Բանանի գինը ռեկորդային անկում է գրանցել

Երեւան քաղաքի մի շարք խանութներում վաճառվող բանանի գինն այսօր տարբեր էր: ԱԺ պատգամավոր Արտակ Սարգսյանի պատկանող «ՍԱՍ» սուպերմարկետում սովորականի նման ամենաթանկ գինն է սահմանված: Այնտեղ 1 կգ բանանն այսօր վաճառվում էր 880 դրամով: Նույնը չենք կարող ասել ԱԺ պատգամավոր Սամվել Ալեքսանյանին պատկանող «Երեւան սիթի» սուպերմարկետների ցանցում, որտեղ 1 կգ բանան այսօր վաճառվում էր 630 դրամով:

Armtimes.com-ը տեսախցիկը ֆիքսել է բանանի գինը, սակայն «Երեւան սիթի»-ներում բանանի ցուցանակները վերջին ամսում այլեւս ակնառու չեն: Նախկինում գնի փոքրիկ տատանումը մեծ ցուցանակով էր նշվում, երբեմն էլ՝ հիշեցնում էին նախկին գինը, որը կարմիր գծանշումով ջնջվում էր: Այսինքն՝ նվազեցումը ցանկալի էր ֆիքսել եւ սպառողի համար տեսանելի դարձնել: Մեզ հայտնի դարձավ նաեւ, որ բանանը ոչ խոշոր խանութներում նախորդ կիրակի հասել էր նույնիսկ 1 կգ/500 դրամ սահմանագծին, որը ռեկորդային է:

ՀՀ ազգային վիճակագրական ծառայությունը հունվարի 25-ին հրապարակել էր հանրապետությունում սպառողական ապրանքների գների ինդեքսը 2016 թվականի հունվարի-դեկտեմբեր ամիսների համեմատ: 2016 թվականի դեկտեբմերին 1 կգ բանանն, ըստ ԱՎԾ-ի, Երեւանում վաճառվել է 799.5 դրամով: Նախորդ տարվա ընթացքում բանանի գնի ամենամեծ անկումը գրանցվել է ապրիլ ամսին՝ 10.8 տոկոս:

2017 թվականի հունվար ամսվա պաշտոնական գինը դեռ արձանագրված չի, բայց եթե մենք այսօրվա գինը համեմատենք դեկտեմբեր ամսվա գնի հետ, ապա ստացվում է, որ բանանի 1 կգ-ի գինը նվազել է շուրջ 170 դրամով: Եթե տոկոսային հարաբերությամբ ներկայացնենք, ապա բանանի այսօրվա գինը դեկտեմբեր ամսին վաճառված գնից մոտ 22 տոկոս էժան է: Այսինքն՝ բանանի գինը վերջին մեկ ամսում ավելի շատ է նվազել, քան ողջ 2016 թվականին:

Նշենք, որ բանանի գնի կտրուկ անկում գրանցվեց այն բանից հետո, երբ ԱԺ պատգամավոր Նիկոլ Փաշինյանն ու ՊԵԿ նախագահ Վարդան Հարությունյանը նախ հեռակա բանավեճ սկսեցին բանանի շուկայի մենաշնորհի թեմայով, որից հետո տեղի ունեցան Փաշինյան-Հարությունյան հանդիպումները:

Հայաստանում բանանի ներկրման եւ մեծածախ վաճառքի մենաշնորհը պատկանում է ԴԱՀԿ նախկին պետ, «Քեթրին» ընկերության հիմնադիր Միհրան Պողոսյանին:

Տպել
12563 դիտում

Երևանում գովազդային վահանակ տեղադրելիս 40-ամյա տղամարդը ընկել է ու մահացել

Խաղաղության և հաղթանակի ընկալումները Հայաստանում ու Ադրբեջանում տարբեր են

Կառավարությունն ու ԿԳ նախարարությունը բուհերի խորհուրդներում նոր անդամներ կունենան

ՀՀ ՊՆ պատվիրակությունը մասնակցել է Ռազմական սպորտի միջազգային խորհրդի եվրոպական համաժողովին

ՀՀ վարչապետ Նիկոլ Փաշինյանը մասնակցել է Դոնալդ Թրամփի կողմից տրված ընդունելությանը

Բողոք չունենք. Մխիթարյանի մայրը՝ տղայից դիվանագիտական անձնագիրը վերցնելու մասին

Ինչպե՞ս են լուծվելու մայրաքաղաքի տրանսպորտային խնդիրները. մանրամասնում է Սրբուհի Ղազարյանը

Վարչապետ Նիկոլ Փաշինյանն աշխատանքային այցով կմեկնի Տաջիկստան

Զորակցեք ու աջակցեք ՀՀ նոր եւ ժողովրդական կառավարությանը. կոչ Եվրամիության կառույցներին եւ միջազգային հանրությանը

Ավտովթար Լոռիում. հիվանդանոց տեղափոխված վիրավորները բրիտանացիներ են

Պուտինը դժվար թե մինչեւ տարեվերջ ժամանի Հայաստան. ՌԴ-ից արձագանքել են ՀՀ ԱԳՆ-ի հայտարարությանը

Երեւանում քննարկվել են երեխաների հանդեպ բռնությանը վերջ դնելու ճանապարհային քարտեզը

Սարգսյանը ֆրանսիական Dassault ընկերության հետ համատեղ գործակցության կոնկրետ ծրագրի մասին է պայմանավորվել

Զինծառայողի նկատմամբ բռնություն է գործադրվել. նրա մահվան դեպքով մեղադրանք է առաջադրվել համածառայակցին

Հայաստանում կհիմնվի ADS ընկերության ֆինանսական ծառայությունների տարածաշրջանային կենտրոն. հանդիպում Փարիզում

Գյումրիում քննությունների չեկած ուսանողները դիպլոմ են ստացել, կրթաթոշակները յուրացվել են. դատախազություն

Ինչո՞ւ է Մխիթարյանից վերցվել դիվանագիտական անձնագիրը

Նուրբ եւ սկզբունքային հարց. ի՞նչ է լինելու հուլիսի 5-ի հետ

Ի՞նչ է տեղի ունեցել. կարեւորը՝ անփորձանք տուն գամ

Ինչո՞ւ չմեկնեց. արա, մենք զանգի ենք սպասում