Արձագանք՝ ոչ այն տեղից. ՀՀՇ-ն եւ «Հանրապետությունը» չեն համագործակցում

17/02/2017 schedule14:55

Տպագրվել է «Հայկական Ժամանակ» օրաթերթի՝ 2004 թվականի փետրվարի 19-ի համարում

2004 թվականի սկզբին «Հանրապետություն» կուսակցության` հանուն երկրում սահմանադրական կարգի վերականգնման համախմբվելու կոչին արձագանքեց միայն Հայոց համազգային շարժման վարչության նախագահ Արարատ Զուրաբյանը: Փետրվարի 3-ին տարածած իր հայտարարության մեջ պարոն Զուրաբյանը, ողջունելով «Հանրապետություն» կուսակցության նախաձեռնությունը, պատրաստակամություն էր հայտնել, հանուն ներկայիս ապօրինի իշխանությունների հեռացման եւ Հայաստանում օրինական իշխանությունների հաստատման, սերտորեն համագործակցել «Հանրապետություն» կուսակցության հետ: Սակայն պարզվում է, որ սույն հայտարարության ընդունումից 15 օր անց ՀՀՇ-ի եւ «Հանրապետություն» կուսակցության միջեւ որեւէ հանդիպում չի կայացել, չեն ճշտվել համագործակցության շրջանակները ու եղանակները:

Նման հանդիպում դժվար էլ  տեղի ունենա: Դա ակնհայտ էր հայտարարության ընդունման հենց առաջին օրերին, երբ «Արդարություն» դաշինքի մյուս կուսակցություններն իրար հետեւից հանդես եկան ՀՀՇ-ի հետ համագործակցությունը դատապարտող հայտարարություններով: Իսկ «Նոր ժամանակներ» կուսակցության ղեկավար Արամ Կարապետյանն էլ մեկ շաբաթ առաջ հրավիրված իր ասուլիսում տեղեկացրեց, որ իրենք համագործակցելու են «Հանրապետություն» կուսակցության հետ՝ մերժելով համագործակցությունը ՀՀՇ-ի հետ: Այն հարցին, թե ինչպես են իրենք պատկերացնում համագործակցությունը ՀՀՇ-ի հետ համագործակցող «Հանրապետություն» կուսակցության հետ, Կարապետյանը պատասխանեց, որ Ալբերտ Բազեյանը իրեն ասել է, որ ՀՀՇ-ի հետ որեւէ առարկայական համագործակցություն չկա:

Դրանով Կարապետյանն ակնարկեց, որ «Հանրապետություն» կուսակցությունը, ՀՀՇ-ի եւ «Նոր ժամանակների» հետ համագործակցելու երկընտրանքում, նախապատվությունը տվել է վերջինին: Խոսելով ՀՀՇ-ի հետ չկայացած համագործակցության պատճառների մասին՝ «Հանրապետություն» կուսակցության նախագահ Ալբերտ Բազեյանը ասում է, որ իրենց առաջարկին ՀՀՇ տարբեր գործիչներ տարբեր գնահատականներ տվեցին: Մասնավորապես, իրենց համար անընդունելի է եղել այն, որ Դավիթ Շահնազարյանը հայտարարել է, թե ի տարբերություն «Արդարություն» դաշինքի, որը պայքարում է Քոչարյանի դեմ՝ իրենք պայքարում են քոչարյանիզմի դեմ, իսկ ՀՀՇ փոխնախագահ Արամ Մանուկյանն այդ հնարավոր համագործակցությունը համեմատել է «շվեդական սեքսի» հետ:

Ինչ վերաբերում է ՀՀՇ վարչության նախագահ Արարատ Զուրաբյանի հայտարարությանը, ապա այն պարոն Բազեյանը համարում է մի քիչ ուշացած եւ փոքր-ինչ անհասկանալի: «Մենք առաջարկությամբ էինք հանդես եկել, եւ իրենք կարող էին, հայտարարություն անելու փոխարեն, հանդիպել մեզ, քննարկել, թե ինչ տիրույթում, ինչ սահմաններում եւ ինչպես ենք համագործակցելու»,-ասում է Բազեյանը: Քանի որ մենք տեղեկություններ ունենք, որ ՀՀՇ-ն, այնուամենայնիվ, փորձել է հանդիպել «Հանրապետություն» կուսակցության հետ, այդ պատճառով փորձեցինք ճշտել, թե որքանով է «Հանրապետություն» կուսակցության խուսափողական դիրքորոշման վրա ազդել «Արդարություն» դաշինքի մյուս անդամների բացասական կարծիքը: «Գուցե դա էլ ինչ-որ չափով ազդեց: Բայց խնդիրը «Հանրապետության» եւ ՀՀՇ-ի համագործակցության մեջ չէ:

Խնդիրը ամբողջ ընդդիմադիր դաշտի համախմբման մեջ է: Այդ դաշտում են «Նոր ժամանակները», «Ազգային միաբանությունը», ՀԿԿ-ն եւ նրան հարող ուժերը: Ցավոք սրտի, մեր առաջարկը արձագանք չունեցավ Հայաստանի հիմնական ընդդիմադիր կուսակցությունների մոտ»,-բացատրում է Բազեյանը: Այսինքն, «Հանրապետություն» կուսակցությունը համագործակցության առաջարկ անելով՝ սպասում էր ոչ թե ՀՀՇ-ի, այլ հենց նշված կուսակցությունների արձագանքին, որոնք այդպես էլ չարձագանքեցին: Ըստ Ա.Բազեյանի, եթե արձագանքեին, ապա հնարավոր կլիներ փետրվարի սկզբին դրսում ունենալ ցուցարարների հզոր մասսա, որը պատգամավորներին կստիպեր կողմ քվեարկել «Հանրահավաքների մասին» օրենքում փոփոխություններ կատարելու առաջարկին, եւ այդ դեպքում գուցե բոյկոտի անհրաժեշտություն չծագեր: Փաստորեն, նման հայտարարությամբ Բազեյանը խոստովանում է, որ համագործակցության իրենց առաջարկը ուղղված չէր ՀՀՇ-ին, եւ որ՝ «Արդարություն» դաշինքն այլեւս հնարավորություն չունի ինքնուրույն «հզոր մասսա» հավաքելու եւ ակնկալում է այլ ուժերի աջակցությունը:

Ավետիս Բաբաջանյան

Տպել
1027 դիտում

Իսպանիայի հավաքականը ԱԱ 2018-ում հազիվ փրկվեց խայտառակությունից

ՍԱՊԾ աշխատակիցները դժգոհ են ղեկավարի ընտրության կարգի կազմակերպումից, դիմում են վարչապետին

Հորդառատ անձրևի պատճառով մարվել է Մեծ Եղեռնի հուշահամալիրի Հավերժական կրակը

Թող իմ անվան տակ հավայի չքցեն, որ իմ տնից զենք են հանել. Նորատուսցի Արա

ՀԱԱ տնօրեն Ամատունի Վիրաբյանին պարտադրված հրաժարականի պահանջին դեմ են արխիվի աշխատակիցները

Արցախի կառավարությունը որևէ մեքենա չի հատկացրել ԵԿՄ-ին. պարզաբանումներ՝ Ա. Հարությունյանից

Բնավ զարմացած չեմ, սահմռկեցուցիչ բաներ եմ լսել Մանվել Գրիգորյանի մասին. Սեդա Մելքոնյան

Պետավտոտեսուչին իբրեւ կաշառելու համար քաղաքացուց 3000 դոլար է հափշտակվել. 3 մեղադրյալ կա

Հայաստան-ԵՄ համագործակցությամբ կարագացվի վիզաների ազատականացման, ազատ տեղաշարժի գործընթացը

Զինծառայողների իրավունքների եւ հաշմանդամության կարգի հետ կապված բողոքներ Գեղարքունիքում

Չեխովի անվան դպրոցը չունի տարրական կրթության լիցենզիա. ազդեցիկ կապերն այլեւս չեն գործելու

Զորամասի հրամանատար գնդապետը և 3 անձ մեղադրվում են բենզին հափշտակելու, անգործության համար

Որոշ դպրոցներ չունեն կրթություն տրամադրելու իրավունք. ԿԳՆ-ն շրջաբերական է ուղարկել

Քրեական հետապնդում է հարուցվել 23 գյուղապետի նկատմամբ. 25.5 մլն դրամի վնաս փոխհատուցվել է

Նախարարը պահանջել է Արխիվի տնօրենի հրաժարականը, դիմել գլխավոր դատախազին. քրգործ կհարուցվի՞

Էլեկտրաէներգիայի սակագինը մասնակի կփոխհատուցվի. «Տաշիր» խմբի հայտարարությունը

Ի պատասխան Կինոլոգիական միության նախագահի բաց նամակի ՊԵԿ-ը հայտարարությամբ է հանդես եկել

Մանվել Գրիգորյանի պատժամիջոցները. ո՞վ է համացանցում հայտնված սկանդալային լուսանկարի մարդը

Սեյրան Օհանյանը որպես վկա հարցաքննվել է՝ ՊՆ-ում չարաշահումների գործով

Խուզարկվել են մի քանի տասնյակ օրենքով գողերի, քրեական հեղինակությունների տներ (տեսանյութ)