Երևան
16 °C
15: 44 Նիկոլ Փաշինյանի առաջարկով հավաքվածները սկսեցին վանկարկել «Հեռացիր, հեռացիր», «Ազատ անկախ Արցախ» եւ վերջում «Միացում, միացում»: Այսքանով բողոքի ակցիան ավարտվեց:
15:40 Իր խոսքն ավարտելուց հետո, Նիկոլ Փաշինյանը մոտեցավ դեսպանատան մուտքին, սեղմեց զանգն ու ասաց. «Ձեզ անհանսգտացնում է Ազգային ժողովի պատգամավոր, «Ելք» դաշինքի ներկայացուցիչ Նիկոլ Փաշինյանը»: Դեսպանատան աշխատակիցը բարձրախոսի միջոցով նախ՝ ներողություն խնդրեց, ապա առաջարկեց ռուսերենով խոսել:
«Ինչո՞ւ, դուք հայերեն չգիտե՞ք»,- հարցրեց Նիկոլ Փաշինյանը: Աշխատակցուհին խնդրեց ռուսերենով խոսել: Նիկոլ Փաշինյանը հետաքրքրվեց. «Դեսպանատանը հայերեն իմացող չկա՞, ձեզ անհանգստացնում են ՀՀ ԱԺ պատգամավորներ եւ..»: Դեսպանատան աշխատակցուհին կրկին խնդրեց ռուսերենով խոսել, ապա ասաց, «Խնդրում եմ, ռուսերեն խոսեք, ես ձեզ չեմ հասկանում»: Նիկոլ Փաշինյանն անցավ ռուսերենի, սակայն աշխատկցուհին մեխանիկորեն կրկնեց. «Խնդրում եմ ռուսերեն խոսեք»: Փաշինյանը պարզաբանեց, որ ինքը ռուսերեն է խոսում եւ հարցրեց. «Դեսպանատանը կա՞ մարդ, ով հասկանում եւ խոսում է հայերեն»:
Բացասական պատասխան ստանալուց հետո նա ռուսերենով շարունակեց. «Ես ՀՀ ԱԺ պատգամավոր Նիկոլ Փաշինյանն եմ, այստեղ է ԱԺ պատգամավոր Էդմոն Մարուքյանը, «Հանրապետական» կուսակցությունից ներկայացուցիչ՝ Արամ Սարգսյանը, այստեղ են քաղաքացիական ակտիվիստներ: Մենք ուզում ենք տեսնել դեսպանին»: Դեսպանատան աշխատակցուհին փոխանցեց, որ դեսպանը տեղում չէ: Նիկոլ Փաշինյանը հետաքրքրվեց, թե արդյոք տեղում է փոխդեսպանը կամ դեսպանատան քարտուղարը: Հարցին պատասխանելու փոխարեն նրան առաջարկվեց նամակը գցել փոստային արկղը: Դեսպանատան աշխատակցուհին այնուհետեւ նշեց նաեւ, որ պաշտոնական ներկայացուցիչ շենքում չկա: Նիկոլ Փաշինյանը նշեց, որ այդ պահին ակցիա է իրականացվում դեսպանատան դիմաց եւ խնդրեց փոխանցել դեսպանին, որ նա կարճ ժամանակահատվածում լքի Հայաստանը: Դեսպանատան աշխատակցուհին Նիկոլ Փաշինյանին առաջարկեց նամակ գրել:
Փաշինյանն այս առաջարկին ի պատասխան ասաց, որ երբ դեսպանը նորությունները կարդա, ապա իրենց մեսիջը տեղ կհասնի: Այսքանով նրանց երկխոսությունն ավարտվեց:
15:37 Պատգամավոր Նիկոլ Փաշինյանն էլ դեսպանատան դիմաց ընթերցեց «Ելք» դաշինքի հայտարարությունը, որից հետո լրագրողների հարցերին ի պատասխան ասաց, որ պետք է Հայաստանը լրջորեն գնահատի ՀԱՊԿ-ի եւ ԵԱՏՄ-ի անդամությունը, քանի որ միջազգային շատ ատյաններում ՀԱՊԿ անդամ երկրները շատ դեպքերում քվեարկում են հօգուտ Ադրբեջանի եւ ընդդեմ Հայաստանի: Այդ երկրների ցանկում է նաեւ Բելառուսը: «Մենք գիտեք, որ Ղազախստանը, Բելառուսը վստահաբար Ադրբեջանի հետ ավելի ռազմավարական եւ դաշնակցային հարաբերություններ ունեն, քան Հայաստանի հետ: Մենք տեսանք դրա երեւույթներն ապրիլյան պատերազմին, երբ ԵԱՏՄ-ն Հայաստանում նախապես պլանավորված նիստը չեղյալ հայտարարեց, հիմա` այս քայլը»,- ասաց Նիկոլ Փաշինյանը:
Անդրադառնալով ստեղծված իրավիճակի վերաբերյալ ՀՀ արտաքին գործերի նախարարության արձագանքին, որ քայլեր արվում են, որոնք չեն կարող հրապարակային լինել, Նիկոլ Փաշինյանն ասաց. «Շատ ճիշտ են ասում: Քայլերը չեն կարող հրապարակային լինել, բայց մենք հիմա տեսնում ենք այդ ոչ հրապարակային քայլերի հրապարակային արդյունքը, երբ Լապշինին «Ադրբեջան» մակագրությամբ օդանավից իջեցնում են զինված, դիմակավորված: Մարդասպաններին այսպես չեն տեղափոխում: Սա ուղերձ է, սա ապտակ է ՀՀ ԱԳ նախարար Էդվարդ Նալբանդյանին՝ անձամբ: Սա ապտակ է անձամբ Սերժ Սարգսյանին: Եւ այդ ապտակը մեկին Ալիեւն է հասցրել, մյուսին՝ Լուկաշենկոն: Մենք չենք ուզում այնպես լինի, որ դա ապտակ լինի նաեւ հայ ժողովրդին եւ մենք ասում ենք՝ Բելառուսի Հանրապետության դեսպանը պետք է լքի ՀՀ տարածքը եւ ՀՀ դեսպանը պետք է վերադառնա Երեւան»:
15:30 Էդմոն Մարուքյանը լրագրողների հետ զրույցում դատապարտեց Բելառուսի Հանրապետության գործողությունները եւ անդրադարձավ ՀՀ արտաքին գործերի նախարարության աշխատանքին: «Մենք արդյունքներով ենք դատում գործողությունները: Եթե գործողություններ արված լինեին, կլինեին արդյունքներ կամ ինչո՞վ է զբաղված Բելառուսում ՀՀ դեսպանը, ո՞րն է իր առաքելությունը»,- ասաց Էդմոն Մարուքյանը՝ նշելով, որ «Ելք» դաշինքը հայտարարություն է տարածել, որով առաջարկել է ետ կանչել Բելառուսում ՀՀ դեսպանին եւ Բելառուսի հետ Հայաստանի դիվանագիտական հարաբերությունները քննարկման առարկա պետք է դառնան: Էդմոն Մարուքյանը հիշեցրեց Հունգարիայի կողմից հայ սպա Գուրգեն Մարգարյանին կացնահարած Ռամիլ Սաֆարովի արտահանձնման դեպքը՝ նշելով, որ այն ժամանակ Հայաստանը սառեցրեց դիվանագիտական հարաբերությունները Հունգարիայի հետ: «Եթե չենք խզում դիվանագիտական հարաբերությունները Բելառուսի հետ, դեսպանին կանչելը, Բելառուսի դեսպանին ժամանակ տալը՝ այստեղից գնալու համար, դա պետք է գոնե լինի նվազագույնը, որը պետք է արվի, սա է մեր պահանջը»,- շեշտեց ԱԺ պատգամավորը:
15:20 Կոտայքի մարզի Առինջ գյուղում տեղակայված Բելառուսի դեսպանատան դիմաց մեկնարկեց բլոգեր Լապշինին Ադրբեջանին հանձնելու Բելառուսի որոշման դեմ բողոքի պլանավորված ակցիան:
Դեսպանատան դիմաց հավաքված քաղաքացիների մեծ մասը ներկայացնում է «Ելք» դաշինքը: Ցուցարարների մեջ են Ազգային ժողովի պատգամավորներ Էդմոն Մարուքյանը, Նիկոլ Փաշինյանը, «Հանրապետություն» կուսակցության առաջնորդ Արամ Սարգսյանը եւ այլք:
Հիշեցնենք, որ Բելառուսն Արցախ այցելելու համար ձերբակալված հայտնի բլոգեր Ալեքսանդր Լապշինին երեկ արտահանձնել է Ադրբեջանին:
2011 թվականի ապրիլին եւ 2012 թվականի հոկտեմբերին Ալեքսանդր Լապշինն այցելել է Արցախ, իսկ այս 2016 թվականի ապրիլի 9-ին՝ քառօրյա պատերազմից հետո, իր կայքում ծաղրել է Արցախը զավթելու Բաքվի փորձերը: Բացի այդ, բլոգերն իր այցելած 122 երկրի շարքում որպես անկախ պետություն կայքում նշել է նաեւ Արցախը: Այս ամենի համար Ադրբեջանի գլխավոր դատախազության Ծանր հանցագործությունների հարցերով քննչական կոմիտեում նրա նկատմամբ քրեական գործ է հարուցվել քրեական օրենսգրքի 281.2 (պետության դեմ ուղղված հրապարակային կոչեր հնչեցնելը) եւ 318.2 հոդվածներով (Ադրբեջանի պետական սահմանների անօրինական հատում):
Ադրբեջանի գլխավոր դատախազության դիմումի հիման վրա Ալեքսանդր Լապշինը 2016 թվականի դեկտեմբերի 15-ին Մինսկում ձերբակալվել է: Ադրբեջանական կողմը պահանջել է բլոգերին արտահանձնել Բաքու: Բելառուսի գլխավոր դատախազությունը հունվարի 20-ին նրան Ադրբեջանին արտահանձնելու որոշում է կայացրել:
Արարատ Միրզոյանն ու Սաուդյան Արաբիայի Թագավորության ԱԳ նախարարը կարևորել են պարբերական ուղիղ չվերթների իրականացումը
Աշխարհի գավաթ․ Հայաստանի մարմնամարզության հավաքականի 3 ներկայացուցիչ եզրափակչում է
Մոտեցումը հստակ է, որակի հարցում կոմպրոմիս չի լինի․ քաղշինկոմիտեի նախագահը և Շիրակի մարզպետը եղել են շինհրապարակներում
Ինչու են ռուս խաղաղապահները դուրս գալիս Լեռնային Ղարաբաղից. ինչ պայմանավորվածություն կա
Խաղաղություն տանող ճանապարհը դժվար է, միայն կողմերի միջև երկխոսությամբ է հնարավոր հասնել դրան․ Կասուն՝ Խանդանյանին
«Խաղաղության խաչմերուկ»-ը մեր ճանապարհային քարտեզն է դեպի խաղաղություն․ Ալեն Սիմոնյանը՝ Լիտվայի ԱԳ նախարարին
Փոխվարչապետը «Վեոլիա» ընկերության փոխնախագահի հետ երկկողմ հետաքրքրություն ներկայացնող հարցեր է քննարկել
Քաղաքացին ընկել է շենքի նկուղը
Վրաստանը չի հրաժարվի «Օտարերկրյա գործակալների մասին» օրենքից. Կոբախիձե
Ինչ վիճակում է երրորդ հարկից ընկած 1-ամյա երեխան. ԲԿ-ն նոր մանրամասներ է հայտնել
Լավրով & Մարգո քոմփնին պատմության մեջ կմնան իրենց «հայրենիքին» ստորագույն հարվածը հասցրած կիսահայեր․ Սաֆարյան
Գյումրիում տղամարդը սպառնացել է նետվել կամրջից և ինքնասպան լինել
Բնակիչները գոհունակություն են հայտնել Կառավարության նախաձեռնությունից․ մանրամասներ վարչապետի տավուշյան այցից
«ՊԱԶ»-ը բախվել է քարե պարսպին և հայտնվել մեղվափեթակների մեջ․ ուղևորներին մեղուները խայթել են, 29 հոգի հիվանդանոցում է
Ռուս խաղաղապահների առաքելությունը Լեռնային Ղարաբաղում լիովին կատարված է․ Պետդումա
Վարչապետը Բերքաբերում ծանոթացել է սահմանամերձ բնակավայրերում տների կառուցման ծրագրի ընթացքին (լուսանկարներ)
4 գյուղերը սովետական տարիներին ադրբեջանական են եղել. բնակիչ (տեսանյութ)
Երբ կանայք հաջողում են քաղաքականության մեջ, հաջողում է պետությունը․ պատգամավորները մասնակցում են IDEA-ի ծրագրին
Գալիս է պահ, որ դու քեզ պետք է զոհաբերես հանուն քո հայրենիքի և երկրի. վարչապետ (տեսանյութ)
Դատարանը քննում է Սամվել Վարդանյանի կալանքի հարցը
Ինչու չհավատանք երկրի վարչապետին, ժողովրդին հարգելով՝ եկել էր, անկեղծ զրույց էր. Ոսկեպարի բնակիչ (տեսանյութ)
Նիկոլ Փաշինյանին տված քֆուրները իրանց կպնի, ուզում ենք՝ հիմնական սահման լինի, պահենք. Բերքաբերի բնակիչ (տեսանյութ)
Ուզում են իրավապահներին մոլորեցնել, քրգործ խմորել իմ դեմ, բանալի բառերը ուղղված են իրենց քաղաքական հայրերին. Մկրտչյան
Հայտնի են «Հայրենյաց բարիքներ»-ի տոմատի մածուկների լաբորատոր փորձաքննության արդյունքները․ իրացումն արգելվել է
Վլադիմիր Գասպարյանի աղջիկն այլևս փոխգնդապետ չէ․ կոչումն անվավեր է ճանաչվել
Վետո կդնեմ «օտարերկրյա գործակալների մասին» օրենքի վրա․ Վրաստանի նախագահ
Նիկոլ Փաշինյանը նոր որոշում է ստորագրել
Ինչպես են Լեռնային Ղարաբաղից հեռանում ՌԴ խաղաղապահները․ նոր կադրեր զինտեխնիկայի դուրսբերումից (տեսանյութ)
Արտակարգ դեպք Արմավիրում. Շահումյան գյուղի աղբավայրում մոտ 31 հատ հակատանկային ական է հայտնաբերվել
Ասում են՝ Տավուշի գյուղերը տալիս են, խի՞ եք աղավաղում, դրանք ադրբեջանական են. բերքաբերցի (տեսանյութ)
Կոնվերս բանկը երկու արժույթով պարտատոմսեր է տեղաբաշխում
Փոխհրաձգություն Թբիլիսիի կենտրոնում․ կան վիրավորներ
Դոլարն էժանացել է․ ինչ փոփոխություններ է արձանագրել տարադրամի շուկան ապրիլի 17-ին
ՎՏԲ-Հայաստան բանկը հանդես է եկել որպես ARMMONO փառատոնի գլխավոր գործընկեր
Վերահաստատվել է Հայաստան-Սիրիա փոխգործակցության խորացմանն ուղղված քայլերի իրականացման հանձնառությունը
Երիտասարդը 93-ամյա կնոջը մահացու վնասվածքներ է հասցրել, մինչև մահանալը կատարել սեքսուալ բնույթի բռնի գործողություններ
Որևէ հայտարարություն, որը չի հնչել կամ հաստատվել վարչապետի կողմից, պաշտոնապես հերքվում է. Նազելի Բաղդասարյան
Նիկոլ Փաշինյանը հանդիպել է Բերքաբերի բնակիչների հետ
Ռուս խաղաղապահների հեռացումը Ադրբեջանի և Ռուսաստանի բարձրագույն ղեկավարության համատեղ որոշումն է
Ժողովրդավարությունը մի երեւույթ է, որը մշտապես բախվել եւ բախվում է մարտահրավերների. Վարդանյանի ելույթը ԵԽԽՎ-ում
© 2024 Հայկական ժամանակ