Ինքնիշխանության հարց. ՌԴ սահմանապահներն ընդդեմ ՀՀ-ի

08/03/2017 schedule14:26

Հաճախ ճանապարհորդող մեր հայրենակիցների ու հանրապետության հյուրերի համար գաղտնիք չէ, որ «Զվարթնոց» միջազգային օդանավակայանում մեկնող եւ ժամանող քաղաքացիների անձնագրային ստուգումները հաճախ Հայաստանի Հանրապետության Ազգային անվտանգության ծառայության սահմանապահների փոխարեն իրականացնում են Ռուսաստանի Դաշնության՝ մեր երկրում գտնվող անվտանգության դաշնային ծառայության (ФСБ) սահմանապահները: Որքան էլ Ազգային անվտանգության ծառայությունից պնդում են, որ հանրապետության գլխավոր օդային դարպասում ռուսաստանցի սահմանապահները ծառայություն են իրականացնում Հայաստանի Հանրապետության եւ Ռուսաստանի Դաշնության միջեւ 1992 թվականին ստորագրված «Հայաստանի Հանրապետության տարածքում գտնվող Ռուսաստանի Դաշնության սահմանապահ զորքերի կարգավիճակի ու նրանց կենսագործունեության պայմանների մասին» պայմանագրով, իրականությունն այլ է:

Պայմանագիրը

1992 թվականի նշված պայմանագրի ուսումնասիրությամբ պարզ է դառնում, որ չկա այնպիսի մի դրույթ, որը Ռուսաստանի Դաշնության անվտանգության դաշնային ծառայության սահմանապահ զորքերին իրավունք կտար որեւէ ծառայություն իրականացնել Հայաստանի որեւէ օդանավակայանում: Փոխարենը, պայմանագրի 3-րդ հոդվածում հստակ ամրագրված է, որ «Թուրքիայի եւ Իրանի հետ սահմանի պահպանության հետ չկապված այլ խնդիրների կատարմանը (բացառությամբ տարերային աղետների, վթարների եւ այլ աղետների վերացման աշխատանքների) Ռուսաստանի Դաշնության սահմանապահ զորքերը չեն ներգրավվում»: Անգամ ավելին: Նույն պայմանագրի 6-րդ հոդվածն ասում է «Ռուսաստանի Դաշնության սահմանապահ զորքերը սահմանն անցնելու կանոնակարգերը սահմանող օրենսդրական գործող ակտերին համապատասխան մարդկանց, փոխադրամիջոցների, բեռների, ապրանքների եւ այլ իրերի բացթողումը իրականացնում են Թուրքիայի եւ Իրանի հետ Հայաստանի Հանրապետության սահմանի վրա գտնվող անցումային կետերով»:

Ուշադրություն դարձրեք, որ խոսքը բացառապես Թուրքիայի եւ Իրանի սահմանների անցակետերի մասին է, եւ որեւէ խոսք չկա օդակայաններում գործող անցակետերի մասին: Այսինքն, Հայաստանի Հանրապետության ազգային անվտանգության ծառայությունը եւ Ռուսաստանի Դաշնության անվտանգության դաշնային ծառայությունը համատեղ խախտում են հայ-ռուսական միջպետական պայմանագրերն ու Հայաստանի Հանրապետության օրենսդրությունը: Մեր ընթերցողների համար նորություն չէ, թե ինչպես են Հայաստանի ԱԱԾ-ում վերաբերում օրենքներին եւ այլ իրավական նորմերին: Եվ եթե անգամ Հայաստանի իրավապահ մարմինը չի հարգում 1992 թվականի պայմանագիրը, ապա Ռուսաստանի ԱԴԾ-ն դա առավել եւս չի անի:

Նախապատմությունը

Շուրջ 25 տարի առաջ Հայաստանը նորանկախ պետություն էր, որը, մեղմ ասած, խնդիրներ ուներ անվտանգության հետ: Երկրի բոլոր հնարավոր ուժային ռեսուրսները կենտրոնացած էին ադրբեջանական ռազմաճակատում: Ըստ այդմ, 1992 թվականի սեպտեմբերի 30-ին ստորագրվեց սահմանապահների մասին հայ-ռուսական համաձայնագիրը, համաձայն որի, Թուրքիայի եւ Իրանի հետ սահմանները ժամանակավոր վերահսկելու էին դաշնակից Ռուսաստանի սահմանապահ զորքերը։ Ժամանակի ընթացքում Հայաստանը պետք է իր իրավասության տակ վերցներ սահմանի վերահսկողությունը: Սակայն անկախությունից ու սահմանապահ զորքեր ստեղծելուց անգամ քառորդ դար անց հայ-թուրքական եւ հայ-իրանական սահմաններին տեղակայված են ռուսական սահմանապահ ուժեր: Միեւնույն ժամանակ, վերջիններս իրականացնում են անգամ «Զվարթնոց» օդակայանով մեկնող ու ժամանող քաղաքացիների անձնագրային ստուգման գործառույթի մի մասը, ինչը, ինչպես տեսանք, հակասում է համաձայնագրին։

1994 թվականին Հայաստանի իշխանությունները փորձեցին «Զվարթնոցից» դուրս հրավիրել ռուսաստանցի սահմանապահներին: Սակայն Ռուսաստանի Անվտանգության դաշնային ծառայությունը հրաժարվեց լքել օդակայանը, իսկ Հայաստանի իշխանությունները չգնացին սահմանապահներին օդակայանից ուժով հանելու ճանապարհով: Այժմ «Զվարթնոցում» քաղաքացիների բացթողումն իրականացնող սահմանապահների մի մասը ՀՀ ԱԱԾ աշխատակից են, մի մասը՝ ՌԴ ԱԴԾ: Ընդ որում, ծառայություն իրականացնող ռուսաստանցի սահմանապահների մի մասը ազգությամբ հայ է, մի մասը՝ ռուս: Արդյունքում, Հայաստան ժամանողների եւ երկրից մեկնողների մի մասի անձնագրային ստուգումը «Զվարթնոցում» իրականացվում է ռուսերեն, քանի որ ռուսները հայերենի չեն տիրապետում:

Պետականությունը

Տասնամյակների ընթացքում հայտնի են ռուսաստանցի սահմանապահների կողմից կատարված բազմաթիվ հանցագործություններ՝ սկսած 1999 թվականին Գյումրիում պատահական անցորդների վրա կրակելուց (եւ երկուսին սպանելուց) ու Վալերի Պերմյակովին Հայաստանի ոստիկանների քթի տակից փախցնելուց, մինչեւ Զարուհի Փոստանջյանի տեսախցիկը կոտրելը ու քաղաքացիների անձնական տվյալների արտահոսքը: Այս հարցը, սակայն, խնդիր է ոչ միայն իրավական դաշտում: Հայաստանում ռուսաստանյան սահմանապահ զորքերը, եւ մասնավորապես «Զվարթնոցում» դրանց գտնվելը, ուղղակի մարտահրավեր է Հայաստանի պետականությանը: Եթե Հայաստանը անկախ պետություն է, ապա միմիայն հայաստանցի սահմանապահները պետք է ստուգեն երկիր մտնողների ու լքողների անձնագրերը: Հակառակ դեպքում հարց է առաջանում, թե «Զվարթնոցից» ու Մեղրիից Հայաստան մտնող-ելնողները Հայաստանի՞, թե՞ Ռուսաստանի պետական սահմանն են հատում:

Դանիել Իոաննիսյան

Տպել
2751 դիտում

ԱՄՆ-ն մտադիր է կայունացնել իրավիճակը Լիբանանում եւ ուժեղացնել Սաուդյան Արաբիայի ՀՀՊ-ն

«Շանթ» հ/ը հաղորդումներն առանց թույտվության ցուցադրելու փաստով առաջադրվել է մեղադրանք

Շփման գծում հարաբերական հանգիստ օպերատիվ իրադրությունը մնացել է անփոփոխ. ՊԲ

ՀՀ երկու քաղաքացիներ փորձել են ապօրինի մեծ քանակությամբ ծխախոտ տեղափոխել Վրաստան

ԱՄՆ-Թուրքիա՝ վտանգավոր փակուղի. Էրդողանը մեղադրել է Վաշինգտոնին Դաեշ-ին աջակցելու մեջ

ՀՀ-ն, սփյուռքն ու Արցախը պետք է միասնական կարողանան կյանքի կոչել դարավոր իղձերը. պնախարար

Կոտայքի քոլեջի տնօրենը երկրից ու դասերից 3 տարի բացակայող ազգականին տրամադրել է դիպլոմ

25 տարվա ընթացքում առաջին անգամ Նիդերլանդների սենատի նախագահը Հայաստանում է

Լոնդոնը մեղադրել է Փարիզին եւ Բեռլինին Brexit-ի բանակցություններն արգելակելու մեջ

Դի-Կապրիոն,Թոմ Հենքսը, Քլոե Քարդաշյանը եւ այլք`«Հայաստանի մանուկներ»-ի այս տարվա աջակիցներ

Լավրովի այցից առաջ. ռուս փորձագետները խոսում են ԼՂ հակամարտության անլուծելի լինելու մասին

«Ժամանակ». 1000 դրամները չեն հասնում շահառուներին. հիմնադրամի շուրջ աղմուկ է հասունանում

«Ժողովուրդ». Տարոն Մարգարյանն իրեն ու իր տեղակալներին պարգեւատրել է

Մոսկվան հակամարտությունների միջոցով փորձում է վերահսկել հետխորհրդային երկրները. Ջեյմս Քոյլ

«Ժամանակ». Պարույր Հայրիկյանը մտադիր է երկուշաբթի օրը հացադուլ սկսել

Վաղվանից Հայաստանի ողջ տարածքում սպասվում են տեղումներ

Անգլիայի երկնքում բախվել են ուղղաթիռն ու ինքնաթիռը. կան զոհեր. տեսանյութ

ԵՄ-ՀՀ համաձայնագրին ընդառաջ` դիմում ՀՀ իշխանություններին` ազատել բոլոր քաղբանտարկյալներին

Կիսաֆաբրիկատների արտադրությամբ զբաղվողները չեն պահպանել հիգիենայի, տեխնոլոգիայի նորմերը

Անցած 1 օրում Հայաստանում գրանցվել է 7 ՃՏՊ, արդյունքում` 2 զոհ, 7 վիրավոր