Երևան
13 °C
Հայաստանի տնտեսության մեջ ներդրումներ ներգրավելու գործընթացը ոչ մի կերպ տեղից չի շարժվում: Եվ դա՝ չնայած այն բանին, որ մեր պաշտոնյաները բոլոր պատեհ ու անպատեհ առիթներով խոսում են այդ մասին:
Հիմնական «շոգեքարշը», իհարկե, ՀՀ վարչապետ Կարեն Կարապետյանն է, որին պետք է արժանին մատուցել իր համբերատարության ու համառության համար: Թվերը արդեն բոլորը անգիր գիտեն: Սեղանին դրված են 3.2 միլիարդ դոլարի ներդրումային ծրագրեր, որից 800-850 միլիոն դոլարի ներդրումը այս տարվա ընթացքում վարչապետը գնահատում է իրականանալի: Իսկ ընդհանրապես քննարկման փուլում են 5.3 միլիարդ դոլարի ներդրումային ծրագրեր...: Դժվար է հաշվել, թե արդեն քանի անգամ է վարչապետը ներկայացրել այս թվերը, բայց որ էլի բազում անգամ կասի, թերեւս կասկածից վեր է: Երեկ էլ վարչապետը այս մասին ասում էր արտաքին գործերի նախարարության կենտրոնական ապարատի, ՀՀ դիվանագիտական ներկայացուցչությունների եւ հյուպատոսական հիմնարկների ղեկավարների հավաքի ժամանակ: «Չափազանց կարեւորում ենք ձեր աշխատանքը, որովհետեւ արտաքին աշխարհը շատ դեպքերում մեր երկիրը ճանաչում է ձեր միջոցով: Մեծ է ձեր դերակատարությունն արտերկրում Հայաստանի՝ որպես գործարարությամբ զբաղվելու եւ ներդրումներ իրականացնելու, մեր ընկերությունների շահերն առաջ մղելու, ՀՀ ներդրումային հնարավորությունների եւ պայմանների մասին տեղեկատվությունն օտարերկրյա ներդրողներին առավել հասանելի դարձնելու գործում»,- ասել է վարչապետը հավաքի ժամանակ:
Ըստ վարչապետի, դիվանագիտական կորպուսը պետք է առավել գործուն եւ ակտիվ ներկայացնի Հայաստանի ներդրումային հնարավորությունները: «Եկեք մենք ուղղակի թեւերներս քշտենք, սկսենք աշխատել»,- ասել է վարչապետը: Նրա այս հորդորի մեջ ոչ մի տարօրինակ բան չկա: Տարօրինակը թերեւս այն է, թե ում է ուղղում իր հորդորը վարչապետը: Քանի դեսպան կարող ենք գտնել մեր դիվանագիտական կորպուսում, որ կարող է ներդրողների հետ քննարկել Հայաստանում որեւէ բիզնեսի մեջ ներդրում անելու վերաբերյալ հարցեր: Նախ դա բավականին մասնագիտական նրբություններ ունի: Եթե խոսքը ընդհանուր ներդրումային միջավայրի մասին է, ապա պոտենցիալ ներդրողները դեսպաններից չէ, որ պետք է դա իմանան: Կարելի է պարզապես «գուգլել» եւ իմանալ, թե ինչ պլպլան տեղեր ենք գրավում տարատեսակ դուինգբիզնեսներում: Իսկ այն, թե ինչու նման փայլուն ցուցանիշներ ունեցող Հայաստանում օտարերկրյա ներդրումների ծավալները գրեթե զրոյական են, դեսպանները բացատրել հաստատ չեն կարող: Բացի դրանից, մեր դեսպանների մեծ մասին չի էլ հետաքրքրում` ներդրումներ կլինեն մեր տնտեսության մեջ, թե ոչ: Նրանք ավելի շատ մտահոգված են իրենց անձնական բիզնեսներով, շոփինգներով եւ այլն:
Տեսականորեն այդ հարցը լուծելու տարբերակներից մեկը դեսպանատներում տնտեսական կցորդ ունենալն է: Բայց դա նախ բավականին թանկ հաճույք է, պահանջում է նեղ մասնագիտացում, եւ երկրորդ, չկա որեւէ երաշխիք, որ այլ երկրներ ուղարկվող այդ կցորդները կզբաղվեն իրենց պարտականություններով եւ ոչ թե կտրվեն իրենց անձնական գործերին: Վարչապետն էլ թերեւս այդպես է մտածում. «Ես համարել եմ դա ոչ արդյունավետ»,- երեկ անդրադառնալով այդ հարցին՝ ասել է վարչապետը:
Ի դեպ, երեկ վարչապետը կրկին ներդրումների ոլորտին առնչվող խորհրդակցություն է անցկացրել: Այս դեպքում քննարկվել է կոնկրետ ներդրումային ծրագիր` Գյումրիի Կումայրի պատմական կենտրոնի զարգացման շուրջ: Սա այն ներդրումային ծրագիրն է, որի իրականացման հիմնադրամում իր անձնական միջոցներից ներդրում անելու վերաբերյալ հայտարարել է վարչապետը: Իր օրինակով նա փորձում է «շախի քցել» այլ ներդրողների, սակայն նույնիսկ այս դեպքում ինչ- որ բան չի ստացվում: «Կարեն Կարապետյանը պատասխանատուներին հանձնարարել է շարունակել ակտիվ աշխատանքը հիմնադրամում ներդրումների ներգրավման շուրջ, սեղմ ժամկետում ավարտին հասցնել եւ ներկայացնել ենթակառուցվածքների զարգացման նախագիծը»,- նշված է այդ աշխատանքային խորհրդակցության վերաբերյալ տարածված պաշտոնական հաղորդագրության մեջ: Այսինքն նույնիսկ այս ծրագրում, որը բավական իրական է գնահատվում, ներդրողներ ներգրավելու խնդիր կա, էլ ուր մնաց այլ ծրագրերի համար ներդրող գտնելու հեռանկարը:
Ինչ վերաբերում է կառավարության հավանությանը արժանացած ծրագրերին, դրանց մեջ, իհարկե, կան ուշադրության արժանի, գոնե նախնական ուսումնասիրությամբ ներդրումների համար գրավիչ բիզնեսներ: Սակայն կան այնպիսիք, որոնք, մեղմ ասած, տարակուսանք են առաջացնում: Ինչպես իր ֆեյսբուքյան էջում գրել էր տնտեսագետ Մեսրոպ Առաքելյանը, «Ո՞նց կարելի է առաջարկել Երեւանում կառուցել 90 մլն դոլարանոց մոլլ կամ 750 մլն դոլարանոց հիվանդանոց»:
Բայց խնդիրը նույնիսկ դա էլ չէ: «Փորձում ենք կոտրել այն կարծրատիպը, թե Հայաստանում ներդրում անելու տեղ չկա, փող աշխատելու տեղ չկա, շահույթ չկա... »,- երեկ դիվանագետների հետ հանդիպմանը ասել է վարչապետը: Ինչպես են փորձում «կոտրել»: Գուցե այդտե՞ղ է հիմնական խնդիրը: Կարո՞ղ է արդյոք կոտրվել այդ կարծրատիպը մի երկրում, որը Համաշխարհային բանկի զեկույցների համաձայն՝ ամենամոնոպոլիզացված տնտեսությունն ունի նախկին ԽՍՀՄ եւ մեր տարածաշրջանի երկրների ցանկում: Մի երկիր, որտեղ մի քանի օլիգարխներ բառացիորեն տնտեսական «բեսպրեդելշիկներ» են ու հիմա ռեյտինգային ցուցակներում են: Նրանք իրենց ու իշխող կուսակցությանը «ձայն բերելու» համար առաջիկա մեկ ամսվա ընթացքում մեծ փողեր են բաժանելու որպես ընտրակաշառք: Իսկ հետո պետք է այդ փողերը կրկնակի ու եռակի չափով հետ բերեն: Հետ բերեն այն տնտեսությունից, որտեղ մենք ներդրումներ ենք ակնկալում: Բա սա միամտություն չէ՞:
Սյունիքի մարզում դատավոր է նշանակվել
Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները
Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում
Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում
Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)
Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք
«Երևան ավտոբուս» ընկերության տնօրենն աշխատանքից ազատման դիմում է ներկայացրել
Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում
Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին
Կարեն Գիլոյանը հետևել է հեծանվուղու և մարզադպրոցի կառուցման աշխատանքներին
Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը
Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ
Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել
Երբ է սպասվում դեղձենու մասսայական ծաղկումն Արարատյան դաշտում
«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին
Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է
Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ
Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում
Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է
Լեհաստանը զորքեր կուղարկի Ֆրանսիա
Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները
Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ
Այրվել է վագոն-տնակ՝ ներսում եղած իրերով
Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը
Երևանի և 2 մարզի որոշ հասցեներ մի քանի ժամով կհոսանքազրկվեն
Բախվել են «Նիսսան» և «ՎԱԶ» մակնիշի ավտոմեքենաներ
Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ
Քարաթափում Արարատի մարզում. ճանապարհը դարձել է միակողմանի երթևեկելի
Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել
ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին
Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)
Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը
ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան
Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին
Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր
Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան
Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ
Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են
ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն
Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ
© 2024 Հայկական ժամանակ