Դուբայ, երեւի բոլորդ էլ գնացել եք. Գագիկ Ծառուկյանը՝ համագումարի մասնակիցներին (տեսանյութ)

Գագիկ Ծառուկյանը «Բարգավաճ Հայաստան» կուսակցության 9-րդ համագումարի ժամանակ ԲՀԿ նախագահի պաշտոնում ընտրվելուց հետո ծավալուն ելույթ ունեցավ՝ նախապես նշելով, որ շատ հուզված է իր նկատմամբ՝ ԲՀԿ-ի եւ հասարակության վստահության համար:

«Պարզ է՝ մեր լրատվական ծառայությունները միշտ էլ ցանկացել են խառնել. «Տեսեք՝ պայմանավորված են, տեսեք՝ այսպես»… ես ուզում եմ ասել, որ ամենակարեւորը՝ տեսեք 2015 թվականին ինչ կատարվեց, որ ոչ մի պայմանավորվածություն չկա, Ծառուկյան Գագիկը, եթե քայլ է կատարել, ո՛չ պաշտոնի համար, ո՛չ դիրքի, ո՛չ ունեցվածքի, Աստծո կամոք, ամեն ինչի հասել եմ»,- ասաց Գագիկ Ծառուկյանը նշելով, որ մարդը պետք է բարի լինի, կամեցող, գթասիրտ եւ դրա շնորհիվ Աստված բացում է փակ դռները:

Նա նշեց, որ այսօր հանպատրաստից է ելույթ ունենում: «Չեմ նախապատրաստվել, որ ինձ այսօր նյութեր ներկայացնեն, որ ես նայեմ` ինչը ոնց, որը փոխեմ, այլ անմիջապես տեսնելով ձեզ ու ինչ-որ մենք կարող ենք անել, ու ինչ-որ ես կարող եմ անել: Թող մեր հարգարժան լրագրողները դա լիարժեք գրանցեն, պահեն, պահպանեն եւ հաճախակի կարող են լրատվական ծառայություններով ցույց տալ»,- ասաց ԲՀԿ առաջնորդն ու անդրադարձավ իր հասցեին հնչած քննադատություններին:

Դրանցից մեկը, ըստ Գագիկ Ծառուկյանի, այն է, որ իրեն ասում են, թե նախորդ անգամ մինչեւ վերջ չգնաց: «Սիրելի լրագրողներ, այդ ասողները չար մարդիկ են: Ծառուկյանը չէր կարող իր ազգին, ժողովրդին տանել արյունահեղության: Ամենապարզը՝ վստահությունը կար, ժողովուրդը ծանր էր, ճարահատյալ էր, կարիքի մեջ էր, պրոբլեմ ու խնդիր, հարկեր ու վարկեր, աշխատավարձ, ծախսերը՝ մեծ, չէր կարողանում իր խնդիրը պահել, իր հոգսը հոգալ, ծնողին պահել, երեխային կերակրեր, տան վարձը վճարել, բանկի տոկոսը վճարեր… Ես նորից եմ ասում՝ դրանք չար մարդիկ են: Ես ամեն ինչ ինձ վրա վերցնելով` իմ ժողովրդին չէի կարող տանել հեղափոխության, դա արյունահեղություն էր, իմ թիմին էլ չեմ վնասել, սա իմ վրա վերցնելով, համապատասխան մեր երկու երկրների անվտանգությունն ապահովելու համար…  ցնցման դեպքում գիտեք, որ մեր թշնամին քայլ կարող էր կատարել եւ բոլորի մեղավորը լինելու էր Ծառուկյանը: Ծառուկյանի փոխարեն ով լիներ, այդ քայլից ետ չէր կանգնի»,- ասաց Գագիկ Ծառուկյանը՝ նշելով, որ ինքն իրեն չէր կարող ներել արյունահեղության համար, սակայն իր ժողովրդին չի մոռացել, շարունակել է զբաղվել նրանով, ինչով նախկինում էլ զբաղվել է:

Այնուհետեւ Գագիկ Ծառուկյանը սկսեց խոսել սպորտում ունեցած ձեռքբերումների, Օլիմպիական ձեռքբերումների մասին, ապա անցավ երկրի տնտեսական վիճակին, անդրադարձավ արտագաղթին, բանկերի տրամադրած վարկերի մեծ տոկոսադրույքներին, Հայաստանում ապրելու դժվարություններին:

Խոսելով Երեւան քաղաքում ավտոկայանատեղիների, արագաչափերի եւ տուգանքների մասին, նա ասաց. «Նայում ես՝ տաքսիստը քշում ա քո վրա, ընգեր ջան, ի՞նչ եղավ, վա՜յ, պարոն Ծառուկյան, կներեք, կներեք: Գիտե՞ս ինչ, ասում ա, մտքերի մեջ էի, չգիտեմ էսօր ինչ եմ անելու, առավոտից իրիկուն քշում եմ, միամիտ հեռախոսով խոսում էի, բայց ոնց որ տուգանքի տակ եմ»: Խոսելով Հայաստանում ներդրումների մասին ԲՀԿ նախագահն անդրադարձավ Արաբական Միացյալ Էմիրությունների Դուբայ քաղաքին ու դիմեց համագումարի մասնակիցներին. «Դուբայ, երեւի բոլորդ էլ գնացել եք, 25 տարի առաջ միայն անապատ էր: Պայման ու հնարավորություն ստեղծեցին, տվեցին, ամբողջ աշխարհը գումարներ ներդրեց, մենք էլ այդ պայմանները պետք է ստեղծենք»: 

«Մենք ասում ենք՝ պաշտոնի համար չենք պայքարում, գումարի համար չենք պայքարում: Մենք ուզում ենք լավ լինի, ես իրոք իմ ժողովրդին շատ եմ սիրում, իրոք՝ խոսքի մարդիկ են, հյուրասեր մարդիկ են, անկախ դրանից ոչ մի բան չունի, բայց համապատասխան իր հյուրասիրությունը կանի»,- ասաց Գագիկ Ծառուկյանն ու անդրադարձավ առաջիկա խորհրդարանական ընտրություններին:

«Ես իմ ժողովրդի առաջ պարտք եմ, եթե ինձ հնարավորություն ստեղծվեց իմ թիմով հաջողության հասնելու, իմացեք՝ օրեցօր ամեն մեկը դա իր վրա զգալու է: Ես չեմ եկել համոզելու, պարտադրելու: Անցած օրերին եղել եմ իմ թիմակիցների մոտ: Ասում եմ՝ դու գալիս ես քո գործին, քո գործը կատարու՞մ ես՝ քո ցավը տանեմ, գնա, դու ոնց կորոշես այնպես էլ գնա արա: Չես կարող մարդուն պարտադրես, որ գիտես ինչ կա, իմ մոտ ես աշխատում, եթե չէ.. ես գործից հանելու եմ: Դա գալիս է մարդու փոքրությունից»,- հայտարարեց Գագիկ Ծառուկյանը:

Նրա խոսքով՝ ինքը բոլորին ասում է, որ վաղվա ընտրությունից է կատարված իրենց ապագան: «Թող ոչ մեկին չմեղադրեն, ասենք թե մի ամիս, վեց ամիս հետո պետք է իշխանափոխություն, եսիմ հեղափոխություն պետք է լիներ… հնարավորություն է տրվել, ամեն մարդու իրավունքն է, հանգիստ, խաղաղ գնացեք ընտրությունը կատարեք: Ես ասում եմ, որ թոշակները, աշխատավարձերը բարձրանան, ամեն մարդ ինքնըստինքյան 30-ից 40 հազար ամեն ամիս է ստանալու, ոչ թե 5 տարվա մեջ մի անգամ»,- նշեց Գագիկ Ծառուկյանը:

Տպել
21804 դիտում

Իլ դը Ֆրանսի պատվիրակությունը հարգանքի տուրք է մատուցել Ցեղասպանության զոհերի հիշատակին

ՀՀ ոստիկանության պատվիրակությունը Դուբայում մասնակցում է Ինտերպոլի 87-րդ Գլխավոր Ասամբլեային

Վերին Լարս տանող ճանապարհահատվածը բացվել է մարդատար ավտոմեքենաների համար. դեսպանություն

Առաջիկա օրերին տեղումներ չեն սպասվում, օդի ջերմաստիճանն էապես չի փոխվի

Ես աշխատող, գործ անող պատգամավոր եմ. Նաիրա Զոհրաբյանը Սյունիքում է, շրջում է գյուղերում (տեսանյութ)

ՀՀ նախագահը իտալական ռազմաարդյունաբերական ընկերության ղեկավարի հետ քննարկել է համագործակցության հնարավորությունը

Հրդեհ բնակարանում, կա տուժած. հայտարարվել է բարդության ԲԻՍ-1 աստիճան

Հանդիպել են Հայաստանի և Իտալիայի նախագահները

Հրադադարի պահպանման ռեժիմն այս շաբաթ խախտվել է 80 անգամ, արձակվել է 700 կրակոց

Կադաստրի գրասենյակները Երևանում կաշխատեն նաև շաբաթ-կիրակի, մարզերում՝ առանց ընդմիջման

Գյուղերում տուն կառուցելու համար նոր փոխառություն կտրվի. խորհրդակցություն Կարմիր շուկայում

Ստեփանծմինդա–Լարս ավտոճանապարհը փակ է. ռուսական կողմում կա 435 բեռնատար և 172 մարդատար ավտոմեքենա

Թուրքիայում Աթաթուրքի արձանը պղծելու համար պատանիներ են ձերբակալվել

Լարսում խցանման մեջ հայտնված վարորդների համար սնունդ, տաք ջուր, դեղորայք է ապահովվել. Փամբուխչյան

Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին

Գոռ Վարդանյանն այդ օրը փրկել է ինձ. Մարինա Խաչատրյանը՝ քաղաքապետարանի հայտնի միջադեպի մասին

Լարսը շարունակում է փակ մնալ. ռուսական կողմում 400 մարդատար և 150 բեռնատար ավտոմեքենա է մնացել

Գյումրիում ավտոլվացման կետ է այրվել. մեկ մարդ հոսպիտալացվել է տարբեր աստիճանի այրվածքներով

Մարուքյան, Թանդիլյան, Բաբաջանյան, Գորգիսյան. «Լուսավոր Հայաստան»-ի 157 հոգանոց համամասնական ցուցակը

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը