Սերժ Սարգսյանին նվիրել են Այվազովսկու կեղծ նկարը. «Փյունիկ»-ն իր հայտարարությունը ջնջել է

Armtimes.com-ը փետրվարի 15-ին ««Փյունիկ» հիմնադրամը Սերժ Սարգսյանին Այվազովսկու գողացված նկարն է նվիրել» վերտառությամբ հոդված էր հրապարակել, որտեղ հիմնավոր ներկայացված էր, թե ինչպես է «Փյունիկ» հիմնադրամն Այվազովսկու գողացված նկարը նվիրել Սերժ Սարգսյանին:

Հոդվածը կառուցվել էր հիմնադրամի հայտարարության հիման վրա, որտեղ նշված էր, որ հիմնադրամի ղեկավարներին ընդունել է Սերժ Սարգսյանը, որի ժամանակ հիմնադրամի անունից նրան նվեր է հանձնվել աշխարհահռչակ նկարիչ Հովհաննես Այվազովսկու հեղինակած «Նավը ծովում» նկարը:

Այսօր արդեն արձանագրում ենք, որ «Փյունիկ» հիմնադրամի պաշտոնական կայքից հեռացվել է նվիրատվության մասին հայտարարությունը: Բարեբախտաբար, մենք լուսանկարել էինք այդ հայտարարությունը (Print Screen), որտեղ հատուկ նշված էր, որ նվիրվել է «Նավը ծովում» նկարը:

Հիմնադրամն իր կայքում մեր հրապարակումից հետո տեղադրել է հետեւյալ հայտարարությունը. ««Փյունիկ» մարդկային ռեսուրսների զարգացման հիմնադրամի անունից Հայաստանի Հանրապետությանը 19.07.2010 թվականին նվիրվել է Հովհաննես Այվազովսկու «Ծովային տեսարան» կտավը: Այն հանձնվել է փորձաքննության, որի արդյունքում մասնագիտական եզրակացություն է տրվել, որ վերոնշյալ գեղանկարը չի պատկանում Հովհաննես Այվազովսկու վրձնին և թանգարանային արժեք չի ներկայացնում, հետևաբար այն չի փոխանցվել որևէ թանգարանի և այժմ գտնվում է Հանրապետության Նախագահի աշխատակազմում:
Հայաստանյան լրատվամիջոցներից մեկի հաղորդած տեղեկատվությունը, թե՝ «Փյունիկ» հիմնադրամը ՀՀ Նախագահին 2011 թ. ռուս գործարարներից մեկի առանձնատնից գողացված նկար է նվիրել, չի համապատասխանում իրականությանը»:

Հատուկ «Փյունիկ» հիմնադրամի համար մի քանի արձանագրում կատարենք.

1. Այդ մենք չենք հայտարարել, որ Սերժ Սարգսյանին հիմնադրամը նվիրել է «Նավը ծովում» կտավը, այլ հայտարարել է «Փյունիկ» հիմնադրամը

2. Մենք չենք հիմնադրամի պաշտոնական կայքից ջնջել հիմնադրամի հայտարարությունը

3. Փաստորեն, «Փյունիկ» հիմնադրամը կարող է նկար ձեռքբերել, որը կեղծ է եւ առանց փորձաքննություն անցկացնելու այն նվիրել բարձրաստիճան պաշտոնյայի: Այս դեպքում՝ Սերժ Սարգսյանին:

Հ.Գ. Հիմնադրամից մեզ են տրամադրել Սերժ Սարգսյանի եւ հիմնադրամի ներկայացուցիչների հանդիպման մի լուսանկար, որի ժամանակագրությունն անհայտ է:

Տպել
12946 դիտում

Հարցազրույց. բանակցել են չեն բանակցել

Հանուն ազգի. «միասնության շուրջպարը» ապօրինի՞ է

Բարբարոսություն.  մի ոչնչացրեք Մթնաձորը

«Ավելի վատ. սրանք քաղաքի լավագույն մարդիկ են» Լիլիթ Ավագյանի հոդվածը

Արմեն Սարգսյանն առանձնազրույց է ունեցել Վրաստանի վարչապետ Գեորգի Կվիրիկաշվիլիի հետ

Սա նոր Հայաստանն է, որը ես շատ սիրում եմ. զվարթ շրջանավարտները՝ կառավարական ամառանոցում

Սահմանամերձ համայնքների շրջանավարտների տոնը կառավարական առանձնատանը՝ լուսանկարներով

Նախագահ Արմեն Սարգսյանը տիկնոջ հետ ժամանել է Թբիլիսի

ՊԵԿ նախագահի 2 տեղակալներին հարցաքննել են, ձերբակալվեց 4 հոգի. ԱԱԾ-ի աղմկոտ բացահայտումը

Էրեբունու բանդայի անդամները թաղապետարանի աշխատակիցներ են (լուսանկարներ, տեսանյութ)

Վարչապետը միացավ շրջանավարտների տոնախմբությանը (տեսանյութ, լուսանկար)

Էրեբունիում զանգվածային անկարգությունների գործով կասկածվողը Արտաշես Չիչոյանի հայրն է

ԵԽԽՎ համազեկուցողները բարձր են գնահատել հավաքների ժամանակ Պաշտպանի աշխատանքը

Ֆրանսիայում ՀՀ դեսպանի հանդիպումը ԱԺ Ֆրանսիա-Հայաստան բարեկամության խմբի հետ

Իրանի Իսլամական հանրապետության քաղաքացու դի է հայտնաբերվել

Վարչապետն ընդունել է Ֆրանկոֆոնիայի ՄԿ քարտուղարության պատվիրակությունը

Կիսադատարկ նիստեր. նախանձելի աշխատավարձ ստացող պատգամավորներն աշխատանքի չեն գալիս

Նիկոլ Փաշինյանին շնորհավորական ուղերձ է հղել Միացյալ Թագավորության վարչապետ Թերեզա Մեյը

Վերջին անգամ «Ռեալը» հենց «Լիվերպուլին» է պարտվել Չեմպիոնների լիգայի եզրափակչում

Հստակեցվում է Էրեբունիում անկարգությունների մասնակցած անձանց շրջանակը (տեսանյութ)