Իմ գրառումը հաղորդում է հանցագործության մասին, Նորքից էլ ահազանգեր կան. Ալեն Սիմոնյան

«Ելք» դաշինքի անդամ, «ՔՊ» կուսակցության վարչության անդամ՝ 
Ալեն Սիմոնյանը քիչ առաջ Facebook-ի իր էջում գրառում է կատարել, որի համաձայն Աբովյան 62 հասցեում գտնվող իրենց բնակարան է մտել շենքի լիազորը եւ դիմել իր մորը՝ փորձելով ստորագրություն վերցնել եւ քարոզ անել կապի եւ տրանսպորտի նախկին նախարար Գագիկ Բեգլարյանի եղբոր՝ Հակոբ Բեգլարյանի օգտին։

Ալեն Սիմոնյանի գրառման մեջ, մասնավորապես, նշված է.

«Նշեմ , որ լիազորի մոտ է լինում շենքի բնակիչների ցուցակները՝ անձնագրի տվյալներով։ Խոսակցության ընթացքում պարզվում է , որ շենքերի լիազորներին հրավիրել են ժեկեր (բշտ) եւ ցուցակներ բաժանել, ուղարկել բնակիչների մոտ։
Հիմա հարց Սերժ Սարգսյանին , սա՞ է այն հերթական անթերի , օրինական ընտրությունները , որի մասին դուք խոսում եք էկրաններից։ Ի՞նչ իրավունք ունեն մարդկանց կանչել ԲՇՏ-ը, ի՞նչ իրավունք ունեն անձնագրային տվյալներ տալ եւ ի՞նչ իրավունք ունեն քարոզարշավը չսկսված քարոզչություն անել։

Հ.Գ. Այսօր նաեւ ահազանգ ստացա , որ նույն գործով է զբաղված Թումանյան 38 հասցեում գտնվող Բեգլարյաններին պատկանող շենքի կեսում տեղակայված գրասենյակը, որը ընտրությունների ժամանակ վերածվում է ՀՀԿ շտաբի։ Այս պարագայում մարդկանց նաեւ 20.000 դրամի խոստում է տրվում»։

Փաստի առնչությամբ զրուցեցինք ՀՀԿ կազմակերպչական հանձնաժողովի նախագահ Ռուբեն Թադեւոսյանի հետ, ով նշեց, որ կոնկրետ այս եւ նմանատիպ այլ դեպքերի մասին տեղեկություններ չունեն:

«Ինչո՞վ եք ապացուցում դա»,- հարց հնչեցրեց նա: Այս պահին՝ նշված անձի գրառմամբ, պատասխանեցինք: «Եթե միայն Ալեն Սիմոնյանի գրառումները եւ նմանատիպ կարծիքները Ձեզ համար բացարձակ ճշմարտություն են, ես տեղեկատվությանը չեմ տիրապետում: Դրա համար էլ ցանկություն չունեմ ուրիշների այսպես ասած ոչ հավաստի տվյալների հիման վրա կարծիք հայտնել»,- նշեց մեր զրուցակիցը:

Դիտարկմանը, որ ընտրակաշառքի մասին բարձրաձայնում է ոչ պատահական մեկը, այլ ընտրական գործընթացների հետ ամենասերտ կապ ունեցող քաղաքացի, Ռուբեն Թադեւոսյանը պատասխանեց՝ կծանոթանան տեղեկատվությանը, կճշտեն եւ կպատասխանեն: «Ճշտեք, եթե նման բաներ կան, դիմեք իրավապահ մարմիններին, մենք իրոք ցանկանում ենք նորմալ, արդար եւ թափանցիկ ընտրություններ անցկացնել»,- նշեց ՀՀԿ կազմակերպչական հանձնաժողովի նախագահը:

Այսինքն՝ բացառո՞ւմ են, որ Հանրապետական կուսակցությունը շենքերի լիազորներին հրահանգավորեն եւ ուղարկեն բնակիչների տներ՝ զբաղվելու ՀՀԿ թեկնածուների քարոզչությամբ, Ռուբեն Թադեւոսյանն ասաց. «Ես չգիտեմ՝ ովքեր են արջի ծառայություն մատուցում մեզ, մյուսներին, հանրությանը եւ ընտրական պրոցեսին: Երբ փաստեր կլինեն, թող իրավապահները զբաղվեն»:

Զրուցեցինք նաև «Ելք» դաշինքի անդամ, «ՔՊ» կուսակցության վարչության անդամ Ալեն Սիմոնյանի հետ՝ տեղեկանալու՝ արդյոք վերջինս պատրաստվում է դիմել իրավապահ մարմիններին: «Գրառումն ինքնին հաղորդում է հանցագործության մասին: Այս պահին որևէ քայլի դիմել չեմ պատրաստվում: Այսօրինակ դեպքերն այնքան շատ են, որ իմ գրածը մեծ հաշվով արդեն հաղորդագրություն է հանցագործության մասին: Ես գրեցի, ինձ երկու տեղից էլ գրեցին, որ Մասիվում էլ են նման դեպքեր գրանցվել: Քրեական օրենսգրքում հստակ գրված է, որ մամուլում և սոցցանցերում տեղեկությունը կարող է հիմք հանդիսանալ քրեական գործ հարուցելու համար»,- ասաց Ալեն Սիմոնյանը:

Տպել
3567 դիտում

ԱՄՆ Կոնգրեսի միջանկյալ ընտրություններ․ սկսվում է Սպիտակ տան համար պայքարը

ՊՆ բեռնատարի վթարով պայմանավորված աշխատանքից ազատվել են մի քանի հրամանատարներ

ԲՀԿ-ում 5 տոկոսի հույս չունե՞ն. ինչու գործող պատգամավորները չեն առաջադրվում

Կալիֆորնիայի աղետալի հրդեհի զոհերի թիվը հասել է 80-ի, 1200 մարդ անհետ կորած է համարվում

Հայաստանում բոլոր ավտոճանապարհները բաց են, Լարսը դեռ փակ է 445 բեռնատարների համար

Ծաղիկներ, քաղցրավենիք՝ հենց փողոցում. Շվեյցարիայի փոստային ծառայության անակնկալը՝ բնակիչներին (տեսանյութ)

8 ժամ ջուր չի լինելու Շիրակի մարզի մի մասում

Աշտարակի ոստիկանները հայտնաբերել են Կարբիի ձորում արջին թակարդը գցած անձին

Արմեն Սարգսյանը շնորհավորական ուղերձ է հղել Լատվիայի նախագահ Ռայմոնդս Վեյոնիսին

ՀՀ նախագահը շնորհավորական ուղերձ է հղել Օմանի Սուլթանության Սուլթանին, շնորհավորել ազգային տոնը

Ադրբեջանը բողոք կհայտնի ԱՄՆ-ին՝ Բակո Սահակյանին մուտքի արտոնագիր տրամադրելու համար

Տավուշում մեքենա է այրվել, պատճառը վերասարքավորումն է եղել՝ ղեկը փոխելը. «Ղեկը աջ» նախաձեռնություն

Իլ դը Ֆրանսի պատվիրակությունը հարգանքի տուրք է մատուցել Ցեղասպանության զոհերի հիշատակին

ՀՀ ոստիկանության պատվիրակությունը Դուբայում մասնակցում է Ինտերպոլի 87-րդ Գլխավոր Ասամբլեային

Վերին Լարս տանող ճանապարհահատվածը բացվել է մարդատար ավտոմեքենաների համար. դեսպանություն

Առաջիկա օրերին տեղումներ չեն սպասվում, օդի ջերմաստիճանն էապես չի փոխվի

Ես աշխատող, գործ անող պատգամավոր եմ. Նաիրա Զոհրաբյանը Սյունիքում է, շրջում է գյուղերում (տեսանյութ)

ՀՀ նախագահը իտալական ռազմաարդյունաբերական ընկերության ղեկավարի հետ քննարկել է համագործակցության հնարավորությունը

Հրդեհ բնակարանում, կա տուժած. հայտարարվել է բարդության ԲԻՍ-1 աստիճան

Հանդիպել են Հայաստանի և Իտալիայի նախագահները