Խաչատուր Սուքիասյանը եւ խորհրդարանական ընտրությունները

«SIL» կոնցեռնի նախագահ Խաչատուր Սուքիասյանը, ինչպես եւ խոստացել էր, որեւէ քաղաքական ուժի ընտրական ցուցակում չընդգրկվեց: Մինչդեռ վերջին ամիսներին այս կամ այն ցուցակում նրա ընդգրկվելու հարցը մամուլի ամենաքննարկվող եւ ինտրիգային թեմաներից էր:

Լրատվամիջոցները գրում էին, որ Սուքիասյանը լինելու է «Ծառուկյան» դաշինքի երկրորդ համարը, Հայ ազգային կոնգրեսի ցուցակի երկրորդ կամ երրորդ համարը: Այս տեղեկությունները մտացածին չէին, որովհետեւ նշված ուժերը եւ ոչ միայն նրանք, մեծապես շահագրգիռ էին Սուքիասյանին իրենց ցուցակում ընդգրկելու համար:

Բայցեւայնպես՝ առավել ճշգրիտ դուրս եկավ armtimes.com-ի տեղեկատվությունը, որը հունվարի 19-ին հղում անելով իր աղբյուրներին, գրեց, որ հնարավոր է Սուքիասյանն ընդհանրապես չմասնակցի ընտրություններին:

Սուքիասյանն, ի դեպ, 2003 եւ 2007 թվականների խորհրդարանական ընտրություններին մեծամասնական ընտրակարգով Երեւանի Կենտրոնից ընտրվել է ԱԺ պատգամավոր, այսինքն՝ պատգամավորական գործունեությունը անծանոթ չէ նրան: 2008 թվականի նախագահական ընտրություններին հաջորդած իրադարձություններից հետո, սակայն Սուքիասյանը զրկվեց պատգամավորական մանդատից եւ վերջին 6 տարին գործում է առանց այդ «առանձնաշնորհյալ» կարգավիճակի:

Պատգամավոր չլինելու այս ժամանակահատվածում նա շարունակել է լինել մամուլի եւ հանրության ուշադրության կենտրոնում, բավական հաջող տնտեսական գործունեություն է ծավալել, պահպանել եւ մեծացրել ազդեցությունը քաղաքական եւ հանրային կյանքում:

Կա՞ր արդյոք վերջին տարիներին մի բան, որ նա չի կարողացել անել միայն այն պատճառով, որ ԱԺ պատգամավոր չէ: Թերեւս՝ ոչ: Իհարկե, պատգամավորական կարգավիճակը երկրորդական համարել չի կարելի, ու եթե նախկին՝ մեծամասնական ընտրակարգը գործեր, Սուքիասյանը, թերեւս, կհավակներ այդ դերին:

Բայց հիմա, երբ անկախ պատգամավորի կարգավիճակ այլեւս չի լինելու եւ պատգամավորը պետք է բավականին ուժեղ կապերով կապված լինի որեւէ քաղաքական ուժի հետ, Խաչատուր Սուքիասյանը, թերեւս, չի ցանկացել մտնել մի խաղի մեջ, որը իրենը չէ:

Նշանակու՞մ է սա արդյոք, որ նա հեռանում է քաղաքական պրոցեսից: Նման բան ասել չի կարելի, որովհետեւ քաղաքական ուժերը, ինչպես 10 օր առաջ ունեին, առաջիկայում էլ ունենալու են նրա աջակցությանը կարիքը: Հիմա՝ ԱԺ ընտրություններ են, հետո Երեւանի ավագանու ընտրություններ...

Ու եթե նախորդ երկու ամսվա ընթացքում մամուլի ակտիվ քննարկումների թեմա էր, թե ու՞մ ցուցակում է ընդգրկվելու Խաչատուր Սուքիասյանը, առաջիկա քննարկումների թեման լինելու է հետեւյալը. իսկ ո՞ր քաղաքական ուժին է աջակցելու Խաչատուր Սուքիասյանը եւ աջակցելու՞ է, թե՞ ոչ:

Հ.Գ. Չի կարելի բացառել, որ ինքն իրեն ընտրական հեղեղից դուրս դնելով, Սուքիասյանը քաղաքական հետագա գործունեության առավել արդյունավետ ֆորմատներ է մտմտում: Համենայնդեպս, ընտրություններին չմասնակցելու որոշումը չափազանց օրիգինալ է եւ չէր կարող ինքնանպատակ լինել:

Տպել
5567 դիտում

Կառավարությունը ՏՏ ոլորտը դիտարկում է որպես տնտեսության առանցքային ճյուղերից մեկը.վարչապետ

ՀՀ ԱԻՆ-ում էր ՄԱԿ-ի գրասենյակի անվտանգության գծով խորհրդատու Ինոք Փեննի-Լային

Վանաձորցի ծննդկանի մահվան մեջ մեղադրվող բժիշկ Շահվերդյանը շարունակում է աշխատել. ՀՔԱՎ

ՊԵԿ-ը կոծկում է հիփոթեքի տոկոսագումարների հավաքագրման խնդիրը. պարզաբանում է ներկայացրել

Գերմանիայում տապալվեցին կոալիցիոն բանակցությունները. Մերկելը երկընտրանքի առջեւ է

Սովամահություն, բռնություն, աղքատություն, ահաբեկչություն. 180 մլն երեխա`ծայրահեղ պայմաններ

ՀՀԿ կերակրատաշտից սնվող կայքին պատգամավորների ցուցակ է տրվել, որոնց պետք է ռասկրուտկա անել

Նաղդալյանը ոչ թե 2 մլն դրամի է խոսել, այլ՝ 1.4 միլիոնի. ԱԺ-ն ներողություն է խնդրում

ԼՂ հիմնախնդիրը կարող են կարգավորել միայն հակամարտության կողմերը. ԵԱՀԿ գլխավոր քարտուղար

Թոշակ հանապազօրյա. բնակչության 70 տոկոսը թոշակի հույսին է

Նման գործելաոճը դատապարտելի է. ՀՎԿ-ն՝ պատասխնել է Էդմոն Մարուքյանին

Թուրքիայում միայն 16 հայկական դպրոց է մնացել` 3.000 աշակերտով. Hürriyet

ՀՀ ՊՆ պատվիրակությունն այցելել է ՌԴ

Վիգեն Սարգսյանի տապալված իմիջը եւ Ծառուկյանի պահպանած իմիջը

ԵԱՀԿ ԺՀՄԻԳ-ը կարևոր գործընկեր է ՀՀ ընտրական գործընթացի բարելավման ոլորտում. ԱԳՆ

Հայաստանն ու Չինաստանը քննարկում են անվտանգության ոլորտում համագործակցությունը

Մխիթարյանը պայքարում է ՄՅՈՒ-ում իր կարիերան փրկելու համար. The Sun

ՊԵԿ-ը մարդկանցից ետ է պահանջում հիփոթեքի տոկոսագումարների համար վերադարձված եկամտահարկերը

ԵԱՏՄ-ից դուրս գալու «Ելք»-ի առաջարկի վերաբերյալ տեղի կունենան խորհրդարանական լսումներ

Պետք է ավելի շատ խստացնել, ոչ թե հանել կամ սահմանափակել տարկետման իրավունքը. զինծառայող