Վերսկսվում է Հայաստանի բարձրագույն խմբի 2016-17 մրցաշրջանը

Արտասահմանյան հավաքներ անկացնող հայկական բոլոր ֆուտբոլային թիմերն արդեն վերադարձել են Հայաստան, եւ ՀՀ բարձրագույն խմբի առաջնության բոլոր 6 մասնակիցները պատրատ են 2016-17 մրցաշրջանի գարնանային հատվածին: Այն մեկնարկում է մարտի 4-ից:

Առաջնության միանձնյա առաջատար «Շիրակը» բավական հագեցած նախապատրաստական փուլ անցկացրեց: Թիմը մարզումները վերսկսել է հունվարի 7-ից: Հայաստանյան հավաքի ընթացքում առաջին ստուգողական խաղում 0:1 հաշվով պարտվել է «Բանանցին», ապա 2 ոչ-ոքի խաղացել նախ «Գանձասար-Կապանի» (2:2), ապա «Փյունիկի» (1:1) հետ:

Թուրքիայի Բելեկ քաղաքում անցկացրած հավաքի ընթացքում գյումրեցիները 5 հանդիպում են անցկացրել: Ուզբեկական «Նեֆչիի» դեմ 1-ին խաղն ավարտվել է 1:1 հաշվով: Հաջորդ խաղում թիմը պարտվել է ուկրաինական «Ալեքսանդրիային» (0:1): 3-րդ խաղում «Շիրակը» 3 անգամ գրավել է Բելառուսի մինչեւ 19 տարեկանների հավաքականի դարպասը՝ սեփականը պահելով անառիկ, այնուհետեւ 2:0 հաշվով հաղթել է Թուրքմենստանի գործող չեմպիոն «Ալտին Ասիրին»: Հավաքի վերջին խաղում «Շիրակը» 1:0 հաշվով հաղթել է «Զարյային»:

Գործող չեմպիոն «Ալաշկերտը» նույնպես հագեցած ծրագրով  է պատրաստվել մրցաշրջանի 2-րդ հատվածին: Թիմը մարզումները վերսկսել է հունվարի 8-ին: Երեւանյան հավաքի ընթացքում չեմպիոնը ոչ-ոքի է խաղացել «Գանձասար-Կապանի» հետ (1:1): Այնուհետեւ 2 արտասահմանյան հավաք է անցկացրել նախ Թուրքիայում, ապա ԱՄՆ-ում: Թուրիքայում Արամ Ոսկանյանի ֆուտբոլիստները 1-ին խաղում պարտվել են ռուսական «Տոսնոյին», 2-րդ խաղում ոչ-ոքի են խաղացել սերբական «Նապրեդակի» հետ, 3-րդ խաղում թիմը պարտվել են ղազախական «Իրտիշին» (0:1), ապա 2:0 հաշվով հաղթել են Ուզբեկստանի հավաքականին: Թուրքիայի հավաքի վերջին խաղում թիմը պարտվել է ղազախական «Ակժայիկին» (0:3):

Հետո թիմը մեկնել է ԱՄՆ, որտեղ նախ պարտվել է «Լոս Անջելես Գելեքսիին» (0:2), ապա «Վենթուրա Քաունթի Ֆյուժնին» (0:1), իսկ վերջին խաղում ՀՀ հավաքականի նախկին հարձակվող Յուրա Մովսիսյանի «Ռեալ Սոլթ Լեյքի» (1:2): «ՌՍԼ»-ի կազմում գոլերից մեկը խփել է հենց Մովսիսյանը:

«Փյունիկը» սկսել է մարզվել հունվարին 9-ին: Երեւանյան հավաքի ընթացքում Արտակ Օսեյանի թիմը հաղթել է «Արարատին» (2:1), հետո ոչ-ոքի խաղացել «Շիրակի» հետ (1:1): Այնուհետեւ թիմը մեկնել է Կիպրոս: 1-ին խաղում ոչ-ոքի է խաղացել «Կրասնոդարի» երիտասարդական թիմի հետ (2:2), 2-րդ խաղում՝ «Լոկոմոտիվի» երիտասարդական թիմի հետ (3:3): Վերջին խաղում «Փյունկը» պարտվել է լատվիական «ՌՖՍ»-ին:

«Գանձասար-Կապանը» նույնպես մարզումները սկսել է հունվարի 9-ից: Հայաստանյան հավաքի ընթացքում թիմը ոչ-ոքի է խաղացել «Ալաշկերտի» (1:1) եւ «Շիրակի» (2:2) հետ, այնուհետեւ մեկնել է Կիպրոս: Այնտեղ 0:0 է խաղացել լատվիական «Վենտսպիլսի» հետ, պարտվել է լիտվական «Ատլանտասին» (1:3) եւ լեհական «Վիգրին» (0:4): Վերջին խաղում ոչ-ոքի է  խաղացել Մոսկվայի «Սպարտակի» երիտասարդական թիմի հետ (1:1):

«Բանանցը» բոլորից շուտ է սկսել նախապատրաստվել մրցաշրջանի 2-րդ հատվածին՝ հունվարի 4-ից: Երեւանյան հավաքի ընթացքում թիմը հաղթել է «Շիրակին» (1:0), ապա մեկնել Ռուսաստան: Այնտեղ 1:3 հաշվով նախ պարտվել է «Չերնոմորեցի», ապա նույն հաշվով՝ «Տամբովին»: 2-րդ արտասահմանյան հավաքը թիմն անցկացրել է Թուրքիայում: Այնտեղ  պարտվել է ղազախական «Կայսարին» (0:2), «Ալթին Սարին» (1:2), ոչ-ոքի է խաղացել մոլդովական «Սֆինտուլ Գեորգեի» հետ (1:1), հաղթել է Յուրմալայի «Սպարտակին» (2:0) եւ Տուլայի «Արսենալի» երիտասարդական թիմին (1:0):

«Արարատը» միակ թիմն էր, որ արտասահմանյան հավաք չանցկացրեց: 1-ին սուգողական խաղում թիմը հաղթեց «Ալաշկերտ 2»-ին (4:0), հետո պարտվեց «Փյունիկին» (2:1), այնուհետեւ 0:1 հաշվով զիջեց ռուսական «Արմավիրին»:

17 տուրերից հետո մրցաշարային աղյուսակը միանձնյա գլխավորում է «Շիրակը» (34 միավոր): Նրան հաջորդում է «Ալաշկերտը» (30): «Փյունիկը» 3-րդն է (27): 27 միավոր ունի նաեւ «Գանձասարը», սակայն «Փյունիկին» զիջում է լրացուցիչ ցուցանիշներով եւ 4-րդն է: 5-րդ տեղում «Բանանցն» է (16), իսկ մրցաշարային աղյուսակը եզրափակում է «Արարատը» (6):

18-րդ տուրում տեղի են ունենալու հետեւյալ հանդիպումները.

«Արարատ»-«Շիրակ»

«Գանձասար-Կապան»-«Փյունիկ»

«Բանանց»-«Ալաշկերտ»

Եղանակային պայմանների պատճառով «Արարատն» իր առաջիկա տնային հանդիպումն անցկացնելու է «Բանանց-3» մարզադաշտում, իսկ «Արարատը»՝ ՀՖՖ տեխնիկական կենտրոնում, սակայն մրցաշրջանի ընթացքում «Գանձասարի» տնային մարզադաշտը լինելու է Վազգեն Սարգսյանի անվան «Հանրապետական» մարզադաշտը, իսկ «Արարատինը Ֆինանսների նախարարության մարզադաշտը (նախկին «Միկա»):