգություն» կուսակցության ղեկավարն ինչպես է գնահատում այս նորամուծությունն ու արդյոք դա նաեւ իրե՞ն է վերաբերելու: Կուսակցության խոսնակի հետ, սակայն, չհաջողվեց կապ հաստատել:

Դառնալով Ազգային ժողովի պատգամավորության թեկնածուների քննական առաջադրանքների օրինակներին` դրանք ներկայացնում ենք ստորեւ: Մեզ մոտ նշվում են հարցն ու պատասխանի ճիշտ տարբերակը: Իսկ թեկնածու առաջադրվողների քննական թեստերում հարցը կունենա պատասխանի երեք տարբերակ, որից էլ ապագա պատգամավորները կընտրեն միակ ճիշտը: Հարցաշարը, որը հասանելի կլինի հավակնորդներին, կազմված է ավելի քան 200 առաջադրանքներից, իսկ թեստերում կներառվեն դրանցից միայն 30-ը: 

Ուղղագրություն

  1. Համարակալված բառերում բաց թողած տառերը պատասխանների ո՞ր շարքում են ճիշտ նշված:

Արարատ  լե -ը (1) աշխարհի ամենաբար-ր (2) սարն է. հայ մար-ուն (3) նա երևում է աշխարհի բոլոր ծա-երից (4):

  • (1) ռ, (2) ձ, (3) դ, (4) գ
  1. Համարակալված բառերում բաց թողած տառերը (տառակապակցությունները) պատասխանների ո՞ր շարքում են ճիշտ նշված:

Նա գնում էր տեսնելու այն դժբա-տ (1) ա-բաստանյալներին (2), որոնց ձե-բակալել (3) ու ապ-րինաբար (4) պահում էին բանտախցերում:

  • (1) խ, (2) մ, (3) ր, (4) օ
  1. Համարակալված բառերում բաց թողած տառերը պատասխանների ո՞ր շարքում են ճիշտ նշված:

Մի կին խրթին բարբառով ինչ-որ անե-քներ (1) կամ աղո-քներ (2) էր մրմնջում: Արաբները վաճառում էին ուղտեր ու ձիեր՝ շքեղ թա-բերով (3):

  • (1) ծ, (2) թ, (3) մ

 Ուղղախոսություն

  1. Ո՞ր բառում է ընդգծված ո-ն արտասանվում վօ.
  • հոգեորդի
  1. Ո՞ր բառում է ընդգծված ե-ն արտասանվում յէ.
  • վրաերթ
  1. Նշված ածանցներին միանալիս ո՞ր բառում երկհնչյունը կպահպանվի:
  • անկյուն (ակ)

 Խնդրառություն, համաձայնություն, շարադասություն

  1. Ո՞ր նախադասության մեջ լեզվական սխալ կա:
  • Նա ամբողջ հարստությունը կտակել էր ոչ թե զավակների, այլ կնոջ վրա:
  1. Ո՞ր նախադասության մեջ լեզվական սխալ կա:
  • Պաղ աղբյուր բերող կածանով գնում էր Արամը, որը դեռ վաղուց կասկածում էր ընկերոջ վրա։
  1. Ո՞ր նախադասության մեջ լեզվական սխալ կա:
  • Իր կրոնն ու հայրենիքին ուրացողից ոչ մի լավ բան չսպասես:

Ավելի վաղ տեղեկացրել էինք` քննական առաջադրանքները կազմող մասնագետները նպատակ ունեն, որպեսզի դրանք լինեն ոչ շատ բարդ` դպրոցի շրջանավարտին ներկայացվող պահանջների շրջանակում:

Դրական շեմը հաղթահարելու համար պատգամավորի թեկնածու առաջադրվել ցանկացողները պետք է ճիշտ պատասխանեն 30 հարցից 27-ին:

Տպել
18227 դիտում

Երեւանում 28-ամյա երիտասարդը ինքնասպան լինելու համար նախ կտրել է նախաբազուկը, ապա 3 ածելի կուլ տվել

Մեկը գնում է ԿԳԲ, մեկը՝ միլիցիա, երրորդը՝ Արմենտել. Շիրազը կարմիր ասֆալտի երես չի տեսնի

Թող հավատի ջահը լուսավորի հայ ժողովրդի ուղին. Հռոմի պապը շնորհավորական ուղերձ է հղել Մխիթարյան միաբանությանը

Ես անպայման կզբաղվեմ, կպարզեմ ով է թեկնածուի նկատմամբ քաղաքական տեռոր անում. վարչապետ (տեսանյութ)

Վրաստանում ՀՀ քաղաքացին բռնվել է ոստիկանին կաշառք առաջարկելիս, պարտավորեցրել են 3000 լարի տուգանք մուծել

«Նուբարաշեն» քրեակատարողական հիմնարկի դատապարտյալի ծանրոցում հաբեր ու կաթոցիկ է հայտնաբերվել

Լևոն Արոնյանի կինը հեծանվով 1800 կմ տարածություն կանցնի Թուրքիայով եւ Իրանով դեպի Հայաստան

ՀՀ ԶՈՒ-երի,ՊԲ-ի կողմից իրավիճակը լիովին վերահսկվում է. Ն. Փաշինյանը՝ Արցախի դիրքերում (լուսանկարներ)

Հ. Աբրահամյանի եղբայրը գյուղի ձկնաբուծարանը սնուցող խողովակներն ապամոնտաժել, ուղղությունը փոխել է դեպի իր ձկնաբուծարան

«Հայկական գնդակից» սպանվել է Ադրբեջանի ԶՈւ զինծառայող, ԶԼՄ-ները հայտնում են եւս մեկ սպանվածի ու վիրավորի մասին

Վարչապետ Նիկոլ Փաշինյանն այցելել է Արցախի պաշտպանական դիրքեր

Լուսանկարների միջոցով ցուցադրվեց աղետալի հրդեհի պատճառով վերացած Սարյանի գործերը

Մենք պատրաստ ենք խաղաղ բանակցային գործընթացի, սակայն պատրաստ ենք նաեւ պատերազմի. վարչապետ (տեսանյութ)

Հետաձգել եմ Նյու-Յորք այցս՝ քվեարկելու, նոր մեկնելու համար. վարչապետը կքվեարկի ու կմեկնի ԱՄՆ

Քրեական հեղինակություն Չարբախցի Գեղամի մոտ լուրջ հիվանդություն է հայտնաբերվել. վիրահատությունը հետաձգվել է

Սեպտեմբերի 21-ին՝ Անկախության տոնին, զորահանդես չի լինելու, ծախսվելու է մոտ 100 մլն դրամ

Emmy 2018-ի հաղթողներն ու կարմիր գորգի աստղերը

Բակո Սահակյանը, Նիկոլ Փաշինյանն ու զինվորականները՝ արջերի ընկերակցությամբ Արցախում (տեսանյութ)

Երեւանում կբացվի սիրիահայերի ձեռքի աշխատանքների ցուցահանդես-վաճառք

Օլիգարխ ընտանիքից երիտասարդներ են ամուսնանում եւ որոշել են, որ իրենց նվերների` զարդերի գումարը փոխանցեն մեր հիմնադրամին