ՊԲ-ն պատասխան չունի՝ ինչու է ապրիլի պատերազմին մասնակցելու մասին նշումը «անվավեր» համարվել

2016 թվականի ապրիլյան պատերազմին մասնակցած զինծառայողների մի մասը փաստի առաջ է կանգնել: Զինվորական գրքույկի համապատասխան հատվածում, որտեղ, ըստ անհրաժեշտության, պետք է նշվի մարտական գործողությունների մասնակցության մասին գրառումը, որոշ զինծառայողների մոտ բացակայում է, իսկ մի մասում էլ գործողություններին մասնակցելու մասին գրությունը առկա է, սակայն վրան գրված է «անվավեր»:

«Ազատություն» ռադիոկայանը տեսանյութ է պատրաստել արդեն զորացրված զինծառայողների մասնակցությամբ, որոնք նախ ցույց են տալիս իրենց զինգրքույկում կատարված ջնջումը, ապա ենթադրում, թե ինչի համար պետք է ջնջված լինի մարտերին մասնակցելու փաստն արձանագրող գրությունը: Զինծառայողների պնդմամբ, ապրիլյան պատերազմի մասնակիցներն իրավունք են ստացել որոշ արտոնություններից օգտվել (օրինակ՝ բուհերում ուսման վարձի զեղչեր եւ այլն), սակայն այս կերպ նրանք զրկվում են այդ արտոնությունից օգտվելու հնարավորությունից:

Զորացրված զինծառայողների մեծ մասը ԼՂՀ պաշտպանական բանակում են ծառայություն իրականացրել եւ մասնակցել են ԼՂՀ սահմանի պաշտպանության մարտական գործողություններին:

ԼՂՀ ՊՆ մամուլի խոսնակ Սենոր Հասրաթյանը Armtimes.com-ի հետ զրույցում նախ ասաց, որ մեկնաբանություն չունի, ապա նշեց. «Զինծառայողներին համապատասխան զինվորական կառույցներում պատասխանում ենք»: Նկատառմանը, որ զորացրված զինծառայողները դիմում են համապատասխան կառույցներին եւ պատասխան չեն ստանում, նա այսպես արձագանքեց. «Ես հարգում եմ, ընդունում եմ եւ գնահատում եմ յուրաքանչյուր զինծառայողի կատարածը ոչ միայն ապրիլյան մարտերի ժամանակ, այլ՝ ընդհանրապես իրենց զինվորական ծառայության ընթացքում, անգամ այսօրվա զինծառայողներին չափից ավելի հարգում եմ եւ յուրաքանչյուրն իր ներդրումն ունի հայրենիքի պաշտպանության գործում, բայց ոչ բոլորն են արժանանում հերոսի կոչման: Մեկը «Մարտական խաչ»  է ստանում, մեկը՝ «Ոսկե արծիվ», այսինքն՝ այստեղ գնահատման չափանիշներ կան: Եթե տվյալ զինծառայողի զինգրքույկում գրվում է՝ մասնակցել է մարտական հերթապահության կամ մասնակցել է մարտական գործողությունների, ուրեմն ինչ-որ որոշում կա հրամանատարի կողմից»:

Դիտարկմանը, որ զինգրքույկում սեւ գույնի գրիչով գրված է, որ մասնակցել է մարտական գործողությունների, իսկ կարմիրով՝ «անվավեր», ԼՂՀ ՊՆ մամուլի խոսնակն այսպես արձագանքեց. «Քանի որ ես դա չեմ տեսել, ես որեւէ մեկնաբանություն չեմ կարող դրան տալ»: Հարցին՝ այդ դեպքում ի՞նչ անեն նման խնդրի բախված զինծառայողները, նա ասաց. «Չեմ կարող պատասխանել»:

Սենոր Հասրաթյանն առաջարկում է զինծառայողներին դիմել զինկոմիսարիատ, որտեղից զորակոչվել են պարտադիր ժամկետային ծառայության: Պնդմանը, որ զինկոմիսարիատից էլ ասում են դիմեք զորամաս, Հասրաթյանն արձագանքեց. «Ես այսքանը կարող եմ ասել, ավելացնելու բան չունեմ: Ես ամենասկզբում ձեզ ասացի, որ ՀՀ պաշտպանության նախարարը համապատասխան պարզաբանում տվել է, ես դրան ավելացնելու բան չունեմ, այդքանով բավարարվում ենք»:

ՀՀ պաշտպանության նախարարի մամուլի խոսնակ Արծրուն Հովհաննիսյանն էլ մեր հարցին ի պատասխան ասաց, որ Հայաստանում ծառայություն իրականացրած զինծառայողների մասով, եթե կոնկրետ անուններ կան, ապա կճշտի, սակայն ԼՂՀ-ի մասով որեւէ բան չի կարող ասել:

Հարցին՝ հունվարի 20-ին նախարար Վիգեն Սարգսյանը  զորացրված զինծառայողների հետ հանդիպմանն ասել էր, որ հետամուտ է լինելու նույն խնդրի կարգավորմանը, ի՞նչ է կատարվել մինչ օրս, Արծրուն Հովհաննիսյանը պատասխանեց: «Պաշտպանության նախարարը համապատասխան հանձնարարություն է տվել, դեպքերն ուսումնասիրվում են: Այս պահին վերջնական բան չեմ կարող ասել: Այնտեղ կան որոշակի խնդիրներ այս կամ այն ստորաբաժանման կամ զորամասի մասնակցել-չմասնակցելու հստակեցումների, սխալմունքների հետ, բայց ավելի հանգամանալից եւ մանրամասն կարծում եմ՝ պաշտպանության բանակին կներկայացնեն»: Հետաքրքրվեցինք՝ այս խնդրով ՊՆ-ի թեժ գծին ահազանգերը շա՞տ են: «Շատ չեն, բայց քիչ էլ չեն, կան դեպքեր»,- պատասխանեց Արծրուն Հովհաննիսյանը:

Տպել
29050 դիտում

Փաշինյանը իրականացրել է նախընտրական քարոզչություն` աշխատանքային ժամին. ՀՀԿ շտաբ

Վթար Կիևյան և Մոնթե Մելքոնյան փողոցների խաչմերուկում, բախվել է 5 մեքենա. կան տուժածներ

ԼՂ հակամարտությունում մարդկանց իրավունքներն ու անվտանգությունը առաջնահերթություններ են. ԱԳ նախարար

Դավիթ Տոնոյանը ժամանել է Քեմփ Մարմալ ռազմաբազա, որտեղ ծառայում են հայ խաղաղապահները

Պեկինում տեղի է ունեցել «Նոր Հայաստանը եւ նրա տարածաշրջանային կարեւորությունը» թեմայով գիտաժողով

Եռագույն փողկապն աղքատությունն ու արտագաղթը չի վերացնում, գնաճը շարունակվում է. Շարմազանովը՝ վարչապետին

Նոյեմբերի 20-ի դրությամբ համաներմամբ ազատ է արձակվել 501 դատապարտյալ

Եւ մի տանիր զմեզ ի փորձություն ...

Տեղի կունենա մոմավառություն՝ ի հիշատակ բալետի արտիստ Վահագն Մարգարյանի

Քրտնաջան և թափանցիկ աշխատանքի ակնկալիքով. քաղաքապետը ներկայացրել է Քանաքեռ-Զեյթունի նոր ղեկավարին

էրեբունու զանգվածային անկարգությունների գործով ինքնակամ ներկայացած անձը Մասիսի սպորտդպրոցի տնօրենն է

Ոստիկանները Շենգենյան վիզայի կեղծման դեպք են բացահայտել. վիզան 6500 եվրո է արժեցել (տեսանյութ)

Ժողովուրդ ջան, հավատացե՛ք Նիկոլ Փաշինյանին, քանի դեռ ինքը հակառակը չի ապացուցել. Արփինե Հովհաննիսյան

Երևանի քաղաքապետը խոստացել է օգնել նախադպրոցական կրթության մոդելի կիրառման հարցում

Երևանի հ. 48 մանկապարտեզի տնօրենը կարգապահական տույժի է ենթարկվել (լուսանկար)

Վերսկսվել է «Բերդ» բնակելի շենքի կառուցապատումը

Ողբերգական վթարից մահացած Հրանտ Գասպարյանի ծնողները խնդրում են կրտսեր որդուն վաղաժամկետ զորացրել

Մոլորված ու Ադրբեջանում հայտնված Կ. Ղազարյանին դատարանում ահաբեկիչ են որակել (լուսանկարներ)

ՎՏԲ-Հայաստան Բանկը և «ՌԵՍՈ» ընկերությունը առաջարկում են իրենց հաճախորդներին «Ապահով հանգիստ» ապահովագրական փաթեթը

Մեղադրանքները Կ. Հարությունյանի հիվանդ երեւակայության արդյունքն են. ԱԺ-ն պատասխանում է աշխատակցի բողոքին