Արգամ Աբրահամյանը պատգամավորության թեկնածու կառաջադրվի «Ծառուկյան» դաշինքից

17/02/2017 schedule16:15

Արտաշատի քաղաքապետ Արգամ Աբրահամյանն Արարատի մարզում վարկանիշային ընտրակարգով պատգամավորության թեկնածու կառաջադրվի «Ծառուկյան» դաշինքից։ Իր այս որոշման մասին նա Facebook-յան իր էջում գրել է հետեւյալը․

«Սիրելի՛ հայրենակիցներ, մոտ երկու տարի մենք միասին բարդ ու նաեւ պատասխանատու ճանապարհ ենք անցել։ Որպես Արտաշատի քաղաքապետ՝ ինձ համար պատիվ է եղել ձեր աջակցությամբ եւ վստահությամբ մեր քաղաքը դարձնել ապրելու համար առավել հարմարավետ ու բարեկեցիկ, քայլ առ քայլ լուծել մեր քաղաքի սոցիալական խնդիրների ծանր բեռը։

Դժվա՞ր է եղել ինձ՝ երիտասարդ գործչիս, նման պատասխանատվություն վերցնել։ Այո։ Բայց ես րոպե անգամ չեմ կասկածել, որ ունենալու եմ իմ համաքաղաքացիների աջակցությունը, անսահման սատարումը, ինչի շնորհիվ որևէ խնդիր անլուծելի չէր կարող թվալ։ Միասին մենք մեկ նպատակ ու մեկ երազանք ենք ունեցել՝ ուղղել մեր քաղաքի ողնաշարն ու ինձ տրված լիազորությունների եւ հնարավորությունների սահմաններում լուծել բարդագույն խնդիրներ։ Կարողացել ենք մեր ուշադրության կենտրոնում պահել զոհված ազատամարտիկների ընտանիքներին, տարեցներին, մանուկներին, սոցիալապես անապահով և բազմազավակ ընտանիքներին, հաշմանդամություն ունեցող անձանց, ինչպես նաև առօրյա խնդիրներ ունեցող մեր համաքաղաքացիներին:

Միասին մենք նպատակ ենք ունեցել, որ ոչ մի արտաշատցի չբռնի արտագաղթի ցավալի ճանապարհը։ Հաջողվե՞լ է ինձ այս կարճ ժամանակում ձեր աջակցությամբ լուծել մեր քաղաքի բոլոր խնդիրները։ Բոլորը՝ ոչ, բայց բազմաթիվ հարցեր լուծվել են, որովհետեւ ինձ համար եղել է չափման մեկ միավոր՝ արդարությունն ու հավասարությունը, ինձ համար եղել է մեկ շահ՝ իմ համաքաղաքացու շահը, ինձ համար եղել է աշխատելու մեկ սկզբունք՝ մինչև վերջ նվիրվել։

Բայց մենք բոլորս էլ հրաշալի հասկանում ենք, որ մեկ քաղաքում, մեկ համայնքում խնդիրներ լուծելով չենք լուծելու մեր երկրում առկա համակարգային լրջագույն հիմնահարցերը։ Դրանք շատ ավելի խորն ու հիմնարար են եւ հրատապ լուծում են պահանջում։

Հարգելի՛ հայրենակիցներ, երբևէ չլինելով որևէ կուսակցության անդամ, ես որոշում եմ կայացրել Արարատի մարզում վարկանիշային ընտրակարգով պատգամավորության թեկնածու առաջադրվել «Ծառուկյան» դաշինքով։ Փոփոխված Սահմանադրությունը ենթադրում է առավել լայն լիազորություններ խորհրդարանին եւ, ըստ այդմ, առավել մեծ հնարավորություններ՝ հաղթահարելու մեր երկրի առջեւ ծառացած մարտահրավերները։

Մեր թիմակիցների ու համախոհների հետ միասին ես պատրաստ եմ ամբողջովին նվիրվել մեր երկիրը յուրաքանչյուր հայի երազանքի Հայաստանը դարձնելու նպատակի իրականացմանը, երկիր՝ ոչ թե աղքատության ու արտագաղթի, այլ հնարավորությունների ու բարեկեցության։
Այս որոշումը ես կայացրել եմ, վստահ լինելով, որ իմ թիվ մեկ աջակիցն ու գործընկերը կրկին լինելու եք դուք, ի՛մ սիրելի Արտաշատի բնակիչներ, Արարատի մարզի ի՛մ հարգարժան հայրենակիցներ։
Անցած երկու տարիներին մենք միասին ապացուցել ենք, որ մեկ թիմ ենք, մեկ ընտանիք։ Ձեզանից յուրաքանչյուրի հոգսը իմ անձնական հոգսն է եղել, ձեզանից յուրաքանչյուրի հաջողությունը՝ իմ հաջողությունը։

Այդպես լինելու է միշտ։ Ես վստահ եմ, որ կարողանալու եմ մեր մարզի ազգաբնակչության ձայնը լսելի դարձնել խորհրդարանում։ Վստահության ձեր քվեն այն ուժն է լինելու, որը, հավատացեք, ինձ առավել մեծ կամք ու եռանդ է տալու մեր մարզի խնդիրները բարձրացնելու եւ ձեր աջակցությամբ գտնելու դրանց լուծման արժանապատիվ ուղիները։

Սիրելի՛ հայրենակիցներ, ես այս որոշումը կայացրել եմ, որովհետեւ գիտեմ, որ միասին մենք մեկ թիմ ենք՝ մեր երկիրը ավելի լավը դարձնելու երազանքով։ Ու միասին մենք երկար ճանապարհ ենք անցնելու՝ հանուն մեր մարզի ու նրա յուրաքանչյուր բնակչի, հանուն հզոր, բարգավաճ ու արդար Հայաստանի։
Հարգանքով՝ Արգամ Աբրահամյան»։

Տպել
2803 դիտում

Դրա՞յվ թե բլեֆ․ Հայաստանում քննարկում են վարչապետի Վրաստան կատարած այցը

Ադրբեջանի սադրանքների մասին տեղեկացվում են միջազգային կառույցները

2-ամյա երեխան հորը փակել է պատշգամբում, որպեսզի խաղա iPad-ով

ՆԱՍԱ-ն հրապարակել է Մարսի նոր յուրահատուկ լուսանկար

Քննարկվել է ՀՀ կառավարության ծրագրի կատարման ընթացքը

Իրաքում հայտնաբերվել է «ԻՊ»-ի խոշորագույն եղբայրական գերեզմանը

Կիմ Չեն Նանի սպանության մեջ կասկածվողը 90$ է ստացել «կատակ անելու համար»

Ասում են՝ հաղթելու են․ տեղի ունեցավ ՕՐՕ-ի համաժողովը

Փակ սենյակի գաղտնիքը. գեներալը չկարողացավ բացել դռնակը

Թխվածքաբլիթ՝ միտինգ չանելու դիմաց իսկ ընդդիմությունը հեղափոխության կոչ է անում

Առանց մեկնաբանությունների. պետդեպը հրապարակել է տարեկան զեկույցը

New York Times-ն ու CNN-ն իսկական խեղկատակություն են. Թրամփ

Տեսագրություն այս գիշեր շփման գծում իրականացված գործողություններից (թարմացված)

«Երեկ իմ երազանքը մահացավ»՝ «Լեսթերի» նախկին մարզիչ Կլաուդիո Ռանիերիի հուզիչ նամակը

«Բարսելոնայի» նոր գլխավոր մարզչի թեկնածուներն արդեն հայտնի են. ԶԼՄ-ներ

Բացահայտվել է գիշերօթիկ թիվ 17 հատուկ դպրոցից կատարված գողությունը

Ինչի՞ մասին ենք խոսում. հեռուստաշաբաթը Ռուզան Ազիզյանի հետ

Աղետալի ԹՎԵՐ․ ՀՀԿ-ն սպառնալիք է ՀՀ-ին

Հայ կոմպոզիտորական արվեստի փառատոնը պահպանում և զարգացնում է մեր մշակութային գանձերը

«Զանգի» հավելվածը կներկայացնի Հայաստանը «Mobile World Congress»-ում