Պատգամավորության թեկնածուն պարզել է՝ իր հասցեում 3 անծանոթ անձ է գրանցված (տեսանյութ)

Համախմբում կուսակցության անդամ Լեւոն Իգիթյանը, որը նաեւ «Օհանյան-Րաֆֆի-Օսկանյան» դաշինքի ռեյտինգային ցուցակով պատգամավորության թեկնածու է, պարզել է, որ իր բնակության հասցեում գրանցված են անծանոթ մարդիկ: Armtimes.com-ի հետ զրույցում նա ասաց, որ Կենտրոնական ընտրական հանձնաժողովի կայքից փորձել է տեղեկանալ, թե որ ընտրատեղամասում պետք է քվեարկություն կատարի եւ ստուգելով իր անձնական տվյալները, հայտնաբերել է անծանոթ անձանց անուններ:

«Յուրաքանչյուր ընտրությանը կամ լինում ենք մանկապարտեզում, կամ դպրոցում, որովհետեւ երկու ընտրատեղամասերը մոտ են: Ուզեցի ճշտեմ, նայեցի պետռեգիստրում, որպեսզի տեսնեմ, թե ովքեր կան մեր տան վրա, ովքեր են դուրս եկել ու պատահաբար նկատեցի, որ մեր հասցեում բացի մեր տան 5 անդամից 3 անծանոթ անուն ազգանուններով, տարբեր հայրանուններով մարդիկ կան գրանցված: Զարմացրեց ինձ այդ փաստը, որոշեցի հրապարակեմ»,- պատմեց  Լեւոն Իգիթյանը՝ նշելով, որ համացանցում գտել է ՀՀ ոստիկանության եւ անձնագրային վարչության պետ Մնացական Բիչախչյանին եւ պատրաստվում է նամակով դիմել՝ խնդիրը կարգավորելու ակնկալիքով:

«Ընտրություններից առաջ նման խնդիրը հաստատ այլ նպատակներ ունի»,- նկատեց Լեւոն Իգիթյանը: Նրա խոսքով՝ հնարավոր է այդ 3 անձը լինեն Ախուրյան համայնքի բնակիչներ, բայց իր հետ ազգակցական կապ չի կարող լինել, քանի որ իր բարեկամներին ճանաչում է:

Հարցին՝ ձեր կարծիքով ինչո՞վ կարող է պայմանավորված լինեն առաջացած խնդիրը, նա այսպես պատասխանեց. «Ճիշտն ասած, որակումներ տալ չեմ շտապի, քանի որ ամեն ինչ հնարավոր է: Կարող է վրիպակ լինել, կարող է ոստիկանության անձնագրային բաժնի աշխատակիցների կողմից թերություն, վրիպակ լինի: Չեմ բացառի նաեւ դիտավորության փաստ, քանի որ դիմացը շատ լուրջ ու մեծ պայքար է լինելու»:

Ոստիկանության անձնագրային եւ վիզաների վարչությունը նույն խդրի հետ կապված պարզաբանմամբ է հանդես եկել, որում ասված է. «Ստուգմամբ պարզվել է հետևյալը: Խոսքը վերաբերում է Արթուր Ջոնսիկի Հովհաննիսյանին, Աննա Սերյոժայի Գրիգորյանին և Արփինե Սիմավոնի Մաթևոսյանին:

Արթուր Հովհաննիսյանը Շիրակի մարզ, Գ. Ախուրյան, Կառնուտի խճղ., տ 3 հասցեում հաշվառված է 28.04.1991 թ.-ից, Աննա Գրիգորյանը` 18.10.1990 թ.-ից, Արփինե Մաթևոսյանը` 10.03.2009 թ.-ից:  Անձնագրային ծառայության հարցմանն ի պատասխան Ախուրյան համայնքի ղեկավարի տեղակալի կողմից 22.02.2017 թ. տրվել է գրավոր պատասխան, համաձայն որի Շիրակի մարզի Ախուրյան համայնքի 2008 թ. հասցեավորման ժամանակ Սուրեն Շավարշի Իգիթյանի ընտանիքին պատկանող բնակարանը հասցեավորվել է Կառնուտի խճղ., տ 33 հասցեով, սակայն բնակչության պետական ռեգիստրին տեղեկատվություն տրամադրելու ժամանակ տեղի է ունեցել մեխանիկական սխալ՝ հասցեն գրանցվել է Կառնուտի խճղ. տուն 3:

Արթուր Ջոնսիկի Հովհաննիսյանի և Աննա Սերյոժայի Գրիգորյանի իրական հասցեն Կառնուտի խճղ., տ 3-ն է, իսկ Արփինե Սիմավոնի Մաթևոսյանինը՝ Կառնուտի խճղ., տ 35:

Այսինքն, բնակչության պետական ռեգիստրում և դրա հիման վրա ընտրողների ցուցակներում Կառնուտի խճղ., տ 3 հասցեում իրականացված հաշվառումները դեռևս 2008 թ. համայնքի կողմից տեխնիկական վրիպման արդյունքում ստացված տեղեկատվության արդյունք է, որը ընդհանրապես չի կարող կապ ունենալ ընտրական գործընթացների հետ:

ՀՀ ոստիկանությունը բազմիցս պարզաբանել է, որ բնակչության պետական ռեգիստրում հաշվառումներն իրականացվում են բացառապես ՀՀ օրենսդրության պահանջների պահպանմամբ, իսկ ընտրական գործընթացը ևս մեկ հարմար առիթ է, որպեսզի քաղաքացիները ստուգեն իրենց հասցեները:

Հաշվի առնելով համայնքի ղեկավարի կողմից տրված վերը նշված գրությունը` Լևոն Իգիթյանի ընտանիքի անդամների հաշվառման հասցեն բազայում կուղղվի Կառնուտի խճղ., տ 33, այլ ոչ Կառնուտի խճղ., տ 3, Արթուր Ջոնսիկի Հովհաննիսյանի և Աննա Սերյոժայի Գրիգորյանի հասցեները կմնան անփոփոխ, իսկ Արփինե Սիմավոնի Մաթևոսյանի հասցեն կուղղվի՝ Կառնուտի խճղ., տ 35»:

Առավել մանրամասն՝ տեսանյութում:

Տպել
20183 դիտում

Քրտնաջան և թափանցիկ աշխատանքի ակնկալիքով. քաղաքապետը ներկայացրել է Քանաքեռ-Զեյթունի նոր ղեկավարին

էրեբունու զանգվածային անկարգությունների գործով ինքնակամ ներկայացած անձը Մասիսի սպորտդպրոցի տնօրենն է

Ոստիկանները Շենգենյան վիզայի կեղծման դեպք են բացահայտել. վիզան 6500 եվրո է արժեցել (տեսանյութ)

Ժողովուրդ ջան, հավատացե՛ք Նիկոլ Փաշինյանին, քանի դեռ ինքը հակառակը չի ապացուցել. Արփինե Հովհաննիսյան

Երևանի քաղաքապետը խոստացել է օգնել նախադպրոցական կրթության մոդելի կիրառման հարցում

Տնտեսական աճի տեմպը շարունակում է անկում ապրել՝ 6%. նախկին վարչապետ

Երևանի հ. 48 մանկապարտեզի տնօրենը կարգապահական տույժի է ենթարկվել (լուսանկար)

Վերսկսվել է «Բերդ» բնակելի շենքի կառուցապատումը

Ողբերգական վթարից մահացած Հրանտ Գասպարյանի ծնողները խնդրում են կրտսեր որդուն վաղաժամկետ զորացրել

Մոլորված ու Ադրբեջանում հայտնված Կ. Ղազարյանին դատարանում ահաբեկիչ են որակել (լուսանկարներ)

ՎՏԲ-Հայաստան Բանկը և «ՌԵՍՈ» ընկերությունը առաջարկում են իրենց հաճախորդներին «Ապահով հանգիստ» ապահովագրական փաթեթը

Մեղադրանքները Կ. Հարությունյանի հիվանդ երեւակայության արդյունքն են. ԱԺ-ն պատասխանում է աշխատակցի բողոքին

Ազգերի լիգա. Հայաստանի համար սկսվեց մեծ հույսերով, ավարտվեց, ինչպես միշտ

Նիկոլ Փաշինյանին ներկայացվել է գյուղտեխնիկայի արտադրություն հիմնելու ներդրումային ծրագիրը

Դեկտեմբերի 9-ի նախընտրական ցուցակներում ամբողջությամբ նույն տվյալներով 208 տարբեր մարդիկ կան

Գյումրու վրաերթի հեղինակն ինքնակամ ներկայացել է ոստիկանություն

Ով է փոխարինելու գեներալ Ղահրամանյանին՝ Վ. Սարգսյանի անվան ռազմական համալսարանի պետի պաշտոնում

Արմեն Սարգսյանը շնորհավորական ուղերձ է հղել Մոսկվայի եւ Համայն Ռուսիո Պատրիարք Կիրիլին

Զիբիլիքսի աղմկոտ գործով ամբաստանյալ, ՀՀԿ-ական Հրայր Անտոնյանն ընդունում է մեղադրանքը. գործը կքննվի արագացված կարգո՞վ

ՀՊՏՀ Գյումրու մասնաճյուղում եւ թիվ 37 դպրոցում կոռուպցիոն չարաշահումներով քրգործեր են հարուցվել