ԵՊՀ-ն սոցիալական ապահովության հիմնարկ չէ. ռեկտորը` գերազանցության զեղչը կրճատվելու մասին

Երեւանի պետական համալսարանի ուսանողները դժգոհում են, որ գերազանց առաջադիմության զեղչի իրավունք այսուհետ տրվելու է շատ ավելի փոքր թվով սովորողների:

Այսինքն` եթե նախկինում այդ հնարավորությունից օգտվել են 18-ից ավելի ՄՈԳ (միջին որակական գնահատական) ունեցողները եւ ուսման վարձը վճարել մինչեւ 20 տոկոսով պակաս, այժմ արդեն յուրաքանչյուր ֆակուլտետի համար սահմանվել են քվոտաներ:

ԵՊՀ բակում ուսանողները երեկ բողոքի ակցիա էին անցկացնում: Փոփոխության մասին նրանք իմացել են մոտ մեկ շաբաթ առաջ: Դրանից հետո հարցն առաջ են քաշել բուհ այցելած վարչապետ Կարեն Կարապետյանի հետ հանդիպման ժամանակ: Վերջինս խնդիրն ուսումնասիրելու եւ դիրքորոշում հայտնելու համար հինգ օր ժամանակ էր խնդրել: ԵՊՀ ուսանողներն armtimes.com-ի հետ զրույցում ասում էին, որ այդ ժամկետը լրացել է, բայց իրենք պատասխան չունեն, ինչի համար էլ հավաքվել են:

Հայտարարում էին, թե իրենց նպատակն է նաեւ հասնել այն բանին, որ առաջադիմության զեղչը շեշտվի բուհի կանոնադրության մեջ: Ու թերեւս դա ամրագրված չլինելու հանգամանքից օգտվելով էր, որ երբ սրանից մեկ շաբաթ առաջ ԵՊՀ լրատվական ծառայությունից փորձում էինք ճշտել մեր տեղեկությունը եւ հետաքրքրվում էինք, թե զեղչերի հետ կապված ինչ փոփոխություն է տեղի ունեցել, վճռական պատասխանում էին, որ ոչ մի: Ընդգծում էին, թե զեղչերը սահմանվում են կանոնադրությամբ, իսկ կանոնադրության մեջ ամեն ինչ նույնն է:

ՀՀ վարչապետ Կարեն Կարապետյանի խորհրդական Շուշան Սարդարյանը, պատասխանելով ուսանողների առաջ քաշած խնդրի վերաբերյալ մեր հարցին, ասաց. «Վարչապետի հանձնարարականի համաձայն՝ կրթության եւ գիտության նախարարությունը խնդիրն ուսումնասիրել է եւ պատասխանն ուղարկել ռեկտորատ: Հիմա համալսարանի ռեկտորատի հետ որոշ հարցեր են ուսումնասիրվում, որից հետո ես կարծում եմ, իրենք այդ մասին կներկայացնեն ուսանողությանը: Բովանդակային առումով տեղյակ չեմ, չեմ կարող ասել, քանի որ դա ուսումնասիրվում եւ առանձին կետեր քննարկվում են»:

Երեւանի պետական համալսարանի ռեկտոր Արամ Սիմոնյանը մեր զրույցում ասաց, թե նախարարի խնդրանքով հանդիպել է նրա հետ: Հանդիպմանը ներկա է եղել նաեւ վարչապետի խորհրդականը: Քննարկման արդյունքում որոշվել են, թե ինչ աղբյուրներից, ինչ չափով այդ գումարները պետք է հայթայթվեն: «Առաջիկա երկու օրը հաշվարկները կվերջացնենք, պատասխանը հստակ կտրվի: Որ պատասխանը լինելու է, միանշանակ է»,- ասաց նա: Աղբյուրներն, ըստ ռեկտորի՝ տարբեր են, հիմնականում համալսարանն ու կառավարությունը:

Գերազանցության զեղչը կրճատվել է այս կիսամյակից: Այսինքն` փետրվարից: ԵՊՀ ռեկտորի խոսքով՝ վճարովի ուսուցման համակարգում սովորողներից բարձր առաջադիմություն ունեն    1 446-ը: Նշված տողով զեղչ կիրառելու համար բուհը հատկացրել է տարեկան մոտ 126 միլիոն դրամ: Կրճատումն այդ գումարի կեսի չափով է, այսինքն` 63 միլիոն:

Արամ Սիմոնյանը, սակայն, նկատում է, որ գերազանցության զեղչի կիրառումը չի մտնում բուհի պարտավորությունների մեջ, ու դա ընդամենը բարի կամքի դրսեւորում է:

«Դա մեր բարի կամքն է եղել, բայց հիմա այդ գումարներն ահռելի են, որովհետեւ ավելացել են նաեւ ապրիլյան պատերազմի մասնակիցների, մարտական հերթապահության եւ այլնի համար կիրառվող զեղչերը: Մենք տարեկան կես միլիարդ դրամի միայն զեղչ ենք անում: Ես դրան պետք է ավելացնեմ այն, որ Երեւանի պետական համալսարանն իր երիտասարդ աշխատակիցների կուտակային հիմնադրամի սոցիալական վճարներն է իր վրա վերցրել: Հունվարի 1-ից նաեւ աշխատակիցների առողջության ապահովագրության համար է վճարում: Մոտավորապես 900 միլիոն դրամի սոցիալական ծրագրեր են իրականացվում: Դա մեր տարեկան բյուջեի մեկ տասներորդ մասն է: Դուք աշխարհում որեւէ համալսարան չեք գտնի, ես համոզված եմ, որ իր բյուջեի տասը տոկոսը սոցիալական ծրագրերին մղի: Դուք մոռանո՞ւմ եք, որ մենք բուհ ենք, ոչ թե սոցիալական ապահովության հիմնարկ: Բայց մենք անում ենք դա: Ավելին անելն անմիջապես կազդի մեր կրթական եւ գիտական գործունեության վրա: Արդեն իսկ ես կարող եմ ասել, որ ազդում է»,- ասաց ԵՊՀ ռեկտորը:

Դիտարկմանը, թե օրինակ ապրիլյան պատերազմի մասնակիցների ուսման զեղչերը փաստորեն իրականացվում են գերազանցիկ ուսանողների հաշվին, Արամ Սիմոնյանն արձագանքեց. «Համալսարանը, այո, կարեւոր է համարում մարտական հերթապահությունը, ապրիլյան պատերազմի մասնակիցներին զեղչ անելը, հետո մյուս կատեգորիաները»:

ԵՊՀ ռեկտորը չի կարծում, թե զեղչերի հնարավորության նվազեցումը կարող է բացասաբար անդրադառնալ սովորողների ուսման առաջադիմության վրա: «Վերջին հաշվով ուսանողը ինչո՞ւ է սովորում լավ եւ գերազանց, որ զեղչ ստանա՞, թե՞ սովորում է, որ լավ գիտելիքներ եւ հմտություններ ձեռք բերի»,- ասաց նա:

Այդուհանդերձ, գերազանցության զեղչից օգտվողների թիվը կարող է նորից մեծանալ: Այդ նպատակին կուղղվի ամենայն հավանականությամբ եւս 80 միլիոն դրամ: «Մենք դեռ հաշվարկներ ենք կատարում: Երկու օրից կավարտենք, կներկայացնենք կառավարություն, կառավարությունն ինքը որոշում կընդունի»,- տեղեկացրեց ռեկտորը:

Տպել
5468 դիտում

Երեւանում 28-ամյա երիտասարդը ինքնասպան լինելու համար նախ կտրել է նախաբազուկը, ապա 3 ածելի կուլ տվել

Մեկը գնում է ԿԳԲ, մեկը՝ միլիցիա, երրորդը՝ Արմենտել. Շիրազը կարմիր ասֆալտի երես չի տեսնի

Թող հավատի ջահը լուսավորի հայ ժողովրդի ուղին. Հռոմի պապը շնորհավորական ուղերձ է հղել Մխիթարյան միաբանությանը

Ես անպայման կզբաղվեմ, կպարզեմ ով է թեկնածուի նկատմամբ քաղաքական տեռոր անում. վարչապետ (տեսանյութ)

Վրաստանում ՀՀ քաղաքացին բռնվել է ոստիկանին կաշառք առաջարկելիս, պարտավորեցրել են 3000 լարի տուգանք մուծել

«Նուբարաշեն» քրեակատարողական հիմնարկի դատապարտյալի ծանրոցում հաբեր ու կաթոցիկ է հայտնաբերվել

Լևոն Արոնյանի կինը հեծանվով 1800 կմ տարածություն կանցնի Թուրքիայով եւ Իրանով դեպի Հայաստան

ՀՀ ԶՈՒ-երի,ՊԲ-ի կողմից իրավիճակը լիովին վերահսկվում է. Ն. Փաշինյանը՝ Արցախի դիրքերում (լուսանկարներ)

Հ. Աբրահամյանի եղբայրը գյուղի ձկնաբուծարանը սնուցող խողովակներն ապամոնտաժել, ուղղությունը փոխել է դեպի իր ձկնաբուծարան

«Հայկական գնդակից» սպանվել է Ադրբեջանի ԶՈւ զինծառայող, ԶԼՄ-ները հայտնում են եւս մեկ սպանվածի ու վիրավորի մասին

Վարչապետ Նիկոլ Փաշինյանն այցելել է Արցախի պաշտպանական դիրքեր

Լուսանկարների միջոցով ցուցադրվեց աղետալի հրդեհի պատճառով վերացած Սարյանի գործերը

Մենք պատրաստ ենք խաղաղ բանակցային գործընթացի, սակայն պատրաստ ենք նաեւ պատերազմի. վարչապետ (տեսանյութ)

Հետաձգել եմ Նյու-Յորք այցս՝ քվեարկելու, նոր մեկնելու համար. վարչապետը կքվեարկի ու կմեկնի ԱՄՆ

Քրեական հեղինակություն Չարբախցի Գեղամի մոտ լուրջ հիվանդություն է հայտնաբերվել. վիրահատությունը հետաձգվել է

Սեպտեմբերի 21-ին՝ Անկախության տոնին, զորահանդես չի լինելու, ծախսվելու է մոտ 100 մլն դրամ

Emmy 2018-ի հաղթողներն ու կարմիր գորգի աստղերը

Բակո Սահակյանը, Նիկոլ Փաշինյանն ու զինվորականները՝ արջերի ընկերակցությամբ Արցախում (տեսանյութ)

Երեւանում կբացվի սիրիահայերի ձեռքի աշխատանքների ցուցահանդես-վաճառք

Օլիգարխ ընտանիքից երիտասարդներ են ամուսնանում եւ որոշել են, որ իրենց նվերների` զարդերի գումարը փոխանցեն մեր հիմնադրամին