Փոփոխություններով դեպի հաղթանակ․ ՀՀ քաղաքական ուժերը ներկայացնում են իրենց կարգախոսները

Փոփոխություն, խաղաղություն, անվտանգություն, և իհարկե, հաղթանակ․ Հայաստանի քաղաքական ուժերն առաջիկա խորհրդարանական ընտրություններին իրենց կարգախոսներում հիմնականում հենց այս բառերն են շեշտադրում։

Հայաստանում ապրիլի 2-ին կայանալիք Ազգային ժողովի ընտրություններին մասնակցելու հայտ է ներկայացրել 9-ը քաղաքական ուժ, որոնցից 5-ը կուսակցություններ, 4-ը՝ կուսակցությունների դաշինքներ: Ընդհանուր առմամբ՝ առավելագույնը 198 պատգամավորական մանդատների համար կպայքարի մոտավորապես 1500 թեկնածու:

«Մենք կարող ենք», այսպիսի կարգախոս է ընտրել «Ազատ դեմոկրատներ» կուսակցությունը, որի համամասնական ցուցակում ընդգրկված է 101 անձ:  

«Ելք» դաշինքն ընտրել է «Ընտրություն, փոփոխություն, հաղթանակ» կարգախոսը։ Այս դաշինքի կազմում ներառված են «Քաղաքացիական պայմանագիր», «Լուսավոր Հայաստան» և «Հանրապետություն» կուսակցությունները, իսկ համամասնական ցուցակում ընդգրկվել է 120 անձ, որից 112-ը կառաջադրվեն նաև ռեյտինգային ցուցակներով:

«Ծառուկյան» դաշինքի համար «Փոփոխությունների և կառուցելու ժամանակն է»։ Դաշինքում ներգրավված են «Բարգավաճ Հայաստան», «Ալյանս» և «Առաքելություն» կուսակցությունները, իսկ համամասնական ցուցակում ընդգրկված է 187 անձ, որոնցից շուրջ 140-ը կառաջադրվեն նաև ռեյտինգային ցուցակներով:

«Կոնգրես-ՀԺԿ»՝ «Հայ ազգային կոնգրես» և «Հայաստանի ժողովրդական» կուսակցություններին միավորած դաշինքի կարգախոսն է «Խաղաղություն, հաշտություն, բարիդրացիություն»։ Դաշինքի կազմում ընդգրկված է 133 անձ։

«Նոր սկիզբ, արդար Հայաստան», այսպիսին է Հայ հեղափոխական դաշնակցության կարգախոսը, որի ցուցակում ընդգրկված է 170 անձ։

6-րդ գումարման Ազգային ժողովում հայտնվելու համար կպայքարեն նաև Հայաստանի կոմունիստական կուսակցության ներկայացրած 173 թեկնածուները՝ «Եթե հաղթի կուսակցությունը, կհաղթի ժողովուրդը. հայրենիք, աշխատանք, սոցիալիզմ» կարգախոսով։

«Առաջ, Հայաստան», «Հավատանք, որ փոխենք», «Դեպի ապահով Հայաստան» կարգախոսներից հետո այս անգամ Հայաստանի իշխող «Հանրապետական» կուսակցությունը որոշել է հանդես գալ «Անվտանգություն և առաջընթաց» կարգախոսով։

Ընտրությունների համամասնական ցուցակում 197 անձ ընդգրկած կուսակցության խոսնակ, Ազգային Ժողովի փոխնախագահ Էդուարդ Շարմազանովը հինգշաբթի երեկոյան կուսակցության գերագույն մարմնի նիստից հետո լրագրողների հետ զրույցում հայտարարեց, որ Հայաստանի համար շարունակում է առաջնահերթ մնալ անվտանգությունը:

«Անվտանգության ամրապնդումը յուրաքանչյուր քաղաքացու հուզող խնդիր է, և մենք` որպես պատասխանատու քաղաքական ուժ, պետք է պահպանենք և զարգացնենք մեր ազգային անվտանգությունը, որովհետև առանց ուժեղ անվտանգության համակարգի դժվար թե կարողանանք խոսել այլ որորտներում զարգացումների մասին»,­- ասել է Շարմազանովը:

Այս պահին, թերևս, ամենաշատ քննարկվածն ու քննադատվածը իշխող կուսակցության կարգախոսն է։

«Հայկական Վերածնունդ»-ի վերանվանված «Օրինաց երկիր» կուսակցությունն ընտրություններին կգնա «Քվեարկի՛ր հանուն վերածննդի» նշանաբանով և 136 հոգանոց ցուցակով։

«Օհանյան-Րաֆֆի-Օսկանյան» դաշինքն էլ, որում ընդգրկված են «Ժառանգություն» և «Համախմբում» կուսակցությունները և նրանց է միացել նաև ՀՀ պաշտպանության նախկին նախարար Սեյրան Օհանյանը, որը նաև դաշինքի համամասնական ցուցակի առաջին համարն է, որոշել է հանդես գալ «Ժառանգություն, համախմբում, հաղթանակ» կարգախոսով։ Դաշինքի նախընտրական ցուցակում ներառված է 148 անձ:

Սակայն քաղտեխնոլոգներն այնքան էլ չեն հավանում ընտրությունների մասնակիցների կարգախոսները։

«Անկեղծ ասած, այս պահին ես գրեթե չեմ հիշում որևէ կուսակցության կարգախոս, սա արդեն նշանակում է, որ դրանք լավը չեն»,-armtimes.com-ին ասում է քաղտեխնոլոգ Վիգեն Հակոբյանը՝ հավելելով, որ քաղաքական ուժերի մեծ մասը չի օգտագործում կարգախոսների ռեսուրսը։

«Չհիշվող կարգախոսները որևէ նոր բան չեն տալու։ Կարգախոսը պետք է լուծի առնվազն երկու խնդիր, ճանաչելի դարձնի բրենդը, առիթ տա, որ այդ բրենդը հոլովելով հաճախակի հիշեն նրանց, այս անգամ շատ քիչ են այդ խնդիրները լուծող կարգախոսները։ Գրեթե բոլորն այդ կարգախոսներում օգտագործում են փոփոխության մեսիջը և հենց այդտեղ է խնդիրը, այդ բառն արժեզրկվում է, քանի որ բոլորն են խոսում դրա մասին և այդ փոփոխություն բառը որևէ ձևով չի ասոցացվում կոնկրետ քաղաքական ուժի հետ»,-ասում է Հակոբյանը։

Քաղաքական եւ ընտրական տեխնոլոգիաների փորձագետ Արմեն Բադալյանն էլ նշում է, որ կարգախոսներն ընդհանուր առմամբ շատ բան չեն փոխում։

«Կարգախոսն ընդամենը երկու բառով արտահայտություն է, սակայն մինչև այդ կարգախոսին հասնելը դեռևս շատ քայլեր պետք է կատարվեն, երբ այդ քայլերը չեն կատարվում, այդ կարգախոսը դառնում է ընդամենը բառեր և այժմ քաղաքական ուժերի մոտ այդ կարգախոսները զուտ բառերի դերակատարություն ունեն և ոչ ավելին»,-armtimes.com-ին ասում է Արմեն Բադալյանը։

Տպել
4478 դիտում

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին