Հենրիխ Մխիթարյանը գավաթային 16 եզրափակիչներից մասնակցել է միայն 6-ին եւ նվաճել 11 տիտղոս

Հենրիխ Մխիթարյանը «Մանչեսթեր Յունայթեդում» անցկացրած ոչ ամբողջական 1 մրցաշրջանի ընթացքում նվաճեց արդեն 2-րդ տիտղոսը՝ Անգլիայի սուպերգավաթին ավելացավ Անգլիայի լիգայի գավաթը, բայց հայ ֆուտբոլիստը այդ 2 եզրափակիչներում անցկացրել է ընդհանուր առմամբ ընդամենը 1 րոպե: 28-ամյա հայ ֆուտբոլիստը 18-րդ տիտղոսը նվաճեց. մինչ այժմ Մխիթարյանը  «Փյունիկի» կազմում 4 անգամ դարձել է Հայաստանի չեմպիոն, 2 անգամ՝ Հայաստանի սուպերգավաթակիր, 1 անգամ էլ Հայաստանի գավաթակիր, Դոնեցկի «Շախտյորի» հետ միասին 3-ական անգամ նվաճել է Ուկրաինայի չեմպիոնի եւ գավաթակրի կոչումները, 1-անգամ էլ դարձել Ուկրաինայի սուպերգավաթակիր, Դորտմունդի «Բորուսիայի» կազմում 2 անգամ նվաճել է Գերմանիայի սուպերգավաթը եւ վերջապես «Մանչեսթեր Յունայթեդի» հետ նվաճել Անգլիայի սուպերգավաթը եւ լիգայի գավաթը:

Եթե ավելացնենք նաեւ Մխիթարյանի անհատական մեծ քանակի նվաճումները, որոնցից հատկապես նշանակալի են Հայաստանի, Ուկրաինայի, Գերմանիայի լավագույն ֆուտբոլիստի, Հայաստանի ազգային հավաքականի, Ուկրաինայի առաջնությունների պատմության լավագույն ռմբարկուի կոչումները եւ վերջապես ՅՈՒՆԻՍԵՖ-ի բարի դեսպանի՝ աշխարհում շատ քիչ մարզիկներին բաժին հասնող կոչումը, ապա կարելի է արձանագրել, որ Հենրիխ Մխիթարյանը ոչ միայն հայկական սպորտի, ֆուտբոլի մեծագույն աստղերից է, այլեւ ամենահաջողակ մարզիկներից մեկը Հայաստանի պատմության մեջ: Բայց հետաքրքիր է, որ հատկապես գավաթային եզրափակիչները հաշվի առնելով՝ Մխիթարյանին կարելի է համարել ամենաանհաջողակ ֆուտբոլիստներից: Ընդհանուր առմամբ Մխիթարյանի թիմերը գավաթային 16 եզրափակիչներ են անցկացրել, որոնցից Հենրիխը տարբեր պատճառներով (վնասվածք, վատ մարզավիճակ) ամբողջապես մասնակցել է ընդամենը 6-ին, բայց նվաճել է 11 տիտղոս:

Դեռեւս Հայաստանում հանդես գալու տարիներին Մխիթարյանը թեեւ նվաճել է գավաթային 3 տիտղոս, բայց մասնակցել է 2 եզրափակիչ խաղի: 2007 թվականին Հայաստանի սուպերգավաթի համար խաղում չեմպիոն «Փյունիկը» 2-1 հաշվով հաղթել է գավաթակիր «Միկային», եւ 18 - ամյա Մխիթարյանը ամբողջական հանդիպում է անցկացրել: 2008-ին Մխիթարյանը «Փյունիկի» հետ կրկին նվաճել է Հայաստանի սուպերգավաթը, բայց եզրափակիչին չի մասնակցել: 2009 թվականի մայիսի 9-ին Մխիթարյանի խփած միակ գոլի շնորհիվ «Փյունիկը» նվաճել է Հայաստանի գավաթակրի կոչումը:

1 ամիս անց՝ 2009 թվականի հունիսին Հենրիխը տեղափոխվում է Դոնեցկի «Մետալուրգ» եւս 1 տարի անց՝ Դոնեցկի «Շախտյոր». Ուկրաինայում անցկացրած 4 տարիների ընթացքում Հենրիխի թիմերը 4 անգամ մասնակցել են Ուկրաինայի գավաթի, 2 անգամ էլ՝ սուպերգավաթի եզրափակիչներին: Այդ 6 խաղերից Մխիթարյանը ընդամենը 3 ամբողջական հանդիպում է անցկացրել: Ընդ որում, առաջին 2 եզրափակիչները անհաջող են եղել հայ ֆուտբոլիստի համար. նախ «Մետալուրգի» կազմում Մխիթարյանը պարտվել է Ուկրաինայի գավաթի եզրափակիչում, 1 տարի անց էլ «Շախտյորի» կազմում  պարտվել է Ուկրաինայի սուպերգավաթի խաղում: Նույն «Շախտյորը» 3 մրցաշրջաններում անընդմեջ՝ 2011-13թթ., նվաճել է երկրի գավաթը. Մխիթարյանը այդ եզրափակիչներից առաջինում փոխարինման է մտել խաղավարտից 10 րոպե առաջ, 2-րդում՝ փոխարինվել է խաղասկզբից 1 ժամ անց, ամբողջական հանդիպում է անցկացրել 3-րդ եզրափակիչում: Մխիթարյանը մասնակցել է 2012 թվականի Ուկրաինայի սուպերգավաթի «Շախտյոր» - «Մետալուրգ» (2-1) ամբողջ խաղին:

2014-16 թվականներին Մխիթարյանը հանդես էր գալիս գերմանական «Բորուսիա» (Դորտմունդ) թիմի կազմում, եւ այդ ընթացում «Բորուսիան» մասնակցել է 5 եզրափակիչների (3 անգամ գավաթ, 2 անգամ՝ սուպերգավաթ): Հաղթական են եղել սուպերգավաթի համար 2 խաղերն ել, ընդ որում Մխիթարյանը մասնակցել է դրանցից միայն 1-ին: Գերմանիայի գավաթի անհաջող 3 եզրափակիչներից 2-ին Մխիթարյանը մասնակցել է ամբողջությամբ, 1 խաղում էլ փոխարինվել է 60-րդ րոպեին:

Եվ վերջապես Անգլիա՝ «Մանչեսթեր Յունայթեդ» տեղափոխվելուց հետո Հենրիխ Մխիթարյանը սուպերգավաթի հաղթական խաղում փոխարինման է մտել խաղի վերջին րոպեին, իսկ Անգլիայի լիգայի գավաթի եզրափակիչին չի մասնակցել վնասվածքի պատճառով: Ավելացնեմ, որ Անգլիայի լիգայի ընթացիկ խաղարկությունում Մխիթարյանը մասնակցել է «Մանչեսթեր Յունայթեդի» անցկացրած 6 հանդիպումներից 3-ին, դարձել 3 գոլային փոխանցումների հեղինակ:

Տպել
1607 դիտում

Փաշինյանը իրականացրել է նախընտրական քարոզչություն` աշխատանքային ժամին. ՀՀԿ շտաբ

Վթար Կիևյան և Մոնթե Մելքոնյան փողոցների խաչմերուկում, բախվել է 5 մեքենա. կան տուժածներ

ԼՂ հակամարտությունում մարդկանց իրավունքներն ու անվտանգությունը առաջնահերթություններ են. ԱԳ նախարար

Դավիթ Տոնոյանը ժամանել է Քեմփ Մարմալ ռազմաբազա, որտեղ ծառայում են հայ խաղաղապահները

Պեկինում տեղի է ունեցել «Նոր Հայաստանը եւ նրա տարածաշրջանային կարեւորությունը» թեմայով գիտաժողով

Եռագույն փողկապն աղքատությունն ու արտագաղթը չի վերացնում, գնաճը շարունակվում է. Շարմազանովը՝ վարչապետին

Նոյեմբերի 20-ի դրությամբ համաներմամբ ազատ է արձակվել 501 դատապարտյալ

Եւ մի տանիր զմեզ ի փորձություն ...

Տեղի կունենա մոմավառություն՝ ի հիշատակ բալետի արտիստ Վահագն Մարգարյանի

Քրտնաջան և թափանցիկ աշխատանքի ակնկալիքով. քաղաքապետը ներկայացրել է Քանաքեռ-Զեյթունի նոր ղեկավարին

էրեբունու զանգվածային անկարգությունների գործով ինքնակամ ներկայացած անձը Մասիսի սպորտդպրոցի տնօրենն է

Ոստիկանները Շենգենյան վիզայի կեղծման դեպք են բացահայտել. վիզան 6500 եվրո է արժեցել (տեսանյութ)

Ժողովուրդ ջան, հավատացե՛ք Նիկոլ Փաշինյանին, քանի դեռ ինքը հակառակը չի ապացուցել. Արփինե Հովհաննիսյան

Երևանի քաղաքապետը խոստացել է օգնել նախադպրոցական կրթության մոդելի կիրառման հարցում

Երևանի հ. 48 մանկապարտեզի տնօրենը կարգապահական տույժի է ենթարկվել (լուսանկար)

Վերսկսվել է «Բերդ» բնակելի շենքի կառուցապատումը

Ողբերգական վթարից մահացած Հրանտ Գասպարյանի ծնողները խնդրում են կրտսեր որդուն վաղաժամկետ զորացրել

Մոլորված ու Ադրբեջանում հայտնված Կ. Ղազարյանին դատարանում ահաբեկիչ են որակել (լուսանկարներ)

ՎՏԲ-Հայաստան Բանկը և «ՌԵՍՈ» ընկերությունը առաջարկում են իրենց հաճախորդներին «Ապահով հանգիստ» ապահովագրական փաթեթը

Մեղադրանքները Կ. Հարությունյանի հիվանդ երեւակայության արդյունքն են. ԱԺ-ն պատասխանում է աշխատակցի բողոքին