Օգնություն ստացած սառնարանը աղքատ ընտանիքը չգիտի ինչ անի (տեսանյութ, լուսանկարներ)

17/02/2017 schedule18:10

Աղանյանների ընտանիքը՝ երեք անչափահաս երեխայի հետ հայտնվել է դրսում, չունեն սեփական տուն: Օրվա հացի խնդիրը մեծ դժվարությամբ են լուծում:

Ընտանիքի մայրը՝ Հասմիկ Աղանյանը, armtimes.com-ի հետ զրույցում պատմում է, որ բարեգործներից մեկն իրենց սառնարան, լվացքի մեքենա եւ գազօջախ է նվիրել: Սառնարանը միշտ դատարկ է, նպատակին չի ծառայում: «Սառնարանին համապատասխան սնունդ չունենք, որ օգտագործենք: Միշտ անջատված է, ինչ տվել են՝ չենք օգտագործել»,- ասում է նա:

Ընտանիքը նախկինում բնակվել է Հասմիկի ամուսնու ծնողների հետ: Տան շատ փոքր լինելով պայմանավորված՝ ստիպված դուրս են եկել:

«Տունը ահավոր փոքր է: Մեզանից բացի այնտեղ ապրում են ամուսնուս ծնողները, քույրերը, եղբայրները՝ իրենց ընտանիքներով: Իմ երեխաներն էլ, որ ծնվեցին էլ հնարավոր չէր այնտեղ ապրել»,- ասում է Հասմիկ Ղազարյանը:

Այս ընտանիքը Շիրակի մարզի Կապս գյուղից է: Դրսում հայտնվելու հետեւանքով դիմել են Կապսի համայնքապետին: Վերջինս էլ Ռուսաստանի Դաշնություն արտագաղթած կապսեցիներից մեկի տունը ժամանակավորապես տրամադրել է այս ընտանիքին: Հասմիկը armtimes.com-ին փոխանցեց, որ տան տերերը պարբերաբար զանգում են եւ տեղեկացնում իրենց առաջիկա վերադարձի մասին:

«Հատակը լրիվ հող էր, մենք բետոն արեցինք: Մի կերպ ապրում ենք: Տան տերերը այստեղ չեն, բայց զանգում են, ասում են՝ կգանք: Ապրում ենք՝ մինչեւ տեսնենք ինչ կլինի, որ գան, էլի դրսում կհայտնվենք»,- armtimes.com-ի հետ զրույցում ասաց կինը:

Համայնքապետարանի տրամադրած տունը վթարային է: Հասմիկի խոսքով՝ հաճախակի է փլուզումների ենթարկվում, իսկ խոնավության պատճառով անչափահաս երեխաներն առողջական խնդիրներ են ձեռք բերել:

«Փոքր տղաս առողջական խնդիրներ ունի: Հինգ տարեկան է, բայց երկու անգամ վիրահատություն է տարել: Մոտը գրիժա է: Բժիշկն ասել է, որ վիրահատությունից հետո լավ պահեմ, բայց հնարավորություն չունեմ: Վիրահատած տեղերը տան խոնավության ու սննդի բացակայության պատճառով սկսել են ցավել: Մյուս երեխաս էլ հիվանդության պատճառով դասի չի գնում: Տունը խոնավ է, միշտ գրիպով ենք հիվանդանում»,- ասում է Հասմիկ Աղանյանը:

Հասմիկի 5, 7 եւ 8 տարեկան երեխաներից զատ, առողջական խնդիրներ ունի նաեւ ամուսինը: Վերջինս կորցրել է տեսողությունը՝ գազալցակայանում տեղի ունեցած պայթյունի հետեւանքով:

«Գազի լցակայանում պայթյուն է եղել, որի պատճառով տեսողությունը կորցրել է: Բժիշկներն ասել են, որ տեսողությունը երեք տոկոս է: Մեզ համար տուն էր կառուցելու, բայց դեպքից հետո չկարողացավ»,- նշում է Հասմիկը:

Այժմ ընտանիքը տան խնդիր ունենալուց բացի, ֆինանսական լուրջ խնդիրներ ունի: Պարտքեր են՝ վարկային կազմակերպություններին եւ Կապսի սննդամթերքի խանութին: Ընդհանուր գումարը 2 միլիոն դրամից ավելի է:

«Հիվանդությունների պատճառով վարկերի ու պարտքերի տակ ենք ընկել: Վարկեր ենք վերցրել՝ 2 միլիոն դրամ, որ բուժում ստանար, բայց օգուտ չտվեց: Հիմա բոլոր դեղերը ժամկետանց են: Հիմա էլ վիրահատություն են նշանակել, բայց գումար չկա, որ անենք: Դոնորներ է պետք, որ աչքի թաղանթները փոխենք»,- եզրափակում է Հասմիկ Ղազարյանը:

Մանրամասները՝տեսանյութում:

Նարեկ Կիրակոսյան

Տպել
14729 դիտում

ԱՄՆ-ն մտադիր է կայունացնել իրավիճակը Լիբանանում եւ ուժեղացնել Սաուդյան Արաբիայի ՀՀՊ-ն

«Շանթ» հ/ը հաղորդումներն առանց թույտվության ցուցադրելու փաստով առաջադրվել է մեղադրանք

Շփման գծում հարաբերական հանգիստ օպերատիվ իրադրությունը մնացել է անփոփոխ. ՊԲ

ՀՀ երկու քաղաքացիներ փորձել են ապօրինի մեծ քանակությամբ ծխախոտ տեղափոխել Վրաստան

ԱՄՆ-Թուրքիա՝ վտանգավոր փակուղի. Էրդողանը մեղադրել է Վաշինգտոնին Դաեշ-ին աջակցելու մեջ

ՀՀ-ն, սփյուռքն ու Արցախը պետք է միասնական կարողանան կյանքի կոչել դարավոր իղձերը. պնախարար

Կոտայքի քոլեջի տնօրենը երկրից ու դասերից 3 տարի բացակայող ազգականին տրամադրել է դիպլոմ

25 տարվա ընթացքում առաջին անգամ Նիդերլանդների սենատի նախագահը Հայաստանում է

Լոնդոնը մեղադրել է Փարիզին եւ Բեռլինին Brexit-ի բանակցություններն արգելակելու մեջ

Դի-Կապրիոն,Թոմ Հենքսը, Քլոե Քարդաշյանը եւ այլք`«Հայաստանի մանուկներ»-ի այս տարվա աջակիցներ

Լավրովի այցից առաջ. ռուս փորձագետները խոսում են ԼՂ հակամարտության անլուծելի լինելու մասին

«Ժամանակ». 1000 դրամները չեն հասնում շահառուներին. հիմնադրամի շուրջ աղմուկ է հասունանում

«Ժողովուրդ». Տարոն Մարգարյանն իրեն ու իր տեղակալներին պարգեւատրել է

Մոսկվան հակամարտությունների միջոցով փորձում է վերահսկել հետխորհրդային երկրները. Ջեյմս Քոյլ

«Ժամանակ». Պարույր Հայրիկյանը մտադիր է երկուշաբթի օրը հացադուլ սկսել

Վաղվանից Հայաստանի ողջ տարածքում սպասվում են տեղումներ

Անգլիայի երկնքում բախվել են ուղղաթիռն ու ինքնաթիռը. կան զոհեր. տեսանյութ

ԵՄ-ՀՀ համաձայնագրին ընդառաջ` դիմում ՀՀ իշխանություններին` ազատել բոլոր քաղբանտարկյալներին

Կիսաֆաբրիկատների արտադրությամբ զբաղվողները չեն պահպանել հիգիենայի, տեխնոլոգիայի նորմերը

Անցած 1 օրում Հայաստանում գրանցվել է 7 ՃՏՊ, արդյունքում` 2 զոհ, 7 վիրավոր