Լապշինի արտահանձնումն Ադրբեջանին նախադեպ չի դառնա. Էդվարդ Նալբանդյան

Իրավական նոր փաստաթղթի շուրջ Հայաստան-Եվրամիություն բանակցությունները, որոնք մեկնարկել են 2015 թվականի դեկտեմբերին, կարծես մոտենում են եզրափակիչ փուլին: Բոլոր դրույթների ջախջախիչ մեծամասնությունն արդեն իսկ համաձայնեցված է: Մոտ օրերս ԵՄ-ից մեր երկիր սպասվում է բավական կարեւոր պատվիրակություն, որի հետ քննարկումները հնարավորություն կտան բանակցությունների վերջնաժամկետների վերաբերյալ ճշգրտումներ կատարել: 2016 թվականի դիվանագիտական տարվա ամփոփմանը նվիրված այսօրվա մամուլի ասուլիսին այս մասին հայտարարեց ՀՀ արտգործնախարար Էդվարդ Նալբանդյանը՝ հույս հայտնելով, որ մոտ ապագայում հնարավոր կլինի հայտարարել գործընթացի եզրափակման մասին:

Անդրադառնալով ռուս հայտնի բլոգեր Ալեքսանդր Լապշինի ձերբակալության եւ Ադրբեջանին արտահանձնելու փաստին՝ բարձրաստիճան պաշտոնյան նշեց՝ ինքը չգիտի, թե ով կամ ինչ կարող է վաստակել այդ գործից, սակայն ակնհայտ է, որ նույն այդ գործը որեւէ մեկի հեղինակությունը չի ավելացնելու:

«Հակառակը, կվնասի նրանց, ովքեր հետապնդում են մարդկանց, խոչընդոտում հիմնարար ազատությունների, ազատ տեղաշարժի ու ազատ խոսքի իրացումը: Սա խայտառակություն է, որը որոշների ինքնության բնորոշիչ մաս է կազմում: Չեմ կարծում, որ Լապշինի դեպքը նախադեպ կդառնա: Մարդիկ Ղարաբաղ գնացել են եւ կգնան: Իհարկե, բացառություններ կարող են լինել, սակայն հակառակ Ադրբեջանի վայնասուններին՝ Արցախ բազմաթիվ զբոսաշրջիկներ այսօր էլ են գնում: Ինչքան նրանք խոչընդոտում են, այնքան գովազդում են Արցախը, իսկ իրենց նավթերը տանուլ են տալիս՝ միաժամանակ վնասելով սեփական հեղինակությանը»,- ամփոփեց Էդվարդ Նալբանդյանը:

Հիշեցնենք, որ Բելառուսի գլխավոր դատախազի տեղակալ Ալեքսեյ Ստուկը հունվարի 20-ին որոշում էր կայացրել բավարարել Արցախ այցելած հայտնի բլոգեր Ալեքսանդր Լապշինին Ադրբեջանին արտահանձնելու մասին դիմումը: 

5 օր անց Մինսկի քաղաքային դատարանում Լապշինը բողոքարկել էր Բելառուսի գլխավոր դատախազության՝ իրեն Ադրբեջանին արտահանձնելու մասին որոշումը: Դատարանը մերժել էր Լապշինի բողոքարկումը` ուժի մեջ թողնելով դատախազի որոշումը: 

Այն բանից հետո, երբ հունվարի 26-ին Մինսկի քաղաքային դատարանը դռնփակ նիստի ժամանակ մերժել էր բլոգեր Ալեքսանդր Լապշինի բողոքն իրեն Ադրբեջանին արտահանձնելու վերաբերյալ, նա պատրաստվում է որոշումը բողոքարկել այդ երկրի Գերագույն դատարանում: Գերագույն դատարանը նրա հայցը քննարկելու է փետրվարի 4-ին: Հենց վերջինիս որոշումից հետո էլ կորոշվի Լապշինին Ադրբեջանին արտահանձնելու հարցը:

Չնայած, որ Լապշինի արտահանձնման վերաբերյալ իր որոշումը պետք է հայտնի նաեւ Գերագույն դատարանը, սակայն ինչպես օրեր առաջ տեղեկացրել էր իսրայելական առաջատար Haaretz պարբերականը, Ադրբեջանը բլոգերին տեղափոխելու համար ինքնաթիռ է ուղարկել Բելառուս

Տպել
5378 դիտում

Փաշինյանը իրականացրել է նախընտրական քարոզչություն` աշխատանքային ժամին. ՀՀԿ շտաբ

Վթար Կիևյան և Մոնթե Մելքոնյան փողոցների խաչմերուկում, բախվել է 5 մեքենա. կան տուժածներ

ԼՂ հակամարտությունում մարդկանց իրավունքներն ու անվտանգությունը առաջնահերթություններ են. ԱԳ նախարար

Դավիթ Տոնոյանը ժամանել է Քեմփ Մարմալ ռազմաբազա, որտեղ ծառայում են հայ խաղաղապահները

Պեկինում տեղի է ունեցել «Նոր Հայաստանը եւ նրա տարածաշրջանային կարեւորությունը» թեմայով գիտաժողով

Եռագույն փողկապն աղքատությունն ու արտագաղթը չի վերացնում, գնաճը շարունակվում է. Շարմազանովը՝ վարչապետին

Նոյեմբերի 20-ի դրությամբ համաներմամբ ազատ է արձակվել 501 դատապարտյալ

Եւ մի տանիր զմեզ ի փորձություն ...

Տեղի կունենա մոմավառություն՝ ի հիշատակ բալետի արտիստ Վահագն Մարգարյանի

Քրտնաջան և թափանցիկ աշխատանքի ակնկալիքով. քաղաքապետը ներկայացրել է Քանաքեռ-Զեյթունի նոր ղեկավարին

էրեբունու զանգվածային անկարգությունների գործով ինքնակամ ներկայացած անձը Մասիսի սպորտդպրոցի տնօրենն է

Ոստիկանները Շենգենյան վիզայի կեղծման դեպք են բացահայտել. վիզան 6500 եվրո է արժեցել (տեսանյութ)

Ժողովուրդ ջան, հավատացե՛ք Նիկոլ Փաշինյանին, քանի դեռ ինքը հակառակը չի ապացուցել. Արփինե Հովհաննիսյան

Երևանի քաղաքապետը խոստացել է օգնել նախադպրոցական կրթության մոդելի կիրառման հարցում

Երևանի հ. 48 մանկապարտեզի տնօրենը կարգապահական տույժի է ենթարկվել (լուսանկար)

Վերսկսվել է «Բերդ» բնակելի շենքի կառուցապատումը

Ողբերգական վթարից մահացած Հրանտ Գասպարյանի ծնողները խնդրում են կրտսեր որդուն վաղաժամկետ զորացրել

Մոլորված ու Ադրբեջանում հայտնված Կ. Ղազարյանին դատարանում ահաբեկիչ են որակել (լուսանկարներ)

ՎՏԲ-Հայաստան Բանկը և «ՌԵՍՈ» ընկերությունը առաջարկում են իրենց հաճախորդներին «Ապահով հանգիստ» ապահովագրական փաթեթը

Մեղադրանքները Կ. Հարությունյանի հիվանդ երեւակայության արդյունքն են. ԱԺ-ն պատասխանում է աշխատակցի բողոքին