Ասում են ընտրակաշառք է, պարզվում է՝ պարտք են տալիս. ոստիկանության շտաբի պետ

ՀՀ ոստիկանությունը ապրիլի 2-ի խորհրդարանական ընտրություններին ընդառաջ իր լիազորություններն ու պարտականությունները օրենքով իրեն վերապահված գործառույթների շրջանակում՝ «Ընտրությունների ժամանակ ոստիկանության գործողությունների ուղեցույցի» նախագծի հանրային քննարկում էր կազմակերպել, որին մասնակցում էին ոստիկանության պաշտոնատար անձինք։ 

Մասնավորապես, քննարկմանը մասնակցում էին Ոստիկանության շտաբի պետ Հովհաննես Քոչարյանը, ՀՀ ոստիկանության հասարակական կարգի ապահովման վարչության պետ Աղասի Կիրակոսյանը, նրա տեղակալ Մեհրաբյանը, Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցն ու «Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանը եւ այլք:

Իոաննիսյանը շեշտեց, որ քաղաքացիական հասարակության ներկայացուցիչները վստահ են՝ ապրիլի 2-ին՝ խորհրդարանական ընտրությունների օրը, ոստիկանության աշխատանքը պետք է ուղղված լինի վարչական ռեսուրսների չարաշահման ու ընտրակաշառքների դեպքերի բացահայտմանը, ինչում իրավապահները նախկին տարիներին խիստ թերացել են:

Արթուր Սաքունցը մի քանի դիտարկում ներկայացրեց, որոնցից մեկը վերաբերում է ոստիկանների գործողություններին ոչ միայն ընտրության օրը, այլ նաեւ նախընտրական քարոզարշավի շրջանակներում: Սաքունցը Ոստիկանության շտաբի պետ Հովհաննես Քոչարյանին հորդորեց հստակ միջոցներ ձեռք առնել այդ օրը ընտրողների զանգվածային փոխադրումները ընտրատարածքներ կանխելու համար՝ պարզելով ով եւ ում հրահանգով է մարդկանց խմբերին ավտոբուսով քվեարկության բերում:

«Եթե բիզնեսի ղեկավար է, եւ այդ օրը զարմանալիորեն իր մեքենան տրամադրում է իր հաշվին, այդտեղ կա խնդիր», - նկատեց Սաքունցը՝ հարցնելով․- «Սիրուն աչքերի համա՞ր է նա մարդկանց տեղափոխում»: Հովհաննես Քոչարյանն ի պատասխան ասաց, որ խնդիր կա, բայց ծայրահեղությունների գիրկը ընկնել պետք չէ, ըստ նրա մարդկանց տեղափոխելը քրեորեն պատժելի արարք չէ: Ապա նա Սաքունցին հարցրեց՝ եթե քաղաքացին ընտրակաշառք է վերցրել, ապա ոստիկանությունն ի՞նչ կարող է անել: Նա հորդորեց՝ գիտեք դեպքեր, հաղորդեք դրանց մասին, առանց հանրության օգնության իրավապահները կաշառքի բաժանումը կանխել չեն կարող: «Միեւնույն ժամանակ լինում են ահազանգեր, թե այս կամ այն երթուղայինում ընտրակաշառք են բաժանում, բայց երբ ոստիկանները տեղ են հասնում, պարզվում է ինչ-որ պարտքի հետ է կապված»,-նկատեց Քոչարյանը:

Քաղհասարակության ներկայացուցիչները պնդեցին, որ ուղեցույցում պետք է հնարավորինս մանրամասն նկարագրվեն ոստիկանության անելիքները, որպեսզի շարքային ծառայողի համար ընկալելի լինի, թե ինչի համար է ինքը պատասխանատու ընտրական պրոցեսի ընթացքում: Սաքունցի խոսքով՝ մտահոգիչ են նաեւ վարչական ռեսուրսների օգտագործման դեպքերը: «Լինում են դեպքեր, երբ այս կամ այն թեկնածուն օգտագործում է իր վարչական լծակները: Լինում են, որ ծառայողական մեքենաներով են գալիս քարոզարշավի»:

Տպել
5458 դիտում

ԱՄՆ-ից հանգանակած 51.000 դոլարի մթերքների մի մասը եւս հայտնվել է Մ. Գրիգորյանի առանձնատանը

Սակագների չնչին նվազեցումները չպետք է շեղեն կառավարության ուշադրությունը

Կարևորվել են պաշտպանական բնագավառում հայ-ճապոնական շփումների հեռանկարները

Կասկածներ կան «Գեներալ Մանվել Գրիգորյան» հիմնադրամի դրամական մուտքեր ու ելքերի մասին. ՀՔԾ

Ֆրանսիացի գործարարները ցանկանում են ՀՀ-ում ներդրուրմներ կատարել. հանդիպում գործադիրում

Կինոլոգիական միության նախագահ Վիոլետա Գաբրիելյանի բաց նամակը ՀՀ վարչապետ Նիկոլ Փաշինյանին

«Բելաջիո»-ի կառուցած կոյուղահորը կարող է վարակիչ հիվանդությունների պատճառ հանդիսանալ

Արցախի ժողովուրդն է որոշելու իր ապագան եւ Թուրքիան անելիք չունի. Շարմազանով

Խուզարկություն Վստրեչի Ապերի տանը. նրա նկատմամբ միջազգային հետախուզում է հայտարարվել

Համայնքապետերը պետությանը 74 մլն դրամ վնաս են պատճառել. հարուցվել է 71 քրգործ

Անհրաժեշտ է գիտակցել ինքնորոշման իրավունքի իրացման կարեւորությունը. Էդուարդ Շարմազանով

Ուժեղ կարկուտ է տեղացել Արմավիրի մարզում. վնասվել են նաեւ տանիքները

ԱԺ խմբակցությունները պատրաստակամ են քննարկել Ընտրական օրենսգրքի փոփոխությունները

Մայորն անփութություն է դրսեւորել, ինչը հանգեցրել է զինծառայողի մահվան

Պատկերացնո՞ւմ եք. հեղափոխության մեխանիկա

Ընտրական բարեփոխումները պետք է իրականացվեն քաղաքական համաձայնությամբ. Արմեն Աշոտյան

Խուզարկություններ՝ Զապի, Կանեւսկոյի, Օշականցի Գեւորիկը, Նորատուսցի Արայի եւ մյուսների տանը

Ինչպե՞ս են զորացրվածները վերաբերվում զինվորական ծառայությանը. հանդիպում ՊՆ-ում

Ի՞նչ անել. փակուղի ընդդիմության համար

Մանրամասներ. «Արմավիայի» միակ բաժնետերը