Շուտով կլինի նոր առաջարկ, եւ ես կրկին կաշխատեմ ԱԻՆ-ում. Արսեն Արշակյան

Երեկ հայտնի դարձավ, որ ԱԻՆ փրկարար ծառայության փրկարար ուժերի վարչության պետ Արսեն Արշակյանն ազատվել է զբաղեցրած պաշտոնից եւ ուղարկվել կադրերի ռեզերվ: Ըստ մամուլի հրապարակումների՝ նորանշանակ նախարար Դավիթ Տոնոյանը ՀՀ արտակարգ իրավիճակների նախարարությունում կադրային ջարդ է սկսել եւ աստիճանաբար ազատվում է Արմեն Երիցյանի կադրերից, այդ թվում՝ Արշակյանից:

Պաշտոնից ազատման թեմայի շուրջ մանրամասներ ճշտելու նպատակով armtimes.com-ը զրուցեց անձամբ Արսեն Արշակյանի հետ:

- Պարոն Արշակյան, աշխատանքից ազատվել եք սեփակա՞ն դիմումի համաձայն:

- Այո, իմ դիմումի համաձայն ազատվել եմ զբաղեցրած պաշտոնից: Ես համարվում եմ Արտակարգ իրավիճակների նախարարության աշխատակից, գտնվում եմ կադրերի ռեզերվում: Շուտով՝ կարող է այսօր, կարող է վաղը կամ մյուս օրը, կզբաղեցնեմ մեկ այլ պաշտոն՝ նույն նախարարությունում:

- Ձեզ նշանակման ժամկետնե՞ր են խոստացել: 

- Խոստացվածի խնդիր չէ: Ես ծառայության մեջ եմ, ես եղել եմ պարոն Տոնոյանի մոտ: Շուտով կլինի առաջարկ, եւ ես կանցնեմ աշխատանքի:

- Պարոն Արշակյան, դուք մինչ ԱԻՆ տեղափոխվելը Երեւանի ճանապարհային ոստիկանության պետն էիք, ՀՀ ոստիկանություն վերադարձ չե՞ք նախատեսում:

- Ոչ, ոչ: Ես ԱԻՆ կադրերի ռեզերվում եմ եւ շարունակելու եմ աշխատել այդ նախարարությունում:

- Իսկ ո՞րն էր աշխատանքից ազատման դիմում գրելու պատճառը:

- Գիտեք, որեւէ պատճառ չկար: Մենք զինվորական ենք, եւ զինվորականների մոտ աշխատանքի փոփոխություն սովորաբար լինում է: Ուղիղ 2 տարի էր՝ ես զբաղեցնում էի փրկարարական ուժերի վարչության պետի պաշտոնը:

- Մամուլում նշվեց, որ ԱԻՆ նախարար Դավիթ Տոնոյանն է ազատվում նախկին նախարար Արմեն Երիցյանի կադրերից:

- Ազնվությամբ ասում եմ՝ նման բան չկա: Պարոն Տոնոյանը նման քաղաքականություն չի վարում: Ես նրա հետ շատ բարիդրացիական հարաբերություններ ունեմ, շատ հարգում ենք միմյանց: Նախկինում էլ միմյանց ճանաչել ենք, որեւէ արտառոց դեպք չկա:

- Արդեն տեղեկացվա՞ծ եք՝ ԱԻՆ որ ստորաբաժանումում եք աշխատելու:

- Փրկարար ծառայությունում: Քանի որ ես զինվորական եմ, փրկարար ծառայության գնդապետ եմ, ուրեմն իմ աշխատանքը շարունակելու եմ փրկարար ծառայությունում:

Տպել
5194 դիտում

Թորոսգյուղում տեղացած կարկուտը փակել է դեպի Գյումրի տանող ճանապարհը

ԱՄՆ-ից հանգանակած 51.000 դոլարի մթերքների մի մասը եւս հայտնվել է Մ. Գրիգորյանի առանձնատանը

Սակագների չնչին նվազեցումները չպետք է շեղեն կառավարության ուշադրությունը

Կարեւորվել են պաշտպանական բնագավառում հայ-ճապոնական շփումների հեռանկարները

Կասկածներ կան «Գեներալ Մանվել Գրիգորյան» հիմնադրամի դրամական մուտքեր ու ելքերի մասին. ՀՔԾ

Ֆրանսիացի գործարարները ցանկանում են ՀՀ-ում ներդրուրմներ կատարել. հանդիպում գործադիրում

Կինոլոգիական միության նախագահ Վիոլետա Գաբրիելյանի բաց նամակը ՀՀ վարչապետ Նիկոլ Փաշինյանին

«Բելաջիո»-ի կառուցած կոյուղահորը կարող է վարակիչ հիվանդությունների պատճառ հանդիսանալ

Արցախի ժողովուրդն է որոշելու իր ապագան եւ Թուրքիան անելիք չունի. Շարմազանով

Խուզարկություն Վստրեչի Ապերի տանը. նրա նկատմամբ միջազգային հետախուզում է հայտարարվել

Համայնքապետերը պետությանը 74 մլն դրամ վնաս են պատճառել. հարուցվել է 71 քրգործ

Անհրաժեշտ է գիտակցել ինքնորոշման իրավունքի իրացման կարեւորությունը. Էդուարդ Շարմազանով

Ուժեղ կարկուտ է տեղացել Արմավիրի մարզում. վնասվել են նաեւ տանիքները

ԱԺ խմբակցությունները պատրաստակամ են քննարկել Ընտրական օրենսգրքի փոփոխությունները

Մայորն անփութություն է դրսեւորել, ինչը հանգեցրել է զինծառայողի մահվան

Պատկերացնո՞ւմ եք. հեղափոխության մեխանիկա

Ընտրական բարեփոխումները պետք է իրականացվեն քաղաքական համաձայնությամբ. Արմեն Աշոտյան

Խուզարկություններ՝ Զապի, Կանեւսկոյի, Օշականցի Գեւորիկը, Նորատուսցի Արայի եւ մյուսների տանը

Ինչպե՞ս են զորացրվածները վերաբերվում զինվորական ծառայությանը. հանդիպում ՊՆ-ում

Ի՞նչ անել. փակուղի ընդդիմության համար