Խնդիրներից հիմա չեմ կարող խոսել. ՀՀ ազատ ոճի ըմբշամարտի հավաքականի գլխավոր մարզիչ

17/02/2017 schedule19:31

Հայաստանի ազատ ոճի ըմբշամարտի հավաքականի նորանշանակ գլխավոր մարզիչ 1996 թ. Ատլանտայի Օլիմպիական խաղերի արծաթե մեդալակիր Արմեն Մկրտչյանն առաջին անգամ իր մարզիկներին գործի մեջ տեսնելու հնարավորություն ունեցավ: Այսօր՝ փետրվարի 17-ին, Հայաստանի 2017 թ. առաջնության մրցումային առաջին օրվա ընթացքում նա հետեւեց 57, 65, 74 եւ 97 կգ քաշայինների ելույթներին: Լրագրողների հետ զրույցում մասնագետը նշեց, որ նկատվում է, որ որոշ քաշային կարգերում ուժեղ մրցակցություն կա:

«Հետաքրքիր էին 57, 65, 74 կգ քաշային կարգերի գոտեմարտերը. պայքար կար: Խնդիրներից հիմա չեմ կարող խոսել, հավաքների ընթացքում կտեսնենք: Մեր մարզչական շտաբով կքննարկեք այս մրցաշարը ու կսկսենք աշխատել»,- ասաց նա:

Արդեն որոշված է, թե ինչ ծրագրով են մարզվելու ըմբիշները մինչեւ մայիսի 2-5-ը Սերբիայի Նովի Սադ քաղաքում կայանալիք Եվրոպայի առաջնությունը: Արմեն Մկրտչյանը նշեց, որ այդ ընթացքում իրենք 3 ուսումնամարզական հավաք են ունենալու եւ 1 միջազգային մրցաշարի են մասնակցելու:

«Մինչեւ Եվրոպայի առաջնությունը ՀՀ առաջնությունից հետո Ծաղկաձոր կբարձրանանք: Այնուհետեւ 1 մրցաշարի կմասնակցենք, երեւի, Թուրքիայում: Հետո նորից հավաք ու եւս 1 վերջնական հավաք Եվրոպայի առաջնությունից առաջ»,- ասաց նա:

Արմեն Մկրտչյանն ազատ ոճի ըմբշամարտի Հայաստանի հավաքականի գլխավոր մարզիչ է նշանակվել այս տարվա հունվարին: Այդ պաշտոնում նա փոխարինել է Արայիկ Բաղդադյանին, որը հավաքականը գլխավորում էր 2009 թվականից: Մկրտչյանն ընդգծեց, որ Բաղդադյանի հեռանալը չի նշանակում, որ նա ընդհանրապես կապ չի ունենալու հավաքականի հետ:

«Արայիկ Բաղդադյանը կարող է միշտ հավաքականի հետ լինել, ինչպես բոլորս: Մեր թիմի բոլոր անդամները կարող են այստեղ լինել: Ճիշտ է՝ որոշումները պետք է կայացնեմ ես, բայց նա շատ հարցերում կարող է օգտակար լինել, հուշել»,- ասաց նա:

Հայաստանի 2017 թ. առաջնությունը մեկնարկել է այսօր եւ ավարտվելու է վաղը՝ փետրվարի 18-ին: Վաղը՝ մրցումային 2-րդ օրը, պայքարի են դուրս գալու 61, 70, 86 եւ 125 կգ քաշային ըմբիշները: Մրցութային 1-ին օրվա արդյունքներին կարող եք ծանոթանալ այստեղ:

Տպել
924 դիտում

Գործարար Սամվել Կարապետյանը հեռուստամարաթոնին 2 մլն 250 հազար ԱՄՆ դոլար փոխանցեց. ուղիղ

Սերժ Սարգսյանը Բրյուսելում հանդես է եկել ելույթով, խոսել համաձայնագրի ստորագրման մասին

Ռուսաստանը հարգանքով է վերաբերվում Հայաստան-ԵՄ համաձայնագրի ստորագրմանը. Մարիա Զախարովա

Փոխհրաձգություն Դաղստանում` բարձրաստիճան պաշտոնյաների զավակների միջեւ.Սպանվել է պատգամավոր

Դոնեցկում ձերբակալվել են 10 ուկրաինացի դիվերսանտներ

Բրյուսելում քիչ առաջ մեկնարկել է Եվրոպական ժողովրդական կուսակցության գագաթնաժողովը

Բասկետբոլի Հայաստանի հավաքականը՝ 80:63 հաշվով հաղթեց ալբանացիներին

«Բերքառատ Արցախ». մեկնարկել է «Հայաստան» համահայկական հիմնադրամի Հեռուստամարաթոնը (ուղիղ)

Գյումրիում տեղադրում են գլխավոր տոնածառը. տոներին բյուջեից 7 միլիոն դրամ է հատկացվել

Անցած 1 օրում`11 մարմնական վնասվածք հասցնելու դեպք, 13 ՃՏՊ, արդյունքում` 1 զոհ, 26 վիրավոր

ՖԻԴԵ-ի Գրան Պրիի մրցաշարային աղյուսակում Լեւոն Արոնյանը շարունակում է առաջատար մնալ

Կառավարությունը հավանություն է տվել ֆինանսների նախարարության կողմից ներկայացված նախագծերին

Գեղարքունիքի մարզի բնակիչը ճուռակին որսացել եւ մեխել է տան պատին (լուսանկար)

Ձյուն է տեղում Եղեգնաձորի, Վայքի, Սիսիանի ավտոճանապարհներին

Սերժ Սարգսյանը եւ Բելգիայի թագավորը քննարկել են բրյուսելյան գագաթնաժողովի օրակարգի հարցերը

Իշխան ձկան պաշարների վերականգնման ծրագիրը շահավետ է բնապահպանական ու բիզնես տեսանկյունից

Ստանդարտ քայլերով գործելու դեպքում այս ռեժիմի դեմ չես կարող խաղեր տալ. Պետրոս Մակեյան

Կասեցնել զորամաս ներխուժած հակառակորդի հարձակումը, ջախջախել նրան ու վերականգնել առաջնագիծը

Մուգաբեն ազատվել է տնային կալանքից, ստացել անձեռնմխելիություն ու անվտանգության երաշխիքներ

«VIZA» ռոք խմբի երաժիշտը եւ նրա կինը ոգեւորված են Հայաստան կատարած այցից