Կարեն Գրիգորյանը պիտի դատարան գա.Էջմիածնում մեկնարկել է նախընտրական կրակոցների գործով դատը

Այսօր Արմավիրի մարզի ընդհանուր իրավասության դատարանում (նստավայրը Էջմիածին) մեկնարկել է Էջմիածնի ավագանու ընտրությունների նախօրեին տեղի ունեցած միջադեպի գործով առաջին նիստը:

Այսօրվա նիստին ներկայացել են 3 մեղադրյալ, որոնց մեջ Էջմիածնի քաղաքապետ Կարեն Գրիգորյանն ու նրա եղբայրը չկան: Մինչդեռ ամիսներ շարունակ գործով տուժողները պնդում են, որ հենց նրանք են կազմակերպել իրենց առեւանգումը, ապա նաեւ ծեծը:

Դատական նիստի ընթացքում պարզ է դարձել, որ գործով մեղադրյալ Կարեն Արմենակյանը, Արսեն Կարապետյանը, Արամ Գրիգորյանը ԵԿՄ անդամ են, Էջմիածնի քաղաքապետարանի աշխատակից (Արմենակյանը քաղաքապետի վարորդն է, Կարապետյանը՝ օգնականը): Նրանք երեքն էլ հայտարարել են, որ իրենց մեղավոր չեն ճանաչում:

Այսօրվա դատական նիստը հետաձգվել է տուժող կողմի միջնորդությամբ: Հաջորդ նիստը նշանակվել է փետրվարի 20-ին: Էջմիածնի քաղաքապետի թեկնածու Արթուր Թումանյանը, որն ընտրությունների նախորդ օրը առեւանգվել էր, մեզ հետ զրույցում ասաց, որ այս պահին գոհ չէ դատական պրոցեսից եւ երբ որ հնարավորություն լինի՝ միջնորդելու է դատարան հրավիրել Էջմիածնի քաղաքապետին.

«Քաղաքապետարանի երեք աշխատակից են բերել դատարան, երկու եղբորը հանել են արանքից: Ես էլ պնդում եմ, որ այդ երկու եղբայրն են կազմակերպել այս ամենը, մասնակցել դրան, դրա համար պիտի գան դատարան...Մեր նպատակը նրանց դատարան բերելն է, որ դուրս չմնան պրոցեսից... Խոսքը Կարեն եւ Արման Գրիգորյանների մասին է, որովհետեւ իրենք են կազմակերպել առեւանգումը եւ իրենք անձամբ են մասնակցել այս գործընթացին»,- ասաց Թումանյանը:

Հիշեցնենք, որ Էջմիածնի քաղաքապետի ընտրությունների նախօրեին (2016 թ. սեպտեմբերի 16) Էջմիածնում կրակոցներ էին հնչել: Միջադեպի մասնակիցներն էին գործող քաղաքապետ Կարեն Գրիգորյանը՝ գեներալ Մանվել Գրիգորյանի որդին, ու քաղաքապետի թեկնածու Արթուր Թումանյանը: Կարեն Գրիգորյանի թիմակիցները պնդում էին, թե Թումանյանը կրակոցներ է արձակել Կարեն Գրիգորյանի մեքենայի ուղղությամբ, իսկ քաղաքապետի մյուս թեկնածուի թիմակիցները պնդում էին, որ Կարեն Գրիգորյանը 15-20 հոգով ծեծի է ենթարկել Թումանյանին եւ Աբգարյանին:

Հունվարի 16-ին ՀՀ քննչական կոմիտեն հաղորդագրություն տարածեց՝ հայտարարելով, որ ապացուցված չի համարվել Կարեն Գրիգորյանի դեմ կազմակերպված մահափորձի վարկածը:

Փոխարենը՝ հաղորդագրությունում նշվում էր, որ 2016թ. սեպտեմբերի 16-ին` ժամը 23:30-ից 23:55-ն ընկած ժամանակահատվածում, անձնական հարցեր պարզաբանելու նպատակով, Էջմիածին քաղաքի Սպանդարյան փողոցում հետապնդման են ենթարկվել նույն քաղաքի բնակիչներ Արթուր Թումանյանը եւ Ստեփան Աբգարյանը:

Այդ ընթացքում վերջիններս «Վազ 21-06» մակնիշի ավտոմեքենայով փորձել են դիմել փախուստի, սակայն չեն կարողացել եւ Էջմիածին քաղաքի Սպանդարյան եւ Մեխակ Մեխակյան փողոցների խաչմերուկում` թիվ 6-րդ մանկապարտեզի դիմաց, ենթարկվել են ֆիզիկական բռնության։ Նշանակված դատաբժշկական փորձաքննությունների եզրակացություններով՝ Ա. Թումանյանին պատճառվել է միջին, իսկ Ս. Աբգարյանին թեթեւ մարմնական վնաս։

Տպել
10642 դիտում

ՎՏԲ-Հայաստան Բանկը և «ՌԵՍՈ» ընկերությունը առաջարկում են իրենց հաճախորդներին «Ապահով հանգիստ» ապահովագրական փաթեթը

Մեղադրանքները Կ. Հարությունյանի հիվանդ երեւակայության արդյունքն են. ԱԺ-ն պատասխանում է աշխատակցի բողոքին

Ազգերի լիգա. Հայաստանի համար սկսվեց մեծ հույսերով, ավարտվեց, ինչպես միշտ

Նիկոլ Փաշինյանին ներկայացվել է գյուղտեխնիկայի արտադրություն հիմնելու ներդրումային ծրագիրը

Դեկտեմբերի 9-ի նախընտրական ցուցակներում ամբողջությամբ նույն տվյալներով 208 տարբեր մարդիկ կան

Գյումրու վրաերթի հեղինակն ինքնակամ ներկայացել է ոստիկանություն

Ով է փոխարինելու գեներալ Ղահրամանյանին՝ Վ. Սարգսյանի անվան ռազմական համալսարանի պետի պաշտոնում

Արմեն Սարգսյանը շնորհավորական ուղերձ է հղել Մոսկվայի եւ Համայն Ռուսիո Պատրիարք Կիրիլին

Զիբիլիքսի աղմկոտ գործով ամբաստանյալ, ՀՀԿ-ական Հրայր Անտոնյանն ընդունում է մեղադրանքը. գործը կքննվի արագացված կարգո՞վ

ՀՊՏՀ Գյումրու մասնաճյուղում եւ թիվ 37 դպրոցում կոռուպցիոն չարաշահումներով քրգործեր են հարուցվել

ՀՀ ԶՈՒ աշխատանքային խումբը մեկնել է Մոսկվա

Աֆղանստանում քննարկվել է խաղաղապահ զորքերի սպառազինությունը եւ տեխնիկական հագեցվածությունը

Անցկացվել են հայ-գերմանական երկկողմ ռազմաքաղաքական խորհրդակցությունները

Անհրաժեշտ է քայլ առ քայլ առաջ գնալ. Աննա Հակոբյանը՝ ԼՂ պատերազմի ժամանակ զոհվածների ընտանիքների խնդիրների լուծման մասին

Լուսացույցների տեղափոխություն Սայաթ-Նովայի պողոտա-Չարենցի փողոց խաչմերուկում

Քննարկվում են քրեակատարողական հիմնարկներն օտարալեզու գրականությամբ համալրելու հնարավոր ուղիները

Խարդախությամբ բանկից  փորձել են 1 մլն. եվրո հափշտակել. հայտարարվել է հետախուզում

Իմ քաղաքական գնահատականները շարունակում են մնալ նույնը՝ Սերժ Սարգսյանի նկատմամբ. վարչապետ

Հայաստանը կարեւորում է Խորվաթիայի հետ համագործակցության ընդլայնումը. հանդիպում նախագահականում

Ստեփանակերտում շուտով երկու նոր մանկապարտեզ կկառուցվի. Արայիկ Հարությունյանը՝ բարեգործական նոր ծրագրի մասին