Լեւոն Բարսեղյանի զգուշացումն ուժի մեջ է. լրագրողի դեմ հարձակման դեպքով քրգործ է հարուցվել

ՀՀ ոստիկանությունը քրգործ է հարուցել փետրվարի 28-ին Շիրակի մարզի ընդհանուր իրավասության դատարանում ընթացող դատական նիստի ժամանակ «Ասպարեզ» կայքի լրագրող Անահիտ Սիմոնյանի դեմ հարձակման եւ նրա տեսախցիկը խլելու փաստի առթիվ:

Այդ մասին երեկ ծանուցվել է լրագրողը, որը հարուցված քրգործով տուժող է ճանաչվել: Տեղեկությունները մեզ հետ զրույցում հայտնեց «Ասպարեզ» կայքի խմբագիր Լեւոն Բարսեղյանը:

Վերջինս ավելի վաղ հայտնելով միջադեպի մասին՝ երկու օր ժամանակ էր տվել ոստիկաններին, քննիչներին, դատախազությանը՝ գործին ընթացք տալու համար եւ 5 օր ժամանակ՝ լրագրողի վրա հարձակվող ու տեսախցիկը խլող երիտասարդին հայտնաբերելու ու քրգործ հարուցելու համար՝ խոստանալով, որ հակառակ դեպքում անձամբ գտնել նրան եւ պատժել.

«Խոստանում եմ՝ գտնելու եմ էս գյադին ու անճանաչելի լանդշաֆտային փոփոխությունների ենթարկեմ, համարյա՝ 12 բալանոց: Հետո թող գա, լաց լինի մոտներդ, եկեք ինձ բռնեք, տարեք, փակեք: Զատիկը չի կտրում էս ուխտս: Էս ուխտս կարող է կտրել միայն էս ջահելը, եթե ներկայանա Անահիտ Սիմոնյանին, ներողություն խնդրի նրանից երեք անգամ, մեկ անգամ արտասանի Հայր Մերը, ապա ներողություն խնդրի լուսանկարչական սարքից, որին այդպես կարոտել էր դատարանի դահլիճում»,- ֆեյսբուքյան իր էջում գրել էր Բարսեղյանը:

Այսօր մեզ հետ զրույցում վերջինս ասաց, որ իր զգուշացումն ուժի մեջ է. «Շատ լավ է, որ որոշեցին ընթացք տալ գործին: Քրեական գործ են հարուցել, սպասենք, տեսնենք ինչ կանեն: Ինձ համար բարդ չէ պարզել այդ երիտասարդի ով լինելը, ես սպասում եմ՝ տեսնեմ, թե իրենք ինչ կանեն: Տեսնենք գործը անո՞ւմ են, թե՞ չէ: Ես ասել էի՝ ով իմ լրագրողին կպավ, էժան չի պրծնի: Մեկը համարձակվել է նման բան անել. տեսնենք ոստիկանությունը մնալու է իր սովորական վարքի մե՞ջ, թե՞ ինչ-որ բան փոխվելու է: Հենց պարզվեց՝ ոստիկանությունը չի կարող որեւէ բան անել, նոր ես կանեմ»,- հայտարարեց Բարսեղյանը՝ հիշեցնելով, որ Գյումրիում դա վերջին 15 տարվա մեջ լրագրողի դեմ հարձակման առաջին դեպքն է:

Հիշեցնենք, որ միջադեպը տեղի էր ունեցել «Հիմնադիր խորհրդարանի» անդամ Հրաչիկ Միրզոյանի դանակահարության գործով նիստի ընթացքում՝ դատավոր Աշոտ Մանուկյանի, կարգադրիչների եւ բազմաթիվ այլ մարդկանց աչքի առաջ: Երբ Անահիտ Սիմոնյանը փորձել էր լուսանկարել Հ. Միրզոյանին, նիստին ներկա քաղաքացիներից մեկը խլել էր տեսախցիկը՝ ասելով, որ լրագրողը պետք է թողնի ու հեռանա, չպետք է նկարահանի դատական նիստը:

Տպել
4982 դիտում

Իլ դը Ֆրանսի պատվիրակությունը հարգանքի տուրք է մատուցել Ցեղասպանության զոհերի հիշատակին

ՀՀ ոստիկանության պատվիրակությունը Դուբայում մասնակցում է Ինտերպոլի 87-րդ Գլխավոր Ասամբլեային

Վերին Լարս տանող ճանապարհահատվածը բացվել է մարդատար ավտոմեքենաների համար. դեսպանություն

Առաջիկա օրերին տեղումներ չեն սպասվում, օդի ջերմաստիճանն էապես չի փոխվի

Ես աշխատող, գործ անող պատգամավոր եմ. Նաիրա Զոհրաբյանը Սյունիքում է, շրջում է գյուղերում (տեսանյութ)

ՀՀ նախագահը իտալական ռազմաարդյունաբերական ընկերության ղեկավարի հետ քննարկել է համագործակցության հնարավորությունը

Հրդեհ բնակարանում, կա տուժած. հայտարարվել է բարդության ԲԻՍ-1 աստիճան

Հանդիպել են Հայաստանի և Իտալիայի նախագահները

Հրադադարի պահպանման ռեժիմն այս շաբաթ խախտվել է 80 անգամ, արձակվել է 700 կրակոց

Կադաստրի գրասենյակները Երևանում կաշխատեն նաև շաբաթ-կիրակի, մարզերում՝ առանց ընդմիջման

Գյուղերում տուն կառուցելու համար նոր փոխառություն կտրվի. խորհրդակցություն Կարմիր շուկայում

Ստեփանծմինդա–Լարս ավտոճանապարհը փակ է. ռուսական կողմում կա 435 բեռնատար և 172 մարդատար ավտոմեքենա

Թուրքիայում Աթաթուրքի արձանը պղծելու համար պատանիներ են ձերբակալվել

Լարսում խցանման մեջ հայտնված վարորդների համար սնունդ, տաք ջուր, դեղորայք է ապահովվել. Փամբուխչյան

Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին

Գոռ Վարդանյանն այդ օրը փրկել է ինձ. Մարինա Խաչատրյանը՝ քաղաքապետարանի հայտնի միջադեպի մասին

Լարսը շարունակում է փակ մնալ. ռուսական կողմում 400 մարդատար և 150 բեռնատար ավտոմեքենա է մնացել

Գյումրիում ավտոլվացման կետ է այրվել. մեկ մարդ հոսպիտալացվել է տարբեր աստիճանի այրվածքներով

Մարուքյան, Թանդիլյան, Բաբաջանյան, Գորգիսյան. «Լուսավոր Հայաստան»-ի 157 հոգանոց համամասնական ցուցակը

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը