Ինչո՞վ է պայմանավորված բենզինի գնի բարձրացումը. ՏՄՊՊՀ-ն շտապ ուսումնասիրություն է սկսել

Նախորդ շաբաթվա կեսերից Երեւանի գրեթե բոլոր բենզալցակայաններում բենզինի գինը կրկին սկսեց աստիճանաբար բարձրանալ. այսօր մեկ լիտր «Ռեգուլյար» տեսակի բենզինը վաճառվում էր արդեն 360 դրամով՝ նախկին  330 դրամի փոխարեն: Եվ սա այն դեպքում, որ վարչապետի պաշտոնում Կարեն Կարապետյանի նշանակումից հետո բենզինի գնի իջեցումը (390-ից դարձավ 330 դրամ) պայմանավորվեց շուկա նոր ընկերության մուտքով:

ՀՀ Տնտեսական մրցակցության պաշտպանության պետական հանձնաժողովի նախագահ Արտակ Շաբոյանը դեռ հոկտեմբերին հայտարարեց, որ Հայաստան բենզին ներկրողների ցանկում  ավելացել է «Մաքս պետրոլ» ՓԲԸ-ն, որը սկսել է Ռուսաստանից ու Ռումինիայից մեծ քանակությամբ բենզին ներկրել, ինչը փաստում է շուկայում խոչընդոտների բացակայության մասին:

Հատկանշականն այն է, որ «Մաքս պետրոլ» ՓԲԸ-ն գրանցվել է Հովիկ Աբրահամյանի՝ վարչապետի պաշտոնը լքելու օրը, սակայն մինչ այժմ դեռ պարզ չէ, թե որտեղ է գտնվում այն, ո՞ւմ է պատկանում: ՏՄՊՊՀ մամուլի խոսնակ Գայանե Սահակյանից հետաքրքրվեցինք՝ արդյոք հանձնաժողովն ուսումնասիրել է, թե ինչով է պայմանավորված բենզինի գնի բարձրացումը:

«Նկատի ունենալով բենզինի կարեւորությունը, նաեւ այն, որ այստեղ կան գերիշխող դիրք զբաղեցնող տնտեսվարողներ, Հանձնաժողովի նախագահը հրահանգել է հնարավորինս արագ կատարել ուսումնասիրություն: Հանձնաժողովը տեղեկատվություն տրամադրելու պահանջով դիմել է խոշոր, գերիշխող դիրք զբաղեցնող կազմակերպություններին եւ պատկան մարմիններին: Ինչպես գիտեք՝ հանձնաժողովն իր գործառույթն իրականացնում է փաստաղթերի հիմա վրա: Փաստաթղթերը ստանալուց հետո կկարողանաք գնահատական  տալ, թե գնագոյացման շուկայում ինչ բաղադրիչ է փոխվել, որն անդրադարձել է սպառողին վաճառվող ապրանքի գնի վրա: Տեղեկատվությունը կստանանք, հանձնաժողովը կուսումնասիրի, հնարավորինս սեղմ ժամկետներում իր գնահատականն անպայման կհնչեցնի»,- ի պատասխան ասաց Սահակյանը:

Հարցին, թե արդյո՞ք հնարավոր չէ նախնական գնահատական հնչեցնել՝ հաշվի առնելով գնի վրա ազդող ակնհայտ գործոնները, ՏՄՊՊՀ մամուլի խոսնակն ասաց, որ այս պահին չունեն ձեռքբերման ծավալների, գնի, իրացման ծավալների վերաբերյալ փաստթաթղթեր, հետեւապես չեն կարող գնահատական տալ: «Երբ կլինեն՝ կկարողանանք հասկանալ, թե գնագոյացման շղթայում ինչ բաղադրիչ է փոխվել, որն էլ հիմք կտա գնահատական հնչեցնելու: Թե երբ կստանանք փաստաթղթեր՝ չենք կարող ասել: Այնուամենայնիվ մյուս կողում տնտեսվարողներ են, որոնք պետք է հասցնեն այդ տեղեկատվությունը տրամադրել հանձնաժողովին»,- հավելեց նա:

Նկատենք, որ Ռուսաստանում, որտեղից հիմնականում ներկրվում է Հայաստանում վաճառվող բենզինը, վերջին օրերին բենզինի գինը բարձրացել է ընդամենը 0.3 տոկոսով կամ 1 դրամով: Մեզ չհաջողվեց բենզինի գնի բարձրացման վերաբերյալ պարզաբանումներ ստանալ նաեւ գերիշխող դիրք զբաղեցնող կազմակերպություններից: Խոսքը «Ֆլեշ» եւ «CPS» ընկերությունների մասին է: Առավոտից մեր զանգերն ապարդյուն անցան. այս ընկերություններում չգտնվեց մեկը, որ իրավասու էր խոսել բենզինի գնի բարձրացման թեմայով:

Տպել
11463 դիտում

«Էլեկտրիկ Երեւան»-ից հայտնի ակտիվիստը դրվագ է պատմել ոստիկանությունում իր եւ Հունան Պողոսյանի հանդիպումից

Վարչական համաներում է կիրառվել 108 հազար 916 քաղաքացու նկատմամբ. Արտակ Զեյնալյան

Մարտական հրաձգությամբ գնդային մարտավարական զորավարժություն`ՊԲ հյուսիսային ուղղության զորամասերի մասնակցությամբ

Նախկին պատգամավոր Հովհաննես Մարգարյանը նոր կուսակցություն է բացել եւ վստահում է Նիկոլ Փաշինյանին

Վենետիկի հանձնաժողովը հայտարարություն է ընդունել ՀՀ Ընտրական օրենսգրքի նախագծի վերաբերյալ

Նախագահն այցելել է Հայաստանում Գերմանիայի դեսպանություն

Հայտնի «դըմփ-դըմփ հու՛»-ն՝ Հունան Պողոսյանի մասնակցությամբ (տեսանյութ)

Հնգյակով ցուցակը զարմացրել է ՀՀԿ-ին. կուսակցությունում մասնակցության վերջնական որոշում չկա

Հիվանդին ԲԿ-ում փոխներարկվել է «Հեպտատիտ Ց» վարակ պարունակող անհամատեղելի արյուն, որի հետևանքով հիվանդը մահացել է

Վահե Գրիգորյանի ընտրության հարցը կքննարկվի հոկտեմբերի 23-ին

Հայ զինծառայողները մասնակցել են միջազգային հեղինակավոր վարժանք-մրցույթին

«Երկիր Ծիրանի»-ին դատապարտում է Հունան Պողոսյանին մարզպետ նշանակելու կառավարության որոշումը

Սերժ Սարգսյանի ընկերոջ որդու նախաձեռնությամբ պատգամավորները դիմել են Սահմանադրական դատարան

Խոշտանգում կատարելու կասկածանքով ձերբակալվել են ոստիկանության Սևանի բաժնի պաշտոնատար անձինք

Կապանի մարզադաշտը կվերանորոգվի ՀՖՖ հաշվին. Նիկոլ Փաշինյան

Երգիչ Սեբուի հոր մեքենան կանգնեցրած եւ կաշառք պահանջած տեսուչները գրավի դիմաց ազատ են արձակվել

Անչափահասի կոկորդից արմունկով սեղմած պահել են, պառկած հասցրել բաժին, ապա բազմաթիվ հարվածներ հասցրել. փաստաբան

Ինձ համար կարեւորագույն խնդիր է՝ ջարդել նարկոտրաֆիկի ողնաշարը, մեծ խմբաքանակներ են անցնում Սյունիքով. Փաշինյան

ՀՀ Թաեքվոնդոյի ֆեդերացիայում աղմուկը չի հանդարտվում

Սեւակ Միքայելյանի քարոզարշավին աշակերտների մասնակցության մասին ձայնագրությունն ուղարկվել է Կոտայքի դատախազություն